水晶晶泰國餐廳 (已結業)

水晶晶泰國餐廳 -今日去了荃灣約了媽媽食飯, 她帶了我去水晶晶泰國餐廳食晚飯, 因為呢間餐廳聽聞不錯, 而且當時想試下泰國菜.呢間水晶晶泰國餐廳環境唔錯, 空間都大, 座位闊, 所以都好坐.但食物就一般, 我們叫了三樣東西, 包括串燒, 魚及豬脾飯. 埋單就250蚊, 2個人食, 都幾貴, 因為荃灣呢個地方好多平野食下次都會考慮再食

在熱鬧的荃灣，選擇多到唔知點選。最後行過唔洗排隊就入左去。阿姐話散點七折，或者2人餐就多d野食。因為唔餓所以散點就算。先來個肉碎生菜包，都幾惹味。跟住點左個中伏魚肚羹，有少量蟹肉在上面，果d都唔係魚肚，似油炸豆腐多d,味道就是碗仔翅的味道了。明明我們點蝦炒河，黎左個豬頸肉炒，阿姐話怕我地食物敏感。沒有期待的一餐。有7折才試，冇7折就性價比低到中大伏了。

買左優惠券，諗住$60蚊一位點都食翻本，點知佢個自助餐餐牌list出黎既食物，現場只係出現左4份1，大部份都係菜，蒜容包，炒飯咁，什麼炸蝦餅，柚子沙律，春卷等等泰式美食全部不翼而飛……味道方面，除左個冬陰功湯同青咖哩較為可取之外，其他食物實在平平無奇，最奇係個黃咖哩佢配豆腐……黃咖哩豆腐，可能係泰國正宗，係我孤陋寡聞…環境…座位太迫，個地下又有D黐立立既感覺，無好感。總括而然，$60一個自助餐我都覺得唔值，永不錄用

呢日同男朋友去水晶晶泰國餐廳食下午茶原價$58團購優惠$48$48任食真係好抵食物種類唔多有去骨海南雞 豬手有咕嚕肉有幾碟炒菜 菜心 通菜 西蘭花 茄子不過味道好似一樣咁而且啲菜麻麻地靚冷盤有泰式鳳爪去咗骨食得好方便不過味道再濃啲就好有炒飯 炒金邊粉 炒粉絲炒金邊粉好好食另外兩個普通最吸引嘅係冬蔭公湯我地一人飲咗三碗見到佢地有用大量魷魚 青口去煲唔怪得咁好味甜品有泰式西米露料方面有芋頭同埋南瓜食落去好香好濃但唔會太甜有啲似中環玉葉甜品嘅椰汁西米露整體上食物質素對得住價錢

見到團購幾抵, 就嚟試下個LUNCH BUFFET (團購價 $60.00,  任飲任食2小時. WALK IN $68.00)我哋11:50去到, 職員叫我哋先入座等, 要12:00先開始. 初頭得我哋同另一枱, 心諗會唔會中伏, 好在差不多1:00就開始多人. 食物種類都幾多,  冬蔭公湯 紫菜湯 泰式鳳爪  滷水雞翼 滷水豬手 炸春卷 咖哩角 海南雞 黃咖哩魚柳 酸甜排骨 泰式豬頸肉 泰式炒雜菜 火車頭炒飯 炒河粉.....而且一路都會REFILL, 務求一定會食得飽.食物味道OK啦! 海南雞偏淡 滷水雞翼唔夠入味 但滷水豬手又好好味喎.炸春卷咖哩角入口鬆脆 炒飯炒粉都幾好味最正都係芋頭西米露 好濃好香嘅椰汁味, 又唔算太甜, 我都食咗兩碗任飲方面有西洋菜蜜/凍咖啡/洛神花茶以60.00嚟講, (就算WALK IN$68.00)都算超值 性價比高 一定食得飽而家係咁而食個飯 飲杯嘢 閑閑地都要五十蚊啦

開始預訂時問了大概位置，結果店家指示錯誤，害我們找了一大圈，最後用Google map 先搵到。菜色一般，看著似放了一段時間。。。環境頗擠逼，一切與預期落差太大。店員(聲稱自己是店主)，聲勢浩大。。看見他斥責客人(說客人無理取鬧，最後更以粗言穢語指罵，令本人十分震驚)。態度不太好，可以說是有點惡劣(可能是因為太忙？)下次不會再來了，勸大家期望不要太大，有定心理準備。。。如果是聚會的話，位子也不夠，又不能久坐，要看店員臉色。

泰式明爐烏頭魚，叫左炸底，不過條魚炸到有點老，有ｄ硬，但湯汁就ＯＫ的串燒豬和雞，好食，新鮮，沙爹汁一流。雜錦小食拼盆：一定要講個豬頸肉超好食和牛仔骨，勁好食！好香好入味。其他炸物都係剛剛炸好就出，所以係ＯＫ泰式波蘿炒飯：味道其實好一般，好似整左放涼再一會，之後再加熱提出來咁，不過好在波蘿果肉多，加返少少分餐廳位置闊落，３人好好有卡位座，坐得舒服，可以邊食邊傾計，係大鴻輝中心唔食放題打邊爐的以外選擇

上星期日訂左枱吃冬至飯，以為間野新新地就即管試下。一入去已經覺得好鬼迫，算，心諗可能代表好吃。後來才發现其實成個大厦也多人。大堂直頭打蛇餅，如果咁間野冇人就真係驚。叫左四人餐，評如下:拼盤:做左下午茶架，好慳位 。可惜春卷唔翡，鬆餅又油又硬。我至爱既蝦餅就正常冬陰公:湯算正常味道，但蝦完全冇味，好像之後放入去咁，失望加喱蟹:完全未破開，想點？肉質林，我以為食緊軟彀蟹。海南雞:好鞋，好硬。唔掂菠蘿飯:终於有番d正常野甜品:椰子糕冇椰子味坐得太迫，服務員完全避開你的叫唤，唔掂

訂位時知道午市自助墟陷，特意早到。一看菜式不算太多可是場面也壯觀，因為菜餚用上極大的盛盤或容器，給人的感覺是排山倒海，對於質數總括說一句，所有食物除湯以外極似難民餸的溫度，因而有點不美，尤其正值冬天啊~~~。。。值得一提，蔬菜(配有肉碎的)倒是較為美味，主打菜(希望回本的)咖喱牛腩及海南雞在肉鮮及調制上則稍為失色味淡淡的。最佳冷天下的選擇仍是飲多碗熱酸辣的東蔭功湯，雖然料子略嫌齋(最近似肉的只是聊聊魷魚和蟹柳)一點，但比起只有的其它多款冷飲更適合弱不襟風如我倆的一族，我整体俾60分，有30分是開場壯觀的一刻盛况觀感，30分是難民吃冷菜的評價。加上陳設上餸菜太集中，造成了眾人峰擁搶食的場面！

前排喺openrice團購左$48自助下午茶優惠，$48包加一，一至日都用得，價錢就抵到爛，質素如何今日就去試下一點九去到門口已經有十幾人等梗，樓面好快幫我地登記好，一夠鐘就安排團購客入先～自助位置唔大，只放到12個菜式同兩個湯一個糖水，未睇清個餸係咩側邊啲人已經急住叉隻手埋黎拎，飲品亦只有咖啡、洛神花茶同西洋菜蜜。洛神花茶好甜，應該有加糖水，中意天然帶酸既洛神花味既人我諗唔會中意飲；西洋茶蜜都偏甜，但無前者咁甜。餐單上既野得幾樣有，包括冬蔭功湯、紫菜湯、青木瓜沙律、鳳爪、炸雞翼、蒜蓉包、豬頸肉乾炒河、咖哩牛腩、鹵水豬手、豬皮魚蛋、黃咖哩魚柳、炒芥蘭、青椒炒豬肉片、炒飯、素姬炒粉絲、泰式咕嚕肉，再添都係添返相同菜式，無新鮮感。青木瓜沙律，木瓜絲唔新鮮，口感偏硬，好乾身無咩汁，食起黎無開胃既感覺。炒芥蘭，呢個算唔錯，雖然炒野但唔會太油，而且調味適中，唔會過鹹。黃咖哩魚柳，薯仔好大件炆得好淋魚柳皮薄肉厚身，咖哩濃度一般。豬皮魚蛋，剩係食左魚蛋，但大大粒幾彈牙，而且都幾入味。素姬炒粉絲，剩係見到粉絲同娃娃菜，但偏乾身，味道真係名符其實好素，無咩味。素式咕嚕肉，好細件兼無乜肉，但味道可以，酸甜

星期六晚7點幾入座,3位唔駛排隊,入座率有8成滿,星期六搵位食飯不妨考慮下。叫左個298唔收加一的二人特價餐,額外叫左個焗飯,3杯半價飲品。餐單如下:-小食拼盤(炸蝦餅,手撕雞海蜇,串燒豬肉,蒜蓉多士),正常份量,串燒沙爹豬肉豬肉都幾嫩,不過個沙爹好甜無沙爹味,其他小食不失不過。-冬陰公蝦湯,小小辣湯偏甜,味道都ok-地道家鄉粉絲海虎蝦煲,大大煲,有幾隻開半的蝦,一上菜聞到好香的香料味,豬腩墊底,有肉桂有蔥,我覺得味道比較中式,味道幾好!-無骨海南雞,呢個抵贊,好滑好嫩唔鞋口,加埋個酸辣汁好開胃-泰式蟹肉炒飯，份量一飯碗唔多,蟹肉是罐頭(?)蟹肉,味道同係屋企炒既蛋炒飯無分別。-黃咖喱芝士海鮮焗飯,好失望,無咖喱味得個甜字,似葡汁但又唔夠椰香,如果唔講味道睇材料都ok豐富,有蝦,尤魚,青口,蟹柳,撈埋芝士勉强都可以ge-薄菏青檸梳打,喜歡酸的可以一試,本人就好鐘意爆酸的口感-餐後甜點,應該是椰汁糕,唔會特別甜椰香都夠,但感覺好似好稀,賣相唔錯,但鐘意濃滑椰奶味的會有dddd失望***見到餐廳門口有lunch ,tea time放題幾十蚊一位超抵,openrice好似可以48元買券再平d

做完運動經過呢頭，見到$68蚊任食午餐，58蚊任食下午茶，對於呢個餓到hihi 既moment黎講，我諗都唔諗就狗衝左入去。對於呢個價錢黎講，一入門口大家都估到咩事。人山人海，一隻隻餓狼係個門口虎視眈眈等開波。今日係閒日，星期三既兩點，都多人成咁。好啦一開波既時候，萬人空巷，插針都插唔入，對於打開rugby又做開gym既我，心諗食硬你，點知一山還有一山高，左邊一個呀叔批肘，右邊一個大嬸頭鎚，高手在民間，只好乖乖的等第二輪比班餓狼先食。有圖有真相。食物就好多款，不過係狼群之中好難影相，只好拎完野先返埋位慢慢影。炒飯幾好，菠蘿多汁，雞肉同炒飯既功夫正常出品，整體黎講正常。鳳爪都係果隻味，幾好。燒雞扒比海南雞好味，香口一點，都係正常口味冇特別好唔好食。呢個魚蛋，拎我搖身一變成為食神「魚蛋唔彈牙，咖哩冇咖哩味，魚蛋冇魚味」最後食番個西米露作結，都係正常出品。總計黎講，野唔算好食，但絕對抵食到爛。$58食到飽。

係團購$288買咗個二人餐, 餐卷包埋加一, 超抵食! 1/ 冬陰公湯好足料, 有兩隻大蝦, 有花甲, 有蕃茄, 有蘑菇, 酸辣適中, 超好味! 2/ 咖喱虎蝦有兩隻, size 有成隻手板咁大!3/ 拼盤大小適中, 有蝦餅, 有串燒, 有麻辣海蜇雞絲同蒜蓉多士. 4/ 海南雞都幾好食, 可惜吾係去骨嗰隻! 5/ 嗰蟹肉炒飯份量就比較細, 冇乜特別驚喜, 但都叫足料! 6/ 跟餐包咗兩抔特飲同甜品(椰汁大菜糕).值得一提餐廳職員服務態度非常好. 好有禮貌! 呢個價錢係九龍城啲泰國餐館一定食吾到! 會再 encore!! 😋

去大鴻輝匯豐理財中心, 成日會經過呢間泰國嘢, 每次都會畀佢嘅易拉架餐牌優惠所吸引, 今日有時間終於一試.坐低叫咗碗喇沙,凍檸茶, $36, 都算好抵食, 凍飲兩蚊都唔使加. (下午茶時段2:00至4:00)喇沙好大碗, 有好多餸, 幾隻蝦,幾粒魚蛋,仲有幾粒魚片頭, 但係蝦係冇味, 啲魚片頭都唔好食, 魚蛋就ok, 湯底偏咸, 個人唔太喜歡, 雖然好多餸,但係用啲唔好食嘅材料,畀多啲都冇用.不過下次經過都會試下其他嘢, 可能其他好食呢, 始終都想支持下呢啲食店, 因為如果佢哋淨係靠夜市, 我相信經營都好困難. 能推出一啲下午茶餐, 食客歡迎, 老闆又可以幫補下

泰國菜吃的不敢說多，但亦未為少，感覺是濫竽充數者大有所在，正宗與否還看彩數。泰式鳳爪酸味盡被辣味掩蓋過，吃後只感到滿口的辣意，酸味走掉了。海南雞嫩滑多肉，但飯的雞油香就差了一點點。雞皮沒多少脂肪，很清的一碟海南雞，所以要連同蔥油豉油酸辣醬料一起吃，方才夠味。傳統的泰國甜品芒果糯米飯，芒果清甜，糯米飯被一層椰漿舖蓋著，頗煙靭的，唯獨不夠甜亦不夠凍。椰汁西米糕椰味濃郁，無奈也是室溫的，大打折扣。食物未為太差，不過距離正宗的似乎差了幾皮。