段純貞牛肉麵 (如心廣場一期)

营业中

休息中

之前看到段純貞開了幾家分店，最近做了半個荃灣人的我終於有機會來品嚐一下慢火牛肉湯底的手工麵！三寶麵 $92麵條可以選擇細麵或手工麵，手工麵比較粗身、厚薄不均，最能吸收湯汁，而細麵則氣孔多，配濃厚醬汁比較配。三寶麵有腱心、牛肚及牛筋，入味又軟腍，好吃！牛肉湯果然濃郁好味，而手工麵口感夠韌性。麻辣蒜味腱心半筋半肉麵 $88喜歡牛筋自然選擇這半筋半肉的。原來一頭牛只有大約五碗份量的牛腱心，油脂分佈平均而口感軟Q，真的太好吃了！湯底更是辣而不嗆呢！紅油抄手 $48抄手上面佈滿了芽菜，抄手味道不俗，餡料是蝦跟豬肉。冬瓜薏仁檸檬特飲 $30特飲佈滿了薏仁，不會太甜。金橘蜂蜜綠茶 $28喜歡熱飲的話金橘蜂蜜綠茶是不錯的選擇，帶點酸甜。員工服務態度非常好，環境不錯，食物味道也不錯呢！

整體食物質素與之前比較是一樣，但湯底好像不夠熱，麵類和肉類都是非常美味，就是喝起湯來有種暖暖的感覺。而員工方便在招呼客人進來的時候可以有一種歡迎他們的感覺，畢竟是對餐廳的第一感覺。最滿意的是員工會建議甚麼飲料較為適合，因想與媽媽一起分享，能建議出既合適媽媽年齡，又合乎我的要求的飲品。

好幾年前偶然係台灣食過，當時覺得幾唔錯。前排知道竟然開左來香港，即刻去左食，當懷念一下台灣。不過老老實實，去之前都已經有心理準備無台灣咁好食。結果當然無令我「失望 」😂・⊳ 紅燒腱心半筋半肉牛肉麵因為好鍾意食牛筋，基本上食親牛肉麵都會叫半筋半肉，而麵條就揀左手工麵。麵條唔夠煙韌彈牙，唔太似手工麵。牛筋同牛肉都幾大塊，呢下幾滿足，牛筋都ok ，但牛肉肉質就偏冧唔夠彈，味道不過不失但口感一般。⊳ 鹽酥雞呢個無咩事都可以唔洗叫。雖然炸雞幾大舊，但個層粉真係好鬼厚，而且肉質好乾，嫩度同juicy度都大大欠奉。正路呢個價錢同級數嘅台灣名店唔應該整到咁。之前係台灣店無食過，唔知係咪都係咁 🤔

今晚食自己，一條友去左近期好紅嘅段純貞牛肉麵試下係唔係真係咁好食。六點半入座未見人龍，一坐低叫完嘢食再望出去已經排緊隊了，好彩早左一步✌🏻睇嚟熱潮仲未減退。叫左碗經典紅燒牛肉麵同埋桂圓杞子薑母茶。上菜都算快，可能係因為佢地用餐時間只係得45分鐘😅紅燒牛肉麵湯頭濃郁，唔算太油膩。牛腱薄切，唔會散亦唔韌，份量都算多。我揀左細麵，賣點係麵上有好多氣孔，可以吸滿湯汁。湯汁掛麵嘅程度唔錯，就咁食麵都已經索到d湯，壞處就係好快淋，慢食嘅朋友把口要咬快d吞快d同時間競賽喇😬桂圓杞子薑母茶就麻麻地，比較甜同埋唔夠薑。可能我中女怕甜又怕寒啦🙈整體來講如果要排隊食就唔建議喇🙅🏻‍♀️唔係難食嘅，但係未至於要等咁耐去食囉。

今日同朋友入荃灣睇中醫，之後就黎到呢間食台式牛肉麵既過江龍到食晏：）呢間台式麵店最近都甚有人氣，當日去到既時侯大概兩點鐘，都接近滿座！！！呢間店最吸引我既係佢地既手工麵，比一般既麵條闊身，感覺Q彈~~我同朋友每人揀左一款麵食之外，仲要左一份 滷水拼盤share 我既 三寶麵92先到，當中有齊牛肚、牛筋同牛腱心肉~紅燒湯底味道濃郁，三款牛既食材部位都好入味，特別中意膠質十足既牛筋：）寬身既手工粗麵軟硬適中添上酸菜同吃，特別滋味！！！而朋友就要左碗 麻辣蒜味腱心半筋半肉麵88~~豐富既食材上蓋了一層紅油，不用試味都想像到其辣勁不輕，岩晒無辣不歡既朋友仔XDDD而一齊分享既 滷水拼盤78都唔錯，有牛肚、牛展、滷蛋、豆乾同菇菌5種材料~甚有豆香既豆乾係朋友既心頭好呢！！！當日我地仲每人要左杯 冬瓜薏仁檸檬特飲30添；）呢杯特別都值得一試，清甜帶有薏仁香，加上鮮檸後更覺清新，十分解渴！！！！

今天放假，與媽媽來到這間人氣台灣牛肉麵餐廳午飯打卡，我哋差不多2:00來到，餐廳依然滿座，人氣十足。我哋分別叫了兩碗麵，一個滷水拼盤同埋兩杯飲品。三寶麵選擇了手工麵，手工麵非常粗身，扁平，類似刀削麵咁，非常煙韌有口感。三寶有牛肚牛筋同埋牛腱心。湯底是非常濃黑色，一睇就知落足材料熬成，睇介紹知道，用咗新鮮牛揸出嚟嘅牛油，配合好多種中藥材料同埋牛骨湯撈成的，果然味道濃郁，滋味無窮，成碗湯飲晒。牛肚爽口，牛筋非常軟滑，盡入湯汁很好味。牛腱心我還是第一次吃，肉質非常鬆軟，腍滑，用筷子大力一點夾着都會散開。麻辣蒜味牛腱心麵麻辣香味撲鼻，湯底呈現紅卜卜的顏色，其實吃起上來不算太辣，呢碗麵我哋叫咗細麵，幼幼的，容易吸湯汁，掛湯一流，越食越滋味。牛腱心同樣鬆軟，有三大件，非常滿足。另外，每碗麵都附送雪菜，雪菜經調味，不會死鹹，加入麵一齊食更加惹味。滷水拼盤有牛展，豆乾，鮮菇，滷水蛋及牛肚，非常豐富。當中最好吃的是牛展，牛展肉質腍有牛味，吸入滷水汁好好味。荔枝乳酸特飲甜度適中，叫了少甜少冰。有兩粒荔枝肉，很鮮甜。食完啲辣野，飲返口凍飲，感覺特別舒暢。冬瓜薏仁檸檬特飲味道清新，淡淡的檸檬味加上冬瓜茶，好清

牛三寶幼麵味道不錯，但牛件份量太少。燉濃湯雞麵湯底鮮味而不油膩，非常好飲，原隻雞腿十分入味，雞肉亦很鬆軟。醬炒青菜味道不錯。有一兩片菜葉有微焦，但不影響味道

同事話公司附近開咗間台灣牛肉麵好正，好想去試但又冇時間，當知道佢哋有外賣服務，即刻去order 再自取先。首先我落咗碗紅燒牛筋麵，再加一份紅油抄手，重好想試下佢地D茶，就叫咗杯仙草奶茶到lunch 時間去取已經放在收銀機旁邊，只須10分鐘就返到公司開餐打開份餐湯、麵分開唔會淋晒，湯好濃牛肉味，好有在台灣食的感覺，牛筋好淋麵食，正！再試下抄手，辣度適中，好多大豆牙菜拌住，好爽口，最後飲埋杯仙草奶茶，成份lunch 非常滿足！

三寶麵有腱心、牛肚同牛筋，一次過滿足你三個願望！牛肚爽口彈牙。牛筋超腍身，唔使點用力咬就食到。腱心係牛的小腿部位，肉裏面有細筋，筋肉比例啱啱好，肉質較堅實Ｑ彈。揀左細麵細麵因為氣孔多，索曬d湯汁。嗜辣嘅朋友一定要試下「麻辣蒜味腱心半筋半肉麵」，因為真係好辣。揀左手工麵。手工麵好闊身，似刀削麵，好彈牙。麵入面有小唐菜，小唐菜好脆口。兩碗麵都附送酸菜。滷水拼盤有牛肚、牛𦟌、滷蛋、豆干同鮮菌。牛𦟌好腍身，味夠濃。鮮菌口感彈牙。凍冬瓜薏仁檸檬特飲即係冬瓜茶加檸檬同薏米，飲落似奶茶味，唔會太甜。薏米夠腍，可以去濕，可謂健康特飲。凍荔枝乳酸飲料大大粒荔枝，甜甜的，搭配乳酸，又酸又甜好開胃。

今次是我第三次吃這間餐廳 而且今次是吃堂食食物的質素也比起買外賣較好因為食物的溫度能保持最熱的狀態但是飲品方面就有失望 因為飲品不是太好我這次和朋友點了紅燒牛肉麵和紅燒半筋半肉牛肉麵食物的味道真是非常好 牛肉的味道非常濃厚 牛肉和牛筋的質感也是非常軟綿綿 麵條也是很彈牙 不會過軟或者過硬我今次點了兩杯飲品 一杯是麥芽珍珠奶茶一杯是香芋珍珠奶茶但是飲品的冰冷度不足 所以不是太好喝 雖然飲品的味道很好 但因為冰冷度不足 非常影響飲品的品質 我認為可以放多一些冰塊令飲品的質素可以有所提升

那天和好友說起，復飛後會想到那兒。我想念居於歐美的家人，想念東南亞的陽光與海灘，還有一個個心儀但未曾踏足過的國度⋯⋯想著想著真的好想出走一下，唯有靠美食來慰藉心靈。如心廣場店是段純貞台灣以外的第一家海外分店，近來在網上頗為火紅，閒日兩點到來都要排上十至十五分鐘。店家裝潢古色古香，幸運的被安排至卡座，坐得舒適。金橘蜂蜜綠茶 $28一般對麵店的飲品沒甚期望，想不到這兒的茶飲也做得絕不馬虎。綠茶味清回甘，酸酸甜甜、醒胃解渴。三寶麵 $92呈深啡色的湯底帶有滿滿的藥材和滷味香，手工麵粗身有咬口，牛筋滑溜，牛肚軟腍無渣，腱心肉真的比平日吃到的更嫩滑，好驚喜。鹽酥雞 $48排隊時見人食得津津有味，不執輸亦來一客。雞肉大大件厚切，肉質嫩滑，脆口惹味，惟胡椒粉重手了少許，略帶辛辣。沒期望的情況下來到，覺得各方面也做得挺到位，招牌牛肉麵尤其出色，可以一戰，不過以此格局如免加一更合適。

話說段純貞新開張期間疫情嚴重，所以只好外賣🥺上星期終於有機會一試堂食喇~近水樓台先得月☺️平日12:40到達，幸好仍未需要排隊。二人同行被安排坐四人枱，好感動都唔需要搭台🥲👏🏻話說之前外賣試過招牌紅燒腱心半筋半肉麵和燉濃湯雞麵，已經覺得好中意❣️今次堂食就試埋期待已久的🍜麻辣蒜味腱心半筋半肉麵 $88堂食湯底熱辣辣，不過呢度既麻辣湯只有好濃的辣味及蒜香(唔刺激的)。略嫌不及紅燒湯般有牛骨湯的香甜和微辣的惹味手工麵堂食更有咬口，亦都唔怕痴埋一舊舊牛筋和牛肉都一如既往，非常軟腍入味，有肉香👍🏻不過下次再堂食，都係食番紅燒或原味湯底☺️/同場加映早前外賣食過既：🍜紅燒腱心半筋半肉手工麵 $84(外賣免加一)外賣很細心，沒有特別要求，也主動分開了湯！美中不足是木匙羹較扁身，很難「不」湯，最後還是要出動私伙匙羹，才可以一邊吃麵一邊喝湯😋湯底色澤及味道也相當濃郁，香料及藥材味重，微辣，相當惹味！手工麵的麵條較闊及扁身，雖然分湯後無可避免有些麵條會黏在一起，但整體也很滑且有咬口👍🏻至於半筋半肉各有兩大舊，非常入味且很軟腍，唔會痴牙亦都冇牛so味❣️酸菜爽脆之餘，酸度充足，非常開胃/🍜燉濃湯雞麵 $78(外賣

又再來訪者間全港最強牛肉麵相當出色，推薦大家都要來吃📍燉濃湯雞麵🐔🐔🍗🍜（$84 ）傳統細麵，麵質幼細，氣孔較多，吸湯力高👍🏻雞湯香味濃郁，顏色清澈，質素佳，雞髀🍗肉嫩多汁🐓🐓😋📍麻辣蒜味腱心半筋骨半肉麵🐮🍖🍝（$88）同樣揀選了吸湯力高的細麵，喜歡Q彈麵質的朋友可以揀粗麵🍜牛肉質素極佳，牛腱超級口肉，牛筋爽嫩🐮🐮📍滷水拼盤🍄🧆🥠（ $78 ）拼盤豐富，有牛肚、牛𦟌、滷蛋，豆乾及鮮菌，入味濃郁，滋味無窮∞！😋📍荔枝乳酸飲料🍹（$28）有大大粒荔枝果肉🧊🥛📍冬瓜薏仁檸檬特飲🍸（$30）薏仁檸檬美白功效，必點👩🏻💋

午餐同媽咪去荃灣覓食，見到段純貞牛肉麵好多人排隊，又過去排隊試下😛依間牛肉麵果然正宗，難怪咁多人食😋下次黎到荃灣又多個必食點😋小明為食餐單: 三寶麵🍜 $92有腱心、牛筋、牛肚，好有牛肉味，而且肉質好好，牛筋好滑但唔會硬，我肚好爽浸曬牛肉湯味，腱心唔會鞋煮得剛剛好，再加上附上既酸菜，好好味😋麻辣蒜味腱心半筋半肉麵🍜 $88依個加左麻辣仲更加惹味，如果仲意食辣一定非常仲意，有牛筋同牛腩，同樣咁入味🥰滷水拼盤🍱 $78拼盤有牛肚、牛、滷蛋、豆干、鮮菌，滷蛋係小明好愛既流心蛋程度😍豆干浸左牛肉香加滷水汁，一流😁鮮菌係一大片一大片既菇，好有咬口又鮮味😋牛肚牛一樣咁有水準😘荔枝乳酸飲料🍹 $28酸酸甜甜既飲品好解渴又好味，乳酸係飯後飲幫助消化又係好好飲既飲品🥰荔枝粒粒好香甜🥰冬瓜薏仁檸檬特飲🍹 $30 冬瓜薏仁好清甜加埋檸檬酸酸地，好special，底部有好多薏仁可以食，食落好健康😋

已經很久沒有吃過台灣的美食，十分想念！因此，我特意上網找尋一間最能還原台灣美食的餐廳，果然，段純真沒有令我失望，我和朋友吃得很滋味，紅油抄手和滷水拼盤香氣十足👍🏻紅油抄手辣得嚟又好香，食唔停口，香氣撲鼻。滷水拼盤就好夠味，個滷水汁好正，唔會太鹹但又唔會唔夠味。