歡喜

营业中

休息中

經過北角見到內部環境幾靚，決定同朋友入嚟撐吓枱腳，竟然比我發現間咁好嘅餐廳🥰我地叫左個二人分享餐再加一個pizza，真係好餓🤣 另一方面係佢價錢好抵，最後買單都只係453👍👍🥢雞肉沙律🥗 餐湯（麵豉湯）估唔到佢二人餐入面嘅沙律係咁大份又足料既雞肉沙律，上面滿滿嘅芝士碎，係好好食又好靚適合打卡嘅沙律‼️🔥餐湯就普通，不過西餐跟麵豉湯真係好有趣😂🥢澳洲牛肉眼扒我地叫左五成熟煎得啱啱好，肉質好嫩，但係略嫌較淡味，不過配上烤大蒜同少少配菜，都唔錯👍🥢鹹蛋黃卡邦尼意粉一見到鹹蛋黃就忍唔住要食🤣 果然係最出色！上面滿滿的鹹蛋黃醬下面仲有一粒粒嘅鹹蛋黃，惹味香濃，一啖接一啖停唔到🤤🤤🥢芝士辣肉腸煙肉薄餅薄餅唔大，係薄脆批底，好好彩如果唔係我哋真係會飽到傻左😂 啱啱焗出嚟嘅時候超級香，辣肉腸同煙肉好多，芝士亦都味道夠重，整個配搭十分完美😍梳打類特飲唔錯值得一試，二人套餐裏面嘅甜品我覺得係最一般，普通嘅藍莓慕絲蛋糕🤏整體而言食物有8.5分，性價比有9分，好推薦😍😍

今日約咗兩個閨蜜聚一聚，原本打算去銅鑼灣，但其中一個閨蜜龜速咁出嚟，結果我哋就去佢公司樓下搵佢，佢就叫我哋去呢間歡喜集合。好彩入到嚟仲抓得住Happy Hours嘅尾巴，Suntory生啤只係$38，仲可以優惠價配小食，我哋當然唔會錯過。粗薯條配黑松露醬估唔到份量勁多，黑松露醬都大大兜，勁香勁好味。蜜瓜風乾火腿串係其中一樣我認為性價比極高嘅小食，一碟總共有四串，每串都有兩片parma ham同兩粒蜜瓜，食起上嚟夠晒方便，而且份量極多，真係勁勁勁抵食。然後我哋就叫咗個二人套餐，餐湯係麵豉湯。除咗湯仲有沙律，冇諗過跟餐嘅沙律係大大碟嘅凱撒雞肉沙律，份量簡直係主菜嘅size，而且仲有超多雞肉，好彩我哋係三個人分，先勉強食得晒。主菜我哋揀咗澳洲牛肉眼扒，伴菜仲有蕃茄、黃瓜、薯蓉同原個焗蒜頭，牛扒又係大大塊。牛扒入面嘅肉仍然保持粉嫩。另一值得推介嘅係鹹蛋黃卡邦尼煙肉意粉，卡邦尼意粉加入鹹蛋黃之後就更加香同色澤更加金黃，煙肉經過微微煎香之後就更有鹹香，整體嚟講係食唔停口。跟餐可以半價轉特飲，我哋當然唔會錯過，呢個士多啤梨益力多奶昔充滿士多啤梨香，而且打得夠香滑，大人小朋友都咁啱飲。青瓜青檸梳打就非

見到這間有平價2人晚餐所以來試，星期六當日剛好生日所以在openrice訂位時標生日，結果到場後店員們由開始到結帳都一直講生日快樂覺得有點害羞 但她們都好nice。上甜品時還點了蠟燭和唱左幾句生日歌，芝士蛋糕好食。各dish都好大份，沙律好味，意粉有鹹蛋香，牛肉眼點了5成熟但覺得都熟了一點，可能油脂不多或要再點生一點。openrice訂台還有套餐8折，開心。

平時觀塘放工搭船去北角既時候都會路過”歡喜”成日都想搵個機會試試佢 餐廳環境好闊落舒適佢地2人套餐 性價比好高$328 有齊沙律、餐湯、前菜、主菜、甜品、飲品仲唔需要加一是日餐湯係蕃茄雜菜湯 跟餐的凱撒沙律份量係我食過 份量最多又最足料的沙律!大大的一盤 每塊沙律菜都沾到沙律醬之餘爽脆新鮮 沙律仲有好多雞肉 都好好味主菜方面揀左澳洲肉眼扒肉眼扒同樣份量十足 厚度有大約大半吋但火候控制得剛剛好 外皮焦香 肉質keep住軟腍另外揀左鹹蛋黃卡邦尼意粉意粉貌相好吸引 意粉掛哂汁但又唔會好似一般卡邦尼意粉咁膩雞翼配牛油果醬及酸忌廉雞翼香脆 辣辣地酸酸地 幾特別可以半價優惠叫非酒精飲品叫左凍Cappuccino 同熱情果白茶益力多飲品同樣好出色😋整體來講 性價比真係好高 食物出色有誠意👍🏻

平時lunch超多人食，同事都好鐘意係呢度食飯，今日就食下佢嘅晚餐，一樣咁出色！.鋪頭外面嘅霓虹燈招牌打卡好靚，點知鋪頭入面嘅裝修仲更加靚！仲有唔少懷舊擺設同打卡位，彷電影院嘅corner 好靚呀晚餐有好抵食嘅2人餐，OpenRice 訂坐仲有8折架，折完都係2xx， 唔止價錢抵連份量都好大！頭盤嘅凱薩沙律，完全估唔到佢咁大份，而且仲好足料，有乾果、杏仁，仲有雞肉，調味仲啱啱好！美式厚切豬扒配蘋果醬擺盤靚到不得了，蘋果醬好清新，配豬扒食真係好夾，配菜唔洗多，份量啱啱好而且整得好好味！厚到咁仲好嫩，咬落去會爆汁！鹹蛋黃卡邦尼意粉估唔到咁都好好味，咸蛋黃嘅沙沙同卡邦尼嘅滑溜互相衝擊下真係有新火花，大推！二人餐甜品墨西哥雞肉沙律；因為估唔到跟餐份沙律大到咁，唔小心再多點左一份一模一樣咁大嘅沙律，仲都要再講多次，啲沙律真係好好味，無論調味定配搭都好用心，真係好推薦！仲加多左份炸魚薯條，薯條係超脆皮有調味嘅薯條，連魚炸得啱啱好，一啖接一啖真係停唔到！

外面下着傾盆大雨，坐喺餐廳窗邊望住街景另一番風味！餐廳樓底非常高，充滿空間感！在北角很少餐廳會有咁舒服嘅空間⋯⋯非常享受📍📍歡喜📍📍Happy Hour 🍻 生啤配小食金+黑金裝香氣芳香，黑啤味道濃郁！加起來相當絕配⋯⋯炸魚薯條🍟炸魚非常香脆，配以鬆脆的粗薯條🍟送啤酒一流⋯⋯蜜瓜風乾火腿串蜜瓜甜美多汁，配以風乾火腿超夾！餐湯忌廉湯非常濃郁又香滑⋯⋯凱撒雞肉沙律🥗雞肉份量非常多，肉質多汁！沙律菜非常爽脆！每一片沙律菜都沾上凱撒沙律醬汁！超正⋯⋯美國厚切豬扒豬扒超厚而且勁多肉汁，烹調得啱啱好，非常鮮嫩，配以蘋果醬汁能夠帶出豬扒嘅香氣😋鹹蛋黃卡邦尼煙肉意大利粉見到已經好想食🥰賣相好靚！每一條意粉都沾上鹹蛋黃卡邦尼醬汁，非常濃郁😋惹味！朱古力Oreo冰沙賣相超級靚仔！而且朱古力味好濃郁！雜莓乳酪冰沙酸酸地帶有雜莓香氣！應該用唔少新鮮嘅雜莓製成！睇得出每一菜式都用心製作！甜品作為一餐美滿的句號⋯⋯🥰📍歡喜這間餐廳無論食物質素和服務質素都相當高⋯⋯氣氛一流⋯⋯

二人分享 ($328)*openrice 訂座$263二人餐前菜包咗餐湯同凱撒雞肉沙律🥗餐湯係牛肉蕃茄雜菜湯🥫，非常之真材實料，飲到好多雜菜粒外，亦都有牛肉粒，酸酸甜甜非常開胃🤰🏻而凱撒雞肉沙律更加係臥虎藏龍🐉，就咁睇就feel到佢好大盤，但原來底下面全部都係雞肉，而且煮得好滑嫩，配埋小蕃茄、沙律菜同芝士🧀真係100分💯主食方面就係三選一，有澳洲牛肉眼扒、蘋果醬厚豬扒🍎同香煎𩶘魚柳🐟我哋就揀咗肉眼扒加5成熟🥩，不得了肉眼油脂感好重，juicy得黎夠軟腍，而且好重牛味，真係會食唔停口，完全唔覺得heavy🤤💕 另外仲有三選一嘅意大利粉/飯🍝，包括辣雞意大利粉、鹹蛋黃卡邦尼煙肉意大利粉、同埋肉丸闊麵，我哋就揀咗鹹蛋煙肉意大利粉，煙肉份量幾多🥓，而意大利份同鹹蛋醬出奇地夾，整體幾特別亦都易入口✅而是日甜品就係芝士蛋糕同咖啡蛋糕☕️，芝士蛋糕偏實身，都好重芝士同忌廉味🍰而咖啡蛋糕本身唔算好濕潤，配埋cream同朱古力醬食，味道就更加豐富🍫飲品本身包茶/咖啡，而叫無酒精飲品有半價，所以我哋叫咗朱古力Oreo沙冰同雜莓乳酪沙冰 (各+$17) 🍧兩杯都份量好足，Oreo沙冰真係冇得輸，仲有兩枝朱古力

喺附近Staycation 近近哋唔知食乜好之際就見到呢間餐廳見到menu都ok所以就入咗去食喇其實二人晚餐真係幾抵食 不過因為我地食左lunch buffet 無好餓 所以就叫左一人晚餐再加小食喇chill 一 chill先金＋黑啤 兩者加埋又有麥味又唔會太苦紐西蘭肉眼扒(五成熟)個牛扒煎得啱啱好又唔韌 最令我回味嘅係個醬汁 喺bbq醬味黎架！薯條好新鮮香脆🍟小食：雞翼配牛油果醬雞翼本身已經有啲醬汁酸酸甜甜好醒胃再加埋牛油果醬又係另一種風味摩洛哥雞肉沙律個人認為全晚最精彩就係呢盤沙律顏色豐富之外 材料都好多元化 有牛油果乾果 紅莓乾小蕃茄南瓜雞肉等等 口感豐富又有營養價值 大推👍🏻👍🏻👍🏻菠菜瑞可達芝士雲吞伴哥根蘇拿忌廉汁呢度有位女職員都非常殷勤 時刻留意住每一枱有咩需要 值得一讚

今日搵食來到北角 搵到呢間有多國菜式的西餐廳 佢都算坐得舒服😌 而且選擇都幾多😆 真係歡喜啦！ 我哋叫咗二人餐$328 南瓜湯🥣 啲湯好Creamy, 甜甜地😋 凱撒雞肉沙律🥗啲沙律菜好新鮮 撈埋沙律醬及芝士粉一齊食 又好食又健康🤗 美式厚切豬扒配蘋果醬個扒勁厚 勁大塊 真係分量十足😄 香辣雞肉欖油意大利粉🍜少少辣 夠晒野味 雞肉好入味 意粉軟腍適中 有水準👍 再加咗兩個小食😋😋 🍴高興雞中翼配牛油果醬$49 算啦係正常發揮嘅小食🤗 🍴哈密瓜風乾火腿串$49哈密瓜配火腿係最佳嘅組合 味道超級夾 我想食咗好耐㗎😋😋 假期前夕 我叫咗杯特飲 獎勵吓自己😆😍😍我朋友就叫咗生啤🍺 慢慢嘆🤗🤗 🍹士多啤梨益力多奶昔 改餐飲加$17 🍺Suntory 生啤$38 最後再嚟多個甜品 🍮 完美的一餐！ 🍰甜品有芝士蛋糕 🎈歡喜 (北角)北角琴行街21-23號港濤軒地下1-2號舖kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger

呢間餐廳好近地鐵站，又近北角碼頭附近，環境都好信，地點好好。價錢都非常便宜，唔收加一，店員嘅態度都好友善，服務態度好好。我哋叫咗個二人餐，再加其他小食，就已經夠。呢個係芝麻豆腐沙律，沙律非常新鮮，加上芝麻醬，成個感覺好友田園嘅清爽，好適合夏天食用。士多啤梨益力多沙冰，都好好味，酸得來但有好香濃嘅士多啤梨味。蟹肉忌廉餐湯，非常之美味，好多蟹肉喺入邊。哈密瓜風乾火腿，食落去好清甜，啖啖肉，好有青新嘅田園感覺。海鮮意大利飯賣相靚，亦都用料豐富，味道都好香，海鮮都好新鮮。Oreo沙冰都好好飲，賣相都好靚。黑松露薯條香脆，同埋有好香濃嘅黑松露醬。好好食。好友墨西哥風味嘅雞翼，配上牛油果醬，味道好特別。有少少辣，又有少少好清新嘅水果香味。澳洲肉眼扒，好香勁牛味，入口即溶，煎得好香脆。香濃朱古力蛋糕，好好味

放工同朋友黎北角搵食，呢到好近北角碼頭。店舖裝修感覺幾舒適，職員態度都唔錯。餐牌上有好多選擇，亦有標示唔同辣度。首先黎左兩杯野飲。朋友飲藍莓乳酸梳打，我就飲無花果檸檬梳打，酸酸甜甜咁幾好飲。松露雜菌意大利飯。松露味好香，意大利飯既熟度岩岩好，飯唔會太生亦唔會太淋，而且口感好creamy。雞中翼配牛油果醬。雞翼有點juicy，唔會乾身，食落有點酸辣味，配牛油果醬有少少中和味道。冬蔭公大蝦扁意粉。呢個有啲偏辣，濃濃冬蔭公味配酸酸甜甜既車厘茄，另外大蝦肉質都算厚實。美國厚切有骨豬扒配蘋果汁。原本餐牌上寫可以揀黑椒或蒜蓉汁，但職員話只有蘋果汁（蘋果蓉？），豬扒肉質比平時食既豬肉軟淋，配甜甜既蘋果汁味道幾特別😋流心蛋焗啡菇。啡菇好有水份，流心蛋上面放左芝士，十分惹味。

環境5分：港式西餐廳格局，地舖好大，樓面好高，啲位分得好開，啲歌勁啱聽，可以畀滿分。衛生5分：地方非常之乾淨，衛生一樣畀滿分。服務5分： 兩個女服務員都好friendly，落單爽，上餸快，又會自動添水，都係滿分。味道4分：1)      日本京都Suntory生啤全部同價，新潮金加黑好清爽。2)      是日餐湯係煙肉白豆湯，熱辣辣，豆味好濃。3)      日本芝麻汁豆腐沙律比較特別，沙律好爽好新鮮，個麻醬甜，兩個人share食都足夠有餘。4)      鹹蛋黃卡邦尼煙肉意大利粉要撈埋鹹蛋黃一齊食，個意粉醬汁好食，意粉煮到煙煙靭靭，煙肉粒份量都多。5)      十安士澳洲牛肉眼扒一上枱以為煮得好熟，但切開一半見到啱啱好medium，份量大大塊，伴碟嘅蕃茄蒜頭薯仔都非常嘢味。6)      甜品芝士蛋糕唔太甜，好light。抵食5分：二人套餐有湯，有沙律，有牛扒，有意大利粉，有甜品，$308唔使加一，抵食一定畀滿分。

放咗工同事話要帶我去食好西，入到嚟好似去咗一間懷舊餐廳咁，裝修好有復古風，睇裝修我仲以為係一間中式茶餐廳，睇Menu時先發覺原來唔係😆見到有二人餐而且價錢都幾抵，所以我哋就揀咗！是日餐湯：蕃茄雜菜湯酸甜度適中，材料都幾豐富🥣日式芝麻汁豆腐沙律：分量都幾多，豆腐滑捋捋同埋豆味好濃，沙律菜好爽脆鮮甜，平時食沙律最驚唔夠醬，呢度就係絕對冇呢個問題， 胡麻醬酸咪咪非常開胃🥗澳洲牛肉眼扒(10oz)：牛扒肉味濃，五成熟切開見到帶有粉紅色，入口肉質唔會韌！ 配料竟然有烤過嘅原隻蒜頭，蒜頭烤過後帶有辣味又唔會嗆喉，一啖牛扒一啖蒜頭😆對於鍾意食蒜頭嘅我非常有驚喜🧄蕃茄菠菜芝士雲吞：菠菜蓉混入芝士餡，芝士味好濃郁，但仍然保留到菠菜嘅味道！配上酸甜嘅蕃茄醬，配搭一流！望落去份量好似唔係好多，但其實非常飽肚！洋蔥煙肉流心蛋焗啡菇：表層微焦嘅芝士搭配上洋蔥、煙肉仲有流心蛋，啡菇厚身菇味濃而且好juicy❤️Suntory生啤(金+黑)：集合咗金啤嘅清爽同黑啤嘅濃厚香醇，飲落層次更加提升🍻士多啤梨益力多奶昔：同事話汽水無益！士多啤梨含有豐富維他命C配埋乳酸菌豐富嘅益力多當然係健康之選！酸酸甜甜，開胃又美味！食物味

Bad Weather•Good Vibe 套餐 $308 包兩個主菜, 一個沙律, 兩碗湯, 兩杯嘢飲, 甜品沙律係豆腐+芝麻醬，好大份，勁多碗湯普通，有啲濃郁主菜選左- Salty Egg Carbonara🍝 鹹蛋黃味好重，好大份，食完都幾漏架- AUS Rib Eye Steak🥩 又係大大件，我嗌咗五成熟，啱啱好- 另外加左 Chicken Wings🥘總共有五隻炸雞翼，好香口性價比高•簡單西餐•方便就腳·適合傾偈聊天服務周到

There have been many good restaurants in North Point recently. And we want to have a chill dinner so we select a café. The restaurant is big and chill, it is an excellent place to chat with friends during a lazy holiday. We order set dinner Pan fried daily fillet with Tom Yum style sauce, some side dishes honeydew with Parma ham, Truffle fries, main dish Crispy honey orange glazed salmon and a special drink chocolate. All the food is made per order, the fries are perfectly fried, and we keep on