水蜜桃冰室 (已結業)

因為朋友揀咗呢間旺角餐廳黎食，見大家啲食評都話好平又大份，所以我都忍唔住過嚟試吓！晚餐時間大約夜晚八點鐘呢間餐廳就充滿咗人頭，一入黎嘅人都可能要同人地搭枱！所以如果你唔想同人搭台嘅話,咁就早啲過嚟食啦！嘢食方面我覺得呢間餐廳的確水準好高，環境幾好，缺點就係呢間餐廳啲枱比較細咗啲，可能我哋叫啲嘢食比較多，所以冇辦法放晒係二人枱嗰度，要食完就清走左啲嘢先可以再上下一碟餸！首先，我哋叫左一個雞翼小食，啲雞翼炸到好香，卜卜脆！食完仲想再叫，不過驚食唔晒兩個女仔，下次先啦！之後叫左一個澳洲和牛，因為見到隔離枱食到好正，見佢哋可以親自自己燒，好似韓燒咁樣好過癮！最重要係啲和牛好正，我哋食完又再落多一次單！！！我下次過嚟你間餐廳一定會在啊呢個澳洲和牛！！另外叫咗一個煎飯，唔知係咪我冇食過定係點喇，牛柳配煎飯真係好創新！煎飯有少少似飯焦咁樣，最重要係好香噴噴！

今日同朋友慶祝生日過咗嚟旺角水蜜桃食嘢，全因朋友同我講佢有一次消夜過咗嚟呢度食，話呢間嘢食水準好高又大份又抵食最緊要係價錢貴！於是就同朋友過咗嚟食呢間！首先我哋點在一個澳洲和牛，呢個係店員推介，呢個和牛係我哋自己燒，可以過下癮！笑完之後記得點返啲醬汁食，一流！然之後我地每人點左一個餐，黑松露三文魚意大利飯，佢啲意大利飯超濃芝士味，一路食一路聞到好香，加上有黑松露，ichiban ahhh!!!而啲三文魚就好新鮮！另外朋友就叫咗一個低溫牛柳煎飯，呢個返好得意因為通常好少可以食到煎飯，最重要係佢啲返先得好香，咁大個女都係第一次食煎飯mix牛柳，呢個好推薦比大家食，大家可以試吓！易啲牛柳煎到啱啱好，好重牛味，鍾意食牛嘅人唔好錯過呀！！

聖誕難得和友人聚會，當然要食好的慰勞自己！朋友和我之前一直都很喜歡吃鐵板餐，因此選了這間平靚正的冰室！鐵板燒紐西蘭肉眼扒（$112）自己一直是肉食扒的fans，叫了一個五成熟，發現難得肉質鮮嫰juicy，薯菜有濃濃的伏特加味，真的非常推介呢！蒜香雞中翼（$28）雞翼有濃濃的蒜香，而且非常香脆可口，有種吃完不夠喉的感覺，非常不錯！椰子雪葩（$35）身為甜品控的我，意外發現原來這裡的甜品很正，雪葩有非常香濃的椰子味，女士推介！整體而言，感覺食物cp值好高，有機會一定會再來幫襯！

旺角區想鋸扒，朋友介紹呢間餐廳俾我。除夕夜，一行五人嚟食，要等位，都等左二十幾分鐘！店員俾左張咭片我，原來可以訂位。聽聞呢度最出名係火焰鐵板，豬、牛、羊、雞、魚都有，我就揀左鐵板燒紐西蘭肉眼扒餐$112。先係餐湯，紅湯或白湯，叫左白湯-甘筍忌廉湯，味道麻麻，好淡甘筍味。餐包係蒜蓉多士，好脆！鐵板上枱，先淋上預先調好嘅酒：再點火，呢個時候當然要勁影相呃吓like！等細火少少就淋上「野菌汁」，醬汁有幾款，點菜時自己揀！肉眼扒肉質都幾鬆軟，好易切。味道有強烈酒味，似係有冧酒，難免遮左啲牛味，不過百零蚊一個火焰鐵板餐，算係合格啦。餐飲我揀左即磨咖啡，都唔駛補錢。朋友揀凍檸茶加$3、黑牛加$9、雪糕紅豆冰加$11，飲品都幾多選擇！

聖誕節到喇，為咗唔想同人逼，我每年都會提早食聖誕大餐！今次喺旺角發現一間平靚正嘅cafe，一定要介紹比大家知！呢間餐廳叫水蜜桃冰室，喺通菜街，一入到去好有懷舊氣氛，播著音樂，好似入咗時光機咁。我哋一打開餐牌，見到好多野都好想叫，跟著就諗到一人叫一個set！先來一個南瓜濃湯，配上脆卜卜嘅蒜蓉包，好正！我叫咗一個鐵板燒紐西蘭西冷配薯菜，侍應哥哥好貼心，幫我淋上黑椒汁，香噴噴，之後再加小小清酒，再點火，好似個火焰牛排咁，又玩得又食得，個薯條好脆，西冷有小小肥，先好食，塊排大個我塊面，又稔，真係堅抵食！我朋友叫咗個熊本一口牛套餐，而家做緊個六五折優惠，牛肉有雪花，脂肪分佈均勻，又得自己燒，好好玩，配埋飯一齊食，平凡中的不平凡！除咗以上嘅套餐，我地太饞食，又叫多一個汁燒鰻魚蛋包飯，鰻魚一大條，又燒得香，蛋又濃味，真係唔錯！呢度嘅小食都唔錯啊，日式蟹肉炸薯餅脆卜卜，芝士焗田螺好香芝士味！最後食個由日本嚟嘅鮮果雪葩，我地分別揀咗個椰子雪葩同南瓜雪葩，椰子雪葩夠甜，又滑；南瓜雪葩ok！今年嘅聖誕節真係好難忘，推薦大家去試下！

睇食評講到好正咁，話平價又好食，又話好有心思，其實真係唔係咁特別，普普通通嘅西餐廳一間。首先講個餐湯，好淡味又稀，唔合格，蒜容包就正常。到主食，我叫左紅菜頭飯，男友人叫牛扒，都等左幾耐下，同樣嘅田螺，隔離枱遲過我地叫仲早過我地有，港人真係會介意呢一點囉。先講個紅菜頭飯，紅色的確令人好有新鮮感，食落好重芝士味，好味得黎都幾漏，最後食淨少少。到個牛扒，真係一定要講，個鐵板上到黎，侍應會目無表情喺你面前落酒，然後一野隊枝火槍埋黎撻著個牛扒，然後馮一聲成個扒勁大火同成塊面有陣熱氣，係好有心思但真係嚇親人囉，因為動作太快，做之前應該同人講聲，見到隔離枱差啲就燒著張紙巾，有食客喺撻火前問會有幾勁，個侍應答勁過吳國敬，其實唔好笑，總之枱枱都比個火嚇親，講返個牛扒，唔係特別好食，無順紋切所以都幾鞋，食完太飽試唔到個雪芭，我諗都無乜必要試啦。

晚飯時間 肚子有點餓 走進女人街兩旁的小巷 馬上變為饑民 五花八門種類繁多嘅餐廳在向我招手我是比餐廳門口這個餐牌所吸引進去的 青春的交響曲 向前走不回頭 老闆瘋了 65折優惠 喜歡吃牛的 我又怎能錯過呢 餐廳充滿懷舊香港冰室格調 裝修得懷舊又潮熊本一口牛(220g) 原價$228 65折後$148韓式嘅做法 放在火山石上 用熱力將一口牛煎熟 旁邊有時令蔬菜 蔬菜吸收一口牛的牛脂 特別香 使不起眼的配菜 變得惹味一口牛脂肪分佈平均 入口有種即溶嘅感覺 牛味香而濃 配合生菜一齊食 健康又清新煙三文魚牛油果焗飯$82焗飯同樣出色 表面焗得金黃 面層放咗大量蟹子 伴著飯一齊食 鮮味提升煙三文魚及牛油果 都是我喜歡吃的鐵板燒薄切三文魚 $102鐵板餐平時豬 牛 羊 雞就食得多 三文魚鐵板真係第一次食三文魚薄切 在熱騰騰的鐵板上 熱力足以將三文魚煎至半熟 充滿蛋白質的三文魚肥美鮮嫩中間依然保持粉紅色 入口嫩滑芝士焗西蘭花(小食)芝士焗田螺(小食)是日餐湯(羅宋湯)餐廳門口聚集人流 有機會可能要等位 皆因內裏座位不多 眼見每枱客人都點鐵板餐 我今天享用了 食物質素卻是很好 而且選擇多 價錢大眾化

適逢做冬嘅大日子 我哋一家人都會選擇外出用餐 今日我哋揀咗位於花園街嘅水蜜桃冰室鋸扒紅菜頭忌廉湯 顏色好靚 係女生不能抗拒嘅粉紅色 我知紅菜頭有豐富嘅營養價值 係一種非常健康嘅食材 但係要嚟整忌廉湯 真係第一次試 味道清而不膩牛油蒜蓉包 外皮香脆 中間軟熟 味道非常香 日式煎餃子 單點$28 套餐價$+18餃子外皮煎得金黃香脆 皮薄 餡料豐富熱辣辣蒜香雞中翼 單點$28 套餐價$+18蒜香味不算太濃 反而香料嘅味道較為突出雞翼煎炸得外皮非常香脆 內裏嫩滑依然保持肉汁鐵板燒紐西蘭牛柳$118餐廳職員隨即淋上酒 然後用火槍點火 睇到我哋呱呱聲 啲火等咗一分鐘左右就熄咗 餐廳職員又隨即淋上醬汁 香味直奔鼻子牛柳中間依然係粉紅色的 餐廳拿捏時間剛剛好 並沒有過火 肉質依然嫩滑鐵板燒紐西蘭羊架$118今晚抬抬都坐滿人 每位客人首選都會點鐵板餐 見著桌上的火焰鐵板 氣勢十足 大圍整體氣氛非常好 很熱鬧有三件羊架 件件厚切 絕不吝嗇羊肉味不是太騷 不喜歡蘇味的應該也能接受食飽飽又到甜品時間 日本雪葩系列日本菠蘿雪芭 單點$65 套餐價$42好可愛嘅菠蘿仔 size大概有一隻手板咁大 細細個 1至2

呢幾日天氣好凍，氣溫低至十度左右❄️喺屋企縮下縮下仲覺得更加凍，的起心肝去行旺角女人街！行到街尾近登打士街有一間叫做水蜜桃冰室，見有啲餓就入去試下啦！入面有扒鋸仲係好特別好抵食！最特別嘅係 喺你面前淋啲酒跟住點著燒然後先正淋汁！叫咗個羊扒，食落一啲都唔蘇！另外甜品叫左南瓜同香桃雪葩！我最欣賞係 個桃雪葩，酸酸甜甜，桃味非常重！南瓜雪葩又好滑好香甜 ， 老闆話仲有蕃薯雪葩，下次試下先 ！嗌咗個熊本 一口牛價錢就有65折 折咗百零蚊 若果加多28蚊就可以有埋shabu shabu 天寒地凍終於揀咗個， 好合時呢個火鍋，嗰啲牛肉食落口好淋好滑！

聖誕節去旺角買禮物，成條街都係人， 我哋轉入女人街搵食，見到有兩間新餐廳，我哋就揀咗其中一間，原因見佢有澳洲和牛食。我哋點了一客澳洲和牛套餐及鐵板黑椒牛柳餐，至於餐湯，可以加錢加酥皮。和牛餐上枱，一個小爐上放了鐵板，鐵板上放滿了蔬菜（有粟米、金菇、冬菇、西蘭花），主菜澳洲和牛，油脂分布平均，先把蔬菜煮至半熟，再把和牛放在中間，煎至8成熟，一放入口，一陣油香，加上肉質軟熟，好味鐵板黑椒牛柳，份量足，大大份食飽飽，見到有說吧，我們忍不住各點了一個，不約而同地都點了芒果，芒果味香濃，好味另外，值得一讚的是，侍應很有禮貌，而且餐廳安排亦好好，臨走前忍唔住同佢地講「你地好好」。

旺角通菜街即是女人街當中的食肆給人一般的感覺都是吃得會比較急趕，很hea，求祈快食快走快下一個客的劈場餐廳，想不到今天我竟然碰到一間很有心思的冰室。原來餐廳都一樣怕<唔怕生壞命最怕改錯名>。其實當初吸引我進去開餐的原因就是因為這間餐廳用了我最喜愛的水果~水蜜桃來命名。內裡是一般小餐廳的簡潔裝修風格，明亮而且舒適。值得一贊的是通風系統很好，冷氣很夠。友人非常肚餓，所以我們決定點兩個餐及兩個雪芭再加一個小食。小食是我最愛的一口芝士小芝士粒外皮炸得香脆酥化，內裡的芝士滑溜溜又濃郁，超正，四粒絕對是不夠的由於我們都點了套餐所以會有餐湯和麵包。難得是友人請吃飯，我當然老實不客氣地把餐湯升級為酥皮湯。酥皮外層烤得乾爽香脆，吃下去時口感很鬆化，點著酸酸甜甜的羅宋湯來吃，正好中和了酥皮的油膩感。友人點了<火山石燒熊本一口牛餐>，原來是真的有熊熊明火燒著火山石板除了這些油脂豐腴的熊本一口牛粒外當然還有蔬菜，生菜包，珍珠飯及幾款醬汁。牛粒的油花很均勻，所以吃下去時口感香柔軟滑。輕輕把和牛粒外層燒熟，簡單的就可以做到外脆內軟的效果。蔬菜及牛粒就是這樣放在鐵板上輕輕的燒喔而我的

單看這餐廳那充滿少女味的名字，給我的第一印象是它似乎是提供輕食、甜品，雪糕、蛋糕等食品的地方，但原來，這餐廳的裝潢設計，一點也不少女風，餐牌中的食品也種類繁多，並非以輕食、甜品等為主，而是以牛扒、各式飯類等做主打、著實讓我感覺到這水蜜桃已經成熟，現時正是蜜桃成熟時。 這兒正推出以「青春的交響曲 向前走 不回頭」的特價優惠，數款推介菜式，包括我吃的「澳洲和牛M7（180g）韓式火山石燒」配生菜包、珍珠飯，還奉送餐湯和熱飲，價錢由原來的 $368減至65折後的 $238，實在甚為抵食。 這豐富的晚餐，和牛足有大約六件之多，肉質鮮明亮麗，雖缺少了點油花，一看便知十分軟熟，放進烤肉盛器當中略烤至五至七成熟，滋滋有聲，香氣不久便一陣陣地傳來，待得夾上碗中，蘸點岩鹽，再放進嘴巴，無論有沒有以生菜包裹著，依然滿口都是軟腍可口的牛肉味道。再加上粟米、蘿蔔、金菇等配菜，以熱騰騰的珍珠米飯伴吃，就更滿足了。 太太不是食肉獸，吃的則是「汁燒鰻魚蛋包飯」（$85）。這蛋包飯可真夠份量，大份得猶如一隻戰艦在咖喱汁海洋上航行的蛋包飯，甲板上是一大件肥厚軟滑的惹味汁燒鰻魚，蛋包飯旁邊還有大量的新鮮沙律菜

今晚同朋友去旺角買手機，心情好靚因可即刻用新手機，跟住行到通菜街的西餐廳食晚飯叫"水蜜桃冰室"，見今晚好多人食飯。XO醬鮮蝦炒意粉，鮮蝦肉厚好香，醬料味令成個意粉味道濃郁，都不知想食意粉多些定蝦肉多D，成碟意粉好快速食完左。叫了香蔗虎蝦蟹肉南瓜意大利，飯，虎蝦肉顏色吸引似是神味，又有蟹肉味，十足似海鮮宴會呢， 意大利飯食落是硬又軟的混合體。佢地的小食幾抵食，叫了日式餃子，肉的餡料有彈的口感，好快比我們吞肚了。

電影開場前吃頓簡單晚飯，人頭百餘元埋單的水蜜桃冰室是花園餐廳外的另一選擇。戈最貴的扒餐也是$118，平的$78/$88也有，晚市套餐包餐湯及飲品的。不同口味的雪糕及雪葩是餐廳的另一特色，眼見不少食客也有點。餐湯可選羅宋湯，酥皮須另加$12元。酥皮香口，沒有粉粉的感覺，富牛油香，又幾好食，但羅宋湯一般，是standard質素。鐵板燒紐西蘭牛柳 ($118): 牛柳點四成熟，鐵板餘溫會燒至六成熟左右。牛柳厚肉，可是肉質軟腍，易切易咬。牛味一般，但勝在性價比夠!鐵板燒紐西蘭羊架 ($118): 順帶一提，鐵板扒類會先淋上帶蜜桃味的酒，然而點火燒煮，營造火焰效果。無論牛扒或羊架都帶有蜜桃味，蠻有特色。羊架肉質亦是超級軟腍，羊羶味不重，羊味稍淡，但整體也是okay的。迷你南瓜雪葩 ($35/跟餐): 吃飽加個雪葩是常識吧，雪葩以原個迷你南瓜盛載，南瓜味鮮香且真實，並不是以果糖混出來的，的確很贊!

旺角女人街附近不嬲多小店我認我係俾呢間餐廳名吸引 水蜜桃冰室聽落好sweet咁哈哈餐牌以西式為主 有扒餐 意粉 risotto等我同朋友叫左個羊扒同香煎虎蝦蟹肉南瓜意大利飯一齊食扒餐上菜時先即時淋上玫瑰酒 再用火槍點火 好有睇頭之後再淋醬汁 聽到鐡板炸炸聲 以前跟爸爸媽媽去据扒既畫面出晒黎羊扒肉質嫩冧 生熟程度剛好特別中意菜係有薯皮既粗薯條 好味好多至於意大利飯亦無令我失望每啖都有淡淡既南瓜香味 虎蝦肉質吾梅蟹肉絲同飯粒撈埋一齊跟餐加多個芝士焗西蘭花 無得輸既配搭飲品方面有懐舊到爆既黑牛朋友仔要雪糕咖啡特飲 我就揀左特濃唂咕杯唂咕真係超濃 勁深色甜品推介必食雪芭 好多味道水蜜桃雪芭清空中間水蜜桃肉 加入雪芭雪芭每啖都有清香既水蜜桃味 好食相信夏天熱辣辣食更係別有一番滋味