民豐粉麵行

营业中

休息中

經過見到呢間傳統粉面舖超級多人排隊，上網查一查發現係一間老字號，好出名賣湯圓同埋雲吞，全部雲吞湯圓都係即包即賣。見到好多姨姨叔叔排隊就知應該唔簡單，咁就排隊試一試，啲雲吞真係超級好食！大推！🍴魚肉燒賣 $20 (7/10)燒賣蒸咗10分鐘，口感非常之軟淋煙靭，好香嘅魚味，幾香濃，應該係自家製 ！好食！🥟上海菜肉雲吞 小 15隻 $32 (9.5/10)皮嘅厚薄到適中，好滑帶少少韌嘅口感，白菜好爽口，食到新鮮豬肉嘅油香，有少少嗰啲香味，好好食！🥟上海冬菇菜肉雲吞 小 15隻 $34 (9/10)冬菇味非常之香濃，好香，鍾意菇味嘅人一定好鍾意！🥟上海韭菜雲吞 $32 小 15隻 (8/10)韭菜好爽口非常之香濃，唔似平時食嗰啲急凍會有浸韭菜好臭嘅味，感覺係清爽嘅！好食過！推薦指數:9/10超級推薦菜肉雲吞，下次一定會買大盒裝，經過荃灣必買手信😆🥟

剛剛買了一件16緡嘅粢飯，簡直顛覆我對粢飯味道嘅認知。絕對難食到嘔！糯米飯太濕，油炸鬼淋哂就預咗㗎喇，但有浸燶咗嘅味就唔知道係由榨菜或肉鬆滲出嚟。老實講句「超失望」。唔會再買。

《#Pastry_taltal | #TsuenWan_taltal 》🇭🇰 民豐粉麵行 @ 𝕋𝕤𝕦𝕖𝕟 𝕎𝕒𝕟有一日心血來潮好想食糯米糍，好掛住糯米皮煙煙韌韌嘅感覺。喺大埔墟熟食街市買咗滑嘟嘟嘅糯米糍，一買買咗6個。個皮勁厚😥好難食。食咗半個已經唔打算食其他🥲點知荃灣民豐粉麵行嘅糯米糍不斷喺IG洗我版，好奇心驅使下決定再試新嘢❕果然冇失望😋已經回頭左五次以上🤎❥ 花生糯米糍 | $𝟔必食✨最鍾意食呢款！民豐嘅糯米皮夠薄，花生餡加入咗砂糖，唔會太甜但又夠咬口🤤餡料份量勁多，每啖都好滿足！❥ 芝麻糯米糍 | $𝟔呢款係我心目中第二位✌🏻勁香濃芝麻味，又係加入咗砂糖，食落唔太甜，後勁帶有芝麻甘香味道。❥ 豆沙糯米糍 | $𝟔自己就麻麻哋豆沙餡，感覺同花生芝麻個口感好唔同。不過豆沙餡唔太甜又夠滑。🤍 𝐨𝐯𝐞𝐫𝐚𝐥𝐥：民豐有好多選擇，除咗糯米糍，有燒賣仲有韭菜餅。行到舖頭最入面，仲有粉面可以買到。如果要買糯米糍，可能要企喺門口等一陣，直到有姐姐幫手。同埋買得多，記得主動話要用盒！———📍 35 Tsuen Wan Market Street, Tsuen Wan ｜ 荃灣街市街35號💰 ᴘʀɪ

荃灣懷舊老店民豐粉麵 呢間見到主打手包餃子 最近中秋 見到佢哋忙緊出貨手包湯圓 仲有其他中式粉麵 燒賣 粢飯 同埋今日試既糯米糍.⭐️芝麻糯米糍$6🥰佢地糯米糍 都幾大粒 最重要係皮勁薄 爆餡料🥰咬開超級爆餡料 唔算好甜 大量芝麻粒粒 相當抵食 過癮.整體ok啦 唔錯 但如果一定要比較我會覺得呢間芝麻 好似唔夠香心理上覺得 大埔街市 滑xx世一🙈.（題外話 今日太夜 咩都賣哂 呢間粢飯$16 燒賣$5串 想試）.#hkfunfoodrecord窮遊香港#hkfunfoodrecord_荃灣.#民豐粉麵行 (荃灣)地址：荃灣街市街35號.⭐️評分：味道：3.8/5環境：-/5服務：-/5抵食：4/5.鐘意睇野食既朋友仔 記住幫手like分享 同撳埋右上鐘仔超感謝 你既支持🙏🏻一齊見證 我脂肪既成長.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfo

今次慕名而來，試下呢間出名既大大粒糯米糍😍 全部都係$6粒，糯米糍皮薄爆餡🥹糯米糍有三款味道，紅豆🫘、花生🥜同芝麻☺️本身最期待食芝麻，雖然入面真係爆曬陷，不過芝麻食落有啲苦，炒得有d燶🤥紅豆幾好食，入面唔會係一粒粒紅豆，而係豆沙蓉，唔會太甜😙😙花生🥜食落幾有驚喜😯入面既花生餡係幼粒花生，甜甜地，連唔太好食花生既我都接受🤤

荃灣嘅街坊應該都好熟悉呢一間野，呢一間絕對係老店之中嘅老店，最出名嘅就應該係佢嘅麵粉類，例如糯米糍，餃子等等。而我一直都好鍾意食佢嘅花生糯米糍，真係拳頭咁大，咁超級抵食

今日行經荃灣，見到好多人排隊，一於試下，點知中大伏。今日買咗韮菜餅，白菜豬肉水餃同鴛鴦湯圓。先講白菜豬肉水餃，皮好厚，第一次買生餃咁厚皮，食嘅時候，肉仲有陣怪味，我會形容為有小小梘定清潔劑味，唯一讚賞係白菜都脆嘅，口感幾好。友人評價，皮厚肉爛，唔好食。鴛鴦湯圓絕對係大伏！鴛鴦湯圓係芝麻同花生湯圓各一半。芝麻湯圓完全無芝麻香！無芝麻香！無芝麻香而且都係有怪味，朋友話喺燶味。花生湯圓最恐怖😱😱😱我形容係有生豬肉嘅味，我估計係用動物油，導致有殘餘嘅怪味，超難食。總括嚟講，求其買一包包裝湯圓都好食過佢！絕對係食過最難食嘅湯圓，5分最高分，會比負分。韮菜餅皮厚，韮菜味正常，14蚊一個，不太推薦。總結，無下次，想挑戰下限建議一試。

#ftf_荃灣大不如前 發生咩事？按最新一次食物質素同味道評分花生糯米糍 $6⭐️⭐️芝麻糯米糍 $6⭐️民豐行 真係俾咗三次機會你啦！第一次食係驚艷！皮薄餡靚又煙韌之後嗰三次完全係震驚！越嚟越細粒都算你自己睇吓張相！啲皮真係成尺厚～ 口感仲要淋啤啤想問啲餡係咪俾人偷食左？定係轉咗手？食落去簡直浪費quota⋯⋯*最尾嗰張相係第一次食嘅情況，嗰陣食係有幸福嘅感覺，但近呢幾次，越食越嬲，好失望！回頭率❌性價比🤰🏻🤰🏻#吃到孩子都夭折

荃灣人絕對聽過呢間傳統老店擁有60多年歷史— 民豐粉麵行主要賣： 糯米糍、菜肉雲吞、韭菜餅、水餃、粉麵⋯⋯每日人龍滔滔不絕 今次我地去買都要等左近30min去到一定必買：①糯米糍皮薄餡靚，滿滿花生、芝麻一咬落去 餡料湧出 滿口餡料仲要係$6 係$6 係$6！！！重要嘅 講三次！！！②韭菜餅包滿韭菜餡煎至金黃色咬下外表香脆 內裏爆汁味道：🤪🤪🤪🤪🤪/5服務：👩🏻‍🍳👩🏻‍🍳👩🏻‍🍳/5CP：💞💞💞💞💞/5

好耐之前食過哩間嘅芝麻糯米糍，記得好好食，皮薄餡又多🥺🥺點知隔咗咁耐再食就差咗咁多🫠裸買咗三粒糯米糍：分別係芝麻、花生、紅豆咬開已經聞到燶味，食落好苦，唔會諗到一間開得算耐嘅舖頭會比啲咁嘅質素我囉🥲🥲🥲包糯米糍嗰陣聞唔到㗎咩餡料分佈唔平均，大部份位置都好厚皮，餡好少，啲餡集中晒去同一個位，嗰個位嘅皮同餡分佈先正常返。入面係無椰絲嘅，不過味道都ok紅豆嘅餡料分佈都係唔平均。味道方面，紅豆蓉唔太甜，好順滑，我唔鍾意食紅豆蓉都覺得佢ok三個糯米糍應該都唔會回購🤣🤣因爲無咩特別

❤️ 世一花生糯米糍 ❤️ 足料爆餡 🥜 已回購無數次 😋🐭 米奇老豬Vol. 235 🐷［民豐粉麵行］花生糯米糍係老豬其中一樣最最最鍾意食嘅野所以老豬已經試過好多街坊/連鎖麵包舖、糕點唐餅舖民豐行真係永遠嘅一位 🏆🥈元朗驊記 🥉大埔滑嘟嘟其他都幾推薦嘅仲有西營盤嘅卓越同大澳嘅華利利🈸：老豬不愛椰絲 所以有椰絲嘅花生糯米糍一律不採購🤭.🐖🐖《花生糯米糍》🐖🐖💰$6💰➡️ 份量首先每一粒都係大大粒 大胃王表示呢個份量先攝牙罅 🦷➡️ 糯米皮糯米皮係極軟糯 ☁️ 微煙韌 🤤而且食得出糯米嘅甜香味至於厚薄程度就要睇彩數 😂😂通常都係好似相中咁薄嘅有d位會薄透到睇到入面個餡但有幾次就厚身dd 老豬更愛 💓因為個皮真係好掂！美中不足嘅係面頭有好多粉會食到成塊面都係 唔小心仲可能會濁親😮‍💨➡️ 花生餡係由磨到好似沙咁細嘅花生碎溝砂糖組成加上d糖好似輕微溶溶地口感有d似花生湯丸嘅餡🤤🤤不過因為砂糖唔洗錢 🤫所以留意返 ⚠️🐜人適用⚠️雖然佢唔係好似元朗驊記咁有大大粒花生碎🥜 （我鍾意果個嘅crunchy口感）但呢個起沙嘅口感同埋甜度真係完美 💯🙋🏻‍♀️ 題外話：之前都試過佢地嘅芝麻糯米糍係天然嘅黑芝麻味道 🖤不過

用手守護住一班女子一到店見住不同既上左年紀既女人見到個個都好勤力互相補位網上見 推介有糯米糍，餃子韮菜餅現場即整皮真係好脆入面既韮菜好香重好有汁👍🏻煎雲吞➕餃子吳知呢2種係咪放左係到一陣相對D料無咁新鮮雲吞相對好D但2種都無 韮菜餅般好糯米糍(只有芝麻，花生)糯米皮好軟好琳相對其他店做得出色芝麻 甜多過味道花生 細粒但味道濃#韮菜餅 #煎餃子雲吞#糯米糍 #民豐粉麵行

每次經過民豐，無論幾點，門口都會有人龍，好誇張之前食開民豐糯米糍，花生味同芝麻味真係好好食，皮薄餡又多又好食，係真正既爆餡！但最近再食，餡份量超級少，搞到唔知係皮厚左定係因為少餡而覺得皮相對厚...但一場黎到所以試下個茶粿先，佢有3隻味：豆沙、眉豆、蘿蔔，取捨唔到所以全部買哂先食蘿蔔味，佢係咸食，但一食好有驚喜！個皮咸咸地，煙煙韌韌。內餡蘿蔔爽脆但好甜好多汁。整體口感同味道都好豐富，超級好食然後再食豆沙味同眉豆味，相對之下普普通通，係預期既味道同口感。建議試下蘿蔔味！買埋粢飯黎試都係預期既味道，冇咩特別但餡偏少。下次再黎會試下勁多人排隊買既湯圓同韮菜餅。

.📍民豐粉麵行📍#饅頭去荃灣 #饅頭食中式菜 #饅頭的掃街系列------------------------------1️⃣ 韮菜餅 ($14)民豐除咗糯米糍之外，其實韮菜餅都做得唔差，小編有時候路過嗰陣如果咁啱有阿姨煎緊餅，都會買一個過下口癮。啱啱用高溫油半煎炸過嘅韮荽餅真係熱到辣手又辣口，餅皮麵粉香雖然唔算出色，但我好鐘意佢嗰種厚厚哋，外皮卜卜脆，內裡煙韌有咬口嘅口感🙈❤️；一啖咬落去仲feel到韮菜肉餡濃濃嘅香氣，充滿肉汁同油香😆。不過其實呢塊餅都幾大塊，食到最後真係會覺得又膩又濟，最好都係同人share。------------------------------◾餅底：3.9/5◾餡料：3.8/5🔸整體評分：7.7/10🔸小編回頭率：7/10

民豐粉麵行主打全部人手製作，無論系餃子雲吞、韭菜餅、麵類等。基本上每次經開荃灣，都會見到尼間舖頭大排長龍，人流勁多⋯我今次黎主要系買佢地舖頭都叫出名既糯米糍。下次可以再試佢地其他產品⋯ ⦁糯米糍 $6/1粒每粒糯米糍都好大粒，有分三隻口味（花生、黑芝麻、紅豆）因為天氣太熱，我就冇揀到紅豆，最後揀左花生、黑芝麻各一粒。糯米糍既皮好軟糯，皮唔算厚，但餡料好多。花生同黑芝麻都好香口，個人比較喜歡花生餡，可能我比較喜歡傳統。🤣