水晶晶泰國餐廳 (已結業)

炎炎夏日走進一個不太熟悉既荃灣抬頭看到一個幾得意既名字便走入了 水晶晶 星期六既下午12點半左右已九成滿看看餐牌就點了是日午餐干炒豬頸肉河粉:一入口便知夠鑊氣,食物味道好而且河粉份量出奇地多。蝦餅:超彈牙及好鮮味既蝦餅。木瓜沙律:偏甜既一個沙律 我估係因為本地化所以一點也不辣。很愉快既一個午餐因為我是一個不太能吃辣既人而水晶晶既味道係幾啱我黎種唔食辣但又想食泰菜既人。整體來說地方好企理,服務也很好既餐廳。

呢個位置都算係轉餐廳轉得快嘅位，不過每間都係唔好食，唔通呢個位俾人咀咒咗...早兩日諗住試新嘢，中哂伏... 我地點咗3樣嘢，豬肉及雞肉串燒各3串，真係講都唔信快到不得了就已經上菜，當時都心知不妙，好多時好食的店，佢地都要等少少時間至有得食。果然....上枱已經唔熱....應該係一早整好哂，有人點就係咁意熱返...一來幾油，二來D肉雪味好重，個漿都得個咸字 (可能係味精重) , 完全唔得泰式鳳爪，得個辣字，而辣之餘，鳳爪仲有陣怪怪的鯹...唉~~最後個雜菜爆粉絲，真係冇得頂....D菜係幾生下，幾油，冇味....成餐都唔知食緊咩....唔掂

之前開在路德圍的泰式餐館轉移到大鴻輝，把原本的西餐代替了。是日經過，見到午餐套餐十分便宜，便入內一試，這樣的價錢換來的水準，值回票價。豬頸肉湯河粉 - $42先輕嚐了一口湯頭，湯色十分清澈，表面有點油份，湯頭入口卻清甜得很，味道濃郁。一碗湯河入面居然有6塊厚切豬頸肉，份量多得令人驚喜。豬頸肉肉質偏腍，彈性欠缺，口感及味道偏向叉燒的質感。河粉細長，不會斷開一節節，入口潤滑，值得一試。跟餐可加配小食一款，泰式鳳爪肉質爽脆，辣味比酸味更為出眾，酸酸辣辣十分開胃。可能是新張，員工還不熟悉，運作都較為混亂，食物經常送錯枱，希望日後加以改善。是可以再回頭的餐廳！

服務態度不佳，又唔係好忙但係又態度差咁吹你叫菜，食物質素差，燒蚝腥，頭盤炸野燒野都唔好味，啲醬汁又唔係咁好味，咖哩好普通，比茶餐廳咖哩好少少，咖哩炒蟹炒出來好似冇炒過，雖然都係熟既但係無鑊氣可言，冬陰功湯味道層次好淺，同超市買湯包差唔多，芋頭魚唔新鮮，找數時睇多陣張單被佢話我阻住櫃檯，但又冇人排緊隊卑錢，真係趕客。

食個幾次，今次生日飯平平地簡呢間😄地方就腳，而且泰國姐姐親切有禮，係我喜歡呢間餐廳既原因😁泰式沙律，酸酸甜甜，有啲辣，好開胃海南雞，雞肉都幾嫩，不過啲骨紅紅地🤔🤔金邊粉，賣相都唔錯，加少少青檸汁好好味，仲有兩隻大蝦蠔仔蛋，唔知點解次次都叫呢個，味道ok既，冇乜特別啦仲有芒果同椰汁冰

朋友生日，她主動建議吃泰國菜，而且為了方便大家，便選了剛搬到大鴻輝的水晶晶，朋友說之前在地鐡站那邊，可能地點不太方便所以搬到這裡。眾所皆知荃灣大鴻輝有多間不同餐廳選擇，真的中、日、韓、泰式、火鍋樣樣齊，這店上一層扶手電梯便到，十分方便，至少不用排隊等電梯。扶手電梯的右手邊便是水晶晶。喜歡這裡地方寛敞。馬拉盞通菜，十分的鍋氣，十分的惹味。沙爹，這裡只有雞肉及豬肉的選擇，半打或一打，我們點了半打，雞肉及豬肉各一半，雞肉嫩滑，豬肉肉質有點硬，沙爹醬香濃，加分不少。爐魚，現在正在做優惠價，只售$98，十分優惠，肉質鮮嫩多汁，沒有鯹味，不太吃魚的朋友也說好吃。爐魚的湯，清甜美味。還點了椰子海鮮焗飯及黃咖哩雞肉（沒有相）椰子海鮮焗飯：飯有椰子肉，提升口感及椰香味，不過味道淡了一些。黃咖哩雞肉：點了小辣，辣度剛好，雞肉份量多。

今日同屋企人去左荃灣行街，本來諗住去食西餐，點知黎度間餐廳已經轉左做泰國餐廳，企係門口望過餐牌，價錢都唔貴所以就入去試下了。裝修同前西餐廳無咩太大分別，連卡位既擺設都一模一樣。若果無睇錯大部份員工都係泰國人，所以開頭想落單係無咩反應，個老闆提左二次先有人過黎，我地4個人叫左3個午餐，同時再升級叫多3個小食（一個餐只可以加一個小食）。飲品同小食好快就到，柑桔蜜係香但飲落就淡口左啲。小食方面有炸蝦餅，呢個真係值得一讚，香脆可口，肉質尚算彈牙另外，仲有泰式鳳爪同飛天通菜，鍾意食辣既話，泰式鳳爪都係推介，屋企人仲讚配菜既洋蔥好入味添飛天通菜就無咩特別，好似鹹左少少啦！主菜分別叫左海南雞飯，菠蘿炒飯，同埋海鮮乾炒河。海南雞飯係要劣評，油飯係無飯香味，雞亦唔夠鮮嫩，全枱人都覺得麻麻地。菠蘿炒飯唔記得影相，但整體感覺係可以既，若果再多少少肉鬆就更加petfect喇海鮮乾炒河係三個最好既選擇，味道唔會太鹹或太淡，不過配料好似多過河粉，若果可以平均啲就更加好喇總括黎講，咁既價錢既午餐真係唔錯，有機會可以揀下午茶時間黎食，應該會仲優惠添