民華餐廳

营业中

休息中

前幾日同朋友行完花園街，佢話見餓想食野~~所以我地就過左對面街，入左去坐低休息兼食野xpp朋友要左個滋味常餐$46，我就要左個菠蘿油配紅豆冰$32既餐，跟手仲要左碟雞扎$18同鵪鶉蛋燒賣$17一齊食！！！兩款點心先到，鵪鶉蛋燒賣一碟三粒，唔會過咸或者有好多肥肉混入，味道不錯;]雞扎就有兩大件，除左有無骨雞件之外，仲有豬皮、豬肚同埋粉糯又吸味既芋頭由腐皮包住，超足料！！！朋友既常餐都好豐富，佢碗薑絲牛肉粉有超多牛肉喺面~~而炒蛋厚多都唔會有死xpp仲要飲埋杯凍檸茶既佢，應該覺得好爽~~我既菠蘿油都到啦❤️❤️❤️烤焗到微暖既脆皮菠蘿包夾住一片冰牛油，一口咬落去，兩種溫度結合，牛油芳香四散喺口腔，正！而杯紅豆冰都交足功課~~超多起晒沙既紅豆，飲完都飽左三分一 xDD朋友見到我食菠蘿油之後又話想食西多，慫恿我陪佢食~~凡人總是敵不過魔鬼，我最終係敗給魔鬼，落入邪惡金黃既厚厚西多之中xppp

通菜街平民抵食老字號 話說細細個成日嚟呢條通菜街睇動物有時諗唔到食乜都會選擇喺呢間茶餐廳食估5到幾年無食 個價錢都仲係差5多 升幅不大 質素都唔錯今次嚟到我哋四個人食 叫咗好多嘢每人都唔使$60 同其他西餐廳比抵食到爆😂😂😂西多士$20 茶餐度必備😂😂😂😂 勁邪惡 每人分享食幾舊就不怕肥了🤤咖喱牛腩飯$56呢個價錢平時係西餐都食唔到啲咩但係呢度嘅牛腩大大碟 都夠兩個人食🤤🤤🤤燒賣$17四舊啱啱好一人一舊😬😬😬金錢肚 同酒樓嘅味道有得揮！ 常餐$46呢個價錢包埋通粉多士炒蛋同埋凍飲唔知點解一去親茶餐廳就好鍾意佢哋嘅動奶茶沙嗲牛肉等等呢啲香港獨有嘅食物個人來講平時都好少去茶餐廳食飯但係覺得今次呢間都唔錯 同埋地點好方便好適合平時行完寵物用品之後坐低平平哋食餐飯邊個話抵食嘅茶餐廳就唔可以好食高質㗎總括嚟講覺得呢度嘅食物都真係幾抵食 份量亦都幾大 地點方便都推介大家嚟食個晏晝夜晚

難得放假同屋企人落樓下食早餐一入去超多人好熱鬧， 叫咗經典常餐食雖然早餐，但好在有在不同嘅配搭可以選擇，符合每個人嘅需要。連麵包可以揀方包/多士；主食叫左鮮茄牛肉麵、火腿通粉同埋蕃茄叉燒面。每一碟份量都好夠，好大份，蕃茄湯夠濃郁，牛肉同埋叉燒都好夠味而且唔會煮到硬，麵底拿捏得時間啱啱好，想到餐枱都唔會太淋，通粉亦都夠彈牙。之後媽媽心郁郁想食西多士，竟然連早餐都有得食！最特別地係有糖漿或者煉奶，即叫即製，好新鮮，欣賞欣賞。

今晚開OT，做到7-8點先餓死人了。所以一放工就去搵餐廳食飯，行左落旺角，見到間間餐廳都好多人，唯有排下隊啦，我選擇左食民華餐廳，因為夠快同多選擇。我叫左個西多士同女朋友share。件西多士超級厚，係招牌菜，真係無得輸，熱辣辣，啲牛油僈慢溶化，好治癒😃加埋蜜糖甜甜地，好好味。我叫左個常餐，件多士加左果占，勁好味，炒蛋又好滑，一流😍加埋個雪菜肉絲麵，飽飽。佢地個雪菜吾會太咸，肉絲都好味，吾硬👍🏻👍🏻女朋友叫左魚蛋粉，魚蛋無雪味，新鮮👍🏻👍🏻 加埋塊炸魚皮，非常好味。我地好快就食飽飽返屋企，去民華食飯，快靚正，一定吾會令你失望😍

✨ 呢排考試都無乜心情食好西，唯有同友人A落去旺角民華填下肚，再翻大學再戰lecture notes😤😤 不過填還填，民華的確又無令我無令小妹我失望，仲要價廉物美添。✨餐牌✨ 常餐👧🏻 小妹喺茶餐廳最中意嗌常餐，貪佢咩都有啲嘛。今次小妹就簡咗我嘅最愛-沙嗲牛麵，麵底超煙韌，不錯。仲要烘熱咗嘅多士配上溶咗嘅牛油，有咬口得黎又不失牛油香。$46黎講真係幾抵。✨ 西多士👧🏻 小妹令一個至愛就係西多。雖然民華無小妹中意食嗰款搽滿花生醬嘅西多，但呢款厚身嘅麵包都足以滿足我嘅味覺😛😛。✨ 菠蘿油配紅豆冰👧🏻 友人A唔知係咪想做菠蘿油王子呢，所以佢又嗌咗份菠蘿油黎食。熱辣辣嘅菠蘿包再配上一塊勁厚又凍凍地嘅牛油，真係好perfect 嘅perfect match🤤。咬落口，味蕾真係充滿住刺激㗎。

民華係香港都有唔少分店，今次就去左最市中心人流最多嘅旺角店試下。.首先係香港人第二最愛小食：西多士，佢有煉奶同糖漿揀，我就選擇左煉奶，因為佢同牛油係最match😆 大家都可以加3蚊加其他醬。西多士好厚身，出面蛋香好香，外皮煎到好金黃，裹面白麵包好軟熟。.另外仲有茶餐廳必有嘅常餐，有好多款麵你揀，我就揀左一個雪菜肉絲一個蕃茄叉燒通，特別想讚佢個多士，真係好好食，烘得好香脆，牛油又唔嗇色，炒蛋好滑好重蛋味，超好味。.豬軟骨飯包埋一隻煎蛋，呢到炒蛋又好煎蛋又好，水準都唔錯。豬軟骨好腍，啲肉食起上黎唔牙罅。炆得幾入味，比想像中好食。.最後好想試佢個波羅包，但因為實在太飽就冇緣嘗到，我同事話佢食親都要打孖黎，叫外賣仲好抵食，下次一定要再試下。

今日lunch去咗文華冰室食常餐，文華冰室嘅常餐其實都幾出名，餐牌寫住常餐其實都係得幾個選擇，番茄湯、沙嗲湯、清湯，配料可以揀牛肉、叉燒等等，然後又可以揀面底要米粉或者面或者通粉都得。揀完面之後，就要揀你食煎蛋定炒蛋，不過黎呢度食，九成嘅人都相信會揀炒蛋，只係在乎你想食腸仔、火腿定係午餐肉。之後就揀埋食多士定普通麵包，都係一樣大部份人都會揀食多士。我就揀咗食蕃茄叉燒麵，朋友就食沙嗲牛肉麵。蕃茄湯都幾濃，而且叉燒肥瘦適中之後叫咗餐肉炒蛋配多士。餐飲叫咗凍朱古力，走飲管成功，抵讚！之後叫多咗份西多士食，原來呢度嘅細多士都好好食，真係做到外脆內軟，而且多士非常之厚身，值得推介。朋友就話想試吓點心，就叫咗個燒賣同埋一個金錢肚share，估唔到茶餐廳都可以食到點心，而且質素唔錯。

到旺角想不到食什麼，於是就去番民華啦！⭐鳳爪排骨飯（$29）大滿足有排骨又有鳳爪，一次過滿足兩個願望。肉汁精華蒸入飯中，伴上鼓油食更是好味。.加$16 有魚湯灼菜心，原價是$20，帶有鮮甜魚味，健康。.夏天少不了汽水，原來可以選「冰底」or not，即多杯冰，反正不用加錢，why not?! 另外，西多士可選煉奶或糖漿。脆脆地的外層沾上煉奶，十分好食。.⭐鵪鶉蛋燒賣（$17）不是很多地方有這個點心食，在這茶餐廳竟然有 lol.⭐鮮竹卷（$17）足料的，如果一個人食完3條應該會很飽了。.⭐常餐（$46）鮮茄牛肉麵- 超香濃的蕃茄湯！而且有很多塊牛肉，滿足！厚多士烘得脆脆的。

前兩個星期食完民華嘅常餐之後一直心思思想再食，所以今次就帶埋媽媽一齊食今次當然一定要叫返上次朋友食過好好味果個叉燒蕃茄湯公仔麵，半肥瘦叉燒加埋香濃蕃茄湯底，令人食指大動又香又滑既炒蛋夾埋牛油厚多士一齊食，外脆內軟既厚多士真係好正西多士又係令人回味無窮，+$2可以要哂煉奶同糖槳，一次食哂2款口味+$16可以配埋魚湯灼菜心，煮得岩岩好，唔會老哂，菜心好甜民華既咖哩牛筋楠飯都幾出色，咖喱汁帶小辣，牛腩同牛筋炆得好腍，媽媽大讚今次我唔飲普通嘅咖啡奶粉，加錢轉做特飲，紅豆冰裏面勁多紅豆，啖啖紅豆粒，咸檸7又係另一個好選擇，好地道嘅港式風味

這天心血來潮想要吃豬潤麵，本來想過吃維記的，可是想到那咸得有點過的湯底卻步了，接着想起民華也有賣豬潤就過來。之前幾次光顧都點牛肉麵，一直沒發現豬潤已經消失，向服務員詢問才得知已經沒賣大概一年，可是人已經坐下來也不好意思直接走掉，所以點了鮮茄牛肉麵。常餐的永遠配搭是餐肉炒蛋和即烘牛油多士，這裡的即烘牛油多士特別好吃，用上厚厚的麵包，口感飽滿，麵包又烘得火候恰當，表面脆脆的，咬起來有酥化感，而且牛油給很足，滿口酥香。午餐肉這種東西則是天生好吃，味道統一，差異微，與餐廳質素沒什麼關係，在哪裡都是差不多的好吃。炒蛋質感綿滑，可惜有些咸過頭，雞蛋的鮮香被稍微壓下去，為什麼近來光顧的茶餐廳都把食物做得比以前咸😑 鮮茄牛肉麵的湯底讚在濃稠度高，可是這天稠得有點過，不過依然在合適範圍，只是水多一些更順口。味道保持着過往良好質素，蕃茄味道濃郁且帶有一定程度鮮甜，同行人可是把湯底全喝光😅牛肉質感真實，沒有感覺到牛肉被生粉處理過的假滑，這做法可是在茶餐廳很常見，當然也許是放了只是我沒吃出來，可是我感覺不到已經足夠。在沒有假滑幫助下咀嚼也不起渣子，牛肉切成薄片有助營造軟嫩口感，以茶餐廳來說口感不錯就好了，不追

今日約咗妹妹食完飯去旺角行街，所以我哋求其喺旺角食間茶餐廳就算，所以今日我地去左民華餐廳食常餐。去茶餐廳常餐應該是大家必點的菜色，因為配搭多，又抵食。沙嗲牛肉米粉+餐肉炒蛋+即烘牛油多士這次我選了沙嗲牛肉米粉配炒蛋午餐肉加即烘牛油多士。作為港式茶餐廳的經典，整沙嗲牛肉好食已經贏左一半。而今次食嘅沙嗲牛肉好正，啲牛肉好嫰，炒蛋好creamy（不過我個人覺得偏油左少少，不過真心好滑），即烘牛油多士其實真係點都好食。叉燒通粉+餐肉炒蛋+即烘牛油多士另外妹妹我選了叉燒通粉配炒蛋午餐肉加即烘牛油多士。叉燒份量都幾多。我哋兩個都加咗+$9 要紅豆冰勁勁勁勁多紅豆最後食多個甜品：西多士。位列十大邪惡茶餐廳食品的西多士，不用說都知它熱量高、脂肪高。西多士，要外脆內軟，最重要是麵包索滿蛋液。份量好足，蛋漿好足夠。最緊要就唔係好油，因為我覺得又又又加啲糖漿落去會太肥（雖然細多士本身就好肥膩）～

呢間餐廳對我來說真係百吃不厭！！一唔想煮飯就即刻落去食架啦雪菜肉絲米 ！！照舊都係揀我最鍾意嘅餐肉同滑蛋~ 而且仲有一個牛油多士配埋 真係飽肚又好味鳳爪排骨飯~ 屋企人無啦啦想食！ ！ 估唔到又真係幾正~雖然呢個飯睇落去都幾肥下！ 但係一打開實在太香啦 忍唔住連我都食咗幾啖啊五香牛筋腩河~ 我最鍾意食牛筋 超級滑同埋軟綿綿~~~ 但係牛腩方面今次有少少失望了~ 牛腩有少少*鞋* ， 可能因為炆得太耐了西多士~~今次我哋專登唔叫煉奶啦！ 試吓糖漿！ 成個味都唔同左呀！。挨個兩種方法我都十分喜歡💕百幾蚊可以嗌到咁多嘢食真係抵呀

This Chinese restaurant has been expanding quite quickly recently. Their signature tea set and dimsum drive my intention for a second visit. we ordered a beef dish in pepper and soy sauce, siu mai and added their speciality of marinated pork and tea set. For drinks, we ordered cold lemon tea & they also recommended coffee. The pork was my favorite dish as it soaked with the soy sauce perfectly came with a large portion too - perfect with a portion of rice (didn’t order cause we were quite full f

今日收早經開旺角諗住搵個lunch食, 度度都迫滿人, 決定都係去番民華快靚正。每次黎民華都會叫既煉奶西多, 無論lunch食定晚餐食都一樣咁好味, 永遠都係新鮮即做鬆軟又夠熱雖然今日一個人食一份多左d, 但係都忍唔住要叫常餐要蕃茄cha燒米, 今次第一次食cha燒, 平時食牛肉多, 間唔中轉下都不錯! 蕃茄湯一樣咁濃郁煎雙太陽蛋一樣係煎得好靚, 雖然無燶邊, 但係蛋味好香, 雖然見到好多人都會揀炒蛋, 但近排中意將塊多士點落蛋黃度食, 係非常之好味所以多士其實唔一定要配炒蛋, 太陽蛋一樣得配埋可樂, 四十幾蚊又一餐, 真抵食

同好朋友行街諗唔到食咩即興食民華餐廳， 這裏對於我來說一點也不陌生，已經食過很多次，之前也寫過食評，每次到來多數是點常餐或咖哩牛筋腩，今次再試下這裏的西多士，果然有驚喜。點了一個常餐鮮茄牛肉通粉＋腸仔炒蛋＋即烘牛油多士＋熱檸檬水$46，咖哩牛筋腩飯$50，熱阿華田$9，西多士$20。常餐鮮茄牛肉通粉＋腸仔炒蛋＋即烘牛油多士～ 非常濃郁的鮮茄湯，牛肉口感嫩滑， 配腸仔炒蛋， 還有香口的牛油多士。咖哩牛筋腩飯～ 咖哩味超香濃帶點微辣，牛筋又淋又入味，牛腩也是香味極濃， 白飯上面還配一隻蛋，要讚一讚這裏白飯的口感，一粒粒的配咖哩汁非常好味。西多士～ 這裏的西多士可以選擇煉奶或蜜糖， 當然選擇我最喜愛的煉奶啦，熱辣辣金黃色的西多士，上面的牛油很快就溶入 多士裏， 因為我本身不喜歡吃花生醬， 平時食開的西多士好多時都會有花生醬在中間， 民華的西多士沒有， 所以對於我個人口味是非常好吃的。每次當我經過金魚街，也會到民華餐廳吃常餐，已經習慣很耐了，除了位置方便之外，這裏的店員們服務也非常好 。