歐意餐廳 (已結業)

依家四周圍都水靜河飛，個個都抗疫在家，最慘就係仲要返工四周走既人，想舒舒服服食餐飯都越來越困難。要搵地方大能保持安全距離，坐得舒服，冷氣夠又食物選擇多，好彩仲有歐意响附近。午餐由三十幾到五六十蚊，有十幾款選擇。三十幾蚊午餐主打肉燥飯配雞球/豬軟骨/肥牛/雞翼，雖然普通但味道唔錯。四五十蚊選擇比較多，飯/麵/pizza /漢堡/沙律都有，配搭用料同配菜睇得出老闆都幾大方。至於晚餐價格要過百既西冷扒同豬肋骨，午餐唔洗七十蚊就能夠食得到，份量同晚餐差不多。好開心呢個時期仲保持到高水準。

呢排都係WFH，唔煮飯既我都唔怕，只因住上水多選擇。一早已經拿了多間餐廳的外賣紙，等在屋企做宅男。初初每餐都會叫唔同餐廳，有些不是太咸就是選擇少，最怕就是送餐時間過久令食物質素變差，久而久之我只叫歐意外賣，原因好簡單就係好味選擇多同快到。我唔需要煩惱，這裡早午晚都好多選擇，咖哩，和風，pizza，焗飯，意粉，鐵板，蛋包飯，湯飯都有。早餐絕對要試煙三文魚鮮奶炒滑蛋同埋千島菠蘿雞肉牛角酥，這兩款岩我口味。午餐有午市快線，太約$40就可以。雖然比較普通但勝在實惠。晚餐好中意法式沙律海賊冷麵同小食炸雞翼，雖然其他都好好食，但係食冷麵沒有飽滯感。希望疫情快過，我可以出關四圍去。

為星期日的早上打打氣，上水這家餐廳地方夠大座位闊落，早餐選擇頗多，我看了一會最後來個超抵食套餐。🥢超值早餐 $25有雪菜肉絲米粉配火腿蛋三文治，還說是（細）雪菜米我跟本無法食完，味道清淡雪菜惹味。火腿蛋三文治份量十足，炒蛋滑溜麵包有點乾身。黑咖啡是蒸餾的味道算可以，不過這價錢真超值沒有要求。

見到呢間歐意，感覺成個裝修、格局同埋啲野食都好似意八，我諗都幾大機會系同一個集團。見佢平平地，就去食佢午市，佢個午市meun有15個款。pizza、飯、意粉、扒、沙律樣樣都有齊。跟餐有杯熱飲或者餐湯，重有啲小食追加，但就唔係啲咩特別野！我同媽咪就叫左個煙三文魚香草蜆肉天使麵同芝士菠蘿火腿汁千島醬pizza。個三文魚蜆肉天使麵幾大份之餘，估唔到煙三文魚同蜆肉既份量都幾多！質素都唔錯啦，煙三文魚起碼唔會腥，咁就難食極都有個譜，個蜆都幾彈牙而且冇沙。係個天使麵硬身得滯，而我自己都偏向鍾意食硬身啲嘅麵。不過呢個價位都冇得講啲咩！而個pizza就正常發揮啦，過吓口癮都唔錯。個批底唔會好乾，啲材料分量都OK，冇咩特別不過不失。食飽見佢換下午茶meun重多款，呢個價位下次可以試下先！

今日假期去上水吃飯，走了一圈上水都找不到坐得舒服的餐廳，最後就去了平時吃下午茶的浩楠飯堂開餐。我們點了一些特別一點的午餐，A21 黑松露野菌芝士焗牛肉飯 配田園蛋沙律及美式脆炸薯皇，及 A10 香煎豬扒牛油闊條麵配魔鬼蒜茸汁。薯皇炸得很香，加上茄汁非常好味。吃完薯皇吃沙律，沙律冰冰的很好吃又開胃，不過就沒有放到蛋。主菜松露野菌芝士焗牛肉飯，很香松露味加上芝士很好吃，可惜比較細碟很快就吃光。另一主菜香煎豬扒牛油闊條麵配魔鬼蒜茸汁，豬扒肉很嫩滑，蒜茸汁好吃得不得了。

上個禮拜日組隊去好朋友玩遊戲去之前我地先去食野，我地分批食我揀左呢間，真係我覺得幾好味同經濟實惠雖然唔稱得上好好味 但都很不錯呢類型既餐廳，不會太差，主打平靚正講返野食，當日我食左第一樣 豬軟骨拉麵 加 紅豆冰豬軟骨好入味 紅豆冰必點第二樣 黑椒牛肉炒烏冬 加紅豆冰黑膠味重 唔多油 紅豆冰紅豆多 但會甜d第三樣 黑松露芝士焗牛肉飯 加凍檸茶係黑松露芝士 焗 牛肉飯 我以為係黑松露飯🤪凍檸茶有少甜少冰幾好第四樣 雞中翼肉燥飯 加熱檸水鹵水雞翼都好好味 整體黎講很不錯😝會再光顧

兩老婆冇事做走左去宜家比較靜既上水行街買野，行到边边地又肚餓，就走去彩園商場搵野食，見到歐意餐廳光亮簡潔好大地方就入去試下。睇下餐牌d野食價錢比較平民又多選擇。我地點左薯茸焗帶子$ 32，帶子大大粒，薯茸好creamy，芝士同白汁比例剛好，食完唔覺好漏。老公食左牛扒芝士汁撈天使麵$ 52，牛扒大大件煎得岩岩好，唔老唔鞋口，天使麵份量多，撈芝士汁好好食。我就點左鰻魚蛋包飯$ 72，蛋上面要左茄茸汁，紅紅黃黃好搶眼，食慾大增。鰻魚肉厚燒汁濃同骨唔硬，用中上等鰻魚，冇將貨就價。我地都加左$ 22轉酥皮海皇湯，酥皮好鬆脆，海皇湯好多魚肉蜆肉湯香濃。食飽飽都係二百頭，真係好低食。

上水都冇咩好野食，係好多茶餐廳同快餐店。咁歐意就係彩園商場，食過幾次都唔係話有咩特別，不過不失啦🤪只係貪方便，有時一個人係彩園肚餓就會入黎食，同一般連鎖茶餐廳一樣。奶茶幾好飲既，我會叫熱奶茶😂不過覺得歐意可以再乾淨啲就好喇。今日叫左個公仔麵食，幾十蚊有找，咁大家黎得茶餐廳都唔好太要求咩，呢間性價比高，有時我都會落黎食個下午茶，啲姐姐又幾有禮貌，出菜快，坐低order完可能幾分鐘內就有得食😂都幾快

頭先入去叫咗個午餐A23 三文魚天使麵，由13:15落單，等到13:40，足足25分鐘都未有碟pasta! 只係嚟過杯飲品！仲要係追完又追，樓面i/c 先至知差唔多半個鐘都仲未上到菜！離曬大譜！唔係第一次入去食，今日係人多啲，但唔係最旺最多人嘅時間！點解可以咁慢?!同枱另一個客，遲我幾分鐘落單叫炸魚沙律，十分鐘左右已經到齊曬所有嘢。沙律就嘭嘭聲上到，Pasta 竟然搞唔掂?! 本來服務已經差，野食又唔掂，以後唔會再幫襯!! Blacklisted!!

鋪面幾西正, 就係咁就決定揀左呢間西餐廳醫肚嚠!入到去坐底睇埋MENU先最估唔到, 價錢相宜到不得了, 環境寬敞, 幾舒適丫。好啦好啦, 睇餐牌款式好多, 都揀左陣先決定食乜, 其中一款是特選歐意晚餐。$48煙肉蛋黃汁閣條麵成份好足料份量夠, 估唔到蛋黃汁個味都幾出, 麵條都好彈牙, $48真係好低食!!!$56咖哩汁吉列豬扒飯豬扒炸到卜卜脆, 好香口, 入面豬扒都唔係鞋。咖哩汁配料足, 唔係好辣, 好日式。

一家三口入咗上水探親，諗住求其搵間餐廳吃個平 lunch, 點知有驚喜喎，直頭可以用勝價比高尼形容！餐廳款式都算多，而且價錢超化算，講真，本身諗住唔難食已經贏咗，點知，一家三口都話味道唔錯。我叫咗個香辣牛肉炒意粉，尼到見到個賣相，心諗，三十幾蚊咁有誠意，生意真難做，真係要支持下d小店！味道唔錯，如果辣多少少就更加好。老公叫咗香草忌廉汁鮮蝦天使麵，賣相不過不失啦，但鮮蝦有鮮味，唔係梅得得，無尼味道果啲，四十幾蚊，你仲想點！仔仲慳家，叫咗個唔洗三十蚊既芝士滑蛋蕃茄生菜牛角酥配薯皇，個賣相又係得啦，吓話。料夠厚啦，小朋友食完一個已經很飽，仲有脆卜卜薯角吃。小朋友表示滿意，價錢真係好抵，值得去幫襯！後來知道親戚都成日去食。

放假一起身就食brunch , 嚟呢度有多多選擇😋😋漢堡扒蛋包飯❤️好大份😍😍有2大塊漢堡扒，帶牛香肉質結實，仲有大量燒汁，甜甜地餸飯perfect! 蛋好足料，滿滿咁包住飯，飯粒粒分明，唔會太乾👍照燒雞扒叻沙湯拉麵❤️叻沙湯同拉麵估唔到咁match! 湯底充滿椰香，好惹味😋😋雞扒大大塊，脆身肉嫩👍脆炸雞翼配雜果薯仔沙律❤️雞翼炸得香脆，有肉汁，仲有大量沙律，飽哂😻呢度價錢親民，食物又大大份，真係好抵👍

呢次應該係我第二次幫襯呢間餐廳了！但每次食都有驚喜😆上一次食係係嗰到食早餐，嗰陣就已經覺得唔錯，真心幾好食幾高質，但嗰陣就冇影到相同唔記得俾翻個feedback🙈今次俾翻！今次去咗試佢嘅下午茶，仲抵食過早餐！食物質素好好，好鬼好食，真係一試翻唔到轉頭咁款🤣唔係誇張！我屋企人都係讚不絕口的！！！而且舖面都係好乾淨，企企理理咁，基本衛生都做得好好，令到我食得好安心，如果想有個輕輕鬆鬆又高質嘅下午茶真心推薦呢間！👍

之前經過呢間餐廳門口都覺得裝修唔錯，一直都未有時間去試，今日放假總算可以試下餐廳都算幾闊落坐得幾舒服周圍環境都唔錯，如果下午茶食Tea應該係個唔錯既選擇我食既時間係lunch time稍為人流多小小，餐牌都幾多選擇下選擇困難症左一陣😂最後見今日咁熱就揀左個照燒雞扒胡麻冷麵待應服務都唔錯見我諗左咁耐都有比意見我，等左7-8分鐘就有野食個size都大份，睇落去都整得幾靚唔隨便既塊雞扒唔會太老適中，個麵加埋d配料都爽口，胡麻汁食落去好開胃，搞到食曬成碟都仲想食整體感覺都唔錯價錢都係幾十蚊，下次會再黎

身為一個資深上水居民，實在諗唔到上水境內仲有啲咩野我係未食過！直到上星期六我媽打泥：食左晏未？未就落泥歐意搵我歐意？咩歐意？一頭霧水甘打開openrice，what?原來屋企樓下有間甘既餐廳仔架咩？9秒9落到去，冇耐性既媽媽已經開始黑面，9秒9叫埋個飯，先至分心望下餐廳個環境，叫做乾淨企理，光光猛猛甘啦。我哋分別叫左吉列海蝦芝士汁撈天使面，同吉列豬扒咖喱飯。先講下2件炸物既質素，吉列粉包得好均衡，厚薄適中，冇果種一口咬落去粉多過肉既感覺。上枱既時候熱辣辣，但係唔會乾爭爭,居然仲俾我咬到小！小！肉汁，性價比算是很高了！講埋2個汁，之前係某啲茶記食過好多唔靠譜既芝士汁，見到係淺黃色但食落口冇味果啲呢.....呢個汁就唔同啦，真係食到有芝士味，濃稠度係適中，撈一撈，碟angel hair已經沾滿左芝士，唔會上下層分離，一邊勁杰芝士一邊就撈極都撈唔埋。香港茶記咖喱通常都係得個甜，可能係怕有啲人食唔到辣，呢個咖喱不過不失啦，甜得泥有一點點辣，直係一點點，very user-friendly，唔食開辣都唔怕。總括而言，作為一間街坊餐廳佢算係盡足本分，性價比不錯高，十分適合放假同屋企人輕鬆食個lun