正麵館 新派車仔麵 (已結業)

這間新派車仔麵座位較一般車仔麵店舒適, 食物款式亦更多樣化。除了車仔麵, 還有不少小吃, 和特色飲料, 選擇頗多!米線質感頗滑溜, 但稔了點, 必食豬腸已去油, 健康一點不肥膊, 爽脆而香口, 不會太韌, 果然不錯! 蘿蔔稔甜, 豬潤滑溜, 生熟剛好, 但薄身了點, 厚身點口感會更好。據朋友說, 油麵頗好吃, 但會比較膩濟, 墨丸爽彈不死實, 魚皮餃有鮮味, 牛栢葉爽脆, 都不錯。飲品方面, 是日涼茶是羅漢果×龍利葉, 清甜滋潤, 沒有下額外的糖, 很健康。薄荷朱古力朱古力味頗濃, 薄荷味淡淡滲出, 夏天喝必定暑氣全消。這新派車仔麵, 環境食物都不錯, 找天必定來試試它的小吃!!

天氣冷便想吃熱辣辣的湯麵，於是跟母親試試這車仔麵。從門口可見店不是很大，牆身畫滿了壁畫(坐下後細看應是人手畫的)。我們點的是二人連小食套餐。我點了：胡椒豬骨湯米線，豬潤，沙茶牛柏葉，木耳米線煙韌不馬虎，湯底的胡椒味特出卻不辣，豬潤雖然切得較細片及薄但是意想不到的爽口及有鮮味！沙茶柏葉很入味，木耳也爽口，可惜的是餸的份量較小。母點了：喇沙湯加辣醬油麵，豬腸，咖哩魷魚，豬皮她說喇沙湯跟辣醬很配，但辣醬有點咸。豬腸很乾淨，豬皮看起來好像沒有什麼顏色，但吃下去原來已醃得入味，咖哩魷魚很爽口，咖哩汁有點辣但很惹味。小食方面我們點了蝦多士及墨魚餅。蝦多士有四小塊，上面是滿滿的芝麻。多士炸得非常脆，看起來不是很厚但也吃到中間的蝦膠，像果醬層夾在芝麻及多士中。墨魚餅內裡口感煙韌味道不錯，但略炸得久了外表稍硬了一點。跟餐的還有一碟白灼西生菜及特飲，我們見小食有點熱氣，都點了咸檸七。咸檸七內各有3片檸檬及半個咸檸，上的亦是檸檬味七喜，檸味十足。見店內寫有涼茶，於車仔麵店是頗有趣的，但這次沒有試。整體上感覺是偏創新型的車仔麵，會嘗試把不同特色的食物元素混合，希望將來會有更多食物選擇。

同遊客朋友行完街都夜了, 送她們落腳後, 經過了這家新開的車仔麵如果不是常常經過, 可能留意不到比較低調的招牌店內比較乾淨同光猛, 而且大牆上有十分之台灣文創感覺的插畫另一邊吧枱是食品相片及黑板如果坐餐枱, 椅子是可以打開放袋的呢, 幾貼心初時看到價錢, 想點2款就好然後看到底, 有4餸餐便叫了, 比較抵食雞翼 豬腸 豬潤 冬菇 米線米線份量十足, 而胡椒豬骨湯是清淡胡椒加濃郁豬骨, 吃完不會口渴, 沒有過份的味精味最想食的瑞士雞翼, 看到雞翼飽滿, 瑞士汁入味, 肉質滑, 不會過熟平常不會吃太多內臟, 但吃車仔麵, 豬腸豬潤唔少得呢豬腸乾淨, 爽口, 味道新鮮, 而豬潤就夠薄身, 沒有腥味, 夠滑兩種都做得有心機!最後吃冬菇, 蠔油入味, 冬菇稔香, 沒有過份烹調產生的酸味蝦多士意想不到的鬆脆, 白芝麻加上一點焦黃, 覆蓋著蝦多士蝦多士雖然是炸物, 然而因做得薄脆不會太膩總的來說, 小店的出品調味得宜, 不會過鹹及沒有味精, 而且食材新鮮是一間有心機唔求其的車仔麵店呢~

呢間車仔麵開左無耐，見佢裝修幾靚又企理，lunch個價都ok,會一會佢先我叫左個豬骨濃湯油麵配左牛腩，招牌雞翼，墨魚丸同響鈴豬骨濃湯未係好濃，不過喺車仔麵黎講都幾新穎，我平時都係叫開腩汁，而豬骨濃湯都係配拉麵，牛腩又夠稔又入味，招牌雞翼真係色香味俱存！顏色吸引，無雪味，墨魚丸夠晒彈牙爽囗，唔會食到成囗粉，係唯獨響鈴就爭小小，因為響鈴浸個湯，唔係話好特別，不過其他有個正字嘅都值得一試！呢個冰震芥蘭都要試下，好爽脆又無渣，又夠凍，配埋芥辣豉油，相得益彰同時叫埋個招牌蝦多士，蝦餃貼到個多士實一實，咁會一咬就甩左，多士香脆唔油膩，面頭仲有大量芝麻，好香囗好味！

同男人喺旺角濕平，行行下去到女人街，見到呢間好新淨嘅車仔麵舖頭，咁岩男人又話餓，入去整返個麵食先！舖頭壁畫真係好靚好吸睛！門面又夠晒乾淨，佢最好係啲櫈可以收埋個袋，唔使掛住個袋無位放簡單餐牌，左面係餸，右面就小食小妹唔貪心，叫哂啲正字試下先首先係喇沙湯底，一反傳統車仔麵濕底，聽講係師傅親自調製，所以佢嘅辣味唔會搶過湯底嘅香濃，好開胃幼麵麵質夠爽，唔會煮到過火搞到稔晒，而且麵底夠多，女仔食會略為多左dd豬紅有質素，唔會一夾就散，有別於一般嘅豬紅，一定要提就係個豬潤，oh，食落好軟綿綿又好滑身，無渣，扭轉左小妹對豬潤嘅睇法！must try item!而蘿蔔夠清甜，豬腸又唔會太肥膩，但小妹係食緊車仔麵另外佢嘅招牌咖啡係機磨咖啡，有別於茶餐廳，又香又唔會有酸苦味，呢個質素正！但小妹係食緊車仔麵喎！

抱恙中，周六中午外出覆診，之前先找個地方醫肚。路過剛開始營業的>>>正麵館 新派車仔麵<<<，打算簡簡單單吃碗麵，才去見醫師。從裝修風格已可感受店名中的「新派」，走的是型格年輕路線。點餐紙放在餐桌旁邊。餐廳推介的食材，旁邊標上「正」字；要是選擇太多引起煩惱，可以從餐廳推介入手。食量大，又或者想無後顧之憂的剔選配菜的話，可以揀任選套餐哦。特式小食相當特別，不止於港式小食，連川菜、泰式小食亦有提供。特式小食可在彩色餐牌上看圖索驥。飲品選擇亦見豐富，由汽水、檸水奶茶等冷熱飲品，到咸檸七薄荷朱古力，一應俱全。二人套餐相對抵食，也減省點餐選擇的苦惱。湯底是胡椒豬骨湯，微微香辣引起食欲。瑞士雞翼醃得非常入味，值得一試。能在車仔麵店吃到響鈴的機會絕無僅有，一定要食，意想不到的是把響鈴浸在胡椒豬骨湯的效果也不錯，但建議要趁湯底滾熱時享用，否則味道大打折扣。特級墨魚丸及蟹子丸均為水準之作，前者勝在彈牙，後者內裡十分足料。唯一不太理想是沙茶牛柏葉，切得太過細碎，失卻牛柏葉口感。餐廳推介的特製粗烏冬果然名不虛傳，用料十足，粗身得來實淨，嚼勁一流，也非常飽肚，而

今日同老公去旺角行街街，係度諗緊食咩之際，見到呢間車仔麵店。之後老公就話不如就食車仔麵啦，反正甘耐無食過。於是我緊係第一時間上openric 睇下食評係點先決定啦！點知會唔會中伏架見到食評雖然得三四個，但全部都係好評黎！好！一於去試下坐底睇食咩，計過條數，二人餐最抵食，甘一於食二人餐啦！ 一開始，總以為套餐份量會比較細碟。點知黎到果時，真係嚇左一跳，份量超十足！食到勁飽大話七好飲 麻辣肥牛，有麻辣香，不過鹹左d同唔夠辣，不過味道都唔錯既 油菜，冇特別蝦多士，一流推介，一定要試！唔識點講，總知好味 勁大碗，份量十足！d豬潤同豬腸食得出係新鮮貨色，牛腩同豬紅一般，冇特別~豆卜同蘿白應該本身跟麵送既，因為各得一件。不過蘿白幾好食~ 另外，老公果碗唔記影相不過麵都係好大碗，d魷魚都新鮮。總括黎講，$128真係超抵食！兩個男人食都會飽，而女仔食既話，正常要三個女仔先會食得晒！加上食材新鮮，唔係求求其其，感覺不錯！下次會再幫襯希望keep住水準

人在旺角, 肚仔餓起黎好自然會行入女人街兩旁, 因為呢到食肆林立, 咩種類既餐廳都有, 一定可以搵到樣野岩食! 由油麻地方向行入去, 行行下就發覺呢間叫「正麵館」既車仔麵店, 望落入面的裝修, 差點以為係韓式食店, 因為牆身用上鮮明可愛的繪圖, 有點像現時燒肉店十分常用的塗鴉牆。店舖招牌標榜著「新派車仔麵」這個名號, 好奇驅使下, 就與友人爽快決定今晚食久違的車仔麵吧!畫餸紙清晰易明, 麵底選擇頗多, 而湯底亦十分驚喜地有喇沙湯及胡椒豬骨湯! 選了湯底後還可以另選醬汁。同友人左看右看, 最後都是覺得$128二人套餐最抵, 包了兩個3餸麵、兩個小食, 一個油菜及兩杯特飲。三餸車仔麵 (河粉|胡椒豬骨湯|瑞士雞翼|必食豬腸|肥牛) 即試個湯底, 係清甜風味的胡椒豬骨湯, 胡椒味較淡, 但清甜的感覺很新鮮, 搭配河粉不錯。除了點選的餸菜, 還多送了豆卜及蘿蔔作配菜, 感覺很豐富。 而且不要小看這個配菜蘿蔔, 十分甜美, 清爽無渣!  「瑞士雞翼」入味, 肉質飽滿, 口感較紮實。「必食豬腸」豬腸洗得十分乾淨, 沒有異味亦沒有雜質, 有點像我媽媽煮的大腸, 就是會費心洗到一絲不苟, 務求令家人

女人街出名多食店，今次經過見到有間新開的車仔麵，價錢不太貴，便入去試下。一坐下，店員便介紹他們的套餐，因為朋友比較吃得多，我們豪不豫疑地點了$128的套餐：兩個三餸麵，兩個小食，一碟菜和兩杯特飲。 我的三餸麵要了五香牛腩、豬腸和牛肚，加了$3轉特製粗烏冬，湯底就選了喇沙湯。餸和麵的份量都很足。五香牛腩細細舊的，應該是為了加快入味和易一點煮淋，夠入味又唔太咸，岩岩好，亦都夠淋。豬腸尚算乾淨，不會有怪味，而且都煮得好入味好淋，唔會un。柱侯牛肚都好入味，爽口，唯份量少了點。附送的豆卜不過不失；蘿蔔則有驚喜，雖然沒有什麼味，但煮得好淋，加上喇湯湯底就岩岩好。不過特製粗烏冬就令人有點失望，麵條很實，沒有彈性，像吃麵粉一樣，要扣分。朋友的那碗要了豬紅、牛柏葉和咖哩魷魚配油麵。我只試了他的牛柏葉和咖哩魷魚。牛柏葉都煮得好入味，夠爽；咖哩魷魚普通，咖哩味不太夠。聽說他的油麵不錯，不會太粉或煮得過熟。蝦多士芝麻味很重，但蝦膠部分似乎落得太多粉，食不到蝦味，很實，沒有彈性，而且油味比較重。 麻辣肥牛是白灼肥牛再淋上麻辣汁，再有中式醋。麻辣只有辣沒有麻，肥牛只有肥沒

其實，自己不是太喜歡吃車仔麵，不過這一次，有朋友說這間車仔麵店是幾位年輕人所開，水準不錯，好，一於去試試。來到這間陳設簡單的小店，看看一壁牆上的黑白藍色卡通畫，都有點特色。看看桌上的餐牌，有兩款多滋味二人套餐，都適合我與老婆仔享用。兩款套餐其實是大同小異的，主要的不同只在於四選二小食的選擇和皇牌車仔麵 X 1或自選三餸麵 X 2的不同。兩款套餐中，我倆最後的選擇是 $128的「自選3餸麵 + 小食4選2 + 油菜 + 特飲2杯」套餐。這兒的車仔麵湯底有三款，分別是「經典清湯」、「濃郁胡椒豬骨湯」和「招牌椰香喇沙湯」。老婆仔的「濃郁胡椒豬骨湯」是有胡椒味的，但沒有想像中的濃郁。我的「招牌椰香喇沙湯」就不錯，蠻有椰香，辣度不太強，但正合我意。六款車仔餸中，我的招牌大腸夠肥美，冬菇也厚身多汁，墨魚丸也中規中矩；老婆仔的牛柏葉細碎了點，蘿蔔就明顯不夠味道，最為令人失望。原來這兒的麵是用上兩個麵餅的，比一般的車仔麵店的份量多，很慷慨呢！這套餐的四款小食選擇，是「懷舊蝦多士」、「瑞士雞翼」、「香煎墨魚餅」和「麻辣肥牛」。我倆揀的是頭兩款。「懷舊蝦多士」的蝦膠雖然只是薄薄的一層，但勝在夠熱，多士又夠

上課前約了朋友到旺角用膳，走進了通菜街的小巷，被這家店吸引了。新派車仔麵，究竟有多新派呢？ 小妹跟朋友選擇了$128的二人套餐 車仔麵的餸可從這張紙中選擇。從中，我們可以看到一些新穎的選擇，好像是沙茶牛柏葉。湯底方面，小妹也從來沒看過車仔麵可以配喇沙湯及胡椒豬骨湯。 龍鳳檸樂 及 咸檸7檸檬和梅子，加上可樂/7喜，酸中帶咸。在今天這個帶點熱的天氣喝，可謂是透心涼😊這是朋友的（喇沙湯，蘿蔔，沙茶牛柏葉，蟹籽丸）： 由於小妹喉嚨不太舒服，就沒有多嚐朋友的這碗。這個喇沙湯底給我的感覺是挺濃郁的，一開始不覺得辣，但幾秒後就感覺到有微微的後勁，所以不能吃辣的可能會受不了😂 蘿蔔很鮮甜，不過可以煮久一點，軟一點會更好😀😀 沙茶牛柏葉十分爽脆彈牙，而且很入味，即使浸在喇沙湯底一段時間仍然吃得出沙茶醬的味道👍🏻這是小妹的（清湯，蘿蔔，牛腩，芝士腸）：清湯帶一點胡椒粉味。牛腩煮得軟腍，沒有過多的調味料，味道簡簡單單更能帶出牛肉的味道。粗面的軟硬度亦適中，頗有咬口👍🏻小食我們選擇了瑞士雞翼及蝦多士 蝦多士有點像三角形版的煎堆😂 多士炸得香脆，雖然是炸物，卻竟然不油膩。裡面夾著蝦

去到MK，有fd 想話試新野，聽到附近有新餐廳做新派車仔麵。聽落有d 意思，一於試試佢！睇落好多野好似平平無奇咁，實際上款款餸都好好食，好出色。涼拌皮蛋 － 一開始以為會好辣，點知佢d 辣味唔係好勁，只係有少少辣味，食完暖一暖身，啱啱好！涼拌西洋菜 － 表面既麻辣香料真係落足料，食到我成身即刻興哂。麻辣會重左d，係感受到菜味之前個嘴已經麻痺左。不過d 麻辣香料都幾多，有d 蒜粒係面，整得都幾香口。醉漢雞尖 － 好強烈既紹興酒味，雞翼尖未放入口已經感受到紹興酒既味道。一隻普通既雞尖，就係因為經過長時間用酒浸泡，令酒味充滿雞尖之中。(我問店員佢話我知既) 雖然酒味重，但並無想像中咁重酒精。食左幾隻都仍然非常清醒。我同fd 分別叫左兩個三餸麵。第一個係豬潤，雞翼，豬腸烏冬拼胡椒豬骨湯，第二個係豬紅，豬腸，墨丸油麵拼叻沙湯。豬潤比想像中仲要爽口，食完會有一種 “結結地” 既口感；豬腸比其他地方做得乾淨，食落亦非常爽口彈牙，應該都幾新鮮。豬紅冇一舊舊咁，食完仲會有一種甜甜地既感覺，好特別。店主話係每日新貨，所以可以做到呢種效果。雞翼已經有少少淋，應該煮左一段時間，所以幾易入口。雞翼都好重瑞士汁味

好耐無食車仔面，約左米米食，貪呢度幾有特色咁，餸菜新又特別，環境新淨又闊落，坐得幾舒服，有別於細又up w的車面小店，最重要就係新開未試過想試。叫了四餸套餐42牛腩豬潤豬腸瑞士雞翼秘製辣汁喇沙湯河。來到較想的份量要多，超大碗的加入豆卜白蘿蔔，賣相毫不單調，男生吃都肯定飽肚！河粉爽滑，喇沙湯底跟辣汁配合度高，又香又辣，河粉質地滑溜，索盡湯汁，正。叫了的都是招牌餸來，牛腩量不少，四方啖啖肉，口感鬆化，且淋軟細緻。招牌的豬潤，雖不是黃沙，但賣相不錯，薄身但甘香細嫩，軟糯滋味。豬腸在點前有點猶疑驚肥，不想吃到滿口肥膏，冒險下單的卻有小驚喜，先是肥油全去，正合我意，後是腸質易咬開，全能吃下。平時外吃不點雞翼，眼見店員熱情推介而點上，瑞士雞翼選了普通的大少，不是肥美，但肉質幼嫩，瑞士汁料帶適度之甜美，入味呀，速清。凍薄荷朱古力跟餐8（原價20）薄荷的清涼感挺突出，香滑順喉，朱古力味道不俗，沒有朱粉粒的嚡口，叫了少冰也就真的只加了幾塊冰片，而味道沒有好淡，飲品幾特別，普通車仔面確沒有。蝦多士35芝麻好香口，滿滿麻香，多士炸得金黃熱辣脆身，不油不膩，多士內的蝦膠量亦得宜，整体好夾呀！比想像來得要好，價

最近行經旺角, 剛好 Lunch time, 朋友帶我到女人街內吃了個車仔麵, 味道和當年感覺返晒呢!! 這新派車仔麵店舖, 裝修、環境非常整潔, 坐位也不算舒適, 抽氣和泠氣的車仔麵當然唔少得. 一張點心紙有幾拾樣款式車仔麵餸菜, 真係樣樣都咁吸引, 原來美食當, 真的會有選擇困難! 最後我們各自選擇了不同餸菜, 稍後大家分享! 我選擇了自家制湯底 "胡椒豬骨湯", 另加蠔皇冬菇、豬紅、豬腸、辣味豬皮、蘿白, 米線. 湯底胡椒豬骨香味濃, 少許辣味(開胃湯底), 各式餸菜新鮮, 調味得宜. 朋友這碗選擇了自家制清湯底和不同餸菜, 咖哩魚蛋、牛柏葉、五香牛腩、牛肚 + 油麵... 在小食方面: 店長推介了我們 "麻辣牛肚" & 懷舊蝦多士", 麻辣牛肚非常爽口, 稔香軟彈, 加上了麻辣醬汁, 即時胃口大開! 懷舊蝦多士, 上層香煎一些白芝麻, 香氣十足, 金黃色下面是鮮甜蝦多士, 極度吸引, 香稔軟嫩, 啖啖當年風味, 現在確係難找回這味道和感覺 (加讚)

在女人街來回走，下不定主意光顧哪家。最後在好奇心驅使下選了較新簇的正麵館，究竟車仔麵可以有幾新派。有吧枱的車仔麵，有日式拉麵的影子。牆上畫滿得意的公仔，單以藍，黑、白畫成，卻不覺單調。$36三餸一麵，並不便宜，跟深水埗的小排檔車仔麵相比，還可以說它幾貴。二人套餐較抵食，一碗二人份量指定配料的車仔麵或一人一碗自選餸菜、兩個小食、一碟油菜及兩杯特飲，百餘元。在不同細微位都可以找到新派的特色，如胡椒豬肚湯底、車仔撈麵、冰鎮芥蘭等特色小食。薄荷朱古力／大話7茶餐廳朱古力的濃度，沒甚麼特別，帶清涼的薄荷，都幾清新。大話7的鹹鹹酸酸的，開胃，透心涼。涼拌西洋菜又腍又爽口的西洋菜，吸滿秘製辣汁。上面鋪著混了薑絲的辣椒，兩種不同的辣同時刺激味蕾，尤其惹味。懷舊蝦多士薄得看不見的多士，夾著蝦膠，面層鋪滿白芝麻，在懷舊的菜式加上新意。又脆又香口，炸得完全不油膩。蝦膠帶淡淡的蝦鮮，夠彈牙，不俗。油菜套餐附送的油菜，並沒有多餘的油，蠔油亦另上，看來店主都是注重健康的人，而且緊貼健康行先的潮流。一碟普通不過的生菜，清淡健康，有家的味道。麻香車仔干撈麵／豬紅／必食豬腸／墨魚丸份量超大的麵上放滿配料，再加一大團麻辣