水門雞飯 (百宜樓) (已結業)

係晏晝同屋企人一齊去食呢間水門雞飯入去嘅時候唔算多人職員嘅態度都幾好不過雞飯比較乾身，雞都唔係好滑要靠醬汁帶番啲味道出味另外叫左杯泰式咖啡試下，算係不過不失啦😅

我諗好多香港人去旅行✈️飛曼谷都必去食過水門雞飯🐔🍚， 由於疫情關係我哋已經有六個月冇去旅行呀平時最鍾意返既（鄉下）泰國....好掛住果到啲美食呀，上星期朋友講我知原來元朗開左一間水門雞飯😋😋我都一於同寶寶去試下✈️ 入到餐廳入面嘅裝修同泰國果間水門雞好似，好有泰國feel, 感覺好似去咗泰國咁😆好開心呀（自我陶醉中） 呢度除咗雞飯之外仲有咩選擇，有魚蛋，扎肉，魚片，牛肉，豬肉多到數唔曬.. 仲可以選就可想咪分分朝同金邊粉💖💖因為太多嘢食嘅關係坐低已經唔記得咗叫招牌菜水門雞下次返嚟會再食😋

本身自己好鍾意食海南雞 海南雞除咗本身肉質要夠滑之外 醬汁都非常重要 自己係喺泰國第一次食水門雞 當時個醬汁簡直係一試難忘 當知道香港都有得食嘅時候梗係要經常幫襯😊唔好睇佢細細碟 其實都好飽肚 配埋杯泰式奶茶 去唔到泰國旅行都可以喺香港食住頂肚先啦🥰🥰

係元朗有好多各式各樣既泰式海南雞飯，傳統依間好出名成日排長龍企滿人等嘅泰式海南雞飯，人人食過都話好味，成日心思思想試係點好味嘅？終於找到一日試吓先！係元朗本身某間海南雞飯都好味，但一試水門後，簡直不得了⋯⋯雞係相比之下咬落去好嫩身同淋，油飯都係淋身香滑雖然睇盒飯好似好細盒，其實食晒盒飯係好飽的，當試完依盒好好味既飯就已經覺得食唔返之前某店同其他店既泰式海南雞飯了簡直係用一試難忘去形容依盒泰式海南雞飯！必須要試一次!

星期一下午茶時間黎咗水門雞試吓，唔算多人，所以即時可以入座（平時見其他分店都要排隊）同朋友都係叫下午茶餐，叫咗一個水門雞飯另一個係鳳尾蝦炒金邊粉，個人覺得水門雞飯好味d，下次都會再黎試，另外追加兩串串燒豬肉，燒得好香口，加埋醬汁味道一流而且套餐仲配送杯裝飲品，好抵食

最近與朋友尋找元朗的黃店，不得不提水門雞飯！雖然今次去無食到最出名嘅水門雞飯，我同友人都叫了鳳尾蝦炒金邊粉($68)同芒果冰($24)！💛金邊粉非常足料，鳳尾蝦彈牙爽口！並唔係街邊一般梅左嘅蝦！而金邊粉亦炒得非常有味道，唧上的兩滴檸檬汁提升鮮味！下次會再叫鳳尾蝦炒金邊粉係泰國食嘅味道完全一樣，令人好似置身泰國咁！而芒果冰不過不失，不過比較甜，比較岩喜歡甜飲嘅朋友！💛最後，水門雞飯嘅員工服務態度非常好，佢當你見到枱面有垃圾就會即時幫你執！同時間亦好好禮貌，雖然要排一陣隊，但係好值得去食！

同男朋友喺元朗行完街，想搵餐廳食飯，路過呢間水門雞飯，見唔使排隊就入去試吓。入面環境唔算大，多人時有機會需要搭枱。餐廳入面坐圓椅，唔算好舒服，但都OK嘅。店員做嘢迅速，態度有禮貌，落咗單一陣好快就有得食。我叫咗一碟水門雞飯$50，同埋一杯檸檬梳打少冰。水門雞飯入面雞嘅份量都多，同埋佢係冇骨嘅雞肉，食得勁方便，飯係油飯黎，多到我食唔晒。我幾鍾意佢嘅秘製辣汁，唔算好辣，因為我唔想太食得辣，但呢個辣度我接受到。我覺得都杯檸檬梳打都幾大杯，食埋個飯之後再飲埋呢杯野，真係好飽。男朋友叫咗一碟水門炸雞飯$50，加咗雞雜$10，同埋一杯泰式奶茶。水門炸雞飯嘅雞份量都多架，炸得鬆鬆脆脆，幾好味。雞雜就有雞紅、雞潤、雞腎。因為漏咗單，所以雞雜係另上，如果唔係應該會同碟炸雞飯同碟。男朋友都幾鍾意呢杯泰式奶茶，佢話同平時飲嘅茶餐廳奶茶有分別。兩個人叫嘅嘢食叫得唔多，所以下次可以同朋友一齊再去，咁就可以叫多啲其他食物啦。因為都想試吓佢啲串燒、豬頸肉、金邊粉等等。

這間水門雞飯有分店的，這店是在元朗，位於又新街附近，位置方便，容易搵到！這晚八點幾來，要排隊哦～排了幾分鐘不算耐，翻枱快！我點了招牌菜～水門雞飯，肉質好滑，豬油飯好香，而且雞是去骨的👍🏻👍🏻份量剛剛好！我不吃辣，所以給了一碟甜甜的鼓油（是非常甜哦😄）

.1. 水門雙拼雞飯 ℍ𝕂𝔻 𝟝𝟚叫雞飯係有埋湯飲 🥣個湯好有胡椒味，清清地，但又幾開口雙拼雞者係有水門雞同炸雞，岩晒啲咩都想試既人 (者係我😆)有好多件雞🍗🍗無論係水門雞定炸雞，雞肉都係好滑，一啲都唔“鞋“小編好驚會食到啲好“鞋“既雞😨 所以呢啲可以一試飯係油飯啲，有啲味，會令人想繼續食🤣因為有2款雞，所以點雞既醬都有2款，小編鍾意用啲醬黎撈飯食🤭.2) 泰式豬手飯 ℍ𝕂𝔻 𝟝𝟠對比係水門雞，小編就覺得豬手比較遜色左少少不過都好食嫁，豬手都好淋，不過如果有埋醬點就好前🤣.3) 泰式燒豬頸肉 ℍ𝕂𝔻 𝟝𝟠豬頸肉唔會太肥，唔會太瘦，肥瘦岩岩好外層煎到好脆，好食呀😋.小編已經唔係身一次幫襯佢嫁喇，但係佢既水準依然都係keep到，見小編keep住去就知佢好食喇🤣🤣🤣.小pop會繼續不停食食食，所以如果想得到更多似食資訊，請like & follow～😋

平時閒日黎到水門雞飯都要排隊，今日難得吾等位,終於黎到試啦! 一場黎到，當然要招牌水門雞飯，雞肉好滑有彈性 ~ 油飯都幾有油香 雞肉份量一般，不過可以免費多飯 ,男士都會夠飽，唔會好似係泰國咁兩啖就食完。附送既湯有好濃胡椒香味，絕不馬虎。另外叫了泰式清湯腩船粉，份量好豐富牛腩香軟入味。串燒中規中矩，炒菜好有煱氣 芒果沙冰不會太甜，岩我口味👍整體價錢合理，味道同份量都幾好，推薦大家黎試牙! -水門雞飯 配湯$48-泰式清湯腩船粉 $48 配芒果冰+$8-泰式炒通菜 $52-串燒 $13/串

去完元朗shopping🛍後 相約朋友嚟到最近好hit既水門雞🐔食番個dinner ! 水門雞飯🐔每一件雞都淡淡肉 雞控的我好滿意 飯有調味過 很不錯啊香矛鹽烤魚🐟魚皮上放上一粒粒的粗鹽 魚肉烤後仍很嫩口 再配上醬汁 好吃👍🏻👍🏻 泰式炒通菜🥬有點微辣的味道 好正啊雞、豬串燒🐖🐥兩款串燒都燒到都剛剛好泰式奶茶☕️橙色的奶茶 特別的甜甜味道 🤓每人平均食了大約$150， 抵啊#hkfoodie#hongkong#hkfood#hkfoodie#hkgoodig#水門雞飯#元朗美食

上網search元朗美食，見到水門雞飯，睇下有咩介紹，圖片吸引。水門雞飯係 signature，一望就想食，配味飯仲有佢地碟醬汁，真係唔錯。刺身蝦都係一見鍾情，一碟六隻，磨左一啲苦瓜汁撈埋啲醋，碟邊有生既苦瓜伴著，醒胃。冬蔭公海鮮金邊粉，唔食得辛辣既就要叫多杯奶茶，金邊炒有五隻青口，有魷魚，有三隻蝦，又係驚喜。忘記左杯奶茶，奶+茶+甜味啱啱好，都好好飲。炒埋碟通菜，唯有暫時放棄串沙爹。兩個人食以上份量已經好夠，當見到芒果糯米飯個相，都要叫埋外賣先滿足。店舖裝潢雖然似茶餐廳，但服務方面都好好，員工都好勤快，整間舖都有活力，可能習慣都係食嘢快既香港人，食左45分鐘倒就走喇。

呢間我已經食過好多次，能令人不斷回頭的原因，除了因為顏色,不外乎是物有所值！呢間訂價合理不用加一，選擇多，質素穩定，雖是一般茶記格局，快食快走，但作為日常飯堂一流。.水門雞飯（$50）是招牌必食，雞肉滑嫩，無骨切條，配惹味泰式辣醬， 飯粒比雞更印象深刻， 均勻沾上雞油的絲苗米粒粒分明，又有咬口，比同價錢水平的飯出色，給個讚。豬手飯（$50）豬手入味濃味，肉不滑但唔會梅，膠質豐富，都係我常點的菜色，但留意番有d皮位有毛要自行處理。辣肉碎沙律（$58）我當佢係生菜包啦，呢個都做得幾辣，真係有泰式地道風味，炒得乾身得黎都仲有肉汁，香辣惹味，送飯一流，有時會想淨買呢個回家加餸。飯類都送湯，有粒蘿蔔，胡椒味重都幾辣！冬天飲好暖胃！飲品方面，都是大杯抵飲，龍眼冰（$18）龍眼味不濃但還可以；菠蘿冰就偏甜（$24），味道人工，色素糖水一杯，個人就不推介， 但公道d講，汽水都係一樣姐，呢杯適合喜愛幼滑香甜沙冰人士。PS. 呢度仲有粉麵船河等，不過覺得飯抵d；但有次食外賣炒金邊粉，好正食得過。PS. 要齊人先入得嫁。

奶茶必試！特別！估計有椰奶係入面，但要試左先咩味⋯叫左少冰，但冇少冰冬蔭湯底ok~唔錯，係泰餐應有水準分量估計對男士而言唔夠女生剛好金邊粉唔錯，唔太糊海鮮份量感覺可再多少少，畢竟58一碗蝦太熟，口感鞋⋯青口同尤魚未至於好新鮮，但已屬理想有機會想試咖哩麵

好少同老婆去元朗，完全唔知呢頭有咩好食，咁啱就見到間食水門雞嘅餐廳，就同老婆試吓啦。我叫左個水門雞飯，老婆唔想食飯，就叫左海鮮冬陰功湯金粉，另外加左杯泰式奶茶。老婆嘅湯金粉好辣，不過係辣得好正嘅，因為海鮮數量好足，湯底好正，同埋好大碗，但係佢唔食得辣，我叫比自己嘅泰式奶茶俾佢飲左一半，佢話飲落偏甜，唔會好重奶味，幾啱佢好味，但係有一樣唔好嘅就係用咗塑膠嘅杯。至於我嘅雞飯亦都唔錯，雞已經去骨，雞皮唔會有太多白色嘅脂肪係中間，啲肉唔會有咬唔到嘅情況，仲配左個自家制醬油，都係辣嘅，但係辣嘅程度就我老婆都接受到，甜甜地酸酸地咁，好開胃。其實元朗有好多良心又好食嘅食店，今次比我發掘到呢間，一定大力推介！