正宗雲貴川 (中匯街)

营业中

休息中

近排好想食辣，於是左搵右搵睇下有邊間辣嘢想試，今次試正宗雲貴川，見佢食評話口水雞拼涼拌粉皮唔錯，收工就快返到屋企就諗住打電話去叫外賣，點知只能自取！未去過驚搵唔到，咪睇手機地圖搵，好彩冇迷路！去到付款就即刻拎到外賣返屋企！一打開外賣盒見到以為會好辣！我試3小辣，食落唔會好辣！粉皮又滑又爽有驚喜！如果有啲青瓜絲、芫茜、生菜會更好！但口水雞鞋鞋地，似雞胸肉再林少少嗰種口感，唔嫩滑而且太咸！唔值個價錢！

一早去到見唔係好多人，心裡就諗都唔知好唔好食。但門口又有好香麻油味， 辛辣嘅味道反正未食過就膽粗粗入去試吓。叫咗一個口水雞涼拌粉皮四小辣。佢嗰啲粉皮上左枱先，一試佢唔係好辣仲有小小蒜頭香味， 比想像中好食好多。到咗口水雞嚟啦，份量足夠，麻麻辣辣好開胃。雞肉都幾好，又唔算得上滑但係一定唔係鞋。到就食完嘅時候好多人入嚟，好彩我早左。下次會再嚟試其他嘢或者試辣的🌶🐥😘😋😋Ps 我覺得米線唔是我杯茶，我會叫薯粉

中辣豬扒飯🤤個名簡簡單單賣相都幾吸引！每一次同男朋友來，佢都只係會叫呢個豬扒飯。首先講下塊豬扒，質感比較乾身，適合鐘意食乾身豬扒既人。辣度有大中小微麻，食開辣既中小辣比較合適。跟住就介紹我鐘意食既口水雞米線，雞肉夠入味，好似我咁唔鐘意食雞胸既可以order唔要胸，而米線加埋佢既醬料都好好味。整體來講可以比中上既分數俾佢，唯一係坐低落完單等候時間比較耐，老闆有時候已經order左走胸又會照比胸😅。

是日長周要返半日~放左工自己一個, 打算食埋LUNCH先慢慢返屋企~突然諗起好耐冇食正宗雲貴川,所以專登搭車去食其實佢都幾多選擇的~湯粉, 涼拌, 小食, 飯都有~我食過佢D水煮菜式都好好食嫁!但因為我今日得自己1個人, 所以叫左一個口水雞涼拌粉皮~口水雞涼拌粉皮 $52呢度嘅口水雞真係冇得頂嫁!雞嘅份量多! 重點係佢個調味真係好惹味!自從幾年前朋友帶過我來食過一次之後, 我就愛上左了!可惜地點唔係咁方便,但有時心癮起上來, 我都會專登過來食呀!雞嘅份量真係多, 一D都唔孤寒,下面仲有芽菜, 吸晒D味, 而我就中意叫涼拌涼皮~因為我中意食辣, 但又唔係真係好食得辣,我試過叫湯粉, 因為熱呀湯, 愈食愈辣出晒汗定唔順呀!所以自從個次起, 我就叫涼拌~凍食冇咁辣呀!我就中意食粉皮, 夠爽口, 又夠掛汁!

返工既關係經常係大角咀搵野食，今次黎到正宗雲貴川，係門口已經嗅到香辣既味道，見到個個客人枱面既食物都充滿紅紅辣椒，即刻坐低試下。午餐時段，已經好多人，好彩唔使排隊，今次叫左個口水雞，粉皮小辣，黎到既時候係分開兩碟，滿滿既辣椒鋪係雞上面，見到已經流曬口水。雞非常嫩滑，小辣辣度係譚仔約3小辣，粉皮酸酸辣辣非常開胃，飽度適中另外，口水雞可以選唔辣，會係麻油味較重口水雞預設酸辣，如去酸 可以有更重辣椒的香味。

收工去朋友家前買個外賣上去食先，上次過黎都覺得佢樓下好多野食，今日有機會試下，環觀一周，見到我最鍾意既酸辣粉，都唔洗諗喇😂😂店面睇落比較舊，不過對我黎講好食先係重點！我叫左腩肉麻辣（中辣）紅薯粉走青走花生，大約幾分鐘左右就有，都幾快趣。紅噹噹既賣相、聞落香噴噴，都感覺幾有辣勁，不過中辣辣度對我黎講唔太辣。而腩肉大大塊厚身的，食落肉鬆軟，皮位有咬口。芽菜爽脆，索左d湯好正。紅薯粉份量幾多，扁身有d似河粉，可能我搵路搵太耐，浸耐左所以淋左少少，不過佢個麻辣香味都令我飽左都未停到口🙊同埋價錢都幾抵，覺得整體都唔錯。

同老公睇完戲 唔知食乜 經過無意中見到呢間小店再睇下食評 所以試一次口水雞半隻 麻辣中辣辣就辣 但一啲都唔香 一啲都唔麻雞凍冰冰 亦唔會有雞味 肉一啲都唔滑 仲要係梅尖椒皮蛋 麻辣中辣應該係同一隻醬料 因為都係 辣、唔香、唔麻皮蛋正常最伏嘅豬耳 我同我老公都唔想食 一陣叔味 結果一人咬半口 都要吐出來口水雞 同 皮蛋 食半碟左右豬耳全碟淨低我估當時在店內嘅係 老闆、老闆娘 啦老闆娘就係咁咳 又唔帶口罩老闆就直頭在廚房內食煙願主保佑 阿門轉頭要去居酒屋

我本人耐吾耐都仲意食下麻辣，仲意個種麻麻嘅感覺😍😋, 所以以前住元朗幾年都試佐唔同餐廳嘅麻辣川菜，幾年前搬到九龍西，第一次試完俚間嘅麻辣後就愛上，麻辣夠香，比以前食過嘅好食好多。老闆話佢哋D麻辣係自己炒嘅 👍👍👍

店舖需小但老板娘親切幽默，每次去食好有親切感。但老闆出菜較慢要比D心機等下店內主要都食麻辣但唔食得辣都可以食下雲南過橋米線。五十幾蚊超大碗一個人一定食唔哂。口水雞應該係佢招牌菜，我見好多人都食，我自己就鍾意食水煮魚飯同牛肉飯。不過魚就唔夠鮮味，但配合個麻辣湯。牛肉飯$38包飲品抵食之選，牛肉飯配埋酱汁食可以將大大碟食哂。但有時唔想食飯想食凉拌薯粉就較為貴。因為食涼拌無套餐。另外，佢D小食凉拌皮蛋真好好味，佢用黃色皮蛋做番雲貿風味。

搬左之後好耐無食過，難得經過就再食下啦。兩公婆，叫左麻辣口水雞（中辣）、麻辣紅油豬耳（中辣）、麻辣墨丸腩肉雲吞炸醬薯粉（小辣）。4點左右去到，得我一枱客，都等45分鐘先有得食。環境，好舊嘅小店到味道，首先所有食品都唔麻及無麻辣嘅香味，同幾年前食真係差好遠好遠，口水雞唔夠滑及好冰..紅油豬耳有少少酸味及有啲霉薯粉正常少少，係腩肉好咸，同啲餸少左好多（唔知點解墨丸要碎上，即係墨丸粒..）希望有待改善....

數數手指，幫親呢間小店已8年了，起初只係因為係果頭返工見平所以去食!果陣都只係會食佢D米線，有一次突然叫左口水雞食左之後，一試愛上!果陣連同事都會用口水雞既汁去撈飯!但自從冇係大角咀返工之後，間唔中都會特登搭車去小店買外賣返屋企食!近日再次去小店幫親，老板娘依然都係咁好，餐牌多左好多餐可以揀，但我都係單叫米線同口水雞，食得開心D麻!小店既炸醬好好食架，大家都可以試下!另外口水雞每次都係必叫!兩個人食左1隻!仲有佢既土豆絲都好好食架!每次食完都會再叫半隻或者1隻口水雞外賣再返屋企食!我想講係屋企雪凍一日再食味道更加入味!

本來以為正宗雲貴川係雲貴川，所以入左黎。入面得4張枱，加全部圓櫈，空間十分細小。叫左個腩肉，牛栢葉，豬大腸，金菇米線。入面配有蔥同芽菜，湯底顏色鮮豔，表面全部都係油，仲有d辣椒。腩肉：半肥半瘦，不入味牛栢葉：顏色很白，一定漂過，不入味豬大腸：乾淨，不入味金菇：一般，吸左少少辣味米線：太淋，吾好食湯：主要得顏色，酸酸地，少少辣總括：我吾會再黎食，環境太有風味（吾太乾淨），湯同米線完全分開，吾會再食囉。

老店格局座位十來個，全店我一個姐姐主理，忙得不可開交，下得單來又要煮粉，睇見佢都辛苦。薯粉大碗，但煮得太腍不夠彈牙麻辣湯底死辣似李錦記麻辣醬，麻麻地，不會有下次了。

天氣寒冷，吃麻辣的需求大增。回想最初不好辣，幾年前在好友強力推介下到深圳初嘗麻辣便愛上了。大角咀的雲貴川已經是我最愛的食肆之一，尤其在寒冬，可以連續吃幾天也不厭，當中麻辣口水雞薯粉是我最愛！小店舖面不大，坐位不會寬闊舒適，主力由店主兩夫妻打理，人多的時間的確要有點耐心。另一點不得不讚，吃辣一般人都容易吃到流眼水鼻涕或大汗淋漓。小店竟然沒有承機高價賣紙巾謀利，而且每枱有紙巾供應，貼心之餘，仲顯露出街坊食店不會賺到盡的人情味！面頭舖滿椒蒜的口水雞，看似辣度非常，其實辣味溫香帶微甜，而且沒有搶去雞味。雞肉十分嫩滑，而且不是肉未熟骨血紅，是白肉嫩滑，這才是真正的滑！薯粉軟腍彈牙大大碗，建議先吃一兩件雞才開始吃薯粉，讓薯粉吸收足夠湯叶，更入味！麻辣辣度我選了小辣，由於各人嚐辣接受程度有異，建議先選小小小辣至小辣試試味。個人覺得小辣最好，麻度及辣度比例最配合，不會把食材味道全被蓋住還能帶出雞味！坊間很多食肆自命"正宗"，菜式歷史遙遠由長，隨著時代變遷加上進步及改良，究竟怎麼才是正宗? 而正宗又真是重要嗎? 其實正宗與否又如何，最緊要是自己"正鐘"。大角咀正宗雲貴川就正是我鐘意的味道，這"正鐘"才有

同事係四川人，帶我地試呢間「佢食過最正宗的四川小菜」- 真係正宗！食過會上癮！雖然地理位置唔係特別近地鐵站，但lunch hour就要排長龍，附近返工的人都來幫襯店面唔大，但可以開台坐出面。得老闆同老闆娘兩個人，一人煮送一人執台，所以繁忙時間都要比啲耐心。試過有一次等左成8個字先有得食，但冇辦法，真係好食，算啦我忍。所有菜品辣度可揀 大、中、小、小小、...十小，所以唔食得辣嘢的朋友都有得食。單送米線$26，一個午餐加嘢飲$42（好抵食！）必食菜品1：口水雞 口水雞 口水雞！次次幫襯都會叫中辣，啲辣汁真係好特別，睇落好似好辣咁，但食落酸酸地中和返啲辣味，加埋芝麻，回味仲有甜香，正！必食菜品2: 涼拌粉皮！唔係酸辣粉，唔係紅薯粉，粉皮食落好爽口，酸酸辣辣，喺其他四川餐廳冇乜見過。推介！手拍青瓜、涼拌雲耳都好好味，認真推介一試！