正斗粥麵專家 (新城市廣場一期)

营业中

休息中

正斗食物質素是不錯，但是日遇到的女接待員態度非常差！事源：本人取了籌61，要等4張枱（即第5張），站著等了大約十分鐘，見未有叫任何輪候號碼，確未能預計輪候時間，反正要等4張枱，於是便於附近逛逛。逛了大約10 分鐘，回到餐廳，籌號已呼叫到64，心想：幸好未過5個籌號，因籌上寫明：如超過5個號碼需重新輪候。於是向接待員展示了籌並很客氣的說：抱歉，剛才走開了。眼見62號籌也過了籌號而在我之前回來。過了3-5 分鐘，接待員再叫籌，但她叫的是65號，卻不是比我早先回來的62，也不是我的61號。這時候，我的確不服，問：「點解係俾65既？」接待員表現有點囂張的道：「會先俾左一直企喺度等的客人先，因為客人一直企喺度等。」接待員的回應，我甚是不服：1）如果要一直站在店前等候，何用派籌？2）我不知道65 有否曾走開，或許曾走開而於叫籌前回來，重點是：籌上既然寫了超過5個籌號需重新輪候，言則，在未過5個號碼前，我理應可依小號碼先入座的規則。事實上，即使入座次序是61-64或是63,64,62,61，65 等候的時間都一樣！

話說女朋友開OT, 咁我就係新城市廣場度搵野食醫肚等佢。係沙田火車站行左兩分鐘度，見到有間中式既食肆叫做正斗粥麵專家，跟住我就入左去。時間雖然係夜晚9點鐘 ，但仍然有好多人 （有外國人），同埋充滿美食既香味（可能我太肚餓）。 一坐底 侍應好好態度咁俾左杯溫暖既熱茶 同介紹餐牌既美食 要俾個like佢 原來叫套餐係有8折 不過我得一個人食唔到咁多 最尾只係叫左碗海南雞併叉燒河粉。 叉燒大塊得黎好好味 一d都不肥膩 d雞肉亦都好嫩滑 而d湯又唔咸 埋單50HKD 有找。 整體黎講我俾90分。下次再黎到沙田 我會再試試。

下午五時多經過新城市廣場，覺得肚餓，見到正斗，啱晒，食碗麵先，當時還沒到peak hour 有很多空枱，但服務員帶我到一張已經有人坐的二人枱坐下，情況很是奇怪，兩個陌生人坐在一起而旁邊全是空枱，給老婆朋友看到會意為我有二奶，混身不自在，感覺同枱客人也有相同不安感覺，不怪責服務員，這會是管理層下達指令要盡用所有位置，但卻忘記了客人感受，敗筆。至於云呑麵非常一般，四十多元，唔緊要但埋單要收加一，坐得咁差收加一，埋單一碗普通云吞面接近五十元，太過份。

很久未來過新城市，很多舖位都改頭換面了。和爸爸媽媽來了正斗，原來正斗在香港只剩三家分店。瘦肉粥挺軟滑的，絲絲瘦肉有點點鹹味，跟粥很配合，融為一體。粥底如果再綿一點就更佳了。這個雪菜魚蓉炆米炒得乾爽，不油膩不過魚蓉太鹹，米粉的汁亦太濃味，有點辣。排骨很入味，肉質嫩，面頭加了一點蒜蓉，味道更香。陳村粉不太腍，爽滑彈牙；淋了甜豉油，非常美味

第一次閒日非忙時去，大蓉雲吞麪，麪質一流，雲吞美味新鮮 ，干炒牛河，好食到番吾倒轉頭，粗身河粉，好有質感，不油膩廚房有功架，不過九十幾蚊碟吾該比多D牛肉。第二次星期日十月廿三日當旺晚上去，干燒伊麵一流好味。但再叫淨雲吞水餃，就瀨野了，落單不到五分鐘，已經有得食，好名顯雲吞水餃，已預先整熟，食落去感覺是番熱，極度失望，淨雲吞水餃收六七十蚊，一定要精緻好味新鮮，失敗中的失敗。

之前經過好多次正斗，次次都好多人，今日終於可以試下。周末晚上六點，個場已經爆左，不過好快有得入座。上菜都上得幾快，見個餐牌有詳細介紹麵wo,點都要叫個雲呑麵食下。飲左啖湯，果然！同一般雲呑麵唔同，個湯唔味精，清得尼好似有淡淡蝦子既味道，個麵幼身得尼爽口彈牙，雲吞也不錯但還是麵較優勝！加多個乾炒牛河，炒得幾好味，略油，味道適中。碟頭都算大，$92。兩個人食的話比較膩，多d人食比較好。加埋個上湯油菜埋單二百蚊。以lee個質素尼講都算合理。值得一讚既係，待應夠多，服務不錯又有禮貌。待應keep住留意客人進食情況收碟斟茶，帶位落單埋單亦好有效率。

晚上係沙田食飯 真係特別多人最後選擇左去正斗食飯叫左D粥面外 另多再叫左個乾炒牛河乾炒牛河 炒得色彩平均 而且食落口唔覺油膩河粉不薄身 比較有口感乾炒牛河真係值得一讚 色香味都有齊如果牛河可以多D牛肉會更加好

嚟到新城巿廣場! 突然想食雲吞麵, 所以就去咗一期一樓「正斗」食好西!我哋大約兩點入去, 當時唔多人, 一入去就有位, 裡面環境尚算舒適及闊落裝修都好有特色, 尤其係天花上既吊燈, 好似一個又一個煙花爆開, 並非傳統既中國式裝橫呢幾塊荷花屏風來得清澈優雅! 講完環境就講吓嘢食喇呢度又收茶芥($3)又收加一我叫咗一碗正斗雲吞麵(轉米粉) $52一碟楊州炒飯 $95同埋一籠懷舊馬拉榚 $34價錢都尚算偏貴, 都係嗰句「如果好食, 一次半次, 都唔怕貴」餐具上都印有「正斗」標誌!上餐時間都頗快, 只係5分鐘就陸續上枱, 先嚟碗雲吞米! 侍應一放低碗米之後, 我同媽咪心裡面覺得好似中伏, 你眼望我眼...我用對筷子撩一撩, 好在原來雲吞只係沉哂底, 不過從賣相既角度嚟講, 我覺得放兩三粒喺面, 加番幾條九黃會似樣D!雲吞唔算大粒, 不過佢一碗總共6粒, 所以都合理! 咬落蝦好新鮮, 腸已撩! 有少許胡椒香, 少少過鹹! 米粉屬正常, 冇特別! 上湯OK, 最後可以連湯飲哂!唔會太細碟, 炒飯顏色合格, 襯落藍色既中國花紋碟上顯得更靚! 炒得均勻, 每粒飯都黏上蛋漿呈金黃色!材料新鮮, 叉燒、蝦

今天約了老師在沙田新城巿廣場吃晚飯，我們預先四處看看，估不到每間餐廳都規定吃90分鐘，只有正斗這間不限時間，所以便選擇這間了。原本老師想吃陳皮泥鯭粥，可惜今天沒有這道菜，又不知吃什麼，唯有選擇最普通的菠蘿咕嚕肉、濕炒牛河和荷包蛋叉燒飯。菠蘿咕嚕肉味道不錯，咕嚕肉可口鬆化，菠蘿微甜，中和了酸酸的茄汁，唯整碟份量比較少，三個人不夠吃。濕炒牛河的河粉富有濃濃米香，牛肉夠嫩，牛肉汁味美，但有點過鹹，淡一點會更易入口。最令人驚喜的竟然是荷包蛋叉燒飯，一碟平平無奇、簡簡單單的叉燒飯，拌以荷包蛋蛋汁，估不到出奇地好吃，叉燒燒得均勻，皮香肉嫩，飯又夠熱，蛋汁夠滑，如果只有我一個人，整碟飯也應該吃得下。飯後點了一碗芝麻糊和桂花糕，老師說芝麻糊富有濃厚的芝麻味，最重要是沒有一粒粒粉漿，十分香滑。我吃了桂花糕，糕內有足夠的杞子和桂花，十分清甜，為這餐「謝師宴」劃上完滿的句號。可惜的是這間店的服務員在我們用餐其間多次打攔碗碟，影響進食氣氛，他們應該多加注意。

轉車回家前，同朋友來作一點交收，簡單吃個雲吞麵同乾炒牛河，雖然夜但都幾往場，沙田正是沙田。雲吞麵其實是每當諗唔到有咩食，就一定會叫既民食，當然這年頭要找碗似樣的不易，這裡的湯頭今天夠味，麵也爽口無鹼水味。炒牛河朋友叫的，夠色夠味夠乾身，唔錯。

話說上次在IFC吃過正斗的粥之後，一直都對這家店的粥底念念不忘。早前在沙田逛街時，見到沙田也有這家正斗，便直衝入去啦，為的就是再吃一次這家店的粥底。三拼粥 ($78)今次就拼了皮蛋、牛肉跟肉丸，肉丸沒IFC那分店那般彈牙，但味道依然很不錯；牛肉就很嫩很鮮甜；皮蛋夠大隻；粥底嘛，比IFC那邊分店更棉更甜，入口感覺軟棉棉的，而且吃完之後完全沒有口乾的感覺，很想再encore多一次。可今次我見到有別的很吸引，所以便點了別的，下一次再來encore這碗粥吧~自選百搭煲仔飯 ($168)這個煲仔飯有二人份量的，而我們從八種食材中揀選了三款，分別是鳳爪、排骨跟鮮牛肉，等的過程大概20分鐘啦，工作人員早在我下單的時候已經提及到，所以等待時間是預料中事啦，呀，在下單後約五分鐘，聽到店員說所有煲仔飯沽清了，這刻覺得很幸運呀….因為吃過這個飯之後，就發現它真的很棒。鳳爪香滑軟熟，排骨肥瘦平均，鮮牛肉嫩滑肉味濃，就連兩條菜芯都鮮嫩味美。整個飯的精粹除了是煮的時候，吸收了鳳爪、排骨跟鮮牛肉的香氣，而且豉油跟豬油也很重要。用上豉油，把粒粒分明的飯變得更鹹香，加入點點豬油以後，飯的味道更香更棒。這個感覺相當不錯喔

近期熱爆的肯定是雲吞麵，正斗的雲吞麵一向有水準，不過其實除了雲吞麵，也有其他好吃的東西。是日和老公到沙田一家大型日式百貨公司買東西，逛了半天覺得肚餓，就跟住老公來吃乾炒牛河。在正斗不同分店都有吃過乾炒牛河，每家分店的水準都差不多，頗夠鑊氣，色澤均勻，牛肉又夠嫩。煲仔飯。估不到原來正斗也有賣煲仔飯，老公要了鳳爪、田雞和臘腸，米飯夠乾身，有少許飯焦，配料也挺好，不過夏天又來了，快沒煲仔飯吃咯～想吃可能要等年尾才有。

長假期的尾，獨個兒來到沙田逛逛～逛得累累的，想坐下來吃個下午茶，發現原本的黃枝記已經變成了正斗！記得早前在ifc吃過很不錯，那就來再試試吧！先來杯熱柚子蜜潤潤喉，味道不會過甜，無論夏天或冬天飲都好適合呢～接著，來碟必點的鮮玻璃明蝦腸粉，腸粉皮的厚薄做得恰到好處每條有兩隻大蝦，不得不讚這裡的蝦仁每次都很有水準，彈牙爽口，鮮味十足！倒有一陣子沒吃過干炒牛河，見到餐牌上的相非常吸引，那點一碟吧～當然干炒牛河本身是油膩的菜色，相比外面的茶餐廳，這裡又不會過份的油，而且非常香口，牛肉又軟腍，口感很不俗，推介！每次來到正斗都要點一客正斗鮮蝦雲吞雲吞的蝦雖比腸粉的細隻，但同樣地鮮味，配上大地魚濃湯，簡單又美味！吃飽飽，準備明天的新開始！

呢幾日，人人都在談論雲吞麵舖，若不參與其中，彷彿與世隔絕咁。好在，我之前也寫了長沙灣的坤記竹昇麵，哈哈~要講雲吞麵舖，如果唔提正斗，似乎有點那過。對嗎?我想話，其實雲吞麵店，也不單單是獨沽一味賣細蓉，及大蓉。如正斗，是會有點心供應的。是日，筆者毒自去了正斗，瞄準的，是她的幾款點心。每次吃，也是蝦餃，雖總不會令人失望，但亦想轉轉口味，今趟試燒賣。一籠四隻，粒粒飽滿，有蝦之外，豬肉成份也不少，吃起來更對口味。上酒家飲茶，很愛食雞扎，可惜這裡沒有，選了棉花雞取而代之。每件雞件都連骨的，仲好；炸肚雖不是咩名貴美食，我卻又幾中意的。即使只是毒食，必須來一款甜的，放棄了芝麻糊，挑來千層糕。看得出的多層，且煙是紛紛冒出，相信不差。此品當然要趁熱食，質地軟熟，味道香甜，有水準。喝咖啡，還是應該去茶記。下次，要飲番柚子蜜，或者枝裝可樂。沙田新城市，始終是人流超旺的地方，未到食晏繁忙時間，好多食肆己坐滿，呢度當然唔例外。

A solo dinner in shatin? well, I was expecting catonese food all the time recently but feel a bit annoying towards the impatient service in street stores... Luckily, I have one on my safe list, which I found they also have a branch store there. The noodle with marinated pork feet was made super soft and concentrated in its sauce! Guessing this is one of the most senior-friendly dish for I don't even need to use my teeth to peel off the meat from the bones.The traditional deep fried cake wi