歡喜

营业中

休息中

今晚嚟到北角呢間歡喜餐廳食個家庭晚飯，有駐場歌手唱歌，由6：30至9：30，仲可以自由點歌，我就點咗首真的愛你送俾母親大人聽。晚餐我就點了個蕃茄蟹肉忌廉汁意粉，父親點了個香煎鱸魚柳，母親點了個香煎纽西蘭牛柳，加多一個黑醋什菜沙律。每人跟一個蘑菇餐湯，樣樣都好味道，好啱胃口。新品：🥚🥚🥚🥚必点：牛扒、意粉、煎魚环境：🥚🥚🥚🥚🥚

食物味道ok。得一半客左右，我兩個人，唔比我地坐其他位置話留位比多人一齊嘅。結果一點半後仲有幾枱吉枱而一直入嚟嘅都係二人。冷氣不足，坐近窗口位熱到一路食一路流汗。我話想要杯水，幾個伙計無嘢做企晒係度冇嘢做但叫我自己去斟水。服！

星期五夜晚喺北角附近想搵個坐得舒服嘅地方dinner，行下行下就發現呢間感覺有啲vintage嘅西餐廳。當時係聖誕節前後，所以有簡單聖誕佈置，加上牆上有黑膠碟，喺入面食飯都幾有feel。晚餐有一人set，不過我覺得價錢略貴；反而單點選擇非常多，一碟意粉只係$80左右，所以我叫咗個香辣雞肉欖油意大利粉，$79仲連一杯熱飲。食落好有home cook嘅感覺，整體味道不過不失，不過無論雞肉、蒜片，同意粉份量都幾足夠，以咁嘅環境同地段嚟講算非常抵食。食食下仲有個貌似梅豔芳，聲音都似梅豔芳(而且都唱得唔錯！)嘅駐唱歌手喺餐廳中間位置唱歌，而且都有唱梅姐嘅歌仲接受在場食客嘅點唱，00年代嘅廣東歌都識。簡單食個傳統港式西餐dinner仲有歌聽，而且唔會限時/趕你走(可能因為當晚唔算滿，其他日子未必係咁)，呢點都加唔少分，所以我覺得都值得再嚟

態度差！服務差！大家可以睇返之前既comment 已經有唔少人都話服務差！ 下午茶魷魚鬚薯條$52 得三、四條魷魚鬚 其他全部薯條好聲好氣問個侍應 得咁少唔合理喎佢一句話下午茶係咁 佢話入去問下廚房但行開後就走埋一邊無處理過之後一直叫極唔應 當啲客無到叫咗好多次就叫同事出黎頂終於過到黎 都態度照舊惡劣堂堂一個經理？ 服務差到咁係咪做生意？價錢已經唔係重點係服務唔得！#態度差 #服務態度差 #服務態度極差 #北角 #北角美食 #北角碼頭

歡喜 📍：北角琴行街21-23號港濤軒地下1-2號舖🚗：北角地鐵A1出口 步行3分鐘📞：+852 3619-4600💲：~HKD140/head for dinnerFood quality❌：二人餐 總結：😨我食過觀塘分店覺得唔錯 但今次嚟食北角分店真係超失望 😨二人餐包凱薩雞肉沙律🥗同是日餐湯 主食三選一揀咗牛肉眼扒 三款意粉揀咗鹹蛋黃卡邦尼煙肉🥓意大利粉+是日甜品及飲品 共$358 有優惠$286 如果好食嘅話幾抵食 可惜…..😨連中規中矩算不上 某啲頗難食….🤔唯一讚係氣氛算幾好 有個叔叔由頭到尾都係度唱啲超懷舊歌 雖然唔算好聽 但算頗有氣氛🫡

喺北角返咗兩年工，呢一間係我同同事經常會揀嘅餐廳，雖然對於一個lunch嚟講都偏貴，係我哋間唔中都會嚟。原因係佢嘢食唔差，環境清靜座位夠晒闊。同埋唔會需要排好耐隊。講下我經常會嗌嘅泡菜雞肉烏冬。泡菜的酸辣風酸度恰到好處，並不過於刺激，反而帶有一種令人開胃的效果。不過雞肉就會有少少冰鮮味。烏冬麵有嚼勁，吸收了泡菜和雞肉的汁液後，帶有一絲微辣和酸甜的回味。另外佢之前會有慢煮雞胸意粉呢個我都超級推介，但係唔係經常有。

二次到訪，上次食下午茶，今次食早餐。依然係冷氣唔夠，空氣唔流通，一路食麵一路滴汗。上次食下午茶無得叫咖啡機野飲，今次食早餐又話無，個咖啡機唔通只係裝飾用?【 香脆雞扒配煎蛋出前一丁 】 $44 菜名係香脆雞扒，但係浸左落碗麵到，煎到幾脆都無用啦，建議佢可以分開上，唔好浸淋塊雞扒。凍奶茶好淡，又無得飲咖啡機個啲咖啡。【 香脆雞扒配炒蛋﹑茄汁豆﹑厚多士 】 $44 賣相幾靚，今次睇得出係脆雞扒，厚多士夠香軟，整體感覺依個餐比較好。完！

🔍 歡喜📍 北角琴行街21-23號港濤軒地下1-2號舖📝  ★★☆☆☆  👎晏晝時間同朋友係北角路過，見到門口好大個牌寫有Lunch Set，同埋望入去見到環境好似唔錯，就入去試試。但坐底左發現冷氣唔夠，空氣唔係好流通。今日已經天氣唔熱，落左一日雨，氣溫應該係廿幾度，都覺得好焗促，如果外面三十幾度高溫咪比佢蒸熟。【 香辣蒜蓉雞肉意大利粉 】 $64賣相都OK，但食落只有辣味。欣賞佢份量唔少，但意粉煮過龍 好淋好易斷。同埋成碟意粉好濕，可能係我誤以為係炒意粉。另外，我想嗌杯Mocha飲，佢話無，但係奇怪見到佢有咖啡機。完！

母親節當日一早預訂咗呢間北角新舊交替嘅裝修、悠閒舒適嘅西餐廳食飯慶祝有北角舊時代嘅畫做牆有駐場歌手逢星期二至六唱歌，今日母親節加開特別場，為我媽媽帶嚟開心嘅一晚👏假期都依然有Happy Hour，問咗可以幫襯一枝酒免一枝開瓶費 就開咗枝阿根廷嘅Chardonnay $188好開好飲，唔會太酸，帶檸檬、梨嘅香氣頭盤：雜果蝦沙律正常發揮，沙律菜新鮮餐湯：蕃茄蟹肉湯超濃蕃茄蟹肉一絲絲白色，落咗唔少意粉：蕃茄肉丸意粉肉丸有4粒，意粉淋咗少少，蕃茄汁偏乾令意粉上唔到味意粉：蜆肉蒜茸辣椒意粉非常香，少辣，蜆肉都多嘅，意粉質地剛剛好，而且有濕度，好味過蕃茄肉丸意粉主菜：澳洲西冷牛扒一上枱就好驚豔，大大塊牛扒，不過叫咗五成熟變咗7成以上，有肉汁但肉質鞋少少主菜：比目魚柳魚肉好滑，一定要跟埋個汁一齊食先正配菜都好出色甜品：抹茶慕絲蛋糕細細件幾啖食完，份量啱啱好甜品：朱古力慕絲蛋糕非常濃郁朱古力味，而且好滑雖然食物平平，但係環境舒適，又有人唱歌娛樂，加上價錢平，免加一，成餐飯計埋都係$ 200一位，抵食

午餐同屋企人食，叫左個壽喜燒雞扒飯、一個吉列豬扒蕃茄烏冬。 壽喜燒雞扒飯既雞扒夠厚身，汁既甜度適中，面頭仲有少少脆既紫菜絲，呢個配搭非常好。吉列豬扒蕃茄烏冬都好味，烏冬爽口，吉列豬扒炸到脆卜卜，好香口，唯一可惜係炸得有點太乾，冇乜肉汁。

好貴但平凡到呢。好似成$80的午餐牛柳，夾埋細過一個拳頭，叫5成比7成以上，肉質真係好一般，個黑椒汁酸酸的，又冇配菜。炸雞就好正常，夠熱夠脆，粒肉細囉。佢頂龍叫茶記，但只得咖啡奶茶檸水檸茶囉，好唔掂，鴛鴦華田等都冇，想點。隔離左右叫顯粉麵個樣都正常。無八達通又唔係門口貼告示，啲客放低張單，之後出去㩒錢再返黎，嘥晒啲時間，大佬lunch hour 要趕返公司嘛。都仲要爆，等位，晚餐要$400位，真心唔會試。

今日同朋友下午2:24分去左呢度。諗住靜靜整地傾吓計，食下午茶。叫左個下午茶蝦沙律。叫得沙律其實都係想食得健康啲，已經問定個沙律有冇醬，侍應有禮貌咁話都有醬嘅，叫佢另上，點知嚟到原來係天婦羅炸蝦🍤（未食過，唔知有炸蝦，個menu 只寫蝦），都算。佢啲菜上面啲蘋果提子勁大pat沙律醬，好似唔駛錢咁。落單嘅時候已經同侍應講醬另上，但係侍應又無提我哋就算醬另上都好，蘋果提子其實都已經一早有醬。一句講晒即係醬另上都冇用。😅然後我就拎咗一杯水洗走晒啲沙律醬。太肚餓冇到影相。第二個位失望係，叫咗個下午茶餐——牛油果多士。唔講啦，睇相啦。呢個咁嘅牛油果「醬」多士，加一杯熱檸茶42蚊。真係「直升機」——即係「伏伏伏伏伏伏」。不如食普通茶記算。仲要食到3點幾，侍應係咁收我哋啲碟，去到3:30侍應直接同我哋講因為出便有八人等位，所以介唔介意我哋埋單。其實只係坐左一小時十分鐘，就要被人趕走。星期日出街食，其實都係想悠閒啲，但最後唔能夠坐耐啲傾計，真係食個M 記都好過佢。呢度環境尚算企理乾淨，侍應尚算有禮，但係食物咁樣同趕我地走真係唔會有下次。🥲真係唔好問點解港人鐘意北上消費。🙏🏻🙏🏻凡事必有因。

Went to this resto discovered by my dad several times, and it has become one of our frequently visit restos😂. .During our first trial, I got Spaghetti with Squid & Clam in Garlic Olive Oil, my dad ordered Baked Rice with Pork Chop & Pineapple, my sis had Spaghetti with Mixed Mushroom in Cream Sauce and my mom got Sweet Corn & Avocado Ranch Dressing Salad.For my Spaghetti with Squid & Clam in Garlic Olive Oil, the spaghetti smelled aromatic with the garlic olive oil. The squid was huge and chewy,

今天晚上有活动，要早点吃晚餐。经过这里看到有位置，就进来了。选了个两人套餐，价钱不贵358元，不加一，内容还挺丰富的，有浓郁的番茄湯，一大盤豆付麻醬萨拉，两个主菜一个是香辣海鲜意大利面，另一个肉眼扒，雖然有點柴，但這價錢，也不能太要求了。😜🤪还包了甜品，兩塊蛋糕和两杯饮料。食物还没上桌，就发现了额外的惊喜，原来是有歌手驻唱，一开始唱歌，就觉得非常有水平，女歌手很可爱的样子，唱的歌都是比较旧的流行曲，都是我喜欢的，今天真是发现新大陆。一边吃晚餐，一边听歌，賞心樂事也，听歌之外还可以点歌，我看到很快就座无虚席了，很多顾客都是捧场客，看来我也可以加入捧场了。🤗🤗🥳🥳这里的餐饮价格是蛮实惠的，坐得也很舒服，再加上可以边吃饭边听歌，那更是性价比高，我的晚餐饭堂又多了一个选择。 🤗🤗

氣氛好，有註場歌手！食物份量大，以open rice訂位有8折優惠。我們一行五人，訂購兩份二人餐及一個單點pizza 餐。當日星期六註場歌手Gary 聲線平均，水準平穩！