歡喜

营业中

休息中

路過北角 想舒舒服服食嘅lunch~ 見lunch menu 都好豐富 選擇多多！多款意粉 烏冬 都好吸引今次我食韓式牛肉拌飯 辣辣地好開胃啊！而我主要係因為餐廳夠舒服！餐廳有音樂 慢慢坐~ 坐窗邊有d太陽真係好嘆

有朋友介紹所以好興奮入去，點知換來失望，早餐時間叫左豬扒公仔麵，個豬扒唔多熟同勁乾有酸酸地味，同店員反映就話熟左啦就完左無諗住換比我，咁令既裝修野食咁既質素實在浪費

去北角搵嘢食見到比較多評論又有懷舊特色裝修，即管一試。 餐廳位置非常方便，有不少打卡位，牆壁上畫了北角邨及用了不少黑膠碟 戲院相機等做裝飾，昔日懷舊戲院感覺。 今次經openrice訂座二人套餐8折點咗兩份，頭盤 雞肉凱撒沙律份量足夠二人， 意粉我哋揀咗鹹蛋黃卡邦尼煙肉意粉和香辣雞肉意粉，兩款味道都煮得很好。 主菜我哋選了牛扒五成，師傅手藝很好做得不錯， 斧頭扒豬扒配蘋果醬比想像中好吃有點驚喜。 仲有跟餐甜品 抹茶慕斯蛋糕及芒果慕斯蛋糕，味道正常。額外點了的烤雞青醬薄餅反而帶點鹹味，但好在薄餅夠脆。整體食物味道都不錯價錢又經濟。。此所係有誠意用心製作食物的小餐館，希望大家多啲幫襯支持。

💁‍♀️💁‍♂️16/9/2022(Fri), Dinner🍽今晚A先生🙎‍♂️帶左我🙎‍♀️黎左呢間懷舊戲院風既Fusion餐廳食晚飯🍽~一入門口右邊👉既位置~放置左個好舊式戲院📽先有既"即日 TO-Day 放映"既標誌~感覺好得意~好似置身係舊式既戲院之中咁🤩~然後再行前少少~會見到好幾部舊式hi fi 音響📻~仲要係放卡式帶📼果種~即刻走埋去係咁望下呢D"古董"😆😆😆~而牆上亦都有大大細細唔同既舊式相片📸~同舊式既黑膠唱片💿~極具懷舊既風格!👍👍👍今晚我地order左：※ 《二人分享餐》（openrice預訂價$263）是日餐湯今晚既餐湯係煙肉薯仔湯🥔🥣，入口都好creamy好味😋。♡凱撒雞肉沙律🥗份量十足👍，醬汁比一般既濃稠少少，沙律新鮮而雞肉又唔會嚡熠熠👍。開咗胃口可以迎接之後既主菜。❤♡主菜三選一我地揀咗澳洲牛肉眼扒(10oz)🥩要medium上枱都做到，塊扒都煎得香口。伴碟有蕃茄🍅、薯仔🥔同蒜頭🧄，賣相絕對唔差。♡意大利粉/飯我地揀咗香辣雞肉欖油意大利粉🐔🍝，本來以為都唔會太辣，結果上枱都煮得好香口😍，辣得嚟夠惹味🌶，令人一口一口係咁食😋。♡是日甜品係兩件小小既蛋糕，正正常常無乜

去過幾次，冇令我失望過，sorry冇影到相，食物高質，環境乾淨，服務正常，佢而家好似有推抗疫外賣餐，我好擔心佢捱唔住我少左個飯堂，忍唔住比個comment，2個人食，主菜加野飲，都係169 only

星期日早上11:00去食嘢，3個人（2大人1個6歲細路）被同事A安排坐4人檯（由2張細檯拍埋組成）睇睇吓餐牌，同事B走過嚟同我講，你哋3人如果一陣人多，我哋要棟返塊膠板，分返開兩張細檯，即係只比一張2人檯我哋3個坐⋯ 但當時餐廳入坐率約50%（朝早11:00，我哋食完埋單都未到你繁忙時間啦😂）咁本身3人坐2人檯我已經覺得唔合理，啲嘢食嚟到都唔夠位擺啦😂老實講繁忙時間我可以配合嘅，快快脆食完就走。但當時一半都係吉檯，其實你多人先出聲啦，嫌個客阻埞咁😂同一位同事B，lunch menu我話想要咖啡佢話無（但Menu明明寫住可以用半價order正餐牌嘅飲品，正餐牌係有咖啡嘅）🤷🏻‍♀️咁佢話冇，我哋就叫咗Menu上有嘅奶茶，之後再問另一位同事，佢又話可以俾我哋叫咖啡🤷🏻‍♀️

最近發現嘅新餐廳，居然免加一服務費仲要開飯有折，緊係趕緊試試餐環境清靜，乾淨，優雅，港式6點鐘到都係得一枱客，直至我地食主菜先有5-6枱客，氣氛唔錯Happy Hour 3-7pm，叫杯啤酒或紅白汽酒有優惠價，呢杯Suntory金生啤$38可以另外＋$35加配小食，我地加左墨西哥粟米片配牛油果醬另外加左經典炸魚薯條餐湯係蕃茄湯，濃郁，酸甜沙律係凱撒雞肉沙律，雞肉唔少，凱撒沙律醬幾唔錯，沙律菜新鮮鹹蛋黃卡邦尼煙肉意粉，份量十足，味道到位，唔會過鹹，而且有啲中或蔥粒配搭，非常夾美式厚切豬扒伴蘋果醬一樣高質，切開Juicy，肉厚，唔肥，味香甜品有朱古力蛋糕，香滑濃檸檬慕絲蛋糕，酸甜平衡，輕盈又免加一，又有二人餐8折，仲有Happy Hour 優惠，去邊度搵！？食物質素高，環境幽靜，但地點屬港島市區，真係邊度搵到呢！？

歡喜大家都想，但不是必然的。學特首話齋，以結果為目的，歡喜的背後是很多認真付出。星期六晚以為這裡較少人，但事與願違，來光顧的人不少，服務就打了折扣。我們點了二人套餐，揀左肉眼扒七成熟，蒜香雞肉意粉。羅宋湯先到，飲落味道還可以，但不夠熱，扣分了。跟著雞肉意粉到，聞到好香蒜味 ，而且熱氣騰騰，滿心歡喜地食，意粉煮得軟硬适中，還有黑椒的香味。不過，食到雞肉就慘了，🤑一大陣雪味，而且好鹹，可能是想覆蓋不新鮮的味道。整碟意粉就葬送了。😨雞肉沙律也是同樣問題，不新鮮的雞肉，加上太多醬的沙律菜，還要再加芝士粉，食到滿嘴糊。😮‍💨重頭菜來了，肉眼扒到，配有薯仔和番茄，睇落唔錯，一切開，最多只有三成熟，接受不了，要再煎過。Medium well 同medium rare都分不清，是員工的問題或是老板的問題?同樣問題隨後在隔離台發生，餐廳真的需要檢討下。最後來的甜品不過不失，但對餐廳的信心盡失。

🌟歡喜🌟⁡經過見二人餐咁抵食一於試下佢OpenRice 訂座有八折唔算人多 坐得幾舒服兩嗰人一共$290, 計埋加咗d特飲平均每人$145左右好抵食😆⁡🎀 < 凱撒雞肉沙律> ⁡沙律雞肉份量幾多 未食主食就咁食都飽飽哋😂芝麻醬加芝士粉如果減肥嘅朋友就叫另上啦～⁡🎀 < 鹹蛋黃卡邦尼意粉> ⁡聽講啲嗰意粉係其中一樣必食嘅又真係唔錯啵小妹本身唔太like 食卡邦尼但呢嗰加埋鹹蛋 味道有昇華咗😌醬汁較杰身 食得太多有啲啲膩⁡🎀 < 澳洲肉眼扒 (10oz)> ⁡肉眼扒有驚喜🐮叫咗五成熟 無overdone加少少鹽做調味已經夠唒🧂港式西餐廳有啲嗰水準加埋啲嗰價錢真係超值‼️⁡🎀 < 餐湯，甜品> 餐湯當晚係雜菜羅宋湯幾開胃😊甜品係朱古力慕絲蛋糕簡簡單單為成嗰dinner劃上完美句點☺️⁡⁡🌠環境: 7/10👄味道: 7.5/10 💰價錢: 8.5/10 👍性價比指數: 8/10⁡*☼*―――*☼*―――*☼*―――*☼*―――*☼*歡喜 📍北角琴行街21-23號港濤軒地下1-2號舖📞 3619 4600⁡⁡⁡⁡⁡⁡⁡

經Openrice 訂左2人餐（$263），好抵食(正常2人餐收$328）睇Menu選主菜☺️2人餐包括餐湯🫕（當日係南瓜🎃湯）味濃，好味☺️凱撒雞肉沙律🥗大份😋汁好味😋蔬菜新鮮澳洲牛肉眼扒🥩（10oz)肉質鮮嫩😋有牛味😋鹹蛋黃卡邦尼煙肉意粉🍝大大par鹹蛋黃，配上意粉，嘢味😋😋😇甜品🍮朱古力cake （太甜）cheese cake （味道還可以，冇乜特別）餐飲🍸凍檸茶服務員有禮，地方寬敞

北角平平地既西餐。落雨濕濕同朋友吹水，大商場太迫人朋友揀左呢度。100-120左右一個一人晚餐。餐湯無得揀，粟米湯，ok 啦，唔係罐頭湯開粉既味，但亦唔算驚喜。一人餐既pizza 係薄批但又未到餅乾果隻，熱辣辣上黎，簡簡單單上面有d香草，好好味。另一人餐既魚食得出係海魚同埋冬蔭功汁好得意，面煎到脆脆地，好食。餐飲既冷／熱咖啡一般，但都可接受。侍應姐姐都好好人。環境乾淨 但座窗邊太多路人望到。總結係抵食同舒服既一餐。

💛 HKG - 歡喜 💛ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 係 #北角匯 個頭黎講嘅餐廳 依間都算不過不失架啦 加上 @openrice_hk 有8折 又可以book枱賺分 都幾抵食 😎 係件肉眼扒有一種花園餐廳食嘅味道😂 今次佢係送blueberry cheesecake 我係唔食嘅 然後問可否換其他 佢就好好人咁比咗件普通cheesecake 😂 是日餐湯係mushroom soup 🍄 超濃嘅菇味 正~ 意粉有用鹹蛋整 唔知你地中唔中意呢 ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ⭐️ Deal@openrice_hk 有8折同book枱賺分/miles ◇◇◇◇◇◇◇◇◇#cass_northpoint#cass_北角#cass_fusion#eatwccinhk

港島區餐廳一向比人感覺較貴，又可能會食唔飽，今次灣仔呢間歡喜又真係令人幾歡喜！最相宜而且不用傷腦筋，好快就選擇左二人餐。不用前菜已經有湯同沙律，估唔到沙律都甘大碟～主菜方面，首先試左鹹蛋黃卡邦尼煙肉意大利粉，咸蛋黃鹹味剛好，同卡邦尼又幾match，意粉硬度適中，做到掛汁效果。另外澳洲肉眼扒都幾唔錯，咬落每啖仲有肉汁，唔會煎得太生或者太老！大胃王既我倆唔夠喉，散點多個青醬雞肉pizza同炸魚薯條！Pizza配青醬雞肉真係第一次試，本身仲懷疑緊佢會係點既味道，食落估唔到我地都好喜歡，因為佢夠香濃，而且冇違和感。最後仲附送埋二人甜品cake，呢個價錢絕對係抵食，最重要係食物質素好好！

同朋友聚會梗係想喺一間chill chill地又好食嘅餐廳食飯，估唔到係北角都有咁嘅地方！環境闊落，牆上面仲有壁畫同埋黑膠唱片，靚到我哋忍唔住嗌咗好多嘢食，最推介嘅係鹹蛋黃意粉同埋沙律，個pizza都好好食，而且薄皮等我哋可以無限地試其他美食！

舖內裝修有幅圖係講緊被清折用黎起北角滙既北角邨。蜜瓜風乾火腿串 $49密瓜好鮮甜，配火腿一流。性價比極高，份量多，個小食夠三個人食都得。二人分享 $328是日餐湯湯味道清清地，清左個味蕾先，不會太酸或太辣。凱撒雞肉沙律沙律超足料，勁多芝士粉，雞肉有煎香過，同埋用左幾款唔同既菜。雞肉預先用沙律醬去攪伴，加上鹹鹹的芝士粉，幾惹味。澳洲牛肉眼扒 (10oz)配菜有烤大蒜、蕃茄同薯仔。本身塊牛扒有質素，够厚得黎煎到好juicy。我哋叫左5成熟煎得外面呈焦香。廚師較果個溫度煎得啱啱好，唔會過韌，食落仲有血水可以流到出黎。肉醬肉丸闊麵佢酸尾尾，真係好開胃，不自覺食下一啖食下又一啖。是日甜品是咖啡味的蛋糕，用了好幾種層次，口感豐富。熱情果白茶益力多 (跟餐+$17)酸酸甜甜，食飽消滯一流。而且跟餐飲品半價，值得一試。紅酒 (原產: 澳洲) $58澳洲紅酒味道比較強同厚身，入口重黑果味，配搭牛扒一流。P.S. 值得一提是晚餐西餐仲要不用加一，而家嘅香港來講都幾難搵。整體環境舒服、食物分量足，就算一班男仔食都無問題！