歌德(美式)餐廳酒吧 (已結業)

我同朋友去食飯，由8:00左右食到12:00左右，總結食物方面ok，但服務員的態度非常差…成班服務員掛住傾計，係咁舉手都無人應…一係就扮見唔到，非常失望……之前去過旺角個間，雖然細，但招呼ok,而家呢間大, 但職員真係唔得，之後有朋友講無人認，有個女人(應該職位唔低既)就笑笑口，完全無誠意，真係無下次…

又到Happy hour ,女友們又未食飯，又想玩dart,又想飲酒，又要吹⋯⋯水，要滿足女人真係唔係咁簡單，好彩我記得有間叫歌德餐廳，哥到真係咩到有，樓上係雀房，波樓,dart,樓下係睇波,飲酒，食飯等等！早到早享受，唔駛等位。我就唔係好餓，就叫左個晚餐「香草肉醬吞那魚焗意」 。連餐包同湯。想開胃，就梗係飲羅宋啦！試啖👄先，湯唔夠濃，什菜有，但可惜佢地無落牛尾等其他配料去煮，否則口感層次會再豐富D，又有D肉食下嘛。餐包是蒜茸包，正！ 但脆唔脆先， 咬落鬆脆，乾淨利落，後面枱都聽到！但蒜味唔夠濃，有點可惜。鴛鴦意粉又點呢，面層芝士焗到金黃色，咬落有口感，但芝士味唔夠濃郁，肉醬就無咩特別，正正常常，但吞那魚肉肉質粗糙不夠嫩滑，又無咩味。意粉還可以，不是太腍。最後可以+$18轉啤酒。每人消費大約$100+食物質素算係咁。食飽野過隔離玩兩手Dart先💫

在3號風球的晚上，又大風大雨，但都要食同玩架嘛，朋友想snooker一下，所以去咗歌德 18:30左右到，唔駛等位都仲有位任君選擇！始終都係酒吧，環境一定黑黑地，方便⋯咩呀嘛⋯ ，環境清潔一般，但個廁所就好似明日之後咁，水龍頭爛，廁格就無人清理⋯⋯等等，如同祖國一樣想嘔⋯算！時間關係，叫咗「韓焼薄切牛肉鉄板飯」 ，有餐湯和蒜茸包。羅宋湯不算太熱，料都多，湯唔「傑」，味道不太酸和無辣。個人接受。蒜茸包就死脆，最好就一定外脆內軟，但，現實係殘酷！蒜茸味道唔夠rich!都係唔太熱！頭盤完，正盤上。鉄板上所以賣相好吸引和整齊，好感度+1。先淋上甜甜地的秘製醬汁， 點解好似欠咗一樣咗，就係無咗「炸炸」聲和白煙💨💦💧🙀，點解？！應該又係唔夠熱？！我係唔係要入廚房呢😤返回食卓，韓式指泡菜，我不是泡菜兒女，我比咗oba食。 薄切牛肉，切入幾腍，口感豐富，不會死腍，配合秒製醬汁沾埋食，剛才的不滿已經比3號波吹走曬 。d飯被隻蛋蓋住，隻蛋是太陽蛋當然無出事，但飯就唔夠水煮，偏硬⋯但有部分飯變咗飯蕉 ！正到爆 これはヤバイっすよ、飯蕉が大好き！忍唔住要爆日文 2人埋單$200（包埋加一）算

是日帶媽媽出街街，同妹妹想帶佢食好d，屋企比較少食西餐，媽媽又驚我地破費，於是去定openrice揀一輪最後選擇呢間餐廳。我眼中要ok好食用料唔差身處旺角坐得舒服每人$150樓上是常識吧！最後每人先$120，媽媽妹妹食量唔細最後都食唔晒，你話係咪好抵?咁都要再睇埋食物質素先可以比分嘅 叫左兩個普通晚餐，有包湯主菜飲品，包係香脆蒜茸包，好似pizzahut咁好食，湯ok la唔係好特別但好飲，主菜方面咖啡牛肉薄餅份量勁多，咖哩茶餐廳口味合番香港人口味，拿茶記口味唔代表唔好食，佢係人水準嘅茶記味道，牛肉好腍仲有牛筋，夾埋落薄餅度好好味，食完可能你會覺得漏，唔怕旁邊有沙律，個sauce味道簡單得黎好味喎天使麵惹味，炒得好香，食完一啖又一啖。另外吖左一個set頭盤田螺好香蒜茸味，不過估唔到側根pet薯蓉都好食，落左牛油??酥皮湯係媽媽摯愛，我就覺得唔差左d唔夠香，主菜塊扒幾腍，叫七成真係七成，肉旁d肥肉好香牛油味，平時我唔食呢d肥野個焗薯唔知點解咩都冇落都咁好食，係薯仔品種問題??最後仲有雪糕，話知佢係雀巢i dun care唯一要批評就係服務態度，全部都唔想做冇表情講野lur，叫極都冇人黎.

我作為午餐常客，一次又一次被同三位女侍應留難，甚至乎到昨午竟然被她們要脅拒絕幫我點餐。我見差不多過了午飯繁忙時間又有兩張大枱，我一個人坐了張梳化卡位，但被她們無禮要脅我先調坐角位的鐵枱鐵椅才幫我點餐。講真如果有四位客入座，問我是否介意轉枱，我絕對樂意。原本打算自己堂食再買份外賣的，最後我到了別間常到的冰室吃，雖然搭枱，但侍應對我有傾有講好熱情，我也吃得好開心。其實這三位女侍應不只一次，大前日我幫襯時杯凍檸茶得兩片超薄檸檬和半塊檸檬皮，問她們能否加多一塊正常的檸檬時竟要向我索取五元，那我索性換過杯凍咖啡了結，餐廳就是這樣被員工浪費飲料。另外午餐一點前離座有九折，好多次她們會用十五分鐘沖餐飲再迫你三分鐘內飲完即走才可享用折扣優惠，結賬同時再企三四個客人在你前面望住你好快飲完讓枱。有次結賬放五百元在結賬簿側，被其中一位女侍應冇禮反問是我的嗎？什麼意思？有次等餐等了好耐，詢問是否漏單，我被其中一位女待應在全場裡大聲喝道邊有漏單，那我只想她幫我跟進食物，有必要大聲喝我嗎？我問心自己一直是個有禮貌唔該前唔該後的人，也不是挑剔的麻煩客，但昨天我真是忍無可忍在全場指住她們喝罵要脅我拒絕幫我點餐的行為，

cocoduck (分開兩份打！) jeng呀呀! 個氣氛好好，小食或者大餐都有，可以一班人去各取所需。我叫左個羊肋骨天梯。羊肋骨出面果層煎得好香脆，每舊都仲有癡住一塊皮，塊皮真係精髓! 好香，皮入面又好軟熟，哇。。。。。不得鳥。 佢煎到好香，所以整體有dd偏硬。另外仲有d偏鹹。 不過幾好既係無羊騷味，同埋量好多，會食到飽一飽。井字擺放既肋骨下面有薯蓉同酥皮。薯蓉我覺得入面好似有加左芝士，食落去鹹鹹地，又有芝士味道。真心好好食! 好味過kfc 果d 超級多! (利申，如果有得分開叫，我會再要多分薯蓉。)至於d酥皮就係類似酥皮龍蝦湯上面果塊，配合薯蓉食岩岩好一軟一脆，點埋小小醬，帶d味，jeng。忌廉湯都唔錯，d料都足，唔系普通餐廳罐頭忌廉，可以去試下，

返工有啲嬲，lunch 食好d 開心返先今日特別選左係CoCoDuck食lunch 環境望落去比我有一種悠閒放鬆既心情， 燥底速速散。一個lunch$ 38~80 到有我叫左個燒豬排骨配意粉 43蚊有脆脆餐包一塊，餐湯 ， 燒豬排骨，意粉同餐飲 非常抵食餐包好脆，咬口索索聲，可惜唔大塊。上餐時，原來這個午餐塊豬排骨大大塊，真係估唔到。大大塊豬排骨先塗一浸BBQ燒醬汁再拎去烤，肉質同火喉唔錯， 邊位口感香脆。切開，肉質唔會好“un”，好有口感同咬口，係肉味豐富同較挺身 而且脂肪位亦少， 唔油膩，食左都無罰惡感。意粉煮得煙煙軔軔，較為乾身，單獨食都好味。

女神搞平安夜派對，揀左我地成日去擲標既"Coco Duck"玩返晚, 貪其有得玩，又有得食 !  唔單止咁，呢樹仲係我地几個老朋友第一次相識之地，個份情意結   ，實在難得！餐廳係太子地鐵站附近，交通方便, 酒吧型式既格調，環境幽暗，地方寬敞，分上下兩層，每層都有標機供人擲標耍樂，又有TV機，可以睇埋球賽添，認真一樂也！女神訂左7點半十三位，時間尚早，客人唔多，我地特別揀返坐當年上層既長方形卡位，那份感覺，又蜂擁而上……是晚有聖誕餐、晚餐等供應，任君選擇。為食狼、女神佢地都點聖誕餐，價錢$198/位加一，有頭盤、主菜、甜品(樹頭蛋糕)等。由於我濕疹發作，食物選擇度有限，唯有揀晚餐來吃了。呢個蘋果醬豬扒晚餐，價錢$168/位加一，有薯條跟餐，豬扒大件，肉質軟熟唔會靱，點上甜甜地既蘋果醬後，感覺juicy！食罷晚餐，大家擲擲標，玩玩骰蛊，交換禮物，開開心心咁就渡過左一個又warm又平安既夜晚嘞！

晚上到太子一帶打算快速吃個晚餐，所以要選一間不用等位的餐廳。見到這間酒吧餐廳不用等位，價錢ok, 便決定一試。甫入內覺得環境清靜（因為客人不多），但好像有股奇怪的味道......？餐廳面積大，有上下兩層。座位亦算寬敞，不會太靠近旁邊的客人。酒吧的燈光較昏暗，但在微光下能見到牆上有不少掛畫，吧台對面更有飛鏢機～點了兩個晚餐：白汁桶蠔焗長通粉，加錢轉酥皮忌廉海鮮湯。肉眼扒及羅宋湯。個人認為酥皮忌廉湯頗大碗，酥皮不算太出色，但湯料非常充足！！！有魷魚仔、小帶子、青口等。加上香滑忌廉，單單一碗湯已令我有三分飽意 。然後來了肉眼扒，有厚實的炸薯塊配芥辣醬作伴碟，扒肉肥瘦適中，雖然吃得出有用鬆肉粉製作，但口感卻不會太鬆散，而且尚有牛肉味在。以這個價錢有如此質素也算值了。（外面的餐所賣的便宜牛扒，大多用過鬆肉粉去醃，所以並不意外，重點是廚師所用的鬆肉粉份量是否得宜，太多鬆肉粉會令扒失去肉味及口感。）白汁焗桶蠔通粉，蠔焗過後變得細小，但蠔味濃郁。最令人驚喜的，是蠔味滲透到通粉裡！單吃通粉也能嚐到蠔味！這才是成功的焗蠔通粉 。兩個餐埋單大約二百多，值回票價了。看到餐牌有很多特式飲品 例如花生醬咖啡

第一次參加全港歷史最悠久ga高達同好網聚。呢個聚會係誠邀高達同好於每月第三個星期日15:30 一聚。各位同好會出席個下午茶聚會，分享最新高達模型資訊。是次聚會係第七十三次。我第一次去參加呢個分享會。出席人數有四十人左右。因我要出席明年全馬比賽。所以唔可以食高卡路里ga食物。我點咗魚柳沙律餐。個餐加凍飲要$46。碟沙律用咗好多水果，橙、薯仔、火龍果、蕃茄、青瓜等。魚肉成份佔半個碟。沙律好一般，但無生菜就有不足之處。第一次見到沙律加入咁多水果。個賣相幾好。對於一個全馬選手，食水果無問題。但對其他食客就唔係咁buy。水果全部用最新鮮材料。食得出無用隔夜或過期水果。魚肉好新鮮。炸完後魚肉温度好適中。易入口。杯奶茶唔錯。同茶檔一樣貨色。個場坐滿高達粉絲，好嘈。因個聚會要先同間餐廳夾好人數。每位最低消費要$40。落完單後即時上菜。重要馬上付款。好難得下午茶時間坐滿人。個場重有電子飛標機。夜場可以做酒吧。個場好有古典味。

同男友係旺角行街, 佢話今晚想鋸扒, 又想睇英超, 諗左好多間出名既扒房, 都係冇波睇, 行到太子就俾我地見到coco duck;一入去已經差唔多滿座, 好彩仲有張門口既2人台, 雖然個位唔太靚, 但勝在多電視多角度都睇到等左半場, 三吹四請先有黎個湯, 此時男友已餓扁左....牛仔柳$138牛叫左三成熟, 煮得恰到好處, 嫩口軟林得黎唔會血淋淋, 很讚! 小食拼盤$108拼盤有炸雲吞, 龍皇鬚, 腎片, 椒鹽雞翼, 雞軟骨； 份量多但一般, 魷魚鬚仲凍凍地總括食物唔錯, 但服務一般般, 野都未食完話要全場埋左單先

coco duck, 夜晚黎飲野玩dart就黎得多, 日光白白入黎, 開頭感覺真係有少少怪怪地-3-哈哈先放開個人習慣唔講, 呢個雞肉雜菜麥西哥餅, 好味道! 好中意佢個餅, 紅卜卜咁, 好colorful, 食野除左要飽肚之外, 都係要開心姐, 佢個賣相真係好討好! 雜菜用左黑椒去炒, 相當香口, 一D都唔dry, 雞肉都好juicy, 唔錯其實個人認為食飯, 放得入口既野, 就應該有D要求, 色香味同情調一樣咁重要, 今日成餐飯, 先係個餐湯再到上正餐先至到上餐茶, 都幾有都市人忙裡偷閒既感覺, 最尾我再玩多左舖dart先走, 飯後節目都有埋,其他餐廳邊有得比

So here we were at this place for the third time but this time was something else...before we thought it was an o.k. place but after tonight....We were watching argentina vs switserland and we ordered some snack the lady who served us was o.k. but because of the bad tv quality ( maybe because of the internet streaming...) we move to the seat next to the tv.... and there it was our lovely plate with some chickenwings, fries and other deep fried snacks... it took a while but we didn't mind.. so af

呢間雖然係一間酒吧...但佢地煮既野食水準都唔錯...仲好大碟抵食...每次黎都一定會叫我鍾意既田園薯條..大大兜...都係$38...熱狗拼薯條...同埋沙律...薯條等左2個字到就黎左...其他野就耐左d..等左4-5個字...薯條係粗切..應該係用焗爐焗而唔係炸...熱狗個包就大啦,..但條腸好似細左d...個包都唔錯..係焗過...沙律個汁好似係柚子味..酸酸甜甜好開胃...叫左兩杯啤酒送薯條睇波一流..

有朋友提議去吹水飲嘢relax下，於是成班friends就约埋去太子Co Co Duck嘞！呢間餐廳好就腳，係太子MTR附近，餐廳環境幽暗，地方夠大，分上下兩層。兩層都設置左依家最hit既擲標, 任人耍樂！而最方便竟然係walk in都有位, 我地一共十一人啊！呢度既啤酒好抵飲，每支30蚊樓下，其他果汁茶擰啡等反而要廿几蚊到五十蚊左右。至於小食方面，散叫抵過叫小食拼盤，有香脆既薯條, 熱辣辣，屬厚切款。炸雞粒, 有小許辣，最惹味 。呢度亦有晚餐供應，我地成班人食左dinner至過來，所以無order到！我地hea足成晚, 吃喝玩樂，由7點至12點，都只係每人85蚊，真真一樂也!