水蜜桃冰室 (已結業)

✿╮❤╭✿ ✿雜感女生 好味日記✿ ˚*•✰。水蜜桃冰室．回味學生時。✰•*˚ ✿✿舌尖上的旺角✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 鐵板、鐵板、鐵板 據鐵板專家說，旺角又有好選擇 價錢與質素都是學生負擔得起的 難怪當天見到不少年輕人來此覓食 餐湯可以選加12蚊轉酥皮湯 有羅宋湯、紅菜頭忌廉湯2款 味道以羅宋湯較濃，忌廉湯中紅菜頭味道亦很出 香草田螺 香草田螺抵食價：18蚊！ 如果薯蓉烤焗得帶焦感更好 炸薯餅 就是學生時代的小食，香口惹味，不錯 帶子天使麵 90分！高水準 帶子肉厚大隻，天使麵的忌廉香濃入味可口 鐵板紐西蘭牛柳 火焰牛柳呀！店員會來澆酒 再加汁，3大塊，肉嫩好吃 鐵板三文魚拼虎蝦 虎蝦2大隻，確是好吃 三文魚亦肉厚大方，然而，如魚皮烤得香脆就更好 甜品：菠蘿雪葩 原個上台，入口就是香甜的果香與果汁 冰爽出色，下次可以試埋其他味道 小評： 味道：★★★☆☆ 環境：★★★☆☆ 服務：★★★★☆ 衛生：★★★☆☆ 抵食：★★★★☆

食飯唔興影相，無影。裝修nice, 有花心思既。鐵板，爐邊燒，意粉，小食，選擇幾多。揀左肉眼扒鐵板黎到，叫拎紙巾遮住自己件衫，原來係倒酒，點火，嘩，好過癮，可能平時食只係因為倒汁先叫你拎起紙巾遮住，而個waiter真係因為個火太勁而燒到自己隻手。食，ok bor，仲要好好食，有酒味，肉仲要食到唔係求其既cheap野，食下食下，成碟食哂。真係好食，用字係形容唔到，今次只係食左扒，其他下次試，試左你就知好食。

今日出旺角買完野，同朋友出左女人街揾食。女人街兩邊都係餐廳，選擇多到數不清。行行下見到其中一間有小小人龍，所以吸引左我地𥄫下....... 嘩 ！入面有火焰鐵板牛排餐呀！望下個價錢，都幾實惠，一於跟隊.......排左大約五至十分鐘就入到，有一排卡位已 full 左， 所以侍應安排左我哋坐一張兩人枱。餐廳面積唔太大，都係一貫通菜街入邊小餐室嘅size。但係佢嘅裝修好有心思，係模仿以前冰室嘅設計。牆上面有好多懷舊嘅裝飾，而枱面亦都係用唔同花紋嘅瓷磚切成。燈光昏暗好有情調，其實都幾好坐，同外面熱鬧嘅女人街形成強烈嘅對比。睇返餐牌都好多選擇，一心諗住食鐵板，發現原來仲有其他好野。登、登、登、凳 ！就係呢個澳洲和牛火山石燒啦火山石燒嘅配料有粟米西蘭花金菇同埋冬菇等等 。火山石燒其實係用一個爐熱住個石頭鍋，然後加啲配料係上面燒。每個餐仲會配餐湯同蒜蓉包，我哋揀咗羅宋湯。飲落都幾清甜又略帶少少酸味，即刻好開胃。但係蒜蓉包就略嫌硬左D唔夠脆喇。一飲完湯話咁快石燒就上枱了，開火無耐已經聽到滋滋聲, 仲有好香粟米味。澳洲和牛紅白分明，賣相非常討好。澳洲和牛M7 180g $238套餐仲配生菜包同白

朋友係九龍中某醫院放工去等佢 然後一起食個靚飯 見到有間好似新開嘅冰室- 水蜜桃冰室 於是入去食啦 冰室環境優美 安靜 藝術氣氛濃厚因為用左唔同歐式花紋圖案另外燈光暗淡 浪漫野食款式幾多 扒類最爲吸引朋友叫左紐西蘭西冷鐵板燒（$118）小弟叫左紐西蘭羊扒 （$118）唔係到到地方有羊扒食另外將白湯加配酥皮 （+12）小食方面 可以用跟餐價 叫左一口芝士同日式蟹肉薯餅 （各+18）好抵食 酥皮湯 酥皮好脆 而且熱辣辣 新鮮焗是日白湯主料係鮮菌 好濃酥皮加入湯 放入口係溶化 唔會硬舊舊 正一口芝士同薯餅都好食 最得意兩款都是外脆內軟 口感十足 配上辣辣地嘅沙拉醬 味覺刺激主菜出現了 服務員先好有心叫我地用紙遮住 佢先淋上酒 然後用火槍一燒 嘩 著火呀 西冷朋友要求三成熟 但小弟食落唔會有血味 反而夠juicy 牛味好重而且火燒完外面增加左香口度 小弟嘅羊扒仲好食！ 肉質鮮嫩 好淋 有啲位嘅油份唔會覺得好肥 反而咬落溶化 連埋舊肉食會好香 好滑 。 食羊最怕腥 佢一啲都唔會食完大家想食返啲菜 所以叫左沙律。點知黎做中左伏。伏係好正面嘅：係超大碟呀唔講得小！！預計唔到佢個碟同一個9吋pizza

餐廳雖然叫冰室但唔係老香港嗰啲傳統冰室，裝潢都睇得出係花咗啲心機。枱上面有兩排色彩繽紛嘅瓷磚，伸延到牆上，仲有啲掛畫，再加上啲暖色嘅北歐風格吊燈。整個感覺係有格調得嚟又有溫暖感。「冰室」亦唔係提供傳統冰室嘅食物例如茶餐、常餐、港式碟頭飯，而係主打鐵板餐，另外仲有好多款沙律、意粉、蛋包飯、意大利飯、焗飯等等。鐵板餐叫「鐵板燒」，因為真係會淋少少酒再點火燒吓塊扒，火焰鐵板幾有特色。不過我地就叫咗兩個「期間限定」嘅餐，據店員講，佢地每個月都推出一啲新嘅產品。今次係石燒，而且仲有個「老闆瘋了」價，打咗個六五折。餐湯係【意大利菜湯】同【甘筍忌廉湯】。個人較喜歡意大利菜湯味道濃郁，另外配送嘅蒜蓉飽就相當鬆脆。【韓式石燒澳洲和牛M7(180g)】 原價$368，65折後$238。用花崗石代替金屬板，燒嗰陣唔會有鑊撈，健康啲。個Gas爐都幾乾淨，又唔會有gas味，火力夠。澳洲和牛啲脂肪分佈均勻，一睇就知係靚牛肉，放上爐燒嗰陣香味四溢。啲牛都幾厚切，食落果然軟腍，牛味濃郁，油脂極豐富，食落滿口油香。啖啖肉梗係正啦，但亦可以用生菜放上燒好嘅肉，再落燒肉汁、蒜片、蘿蔔蓉包住食，減低油膩感，又可以食得營養均衡

女人街有好多間小店，今次黎到新既吾耐既水蜜桃冰室。見佢有水蜜桃雪葩食！即刻吸引到我前來一試。餐廳地方算小，但座位不少，有受歡迎既卡位。店內燈光較暗，設計風格行懷舊風。.鐵板燒紐西蘭羊扒 $118 三大塊羊扒，幾厚身，幾juicy 😍 個汁都好好食，價錢合理, 幾抵食。薯菜都幾足料，薯角又炸得脆身吾油膩。.汁燒鰻魚蛋包飯 $85 鰻魚吾夠厚切，蛋都幾滑，味道就不過不失，勝在大碟，同埋個鰻魚汁係好味既。.美國黑毛安格斯(180g) $188 （1-2人份量）個燒爐好迷你，幾得意又慳位👍🏼 估吾到200蚊都吾洗會有咁多安格斯牛肉食，而且有好多塊，幾足料。牛肉既花紋望落ok, 食落有牛味、有肉汁，不過咬落吾夠腍，特別中意佢地既醬汁同炸蒜片，夾埋一齊食更加好食🤤.餐湯揀左一蕃茄雜菜湯，一紫薯忌廉湯，+$12 可轉酥皮湯 紫薯湯幾特別，有新意，紫色既湯好靚😂 不過吾夠creamy ， 點包食都吾錯的。.日本Lisse 蜜桃雪葩，單叫$48，跟餐就+$35 好鬼抵😳 仲有多款水果雪葩選擇！我愈來愈中意食雪葩🤤所以見到有咁多選擇 好開心呢！水蜜桃雪葩味道幾濃郁，幾清甜，賣相又吸引！呢個價值絕對值得一

今日中午食飯，一行三人，一入去就覺得侍應態度不好，下單時顯得不耐煩。可能是人手不足，樓面只有一人，要處理多枱客人，我們只是想點餐飲，侍應竟然說樓面得一人，飲品要等等先叫得。。冷氣又忘了開一部，我們越食就越焗，食到中途先記得開冷氣。。明白做到可能會很燥，但都不應待慢客人，又好急地收碟，明明沒叫結帳，就硬給賬單予我們找結賬。說回食物質素吧，我們叫了煙肉磨菇炒意粉配芝士忌廉汁，濃濃的忌廉汁配上粉意，很夾味，汁液不會過於太濃稠，不會令意粉黏在一起，很怕意粉越食越會變成大舊，每一根意粉沾了汁醬，味道可口，特別愛配上的菇類，好像是雞批菇，感覺很清新。大讚，餐湯可選紅或白湯，味道就一般吧。同事叫了蘇格蘭煙三文魚蜆肉刁草忌廉汁天使麵，感覺就一般，見她越食，天使麵就越是黏在一起，變成一大舊麵團般。。。。看似汁醬就不太足夠。。。。總括來說，食品味道佳，唯服務態度需改善。。。

今日收工同朋友去旺角睇戲，見到新開左間冰室，所以就順便試下。點知，有驚喜！MENU選擇好多，而且表達方式也很幽默澳洲和牛M7(180g) 原價$368 ，65折 $238見到餐廳似乎係好推薦，200幾蚊食到和牛又真係好抵，牛魔王唔試點得？呢個叫韓式火山石燒，上枱之後店員會係我地面前燒熟佢，好處係一定唔會過熟。食落真係質素好高！因為牛肉味好濃，加上油花比例很好，其實300蚊都唔算貴，所以真係堅抵食！而且配生菜包同埋珍珠飯，仲奉送餐湯及熱飲，絕對唔怕食唔飽！卡邦尼雞柳溫泉蛋墨汁麵　$88食麵加卡邦尼汁真係好正，濃濃的芝士和奶油味，仲有Ｄ蛋黃香，口感勁CREAMY!墨汁麵比較惹味，而且軟硬適中，真係唔錯！蒜香雞中翼  跟餐加$18平時食蜜糖雞翼多，今日揀蒜香，雖然冇左習慣果種甜味，但係咁食係更香口既！紅豆冰　跟餐加$9雪糕紅豆冰　跟餐加$11迷你南瓜雪葩　　跟餐加$35菠蘿雪葩　　跟餐加$32冇諗過係冰室都可以食到咁精緻的甜品！雪葩有非常多種類可以揀，我選擇左最鍾意的菠蘿，而朋友揀的是特別的南瓜。賣相、味道都一流！入來之前真係冇諗過食物整得咁好，服務態度都好好，而且價錢仲咁抵食，真係要介紹埋

好喜歡在旺角行街買野再行女人街，在通菜街有間西餐廳叫《水蜜桃冰室》，一坐下店員即刻推介到牛扒或其他菜的特色，好專業啵。我朋友聽佢講叫左個鐵板燒肉眼扒，5成熟牛扒餐，上餐時先灑下醬汁再用火器出火燒牛扒面一陣，再灑下醬汁多一次，切開扒時好鬆軟美味，達到5成熟的效果，下次來試下叫7成熟牛扒睇佢做成點先。鐵板燒薄切三文魚扒，醬汁灑在三文魚扒上帶來香味十足，入口熱度剛好令人食得開胃。日式餃子皮薄，肉的餡料有彈的口感，好快比我們吞肚了。

同朋友一齊食茶餐廳我同朋友都係主食方面叫左西式既食物我就叫左杯忌廉鮮奶 我覺得茶餐廳一定要叫既飲品之一好似原來愈少香港人知道咁 仲有餐配埋 我緊係選紅湯 料足 新鮮 仲有蒜容西多士 細細塊 夠脆  蒜容味不太濃 小食 薯餅 新鮮即炸 點埋D沙律醬一齊食 ^^仲有一款 一口芝士 唔錯 兩個人SHARE一齊食比較好點埋D醬食好正架我朋友叫左個鐵板燒 (雜錦 宥四款肉的)當中包括 牛柳,羊扒,雞扒,德國腸 都幾多款 岩曬想食幾款肉既人叫店員會幫手落醬 燒酒燒一燒 都幾正 份量足 幾大碟 一個女性應該食唔曬 仲有薯角TIM 而我叫左其他款既鐵板燒 溫泉蛋肥牛飯店員幫你落醬 仲有野可以擋一擋服務唔錯 又方便 近地鐵站 仲可以睇埋SANRIO 精品店先入去食價錢又唔貴  唔錯值得同朋友一齊再食 

早前同朋友一行三人去左旺角食呢間水蜜桃冰室。揀左兩款小食同埋一個鐵板燒套餐。首先係酥皮湯配蒜蓉包，表層脹卜卜的酥皮略嫌唔夠鬆脆，而忌廉湯感覺有點淡，不過充滿牛油香。小食叫左日式蟹肉炸薯餅，吉烈既外表入面係啖啖既蟹肉同薯蓉，好滿足。另外叫左芝士焗田螺，焗溶左既芝士好香好野味。主菜叫左鐵板燒紐西蘭牛柳，份量比一般餐廳嘅鐵板燒稍為大，牛柳鮮嫩得黎亦有酒香味，性價比高。作為旺角既餐廳，佢既裝修相對上精緻獨特，食物選擇多，價錢亦算平。如果想平平地食一餐舒服既西餐，水蜜桃冰室絕對係唔錯既選擇。

一直以來都覺得係旺角搵食都係一件幾難嘅事，因為食店太多好易中伏。所以今次要朋友提議話去旺角食嗰陣我都有小小保留，但係最後無論係價錢同質素都驚喜到我，而呢間餐廳就叫水蜜桃冰室。 今次去嘅餐廳係間格上同而家喺女人街餐廳差唔多，但店主係牆身就擺放左好多有趣嘅裝飾。 佢提供嘅嘢食種類都好多，我哋就揀咗比較推介嘅牛扒、滑蛋鰻魚飯同埋雞肉墨魚麵。 佢其中一個特色就係每一個套餐都可以跟一份小食，咁我哋就試咗幾款包括有芝士焗西蘭花，日式炸薯餅以及芝士焗田螺。 先來嘅係芝士西蘭花，西蘭花爽口大任唔會過淋，配合「極邪惡」嘅拉絲芝士真係集天使與魔鬼於一身。 日式炸薯餅炸得鬆脆可口，會令人忍唔住一個人就食曬成份。 芝士焗田螺就芝士味非常之濃仲要可以拉絲，配合鮮甜嘅螺肉，會不知不覺係餐前已經吸收有勁多卡路里。 佢跟餐嘅餐湯可以升級酥皮湯。一般餐廳提供嘅酥皮湯都只係焗定嘅周打峴湯，但呢度每一個酥皮湯都係即叫即焗，紅湯都有可以轉，忍唔住就試埋呢個好香牛油味嘅酥皮紅湯。 第一到上嘅主菜就係鐵板牛扒。呢度嘅鐵板牛扒有一個特別之處，就係佢倒一啲酒精再點燃，做出有火炙嘅效果，啱曬相機先食嘅人。火灸令到牛扒帶有少少嘅焦香，而

和寶寶路過通菜街，看見這間新開的餐廳幾乎滿座，有西式和日式食物提供，氣氛也不錯。我倆立刻走進去坐上了最後一張空枱。餐廳面積不算大，除卡位外其實枱也較窄。原來所有晚餐也奉送餐湯和飲品，而晩餐的價錢也很合理，很掋食唷！如要轉特飲只需補錢便可，寶寶點了黑牛 (+9)，而我則喝了雪糕紅豆冰 (+$11)。感覺懷舊，有小時候跟家人到冰室的感覺。餐飲有紅白兩湯揀，最後我倆也要了羅宋湯，還可以轉酥皮湯呢 (+12)。羅宋湯不過不失，材料很豐富，有大量蔬菜在內。還竟配上一片烘得非常香脆的香草蒜蓉包，蒜蓉味十分濃郁，好味道。鐵板燒紐西蘭肉眼扒 ($112) 可選黑椒或野菌汁，我們要了後者。首先店員會把餐廳秘調的酒倒在牛扒上，然後點起火，很有氣勢唷！肉眼扒很大塊又厚身，肉質軟腍無筋。味道也很特别，因混合了酒的甘味和野菌的香，所以十分惹味。這個價錢來説真是超值！ 餐廳還有做推廣，有原價 $228 但現在六五折的熊本一口牛燒肉 ($148)，但怕熱氣所以轉了壽喜鍋 (+28)。壽喜鍋很豐富！有滿滿的豆腐、蔬菜、菇、還有雞蛋呢～ 牛肉切成粒狀，大概有12舊，牛脂味濃郁，質感嫩滑。伴飯吃一流，但小心煮耐了牛肉會變

同朋友約左睇戲，又想食西餐，聽講水蜜桃平靚正，所以決定黎嚐鮮！老老實實，真心比我想像中好味好多！冰室雜錦鐵板燒 - 牛柳、羊排、雞排、德國腸（$125）比想像出色，真心推介，我地選了五成熟，冰室用了伏特加來燒，讓薯菜也有酒味，好特別！主角牛柳超級juicy多汁，羊排肉質鮮嫩，雞排軟硬適中，一次滿足左三個願望！好正！芝士焗西蘭花 （$28）想不到店中雖主打西餐和肉類，但菜一樣幾出色，芝士味濃郁，西蘭花不會太淋，有口感又香口！蜜桃雪葩 （$48）水蜜桃味好濃郁，而雪葩的口感好好，入口即融，飯後甜品而言一流！ 黑牛（$28）本來擔心可樂加雪糕會好甜，結果完全沒有，反而甜得剛好，好解渴好清甜！整體而言，店員態度好好，而且食物性價比值高，環境又舒服，絕對可以有下次！

今天與媽媽到女人街巷仔覓食，常去的店已爆滿，眼見這間冰室未爆滿，裝潢精緻獨特，便被吸引進去Dinner。 酥皮湯配蒜蓉包，媽媽最喜歡的湯，表層脹卜卜的酥皮鬆脆可口，充滿牛油香，與暖和的忌廉湯味道襯絕!鐵板燒薄切三文魚配薯角，冰室罕見的日式三文魚菜式。由於三文魚是薄切的，肉質嫩滑不嚡口，更能吸收醬油的香味，加上白芝麻/香草調味，鹹香滋味! 底層燒過的洋蔥爽口多汁，味道層次更豐富~ 配菜薯角炸得香脆，份量十足，差點吃不下。鐵板燒紐西蘭西冷配薯角，侍應淋上酒精後，點火一剎，火光熊熊，嚇了一跳 燒過的西冷鮮嫩多肉汁，有韌性，邊位的肥油香口肥美，富濃郁的牛味及酒香，非常惹味!日式一口芝士，外層炸得金黃香脆，內裏芝香流心，“芝”味滿瀉，再蘸上沙律醬，味道更錦上添花 ~熱檸水/熱華田，隨餐奉送。日本Lisse蜜桃雪葩，雪葩冰涼清新，一解鐵板燒的燥熱感，滿口清甜的蜜桃香味。餐牌寫著由日本空運新鮮水果果肉製造，感覺更抵食~日本Lisse芒果雪葩，富香濃酸甜的芒果味，果香滿溢~ 這間冰室既可點港式美食，也有提供日本 小食甜點，味道皆滋味十足，尤其日本空運的雪葩，冰室罕有，解膩一流! 是非一般的日式 x 港