民華餐廳

营业中

休息中

Day off最好就係瞓到晏一晏跟住就去食個brunch今日係食呢間民華三點鐘仍然好多人我地嗌咗沙爹牛麵配餐肉炒蛋多士沙爹味好濃郁 個湯底多士亦外脆內軟 不過建議嗌咗就即刻食多士先 跟住嗌咗咖哩雞湯河佢個咖哩非常濃郁 係港式咖哩風格雞肉非常淋 唔會鞋口不過要食得快啲 因為河粉好索水再黎西多士 我地揀咗煉奶佢淋勁多煉奶俾我地真係唔怕會乾淨淨最後整多個金錢牛肚金錢牛肚亦有好香嘅五香味唔錯唔錯飲品方面 由於今日氣溫高達37度 真係好熱所以我都破例唔飲熱飲 飲好解渴嘅鹹零7非常爽!

叫得「常餐」梗係常常都有得食嘅餐！相信香港人包括我...去過茶餐廳都梗會食過😂而我就係常客經常都會食😂😂今日經過呢間民華又貢入去試吓先...常餐款式十分之多喎🤤最後我揀蕃茄叉燒通粉+餐肉炒蛋+即烘多士，即烘真係即烘外脆內軟冇得輸呀～～蕃茄湯底茄味濃郁！再整多件西多士，炸到金黃色又係外脆內軟！超級好味再加原支糖漿...任倒！正呀😍😍仲有叫咗個咖哩牛腩飯，咖哩味香濃（少辣），牛腩入哂味又夠淋👍🏼飯餐可以$16加配魚湯油菜！兩個人叫咗咁多嘢食，中西合璧樣樣有，真係好好味全部食晒下次再去叫試埋盅頭飯同點心

每次去完旅行回港後，都特別想吃茶餐廳常餐😆有沒有人也會這樣🙌🏻🙌🏻說到常餐，百吃不厭的，一定是，非民華莫屬🤟🏻🤟🏻既有港式常餐，又有港式粉麵，口痕時更可追加點心，大滿足。三個剛外遊回港的人，回家的第一件事，便來光顧民華。番茄牛肉米粉，炒蛋多士，凍檸茶。雪菜肉絲米粉，火腿煎蛋，熱奶茶。來一碗魚蛋河，上湯時蔬，凍咖啡。少年，實在太年輕了。才不會這麼容易填補空虛的肚子😌追加一份西多士、鵪鶉蛋燒賣、山竹牛肉。番茄湯底夠濃郁，有番茄粒，配搭米粉能輕微掛湯。牛肉軟稔，久浸不硬。雪菜肉絲份量足以蓋面，又為米粉添味。魚蛋河，魚蛋魚片頭彈牙，炸魚皮炸得香脆可口。上湯時蔬翠綠，不油膩。點心即叫即蒸，鵪鶉蛋燒賣、山竹牛肉，熱騰騰的，很誘人。燒賣較健康，以瘦豬肉為主。山竹牛肉，早已淋上喼汁，墊底的腐竹盡吸了喼汁，如能另上醬汁更佳。來到重點，西多士。厚多士鬆軟，炸至金黃色。可選煉奶或糖漿，這回可自行淋上糖漿。

行完花園街，經過民華，都好多選擇，人流又多，就試試先原本打算食點心，但又比常餐吸引☺️☺️☺️果然為食就係見到牛肉蕃茄湯底配通粉，先飲湯底，蕃茄味濃，唔似一般水汪汪的，牛肉夠淋，易咬，蕃茄都有數件，最後連湯都飲了大半碗👍🏻👍🏻👍🏻👍🏻👍🏻👍🏻👍🏻見再上太陽蛋及餐肉，見到即烘多士貼士，要趁熱食最好味，當然即吃，多士即烘，厚件，好有誠意的多士加入蛋汁同餐肉。一流最後都係忍不住點了金錢肚，秘製意思我吃到好濃沙嗲醬，配上小小辣椒🌶️，入口爽口，又幾不錯，羅白味道已吸入精華，不錯的選擇

好鍾意去旺角行寵物店~成日經過呢間餐廳都會入去幫襯~最鍾意食佢個常餐~今日又拉埋老公一齊黎食!常餐(鮮茄牛肉通配火腿炒蛋、多士走牛油轉配花生醬)我對呢度既常餐情有獨鍾係因為佢既選擇比一般餐廳多~淨係通粉都有9種選擇!今日我就揀左鮮茄牛肉通配火腿炒蛋~仲可以揀牛油方包定多士~我就揀左走牛油既多士，+$2轉配花生醬~首先鮮茄牛肉通既茄味非常濃郁，唔係普通罐頭開出黎，真係有蕃茄係入面，真材實料!炒蛋夠滑有蛋香~而我最欣賞就係個多士，花生醬塗得平均而且有一整塊多士~烘得外脆內軟夠厚實~好正!西多士因為見隔離檯食得好滋味所以叫埋~可以揀糖漿或者煉奶~我地就揀左傳統既糖漿!呢度既西多係冇餡既，可能有D人會覺得較DRY，但因為西多士夠厚又炸得鬆軟，所以就咁配埋牛油同糖漿都已經好好味!咖哩豬扒飯呢個咖哩豬扒飯帶到驚喜俾我地~豬扒本身已經夠大塊，份量仲要有兩塊咁多仲要醃得好入味又厚身~配埋咖哩汁食真係一流~要注意呢度成日好爆場，繁忙時間一定要搭檯~

呢晚做完運動就同隊友黎補充體力xpp呢間分店係24小時營業，幾夜黎到都有得食：）我都係照舊食“滋味常餐”HKd$46！！！今次就要左薑絲牛肉通，餐肉炒蛋配牛油多士~~~今次呢碗牛肉通好似特别大碗咁！連d牛肉都好似多過平日食咁~~~中意呢度既牛肉無乜用粉乸過而食落都唔嚡=）炒蛋同厚多士亦係呢個常餐既重點之一!!!!!而隊友係男仔，佢就要左份“咖喱豬扒飯套餐”HKd$56~~一上檯聞到勁香咖喱味，仲要有兩大塊厚切既豬排，而碟堆都好似座小雪山咁既白飯上面仲有隻半熟蛋添xppp最後當然要拉埋隊友一齊陪我入呢個邪恶既“西多士”HKd$20之坑啦~~~當晚我仲要補左差額飲“紅豆冰”，杯紅豆冰超多豆兼起曬沙，正！！！而隊友就跟餐加左3蚊飲左杯“凍齋啡”~~~相信身為螞蟻人既我都係唔會識得欣賞呢杯“苦茶”架啦xppp

今日去左旺角民華餐廳食下午茶！CP值極高😝😝💗不得不俾個like😚我同朋友都係叫左常餐跟蕃茄湯底，我就叫咗通粉🙋蕃茄同通粉先係絕配💃🏼個番茄湯唔係講笑，超濃郁😝濃到好似飲緊住家湯咁😝 一啖湯一啖通粉，話咁快又食哂一碗😚 超開胃，又唔重味精味，感覺好健康😝🤘我嗌左熟蛋同腸仔。雖然個蛋未熟到好似我預期咁，但真係好有意外驚喜😝外脆內軟好好食🙌至於最邪惡嘅西多士，果然都冇令我失望。係好原始嘅美味，外皮好脆，入面好有蛋味。有時有啲鋪頭嘅西多士嘅花生醬會搶咗風頭，但呢度嘅西多士嘅配合好完美，各適其適😻點都估唔到一間茶餐廳會有點心嗌，我叫咗燒賣同埋雞扎。食點心最緊要就係乾身，呢度都做到，尤其係燒賣真係好好食😽

上一次是下午去食民華這次晚上去旺角，晚餐通常比較貴了，但民華都是一樣價錢的！.好吧，如其不停在找餐廳，就吃去過的餐廳吧。.這一次吃「優惠套餐」- 即飯餐⭐️秘制豬軟骨飯（$56）豬軟骨煮得很稔，也得很入味。醬汁配上飯食更是滋味。飯是另用碟上的，用美美的煎蛋在包著飯，頗有心思的。.⭐️飯套加$16有個魚湯菜心，會食到淡淡的魚鮮香。.⭐️雞扎十分足料，除了有雞肉、芋頭，還有豬肚及豬皮。味道與酒樓的差不多。.⭐️燒賣啖啖肉，也有蝦，也是足料的，不錯。.⭐️豉椒鳳爪份量好似比一般酒樓多呢。.⭐️西多士我都個肥膩，不過他們切好成9份方便share，食一小粒過一下口癮吧！.⭐️常餐一律是$46元的除了一款麵（我今次選了鮮茄牛肉麵）還有蛋、餐肉/腸仔、厚多士，還送熱飲呢。

又放lunch 啦同同事行去通菜街搵餐廳食飯，甘岩見到民華餐廳侍應係門口有禮貌，笑容親切地邀請食客入座，今日就試下呢間餐廳既Lunch先一坐低，侍應就推介餐廳非常出名既常餐，我就叫左鮮茄牛肉通粉+餐肉炒蛋+即烘多士，成個餐先$46, 十分抵食。落完單一陣，野食已經好快來到，果然有效率！鮮茄牛肉通粉，湯底十分足新鮮蕃茄既味道，並不是稀稀的，而是非常濃縮既蕃茄湯。牛肉份量都幾多下，通粉係細細粒果隻，加埋蕃茄湯一齊食，好味！餐肉炒蛋，炒蛋口感好滑，而且係用兩隻雞蛋一齊炒嫁。餐肉就係薄切，煎得火候剛好。即烘多士，烘到外表脆脆的，入面係牛油來。加埋滑蛋係上面一齊食，吾錯！我同事就叫左秘製豬軟骨飯，豬軟骨同飯係分開上。豬軟骨煮到好淋好入味，搭左一條菜心，多幾條會更加加分😂啲飯煮得好好味，軟硬適中，上面仲有一個煎蛋。一切落去，係流心雞蛋來嫁！啲蛋黃慢慢流入白飯度，望到都口水直流😋我地仲叫左個點心: 金錢肚。呢個又係非常淋同入味，而且加左辣椒來蒸，十分惹味。食完正餐，緊係要加個甜品😂我地叫左個非常邪惡既糖漿牛油西多士！糖漿係成支上，任你自己口味加幾多。餐廳十分細心，上時已經切好曬，方便進食。西多士炸到

民華係我以前讀書時嘅回憶 lunch time經常都會同同學一齊黎食 所以我間中都會舊地重遊-黎到必叫常餐沙嗲牛肉米+餐肉炒蛋+即烘牛油多士好鍾意呢到嘅沙嗲 同出面茶餐廳好唔同 好香沙嗲味 味道又唔會咸到無晒牛肉味🤤炒蛋 非常嫩滑😆即烘多士 要熱辣辣咁食 而且外脆內軟 😚朋友叫嘅都係常餐火腿通粉+香腸炒蛋+牛油方包凍奶茶+凍華田我飲凍奶茶 茶底好濃 少甜控制得岩岩好😆因為無食到早餐嘅關係 太肚餓😂就再叫左西多士同兩款點心-西多士有得揀煉奶或糖漿我地揀左最傳統嘅糖漿炸到金黃色 同樣外脆內軟🤤牛油同糖漿滲係多士入面 就係不得了鵪鶉蛋燒賣 宜家買少見少 必食👍🏼秘製金錢肚 醬汁微微辣 金錢肚非常入味😋

今日訓醒超肚餓，應承左幫女朋友去旺角買啲野，訓醒即刻出門口。去到旺角，即刻搵間餐廳食個飯。見到常餐menu好吸引，選擇好多就叫左一客試下啦！麵類款式好多，款款都好吸引架！我叫左鮮茄叉燒通粉。鮮茄味濃夠酸甜，茄味都算突出。湯底唔油膩，好清甜，叉燒好爽嫩，厚薄適中，通粉粒粒好彈牙唔會煮左好耐。另外叫左午餐肉、炒蛋配多士。多士用牛油烘得好香口。炒蛋最驚喜，好滑蛋味好重。午餐肉香煎咸香惹味！食完唔飽再叫多一客西多士。即叫即炸，加上牛油和鍊奶，好正啊！熱辣辣超滿足。

茶餐廳相信係香港美食之中嘅一大特色!!!!!如果趕時間，茶餐廳可以話係快得來又平又正 😍😍今日趕住夜晚去上堂，就同男朋友喺旺角呢間茶餐廳食個快飯👍🏻點知都好有驚喜🙆🏻🙆🏻今次叫咗一個常餐，一個秘製豬軟骨飯，同埋一個西多士，加埋都係$150🙆🏻🙆🏻🙆🏻食到好飽認真抵食🤑🤑🤑那個常餐叫咗雪菜肉絲公仔麵，雪菜肉絲有好多，唔似平時出面食咁得個小小😏😏而個公仔麵係出前一丁嚟嘅😍😍😍又唔使加錢😍😍炒蛋同埋餐肉味道正正常常 😎😎之後就係秘製豬軟骨飯，呢個真係冇得彈😎😎豬軟骨煮到好林😍😍完全食唔到骨頭😍😍醬汁好濃郁，撈飯食簡直就係天堂🤤🤤🤤重要軟骨大大嚿夠晒送飯🙆🏻🙆🏻最後就係個西多士😍平時出面食嘅西多士會知道嗰邊有好多唔整齊一條條粉漿既絲，但呢個就整得好靚好整齊😍😍仲係用厚多士😍😍所以咬落好有口感👍🏻👍🏻如果快靚正嘅茶餐廳來講呢間可以話係表表者🙆🏻🙆🏻🙆🏻

在通菜街一帶，茶餐廳臨立，其中一間就係全港有多間分店的民華！除咗一般茶餐，仲有蒸飯、點心，價錢相宜！-呢間民華裝修清雅， 提供大量卡位，整體整潔乾淨。-茶餐（$46）有九款粉麵選擇，今次揀左蕃茄牛肉通，蕃茄湯底頗濃郁，仲見到有蕃茄切片，牛肉則較細碎，留意番個份量都幾多，男人都一定夠食。炒蛋色澤金黃，近乎完美的生熟度，感覺鬆軟。烘底多士不用另外加錢！多士厚身，外脆內軟，牛油香！-西多士質素不錯！可以揀奶油或者糖漿。蛋汁幾多，有蛋味！上枱嘅時候仲係熱辣辣嘅，仲可以睇住塊牛油慢慢溶化。-咖喱牛根腩飯（$59）係有隻荷包蛋嫁！係呢度嘅王牌推介。咖哩味濃，牛根腩炆得幾淋，送飯一流！-點左一客點心來試試，金錢肚（$17）質素媲美酒樓！唔使加一又唔洗比茶芥，真心有驚喜。-另外要讚嘅係凍檸茶少甜少冰，真係少甜！！

作為茶記粉絲的男朋友好久沒吃茶記，在旺角逛街常經過民華也沒有吃過，這次便和他來滿足他的茶記胃😂茶餐廳絕不能不點的當然是它的常餐，民華常餐選擇頗多，男朋友選了他最愛的蕃茄牛通拼餐肉炒蛋多士😛番茄牛通份量十足，湯底不濃，是新鮮蕃茄熬製而成。通粉吸了蕃茄湯配上牛肉一起吃，味道不錯！炒蛋卻是一大驚喜，毫不遜色於一些炒滑蛋名店😎炒蛋嫩滑蛋味重，多士鬆軟充滿牛油香，最愛的吃法便是把餐肉也夾上，一個足料的餐蛋治就此誕生🤤單單一個常餐有怎可能滿足了男朋友🙊想吃飯的他還叫了一碟豬軟骨飯，豬軟骨的份量超多，還有一隻荷包蛋在包住白飯，作為一個午餐絕對夠飽😏豬軟骨燜得軟淋，入口即化，配醬汁送飯一流😌食完正餐男朋友仍是戰意旺盛😂我們點了一個火腿炒蛋菠蘿包和西多士🤪火腿炒蛋菠蘿包這個很少見，炒蛋跟常餐的一樣也是非常滑溜，菠蘿包新鮮熱辣，表皮鬆脆口感卻相當鬆軟，這個組合鹹甜的滋味男朋友不是太習慣，我卻十分受落😂基本上整個包也是我吃光的😛至於茶餐廳的邪惡之首西多士自然是男朋友的最愛😉民華的西多士可選沾煉奶還是糖漿，我們選了煉奶之後看到遞上來的成品著實嚇了一跳，煉奶的份量不是象徵式的在上面劃幾筆，而是整個底盤都是煉奶🤤

曾經到過這家連鎖分店，印象中食物質素不錯，性價比高。餐牌菜式都有照片，看著看著真是垂涎欲滴，款式多樣，亦令我花多眼亂，不知吃什麼好。最後友人點了常餐，有配菜及湯底選擇，比一般茶記選擇多。番茄湯底的通粉，有多塊叉燒，湯底帶濃郁的番茄香味。常餐還包括全熟煎雙蛋及烘牛油多士，蠻豐富。而我則點了盅頭飯，即叫即蒸，所以等候時間較長。北菇蒸雞盅飯：蒸雞嫩滑，滲入冬菇及薑絲的香味，白飯墊底，雞汁及冬菇香味都滲進飯裡，不過吃完表面的飯後，底下的就乾身。來到茶記，怎可以不喝正宗的紅豆冰。跟餐補錢便可轉特飲了。紅豆冰：紅豆很足料，份量半杯更多，飲完也飽了。友人和我還分享了邪惡的西多士，厚片的方包有口感，蘸滿蛋漿再煎香，配煉奶一併吃，很滋味。 因為不是即時吃，所以牛油另上。