水門雞飯 (百宜樓) (已結業)

前幾日去完元朗食野之後都心思思想再支持下元朗啲餐廳，所以今日我又同男朋友入左去元朗食野。😜元朗尼間水門雞飯都街知巷聞好出名，所以今次試下元朗尼個🐥餐廳睇落都好乾淨企理，入到去兩個人嗌咗一個招牌水門雞飯 ，芒果糯米飯，泰式炒通菜同一個鳳尾蝦炒金邊粉加杯泰式奶茶🥤個招牌水門雞飯望住佢係個櫥窗嗰度拎隻雞落去斬嘅成個過程係好正😂啲雞好嫩好滑，望得出係靚雞黎，水準都唔錯，唔會話斬漏啲筋，加埋原本嘅汁真係好好味😃👍🏻仲有個例湯，唔會飲到係用味精煮出嚟嘅，好清甜👍🏻👍🏻然後個芒果糯米飯🥭黎講好正👍🏻個飯夠熱芒果夠甜，椰汁都啱啱好🥥唔會話大家搶咗啲味，個糯米飯煙韌得黎又好有椰奶香，加埋啲芒果肉都幾大舊同多汁😋好正。之後個泰式炒通菜係辣椒條黎炒嘅🌶所以係會有少少辣🥵但又唔會話辣到食唔落口，好惹味同好開胃，加埋食落好香同爽口。跟住到鳳尾蝦炒金邊粉。個金邊粉都炒得好吸引👅個擺盆上面嘅鳳尾蝦都炒得好靚，而個粉就係酸酸甜甜又有少少🤏🏻辣咁。仲有啲芽菜令到個金邊粉爽口啲，口感好豐富😋食落去唔油膩，仲食到個蝦嘅鮮味🤩😍最後泰式奶茶方面，個甜度啱啱好，香滑得黎又唔會太甜，啱曬我尼啲鐘意奶味重同比較甜嘅人飲啦🥳"

平日、假日都大排長龍，昨日終於食到，因我們下午三點才去吃，無需要等位，裝修比起其他的泰國餐廳新穎，得欣賞牆壁上的畫，此外餐廳燈光得光猛，令視覺很精神。「招牌水門雞」雞沒有想像滑，雞肉比較結實，點上秘制豉油，不錯配搭「咖哩雞面」咖哩汁濃，但不夠香，顏色夠，面彈牙、湯上配搭牙菜和脆脆絲

見元朗依間水門雞飯都幾出名，一場黎到元朗一於試下佢！去到門口都見有人排隊，不過都唔洗等好耐，入面位置都多而且環境同曼谷果間都好似，所以都唔會特別坐得耐，食完就會走～叫左個水門雞飯（$50）包埋個冬瓜湯！味道黎講個雞無乜味比較淡，無骨，雞肉都滑！個油飯味道都係偏淡，無乜味咁，好靠個醬，但依個醬係辣辣地同係曼谷食果陣唔同。另外叫左個泰式奶茶（$20），雖然有啲貴但係個味道同喺泰國飲真係好似，夠晒甜整體黎講其實質素係正常嘅，只不過不自覺地同左係曼谷食果陣個味道比較，點都差少少！但係香港黎講食到嘅算係不錯架喇！

今日放假約左個朋友係元朗見面，都幾耐冇見過佢啦，所以諗住行下街、食下嘢、聚下舊咁啦😌。行到咁上下之後..就入左間專門食泰國水門雞嘅餐廳，其實之前都見過上網有人專訪，我諗應該質素都唔差嘅🤔🤔我地一齊叫左個泰式炒通菜同秘汁泰式生蝦Share一齊食。通菜方面，由於加左啲辣椒關係，所以會有少少辣，食落無咩特別，可以用黎送飯😂😂至於生蝦就隻隻都好大，一睇就見到好多肉，加埋佢嘅擺設，令到食客會有更多食慾，視覺同味覺都享受。之後各自各都叫左個水門雙拼雞飯同鮮蝦炒金邊粉。雞飯方面有兩種口味，所以唔會食厭唔想食。個人比較喜歡原味個種雞，因為好滑同肉質好林👍🏻👍🏻，如果中意食香口少少嘅話，炸雞個一種就啱哂啦，外脆內軟，加埋秘製嘅醬汁簡直係絕配啊！朋友嘅鮮蝦炒金邊粉又係偏辣少少，有幾隻大蝦喺旁邊，值回票價啦。食嘅時候要加啲青檸汁，可以令到自己更開胃，不過金邊粉本身都帶點酸，所以好容易就刺激到食慾，不停咁食啊食啊食😂😂平民嘅泰國餐廳好少有架，價錢唔貴又有質素嘅話，呢間已經唔錯架啦，裝修又簡單舒服，又有音樂聽下🎺🎺。

港式奶茶，台式奶茶，飲過好多但泰式奶茶試過末?好多人會將重點放在雞上，其實可以留意下飲品和醬汁，泰式奶茶奶味重，仲有陣泰風香料味，勁好飲，唔錯唔錯，同埋不同的汁，有另一種體驗，值得試，如女士覺得太heavy,可試下午茶少份量🤭因為雞味淡，所以建議唔好飲湯和飲品先，先試主菜，醬料味，湯太濃可最後飲，或叫待應先上主菜後比湯，以免放涼。另外如果想比一次錢體驗大部份推介，策略是3併再加小食，飲品，1，平 2，份量OK，唔洗驚食唔曬，惜食文化，咪做大曬鬼ar，

同朋友行行下街想揾嘢食，但前嗰排天氣又有少少焗又口渴🥵咁咪入黎睇下有咩食順便叫下嘢飲😋😋從來未去過泰國嘅我本來就唔太好泰式奶茶，因為冇認識過，覺得好奇怪🧐但之後飲過幾間都覺得麻麻地😶無一間算好好飲。可能唔太啱我口味啦，主因都係因為太重茶味同有啲苦🤢我比較鐘意甜啲同奶味重啲嘅茶，加上泰式奶茶🥤嘅特色係甜同奶味重為主要，而尼一間餐廳嘅泰式奶茶好就正正合我心意🤩🤩甜度都恰到好處，又香又滑少冰🧊亦都唔會太甜，同出面專賣泰茶品牌嘅鋪頭都有得揮，值得一試！🥳叫完嘢飲下一步緊係叫嘢食啦🤤我地兩個嗌咗泰式炒通菜，海鮮冬陰功湯粉同鳳尾蝦炒金邊粉一齊share.個泰式炒通菜係有少少辣嘅🥵不過好惹味亦都好吊胃。唔會好似一patpat咁淋曬，食落都有口感，同埋好香。整體黎講都冇咩特別。😃😄而個海鮮冬陰功湯粉一聽個名就已經覺得好吸引😍我第一時間就試咗個湯底先，果然不負所望，冬陰功嘅辣同酸都平衡得好好，唔會搶咗啲味。而啲蝦🍤同青口更加唔會有沙或者得海水味🌊全部都好鮮甜，可以話係原汁原味。而個麵應都唔會話煮得太淋，好有質感。整體而言都十分值得一試。👍🏻👏🏻到最後就係鳳尾蝦炒金邊粉啦。個金邊粉都炒得幾有風味👅味道都係

呢間其貌不揚既雞飯成為左我呢隻元朗牛lunch time既飯堂!門面簡簡單單應該係想做返似泰國既檔仔，都幾啱feel又幾企理。重點係個雞飯!我自己就好鍾意，去骨既雞啱哂得個一個鐘食飯既打工仔，個油飯好好食，味道好夠，又唔覺得太重味，個汁撈飯都好好食! 另外細心位係仲跟左碗胡椒冬瓜湯，就唔會覺得淨食飯好dry~重點好想推介個泰式生蝦，佢話”秘汁”我就唔知入面有咩啦，不過佢辣得黎唔會太搶，生蝦好大隻好爽口，仲有D苦瓜伴碟我就冇食啦哈，不過都幾有心思既!值得回頭

水門雙拼雞飯，係招牌海南雞，好滑重點係無骨! 雙拼係拼炸雞，雞肉好厚，但面層炸粉好薄，唔會炸到好乾，幾惹味!飯就跟埋個胡椒冬瓜湯，重味得黎同個飯又幾夾，同埋有個湯濕下口都幾好。炒金邊粉都好食，面有幾隻大大隻既蝦，金邊粉都幾大碟，味道幾好，食落感覺好正宗咁。泰式炒通菜辣辣地，幾重香料味，又大大碟，唔會炒到好油。整體間野都唔，野食幾好食，完全唔係茶記扮泰菜，價值唔係特別平但好食黎講都可以接受，不過睇到平日會有餐跟野飲，飲沙冰個D都係加5蚊，咁就抵好多咁唔怪得平時行過要等位!"

"選擇多!味道好!主食叫左「水門雞飯」同「海鮮冬陰功湯金邊粉」，雞好滑、飯好香，加埋個湯好有風味；冬陰功湯係神來之筆! 好濃郁，夠香又夠辣，仲可以自己簡唔同既粉，分量好多，仲勁多海鮮。「泰式生蝦」大大隻好爽口好新鮮! 個汁好惹味，個人覺得可以再辣D再搶D。 甜品「芒果糯米飯」同「芒果沙冰」都幾出色! 糯米飯好有咬口但唔會太硬，芒果勁甜! 沙冰正常質素，飲得出唔係糖水既甜。總括黎講呢到選擇出奇的多，主食、小食、甜品、飲品表現都好平均，質素唔錯!"

><近排經過教育路 都見有人排隊趁人少少 唔洗幾分鐘就可以入座食物上得幾快 所以翻桌率都高水門雞飯($50)嗌完先見到牆上貼咗<需要多飯>可下單時揚聲啱晒我呢d飯桶 要食澱粉質先飽肚雞肉已經去骨切成易入口size皮都幾薄 唔會話肥膩膩 不過近年都會夾開唔食而湯就重胡椒味 唔太喜歡平日午餐會跟埋嘢飲 泰式奶茶望落唔錯><><><><><><><><><><><><><><水門雞飯元朗教育路24-36號百宜樓地下A號舖

#tastytommy良心食店 (老細澄清與721事件無關 有罷市 派飯 捐錢比星火💛)去過泰國應該都食過粉紅或者綠色呢兩間水門雞飯🤤 最近佢開到黎元朗果陣就試左 (真係純粹想試 唔係懲罰錯🤣) 夜晚9點都仲有好多人排隊🙈 野食同環境都的確有正宗泰國feel 感覺冇咁頹水門雞飯💛🐥🐥 $50雞肉份量幾多 雞皮好滑有彈性 肉質都唔鞋 滑過泰國果d 有雞味~ 油飯都幾有油香 令人好想一啖接一啖咁扒落口🤤 仲可以免費多飯 唔洗好似係泰國咁兩啖就食完 雖然價錢係泰國5倍 但整體出色過泰國食到既 機票都慳返!牛湯牛丸生牛肉金邊粉 $46生牛嫩滑有牛味 得兩大片唔夠喉!🥺 牛丸4粒好彈牙juicy 牛肉湯算香濃 至少好食同抵食過後面街間阿叔船麵豬/雞串燒 $13正常質素啦 好過泰國果d又細粒又乾爭爭好多架啦! 沙嗲醬都ok 未算特別惹味脆炸蝦波 $36冇咩特別泰式奶茶 $20夜晚要散嗌 質感幾厚滑 有茶葉味 甜度感覺上冇泰國咁高 冰既比例都少左

同朋友係千色附近走行街有d餓發現附近開左一家海南雞飯店因為我同朋友都想試一下正宗泰國海南雞所以就一起走進店內搵位坐朋友對食物質素有相當高既要求而呢家海南雞竟然令到佢有驚喜因為出面的海南雞一般都冇乜雞味亦都冇乜口感可言而呢個雞飯的份量雖然唔係太多但食落去非常嫩滑而且都有食雞應有的feel而雞油飯食落去油而不膩配搭提供既醬汁更加係天衣無縫唔怪得我朋友都讚不絕口啦而我既雞飯亦都有炸雞雞肉好有雞嘅香味而且外皮香脆酥滑絕對係值得一試既最後飲左一杯泰式奶茶太頸渴唔記得咗影相但我認為甜度太高（雖然已經要求店家少甜）略為失望如果唔計較價格的話，出品簡直係冇得彈，始終香港呢邊好難食到口感嫩滑又有雞味的海南雞飯，所以話雞控絕對唔可以錯過

一開始唔知，原來呢間係食泰國菜既餐廳！餐牌連泰文都有～餐廳裝修都好有泰式風味，鐵枱櫈、風扇、飾物等等。下午茶餐都幾抵，就同朋友入黎試下。點左份水門雞飯同配左泰式奶茶，個餐仲送埋湯～雞質唔算好滑，雞飯有味既，應該係加埋雞油，整體okay。雖然係Tea set，但份量都好夠飽。個湯相對地好濃味，超級重胡椒味。而泰式奶茶係唔錯既，同係泰國飲既味道差唔多，比係香港式奶茶係較甜，茶底都飲得出同港式奶茶好唔同。

第一次來到元朗呢間「水門雞飯」，門面看感覺就還不錯，走平民路線得來又有點小心思。先睇門面全部用銀色枱面同埋裝修，加埋個水吧位，成個感覺同泰國既小檔口一模一樣，而重點係呢到乾淨企理得多，掛埋簡簡單單既泰國風既畫，有風格得來唔好太搶，小店來諗係幾有心思。今次叫左三樣野:「水門雞飯」、「泰式炒通菜」、「 秘汁泰式生蝦」招牌「水門雞飯」跟一碗「胡椒冬瓜雞湯」，雞湯非常夠味，胡椒味好重，完全係泰國既風味。雞飯配油飯，雞非常滑，油飯中規中矩，整體配埋個汁都唔錯，不過伴碟既青瓜建議可以多幾塊，中和一下比輕重味既飯同湯，感覺會再好點。「泰式炒通菜」有泰國風味，食到係泰式既調味，唔油又唔算太重味，份量算多，算係合格合理的炒菜。「 秘汁泰式生蝦」非常不錯，生蝦好爽口，食得出係新鮮的。「秘汁」好惹味，個人覺得調味幾適中唔會太搶，重點係見到佢好細心咁擺盤，值得一讚。整體呢間「水門雞飯」算係一間有心思既店，基本食物質素幾到位，細位心思世都做得唔錯，簡簡單單但見到當中有執著，唔錯!

呢間「水門雞飯」味道都幾正宗，今日撞啱下午茶時間有得跟餐包野飲，真心抵食! 轉沙冰都只係加5蚊,有餐真係抵食好多! 芒果沙冰仲要都幾大杯下，仲要唔係個D假芒果味，飲飲下會飲到少少果肉纖維，估佢唔到咁真材實料!佢都仲有好多野飲可以簡，基本泰式奶茶/檸茶, 汽水, 沙冰, 連椰青都有，仲有D泰式甜品，選擇都真心多!係「水門雞飯」梗係要食水門雞飯，雞肉夠滑仲幾入味，我自己好欣賞佢跟飯個汁，點雞食定撈埋個油飯食都幾好食，唔錯的!海鮮冬陰功湯金粉值得一提，冬陰功湯都幾辣下，果然夠正宗!同埋都真係幾足料，有好多海鮮，食落係彈牙既，感覺都幾新鮮。佢湯粉會跟一圯塊好似炸雲吞皮咁既脆脆仲幾好食，勁想問下有冇得就咁叫一份XP