民豐粉麵行

营业中

休息中

前日(1-10-2011Sat)朝,爸爸去睇中醫後,順便o係o度買兩個糯米糍返o黎送藥,佢畀一個我食,我問佢係咩味?佢答芝麻,我又問佢幾錢一個?佢答$3.00,啊,以前買開$2.50一個,o衣o家加o左$0.50價.打開睇睇,依然大大個,影好相,咬一啖放低影相,嘩!芝麻餡多到跌出o黎,糯米皮好軟熟同好薄,餡料唔太甜但真係好多.雖然加o左價都依然抵食o架.上次食評: http://www.openrice.com/restaurant/commentdetail.htm?commentid=2137749

坐個多小時車程走入荃灣探親，當然不少得把該區美食打包回家。記得之前朋友提過民豐，說這店經常大排長龍，那就必定要試試。貪心的我要了鴛鴦湯圓：花生及芝麻，一次過品嚐兩種口味。值得一讚的是，兩款湯圓都能做到皮薄餡多。奈何自己廚藝實在太差了，有好幾粒出現爆料情況。第一夥試到花生味，即時的感覺是甜了些少，而花生味亦不夠香惹。之後再嚐芝麻味，這款很是對辦，芝麻香濃而油份足，正！外皮因自己問題煮得過糊，就此評論便不公平了。

好幾年無去過荃灣, 今日去之前特登上黎Openrice睇下見到民豐有我想買既新鮮水餃賣, 加上睇到之前"pigone"形容既豆沙茶粿同"Shougor"形容既花生糯米滋自己都想試就決定去幫襯下買左紅豆茶果($3) --->3分, 幾好食, 皮確實煙un, 紅豆餡如果再多DD就perfect芝麻糯米滋($3) --->3.5分, 芝麻餡夠香, 不過花生餡更出色花生糯米滋($3) --->4分, 好好食, 下次番黎會再買三個甜點都有個共通點--->唔太甜, 好啱我口味韭菜豬肉水餃(細, $2X)--->3分, 有15隻, 味道都ok不過百佳都買到差唔多質素既水餃, 所以有DD失望, 下次會試下其他餡p.s. 原來令一間老店"悅和醬園"就係隔離, 順便去買左D醬料番屋企, 奇怪Openrice無悅和既資料

在等老媽子買東西的時候，看見阿姐在煎的韭菜餅香噴噴，好新鮮咁，貪食既我忍不住又買個來吃。熱燙得不能馬上吃，要放一會才行。咬一啖，皮是香口又煙韌，不會很油，裡頭的韭菜餡可以用澎湃去形容，香氣撲鼻，很快便被我清掉。大家行街經過，不妨買個來試試。這裡的其他食品如湯丸、雲吞等的水準也不俗的，尤其是湯丸，過時過節一定是大排長龍。下次來，要吃茶果！

可能平日之原故, 一心諗住新鮮蒸起的豆沙茶粿..誰知去到..冷冷清清...人龍不見了...茶粿亦預先包好...冷冷地堆滿在門口的箱子裡..跟其他蘿蔔糕, 粽子, 粉麵..靜待客人垂青...不是之前曾經邂逅, 真係引不起食慾..尤其是32度高溫之下..可幸回到家, 蒸熱後, 仍然皮薄餡多不油膩...$3...真係人間極品...另外買了一盒細的冬菇菜肉雲吞 $24 (15隻)紅色的紙盒列明成份:麵粉, 豬肉, 水, 蔬菜, 醬油, 熟油, 鹽上海雲吞, 皮很厚但亦很大隻..冬菇碎比例較多, 白菜與肉碎的份量則很平均...滿口都是冬菇的濃香...又夾雜著豬肉的油香..白菜仔的味道相對較遜..味道天然, 不過咸..唯獨是淥完雲吞的水泛起一層油..真係懶人首選, 唔想煮飯時, 買一包加個粉麵, 兩個人已夠吃有餘...好吃程度跟灣仔有記不相伯仲!

自小食民豐的麵粉製食品，她們好像是來自台灣的??!!! 但搬到香港好多年也沒有再吃，上星期剛行過荃灣，買了幾隻咸甜粽，真的很好味，又超值! 咸肉粽又不太咸，味道剛剛好! 甜粽又多蓮蓉。 我每年都買鴻星的粽的，但民豐的都很好吃!

雖則很多款餃子,麵食及湯圓等都好美味,但請不要多問佢地;因佢地會嫌你'阻住哂!',一副唔識就唔好黎買嘢o既姿態!佢地唔係太鍾意serve果D想問多一句o既"生客"!so......呢d老字號真係.......唔食也罷(對於"生客"黎講!)

住荃灣甘耐，平時都見好多人係入面買野食，今日見有D肚餓就唸住買糯米池食下，買左豆沙，芝麻同花生每個2個，同2個砵仔糕，中有小盒的冬古菜肉雲吞花生味好好美，又大舊同D皮好好味，都只係3蚊1個，好底！屋企人都話豆沙芝麻好味砵仔糕較乾身，雲吞皮薄， 正正正一定會再番黎買！阿姐好好人，為你介紹！

每年去竹林禪院拜四面佛, 都例牌來這裡買紅豆/眉豆茶果, 韭菜餅, 水餃..今年聽聞水餃質素差了..故沒有買只買了茶果, 韭菜餅 @$3新鮮熱辣..紅豆 (甜), 眉豆(咸)餡絕對不會只得少少, 很豐厚, 皮煙un...(雖然以前賣@$2.5), 但原材料成本增加, 沒法子..但以 $3 來說, keep 到質素..絕對超值..

尋晚(20-12-2010 Mon)家人提早做冬,大嫂o係o度買o左兩盒湯丸,一盒係花生,一盒芝麻加豆沙.由於我好少食即製湯丸,所以尋晚用手指篤吓佢,係腍o架.而且好大陣糯米粉味.食完飯,我o地就煲啦,煲好有得食喇.糯米皮真係薄,湯丸size唔大粒,餡亦唔太多亦唔太甜.我食第一粒應該係花生味,但食唔出花生味,第二粒應該係豆沙,都係唔係咁食得出,最後o個粒我就食得出係芝麻,因為只有呢隻食到味.而好彩佢糯米皮真係唔太厚,所以食飽飯再食幾粒都唔會太辛苦,唔會滯住.

砵仔糕有2種顏色, 白色是白沙糖做的, 黃色是黃糖做的.2種的紅豆大大粒, 十分"林", 甜度適中, 又滑又軟, 好味.包裝方面, 用了膠盒獨立包裝, 十分衛生.由於是預先包裝, 砵仔糕不是熱的, 凍冰冰的.

岩岩補完習行過有少少肚餓, 見到岩岩整起的九菜餅就不知不覺拎左錢出黎比...因為真係太太太太香啦~~最初會擔心好肥好酒, 點知食落去又OK wor!而且有少少肉，唔會好dry 好寡，不過又突出到果個九菜味，真係好正~!我本來打算食一半，因為都幾大件最後都忍唔住食左成件，個肚好暖 ^^見到好多人買mochi, 下次我一定會黎買!!

新鮮即日製造的茶果, 有甜的紅豆茶果及咸的眉豆茶果, 兩款都買來試吓啦.剛蒸好, 即是新鮮, 拿到手中, 暖暖的, 紅豆茶果甜度適中, 帶少少沙的紅豆餡料, 十分甜美, 好味道, 而咸味的眉豆茶果, 充滿五香粉味, 又一另外口感, 兩款茶果的糯米皮同樣是的好煙韌, 很有咬口, 好味道.

今日星期天, 沒有節目, 悶悶地一個人搭車出荃灣民豐買燒賣水餃下午四時左右到達, 店內已有不少人, 排隊買水餃已有一條短短人龍, 我排在第6個位置, 不一會便到我了, 其實我是第一次幫襯, 不知有什麼好食, 就憑自己及家人喜愛的口味, 買了三款不同口味的水餃雲 鮮蝦冬菇雲吞......入面真的有一隻蝦碌, 好彈牙冬菇菜肉雲吞........好香既冬菇味, 朋友很喜歡這款味道的雲吞~~九菜水餃.......這過就不過不失~~以上三款雲吞餃子, 味道合格, 但皮就厚了點, 尤其接口位置, 真的頗厚~~其實推駛我來的主要原因就是......花生糯米滋花生糯米滋, 這種大大個, 內裡係花生咸的糯米滋, 兒時是我的至愛, 現在已很少見有得賣了, 見食評說這裡有這種食物, 雙眼即時發光, 同自己說有時間一定要出來買的, 今天終試到了.皮很軟熟, 內裡的花生咸, 不是我食開的味道, 不過也總算叫ok, 而且價錢只是$2.5, 是實惠之選, 我會繼續買的見呀姐剛煎起九菜餅, 二話不說點了一個, 這個餅表皮煎得很干身, 不油膩, 只炎內裡咸料不夠香不夠多, 這個餅為$7元一個~~~另買了燒賣, $13元

行開街見到民豐條隊不是太長, 要排了3-4人到, 於是入去買紅豆茶果食.紅豆茶果拿上手還是暖的,剛蒸起, 十分新鮮, 茶果用透明細膠袋裝好, 十分衛生, 茶果面有一紅點, 用來識別是紅豆茶果, 底下有荷葉hold住, 味道方面, 茶果皮做得十分煙韌, 餡料紅豆甜度是不太甜, 微甜, 紅豆壓到好碎, 起沙狀, 與煙韌的糯米皮好match, 價錢是$2.5, 好味又抵食.