水松見料理放題 (已結業)

看得出員工是缺乏最基本的訓練，沒有飲食界的基本常識，詳細不說！禮貌是好的，就是說一句，走一步！請他加茶，兩位客人，只加一位，哭笑不得！Wasabi 似綠色的奶油！昨晚已是小貓幾仔，服務還是差！寫紙仔，一晚遺失2次，不想去猜測原因，但用餐時間只有2小時，最後一個order等了20分鐘，共摧了3次，食物未到帳單先到，兇了服務員一句，「我還未吃完！」食材一般過一般，兩人HK$480落樓！在附近上班，又少一個選擇，好 SAD！！！

請大食朋友食飯當然係要揀任食最好喇.. 又唔洗驚佢唔夠食..所以我地就揀左日式放題任食唔嬲.. 我地一來就叫左兩輪刺身.. 睇賣相已經不錯.. 食落樣樣都大大件.. 好爽口..食左咁多刺身當然要叫返啲熟食暖下個胃喇.. 清酒煮蜆好鮮甜..而且食呢個又唔易飽肚.. 豬仔骨串燒反而太大啖肉.. 太heavy.. 我自己不是太鐘意.. 但係羊架確係要試.. 必食推介..好香羊味加埋香草烤得剛剛好.. 另一推介當然唔少得燒烤必食菠蘿串.. 點整都係咁好味.. 壽司就食得比較少怕飽肚.. 不過都可以叫火燒三文魚腩壽司.. 即叫即整.. 有興趣可以估下呢碗係咩湯？我諗一定考起大家.. 其實係魚翅湯黎架..雖然味道不怪還可以的.. 不過見到色水始終係會嚇一跳.. 我到依家都未諗到湯底係咩..追單都要追3次.. 為左個天婦羅確實係即整熱辣辣.. 幾吸引的.. 唔怪之得要等咁耐喇..

早排朋友約食飯，話發現間日式放題幾抵食，就卜左台食喇連埋細路八個人，去到坐低無耐，單都未落就有個刺身拼盤送左黎，原來係訂座優惠夠6人就送，個刺身拼盤有生蠔半打，海膽，象拔蚌同埋活魚刺身一條，都真係幾大個😍。我地本身仲考慮緊加錢任食生蠔定散叫生蠔，因為有d 朋友不吃生蠔，而家拼盤有免費試左先講啦。D蠔夠大隻，食落幾creamy，但爭咁d海水味，即叫即開夠新鮮，算係咁啦！最終再散叫多round $98半打。正!刺身切得好厚，種類同出面差唔多，唯一不足係無劍魚腩。。熟食方面，個人認為佢個燒羊架，冬蔭公，蟹皇翅認真好食！羊架好香！！而冬蔭公同蟹皇翅我真係第一次係食放題既地方見到，好特別！味道亦比想像中好！飲品方面有啤酒同清酒任飲，岩哂我地班酒鬼哈哈！到埋單果陣，本身都預左我仔5歲幾要收小童價，點知原來呢排做梗promo，長者小童唔洗比！八條友黎食，剩係比6個人既錢，又真係幾抵食wo！ 總括黎講野食出得幾快，價錢本身都係百幾蚊位可以食兩個鐘，我覺得好過mk果d放題，食得個半鐘又坐得辛苦又迫，想安安樂樂食餐飯都難！下次都會黎食！最後特別一讚服務一流，小朋友常跌碗筷野食今晚最少都幾十次，他們不用呼喚

在6:30到這裡，不算大多人，我一坐下來立刻點刺生同手握 壽司有我喜歡吃的蝦，青洒 煮蜆 同貓山王卷， 環境舒適乾淨，這裡的職員有禮貌， 今次我試了很多款式賓至如歸，下次都在7:00後可以2小時，

食品唔好食，服務態度又差，唔會再有下次。我們有5個大人1個小朋友，但小朋友兩歲都未到，又唔多食野，只係食左個烏冬，剛剛到80cm高，就已經要收錢$118，我們仲每個大人加$40任食生豪，7:00開始食，第一盆生豪已經要7:45先到，8:00再叫第二盆，8:30同我講話漏左單要再跟，8:40仲未到，我又再加單10隻，最後都食左40隻生豪，但生豪唔多新鮮，9:30結帳多謝$1218-

80字阿，寫個負評都要咁多字，夜晚食一位220左右，一行幾個人去，熟食唔得刺身又唔得，一坐低d wasabi好似融左咁一pet野，最嚴重係d魷魚，用食紙形容差不多，d煙三文魚好似用手meet咁，衰d講句食個吉野家我都gur幾倍

我們一行八人這一天看完戲後約8:30 pm到這間放題吃晚飯。我們被安排到一張很窄但很長的枱用餐；由於枱子太長的關係，我們分開兩邊：四位四位地點食物。那時我們已經餓昏了，於是匆匆點了必吃的刺食裏腹。我們沒有全部都點，只挑了最喜歡吃的三文魚、北寄貝、甜蝦、帆立貝和馬刀貝，但每樣都很新鮮、很好吃呢！一大盤刺食只要一下子就清空了！這次的其他熟食其實也頗多的，一般放題基本要有的也齊全，以下只介紹幾樣我所喜歡吃的：本人不喜歡生蠔，但就很喜歡吃熟的，這個炸蠔就很適合我：炸粉不厚，但很酥脆，而且咸咸的很對味。另外還點了雞軟骨、羊架、燒鯖魚和多春魚；除了羊架有點靭，不好咬外，另外幾種食物的質素皆不錯，尤其是雞軟骨，食爽和惹味，令人食指大動。飲品方面除了一般汽水外，還有罐裝荼和清涼爽，讓不喝汽水的我也有合心水的飲品囉！吃得飽飽，埋單198加一，算是蠻抵吃吧！

今次聚會是女朋友打去訂位的，平時笨笨豬，今次做了叻叻豬。因為原來訂座有原條活魚刺身和海胆送呀！勁新鮮正！接著是超級肥美的三文魚，叫了3轉，完全滿足了我這個三文魚狂。 另外值得一讚天婦羅不是油淋淋那種炸得剛剛好，基本上所有Order的食物全部食清光。總括呢個價錢食到海胆同活魚加上所有食物質素都ok，真係好抵好抵食。

之前係附近唱完k經過呢間舖頭，見到門口有個易拉架，價錢唔貴仲有生蠔吃，心思思又好想試下，所以就夾日子黎試下…我地book左星期六晚既第一轉時間，5:30~8:00， 2個半鐘頭，食物種類都多，不過味道就一般般啦…刺身叫左兩轉，魚生切得好厚，三文魚好多根，而且有d腥，所以叫左一轉就無再叫，相反d貝類就好爽口，可以吃兩轉…壽司類唔錯，飯又唔算大舊，又無乜醋味，個海膽手卷推介，每人平均吃左3舊，海膽鮮甜唔苦…炸物串燒類都ok, 雞軟骨一份已經好多，又唔係好咸，炸芝士年糕同一口芝士好正，不過燒菠蘿就有d酸，燒粟米就太乾清酒煮蜆同牛油炒粟米好味道，蜆叫左好多轉，因份量少…不過我地每次叫2，3客都淨係得1客黎生蠔雖然話係任食，但我地都係吃左兩轉，每轉每人得兩隻，第一轉d生蠔係新鮮d無乜苦味，但第二轉就有苦味，而且d蠔都唔靚，一定要加檸檬汁同他他醬先得! 最難譜係每一轉生蠔都要等半個鐘左右，唔怪得身邊無其他客人叫生蠔啦！最後就甜品時間，有雪糕同雪條，不過雪糕雪得唔夠硬，好易溶…所以試一次就得啦，每人228另加一題外話，d待應執碟都執得好快，但就唔多主動幫人換碟囉！

好耐冇嚟呢間青山道既水松見，佢既食物水準好壞都係參差一半啦，先講差既先，第一：炸鷄軟骨個脆漿係勁咸，希望下次會改善，之後就係個燒鷄翼，燒得好乾身(柴口)兼冇味(冇做底味)，個湯烏冬太粉頭，不值一試，其次就係甩單，叫咗2次炸鷄翼同枝豆都冇嚟(其實得幾枱客)至於可以推介既就係個日本番茄，佢沾上酸醋，做前菜真係好開胃，其次就係刺身及壽司，好新鮮，炸紫薯波同鱿魚圈佐酒一流，仲有甜品都好食，總括嚟講呢間可以一試，因為如果人多仲可以升级食埋佢既火鍋及任食食生蠔架。

朋友介紹呢間放題$218可任食2.5小時生，知道價錢收要求已降低，因價錢實在好抵！生第一盤來的時候鮮甜肥美魚生，壽司算正常，都新鮮既，但點吞拿魚就冇來到再點第二轉生有新鮮肥美，但有D有苦味既之後就轉蒸氣鍋同食烏冬了，花甲都算鮮甜明白一分錢一分貨的道理！

一說到放題，不知為何朋友總要去超多人的尖沙咀其實來到人少少的長沙灣也有很不錯的選擇這次就試試尖沙咀以外的放題店舖在2樓，需要行樓梯上去內裡面積都幾大，坐在面對大街的大窗邊環境很寬敞舒適，很適合三五知己靜靜地聚餐食日式放題當然要叫上多款刺身打造自己喜愛的刺身拼盤刺身都幾新鮮，水準很不錯三文魚切得大大件，入口啖啖肉甜蝦很大隻，都幾彈牙甜美不過個人較為鍾意細隻的甜蝦芝士年糕內裡滿佈流心芝士十級邪惡，芝士香十足配上外層炸至脆身、煙煙韌韌的薄薄年糕口感十足，超級推介燒蕃薯仔很香甜，有很濃郁的蕃薯味燒牛肉粒切得細細粒，一口一粒很方便牛肉不會過硬，而且保有肉汁，非常不錯中華沙律，很新鮮爽口明太子雞翅，把明太子釀入雞翅內食用方便，同時很惹味蕃薯天婦羅及南瓜天婦羅，炸漿都幾薄不過味道不太出，可能食材不是當造吉列廣島蠔沒有食，不過朋友說都幾好香草燒羊架肉質都幾鮮嫩，保有很多肉汁而且有很香的香草味，很惹味也有鍋類，要了一個牛肉鍋上檯時還在煮熟中，很是新鮮味道亦很不錯鍋不算太大，適合放題每樣少少試下飲品方便都有幾多選擇除了菊花茶、清涼爽、冰紅茶等，也有不少汽水供選擇另外，更有梅酒供應酸酸甜甜的梅酒，酒味不算太

同朋友在長沙湾行街，看見有日本放題剛巧是晚餐時間，於是決定試一試這店。店內環境很大而且都很整潔。見到menu種類很多，首先我叫了刺身，帶子，甜蝦是比較特別口感彈牙新鮮。再來燒物有羊架，雞翼，菠蘿等等，都好有燒烤味道，好似BBQ感覺。還有炒牛仔粒也是非常特別，有入口即溶感覺。壽司也是必吃種類由其是火焰壽司也值得order。最後還有牛肉火煱也值得試試 。埋單也只是$188+10%一個。

不是朋友帶路，也不知道長沙灣有家抵食的日式放題！位於永基商業大廈的水松見，距離地鐵站不太遠但初次去的話也可能要google map一下。甫進入能看見大大的魚缸很漂亮。店內燈光幽暗，似為每張檯隔出一個小空間，不錯呢！四人桌面積夠大，多放幾碟食物也不擁擠，桌與桌之間距離足夠，空間感大。點菜單以活頁本設計，分類排放清楚整齊，又方便逐頁撕出點菜，設計很貼心。食品種類選擇頗多，有刺身、炸物、沙律、小食、壽司、燒物、串燒、卷物、和食、鍋物、天婦羅、拉麵烏冬、飲品等，看得眼花繚亂，要一群人來聚餐才能逐個擊破吧？XD最先登場的刺身船，擺盤很漂亮，刺身分類擺放，還用上小杯子盛載，不怕冰塊溶掉刺身全泡在水裡。三文魚肥美甘香，甜蝦尺寸較小但蝦如其名夠鮮甜，帆立貝嫩滑，馬刀貝爽口。刺身新鮮也不會切得透薄，每次給的份量比下單分量只多不少，質素不錯，忍不住多叫幾輪！火炙海膽蝦有火炙焦香又有海膽甘香炸物系列：明太子雞翼、一口芝士、吉列廣島蠔、天婦羅…等等明太子雞翼外皮香脆內釀進了明太子，帶點微辣超香口惹味，推介！一口芝士趁熱吃要小心，咬開有芝士流出。吉列廣島蠔肥美Juicy，粉漿極薄，吃四、五隻大滿足！牛油炒帆立貝

我已經好耐冇去放題, 咁岩經過見到$218生蠔任食, 於是試一下還有壽司忘了影相. 火炙壽司味道還不錯(主要是因為個醬汁同D飯), 但所有壽司都有一個大缺點, 一夾就散, 變成一碟飯我食9點半時段, 只係比繁忙時段平十蚊, 但好多野一去到已經冇得食, 吞拿魚賣晒, 海鮮鍋冇晒...7成生蠔食到有苦味, 有D苦D, 有D冇咁苦. 痾就預左了. 夜晚四點醒來痾了半小時(真人真事).串燒全部都冇乜加調味料, 跟一般串燒專門店相比, 味道差很遠, 這部分減了很多分, 青酒煮蜆還可以.基本上重點在於刺身部分, 整體而言, 刺身還是新鮮的, 但我9點半即落單已經冇吞拿魚, 所以唔知吞拿魚會係點$218生蠔任食, 仲想點? 我之前去佐敦龍蝦燒, 一隻生蠔都要$50-$120大部份放題1.5小時, 佢有2.5小時, 最基本既刺身有冰底, 佢都有. 服務員做野效率亦都好快.