權記粉麵茶餐廳

营业中

休息中

太耐冇食牛腩麵突然心血來潮想食就去咗太子權記度食叫咗個招牌崩沙腩麵啲牛腩好入味同埋好冧一啲都唔靭個腩汁都好好飲搞到我食完個麵都飲咗好多啖最正佢有玻璃樽嘅可樂飲加埋都係$52以佢嘅味道絕對對得住個價錢但唯一缺點係入店前登記電話資料時係填落本簿度可以睇到之前啲人寫嘅電話私隱問題希望可以改善到

平時喺權記一直食開牛腩麵，水準都一直非常唔錯（牛腩味道同口感都幾好）今日凍凍哋，想食得飽肚啲，就叫咗個雞扒太陽蛋飯❤️個太陽蛋煎到啱啱好，督穿佢，撈埋啲豉油汁簡直一流啲豉油汁有特別制過，甜甜哋，有少少杰身，同埋有陣好熟識嘅香料味...似係甜版嘅茶葉蛋汁，好惹味雞扒係即炸嘅，就算淋咗汁，啲皮仲係好脆，食到最尾都仲係熱辣辣🔥順帶一提呢度啲杯洗得好乾淨，從來唔會有油浮面，或者飲咖啡但入面有檸檬核呢啲情況出現。凍奶茶好好飲🤭🤭

在太子工作朋友就說一定要介紹一檔有好好吃的牛腩牛什麵給我做lunch~一試到底有何魅力~~🤔🤔🤔裝修是普通茶記的裝修枱與枱之間不會太窄，算是寬敞~~🎈餐廳提供普通中式粉麵，重點是招牌的牛牛牛~🐮招牌牛三寶粉 ($58)湯底加了腩汁，有濃郁鮮甜的牛味~~米粉吸收了腩汁，很好吃~~🍲而牛三寶就包括牛腩、牛根、牛肚~~🐮三款都真的是招牌牛~~太好吃了~~🎉🎉🎉牛腩軟淋入味還連著少許筋膜，會有少少爽口~好吃~~💕牛根口感綿綿的，充滿骨膠原的感覺平時牛根很難吸收滷汁，它卻做到了~炆得完全入味~~非常好吃~~🤤🤤🤤牛肚有毛肚和金錢肚~~都很入味~~毛肚超級入味，金錢肚則較爽口~~不錯~~😍炸鮮蝦雲吞 (4粒) ($20)皮薄，炸得很香脆，脆得像薯片~餡多，蝦夠彈牙，蝦和肉都保留得到肉汁~~🦐每粒都大大顆~~沾一下泰式辣醬~~香口惹味~🤤P.S.鄰桌的食客花了5分鐘就把咖哩牛三寶飯吃光光~我下一次要叫來試一下~~😌😌😌

呢個係我食過最好食嘅咖哩牛孖寶飯(牛腩牛筋)🤤🤤🤤牛腩肥瘦適中，入味又唔韌，份量唔少，起碼有六七舊；牛筋軟腍腍，入口即溶，其實夾起嗰陣時已經feel到好腍。佢嘅薯仔都夠腍身，而不得不提佢嘅咖喱汁，個咖喱汁真係超級濃郁，椰奶味好重，味道偏甜，但又唔會太膩，撈飯食真係一流！成個飯嘅份量啱啱好，食完意猶未盡，因為見到仲有啲咖喱汁剩低，好想加飯撈埋佢黎食！🤤🐮唔係講笑，我覺得水準真係高，會再返嚟食！

都有一排冇嚟權記食牛腩飯因為之前嘅少少改革食完唔係幾好味唔敢來，可能都有事隔年幾啦。今日一個人食午飯，就行過見到搭枱有位，就叫返個蘿蔔牛腩飯食加埋杯熱飲都係$50左右。權記終於返嚟啦！蘿蔔又甜又冇喳，牛腩一入口夠淋，而黐住D肥肉又夠香，碟飯夠晒大碟，我就真係食唔晒啦～ 杯熱檸茶啲檸檬好似唔駛錢咁，比成4-5片，我嗱嗱臨拎咗出嚟費事太苦。見到搭枱隔離嘅人，叫左午餐嘅雞扒腸仔飯嗰啲頹飯！個樣都幾正，塊雞扒好似煎得好正又大塊，有機會可以再嚟試吓

權記出咗名牛腩最好，咁嚟度就當然叫牛腩食啦，我叫咗個咖喱牛腩飯套餐連凍飲$44元，牛腩份量唔算多，咖喱味一般，而且偏鹹，又唔辣，所以我一定要加辣椒油先至食得到，因為食咖喱如果唔辣咁食嚟仲乜？白飯份量都係偏少，幸好杯奶茶挽回唔少分數

牛腩好味，夠林滑夠入味😋，招呼有禮👍🏻！等候時間合理😊！地點又好適中，去金魚街買完魚可以同埋啲朋友一齊食嘢好方便！下次會帶埋屋企人一齊去嘅，多啲人可以食多啲嘢吖嘛！

都好耐未黎過位於金魚街嘅權記粉面。呢度嘅牛腩係好出名㗎，幾乎每個入嚟嘅客人都會嗌牛腩食！各行各業都變得電腦化，權記都唔例外，職員已經改用手機apps去落單啦!今日我嗌咗個牛腩米，望落去感覺都冇上一次食咁好食。飲一啖湯，果然係...湯頭偏淡而且好多肥膏浮面牛腩分量已經冇以前咁多啦。牛味都有但係味道就一般，唔似以前用咁多香料去煮，總之味道就不一樣啦......米粉份量都係一般，其實食完都肚餓。試咗佢哋嘅辣椒油，未至於香辣，感覺一般。我對面坐左一對父子，佢地叫左咖哩牛腩飯。我見佢哋嘅咖喱牛腩飯份量都偏小，絕對唔夠男士食啦

每次去金魚街買魚，都忍不住去權記，吃一碟牛孖根飯。它的牛孖根飯雖然賣相普通，但味道十分出色，牛腩汁味散發着陣陣香料的味道，包括花椒、八角、香葉、豆蔻等，層次豐富，而牛孖根製作得相信淋滑，入口即溶。去開金魚街的朋友，不妨留肚試一試。

以前權記牛腩的確係好食，不論牛腩或放在牛腩下面的蘿蔔同樣好食，見佢最近裝修完，就去幫襯一下，食返個超正的牛腩飯，去到地方的確靚左，坐低，再叫個牛腩飯食下，一黎到見到賣相都唔同左，就開始食，點知一食就知出事，和以前的牛腩完全唔同，不論口感和味道都比以前差，之後再食蘿蔔，蘿蔔好大舊，一樣和以前唔同，以前蘿蔔炆得好淋好入味，現在變了一舊襯托牛腩的普通蘿蔔，以前的招牌牛腩飯都已經變成過去式，我今晚食完後，已經唔想再去食，心裏覺得好食的食物又少左一樣。

前排見關左門，以為以後再無得食。原來係番新左。番新左之後，價錢都無咩變，反而仲多左個下午茶粉麵送熱飲。好實惠。講返野食，我叫左個牛筋水餃河。牛筋炆得好淋，好入味! 水餃好足料，好爽口。飲埋湯都唔口乾。是次消費$38，雙拼包熱飲。

前幾日覆完診經過太子，突然好想食牛筋牛腩🙈🙈🙈所以就入左去好耐無黎既權記😆之前食過呢度既炸醬麵都唔錯，不過今日係衝住筋腩河而黎所以坐低就可以即刻叫個“筋腩河走青，凍檸茶少冰呀唔該🙌”牛腩無之前咁淋，今次嚡口左啲！但牛筋依舊咁正，有膠質之餘但唔會糊口河粉係較幼身嗰種，爽滑份量夠，男仔食一碗都夠飽🙊凍檸茶就正正常常，無乜特别啦~~不過喺度既價位都偏高架，亦無乜服務可言😅😅一碗粉連凍飲埋單要hkd49🙊但味道係唔錯既，食完滿足就夠啦

一個事忙的晚上，難得地晚上十時多還在街上流連，想起有朋友說過這間「權記粉麵茶餐廳」的出品挺不錯，便和同樣地晚餐沒吃多少東西的老婆仔來到這兒食宵夜。 雖然太子是自己經常路過的地方，但這間「權記粉麵茶餐廳」，我雖然多次經過，卻總是過門而不入，這次還是第一次來到，那就叫一碗大堆頭，大製作的「招牌牛三實河」（$43）吧！牛三寶，所指的是牛腩、牛筋和牛肚，牛筋是不錯的，膠質重，口感腍；牛肚不過不失，正正常常，我不旭形容它差，但也找不出它特別比人優勝的地方；牛腩可是最失望的，肉質未至於粗嚡，但極瘦，根本找不到任何肥的部分，完全缺少了脂膏的牛腩，試問又怎會好吃呢？而且牛味也不甚濃，確是令自己頗為失望，不過這河粉份量不少，湯底也算可以，還有大量青蔥，整體來說都算過得去。 也許，我這次是來得太晚吧，好的牛腩都已給早前的客人吃了；也許，我應該試試友人曾讚好過的牛雜吧！

金魚街是水族迷的聖地，這天陪老公購買陸龜用品後，便到這家權記粉麵開餐。老公極力推介的這家，是金魚街唯一的麵店，水準卻是同區數一數二的。街坊麵店的格局，除粉麵外也有茶餐碟頭飯，集麵店茶記於一身。老公每次必點招牌牛腩河拼雲吞($39)，肥瘦勻稱的牛腩帶一點牛脂，鬆化軟稔，牛味亦相對較濃，而雲吞則食味平平。腩汁五香味不算明顯，勝在牛味濃郁，配滑溜河粉同吃確是不錯。不好牛腩的我，選了金牌牛什河($31)。牛什份量不少，牛肚、牛肺、牛膀炆得稔滑入味，有一定水準，有一、兩片粉腸帶點苦澀，是不太新鮮之故，敗筆。兩碗粉麵搭配油菜，才不到八十元，價格實在是親民得很，不失為水族迷的開飯首選。

牛雜的鹵水五香料足味, 燘煮得夠火喉及入味，牛肚諗中帶爽、腸不太肥膩, 其他內臟處理得頗算乾淨, 沒有異味, 整體賣相感覺尚可,  而麵條都彈牙夠爽，湯底的味道夠濃夠熱, 但稍嫌略帶咸。