水門雞飯 (百宜樓) (已結業)

上次來已經好多野想試食，上次食左飯，今次就來試下粉麵。佢好似車仔麵咁，湯底，粉麵同餸都可以逐樣自選。我點左冬陰公湯粉絲，配魚旦同豬粉腸。豬粉腸唔夠香，一般D其他都唔錯。我家老板點左牛骨湯蛋麵，牛骨湯底係香甜，配生牛肉丶牛丸丶豬潤同埋魚片，係生牛肉唔夠香，其他都唔錯。麵就唔係好理想，係普通粗麵而且唔好食，我們初頭以為係泰國果種圓圓地嘅黃麵。點左咖啡，竟係有少少朱古力味紅蝦醬芥蘭，紅蝦醬幾野味喎點左焗麵包配咖哩汁，又幾好味喎

水門雞飯 $50水門炸雞飯 $ 50黃店要人呀～～～宜家黃店已經冇哂人排隊，大家得閒要去支持一下。星期日好掛住泰國嘅味道，去左元朗食水門雞飯，平時都係叫水門雞飯，因為個雞超淋，加埋個醬，同埋個雞油飯，減肥中都會食哂。今次仲試埋炸雞，個炸雞扒，外皮很脆，本身就都幾普通，但加埋佢碟甜酸醬，好開胃好好味呀！！！仲有一碗雞骨湯，係淡淡地味嘅清湯同冬瓜一齊煲。可以叫雙拼一次叫哂兩隻雞，起雙飛🐓**同埋佢地唔係用安心出行，用scan QR code 填google form***

教育路開咗間水門雞飯,一直都未試過今日專誠過去試下.真係唔好意思喇,食物嚟左食咗兩口先醒起要影相叫咗碟豬手飯,豬手飯啲豬肉好淋，骨肉分離一夾即散，仲幾夠味，唔錯. 水門雞飯加雞雜, 雞雜味道就一般冇乜特別.水門雞飯個雞都幾好食,最好食係個汁同埋西蘭花炒鮮魷. 西蘭花炒鮮魷用馬拉盞好香口, 又唔太辣.送咗兩個冬瓜湯,好勁胡椒味好辣.另外點咗兩杯嘢飲泰式咖啡同埋青檸特飲.青檸特飲幾好冇落糖水值得再嚟試下

Watergate Chicken Rice @ yuen long - Chicken rice that worth a try!作為一個雞飯控 點可以唔試盡香港所有嘅雞飯呢？今日終於有機會食到哩一間馳名水門雞飯嘅餐廳 今次冇時間堂食所以叫左外賣 不過入去落order嘅時候都見到環境唔算大 檯與檯之間嘅距離都唔算多 但係鋅鐵造嘅餐桌 掛牆泰式畫像 泰文menu 同埋播泰文歌 真係充滿泰國風情啊！•水門雞飯 ＄55（外賣＋2，午餐連飲品）哩個價錢個香港嚟講都算合理 加10蚊就可以有雞脾👍🏻值得一讚嘅係雞肉已拆骨 食落肉質嫩滑 雞皮同肉中間嘅脂肪比例剛剛好 唔會好肥膩 飯嘅香茅味亦十分突出 點埋秘制醬汁更為出色 令肥Glor一試便愛上！不過個冬瓜湯就有啲驚嚇 非常鹹 好重胡椒味 同個雞飯唔係好match！Overall 7/10喇•香茅特飲坊間唔少餐廳都會加好多糖漿落啲特飲度 不過哩度嘅特飲就完全冇哩個情況 飲落味道清甜醒神 加上香茅香氣濃烈 飲完非常解渴！•洛神花特飲哩杯味道酸酸甜甜 非常容易入口 一邊食雞飯一邊飲都係一個唔錯嘅組合喔！

1點幾2點行完搭車出元朗咁啱肚餓落車對面就水門雞想試好耐，終於食到果然無令我失望水門雞飯(加咗$10轉雞髀)作為一個雞髀控，喺無考慮嘅情況下即刻加咗10蚊轉髀雞肉好滑，又有雞味，但唔係雞騷味可能雞髀有加剩，肉質真係嫩滑到不得了點埋佢哋個秘製醬汁辣辣地，夠惹味飯係粒粒分明，又夠挺身唔算好油，夠乾身連埋雞同醬食，味道上真係好有層次脆炸蝦波其實即刻炸蝦餅嘅升級版不過蝦餅出面炸粉變咗好似粟米片包住嘅波波比普通炸蝦餅做得更加脆同蝦餅本身彈牙嘅口感，反差更加大都好好好好食清湯魚旦魚片河就不過不失以魚旦河控黎講算合格但好難撼贏雞飯😂有冇人食過唔係髀嘅水門雞飯啲肉係咪都係咁滑呀？

水門雞飯炸雞幾特別幾好食水門雞唔差，不過相比之下，炸雞啱我口味多啲有個冬瓜例湯跟，味道淡淡，胡椒味都幾突出，問左職員先知道泰國雞骨湯係比較注重胡椒味🤪泰國奶茶真係好恰人飲，香料味幾重，第一次飲可能唔慣，不過飲多1-2次就覺得可以接受。可惜係無得少甜🥲職員態度好好，非常友善

好掛住曼谷嘅水門雞飯只好喺香港搵啲正宗泰式雞飯食要食一定係揀呢間唯一過江龍嘅泰式雞飯上次去曼谷都係食綠色版水門雞飯還原度幾高招牌水門雞飯 $50雞飯同曼谷店一樣會配例湯，係正宗泰式雞飯由雞肉到油飯，再到配料、冬瓜湯都好有泰國感覺特製醬汁都惹味，將2種醬料融合入口偏辣，但同曼谷有少少分別但仍似穿越泰國一樣油飯香口，算分明同有油香雞肉係雞胸肉，大部份算白滑鮮嫩，無骨啖啖肉部份幾結實，略嫌有部份唔夠滑，有少少嚡同乾身，唔夠雞油配料有爽脆青瓜，幾fresh雞飯配有冬瓜湯，內有冬瓜粒胡椒味強烈，比較搶味，稍欠鮮甜記得曼谷店好似無胡椒胡椒幾暖胃，但幾辣

想食泰國野，又唔想食咁貴？一於黎食「水門雞飯」既碟頭飯！茶餐廳價錢，經濟實惠又親民。餐廳用鋅鐵餐桌，牆身面有泰式畫像，廚房門面有泰文招牌，營造曼谷地道感覺。🔸水門雞飯 $50 / 🔸水門雙拼炸雞飯 $52牆身見到告示話，如果想多飯可以落單時話俾店員知。不過我覺得唔加飯，份量都夠女仔食。每碟飯跟一碗雞骨湯，加入冬瓜，胡椒味重，秋冬暖胃一流。海南雞份量不多不少，全部起骨啖啖肉。雞肉嫩滑新鮮，沾上特調醬汁更加惹味。雙拼炸雞飯價錢多$2，可以嚐多一種口味，較豐富。經過油炸既雞肉，皮脆肉嫩，唔太油，試得一試。🔸菠蘿冰 $24 / 🔸凍泰式奶茶 $20食泰菜當然唔少得飲品！雖然已入秋，但都離不開凍飲。菠蘿冰新鮮打出黎，果味香。泰式奶茶無得減甜度，味道適中不會過甜，幾好飲。餐廳仲有其他主食，例如豬手飯、冬蔭功船麵、金邊粉、炒河等等。另外小食燒豬頸肉、魷魚筒都好吸引。有機會要再黎食過！

要喺元朗獨立國做泰國菜同日本菜一啲都唔容易。太多對手，是但入一間水準都唔會差得去邊。呢間餐廳開咗一排，試下個午餐先。餐單上選擇頗多，偏向泰國大排檔及food court feel。鎮店之寶水門雞飯，有風味但係都唔夠滑溜細緻。湯品太大胡椒味，雞肉太大塊，可能偏向遷就香港市場。脆炸蝦球，出奇預料又幾好，唔太油膩又脆卜卜。泰式辣雞絲湯粉，真係冇乜特別，普通到唔普通！食物唔差，但係就一定唔係叫『好食』。會唔會再食？唔會囉。。。。

今日特登入黎Café Hunt，等候之制，決定去元朗大街搵好野食，第一站黎到水門雞飯，出面熱到就黎中暑，入到黎有冷氣嘆，成個人即刻精神左，快快脆揀左水門雞飯同水門雙拼雞飯。《水門雞飯 $50》唔洗5分鐘即刻有得食，雖然望落唔算大份，但雞肉嫩滑唔鞋口，雞皮爽脆薄身，雞味尚算可以，我反而中意點醬汁食，辣得黎好惹味。餐湯好重胡椒味，飲1-2啖叫做試下個味。《水門雙拼雞飯 $52》雙拼有白切雞同炸雞，炸雞香脆，肉質同樣嫩滑，價錢同水門雞飯一樣，不過可以試多個款式。泰式奶茶無泰國嗰d咁甜，岩返香港人口味，口感幼滑好好飲！

< 💛水門雞飯 > 📍元朗、尖沙咀水門半隻雞 $108雞皮冇一般海南雞咁深色 雞皮好薄而且冇乜肥膏👍🏻 食雞唔食皮嘅朋友食呢個可以連皮食🤣 雞肉好嫩滑 大約有十幾件雞 連雞胸都完全唔鞋 不過冇乜雞味😢 點嗰個醬都唔錯 連埋油飯食好滿足😋

雙併雞係有炸雞同海南雞飯，落單嘅時候店員會問你使唔使多飯👍🏻，下圖係正常冇加到。會有個胡椒湯跟同二個唔同嘅醬汁。右邊個個就咁點好似冇乜特別咁，不過鍾意食辣嘅人可以食埋佢啲青椒🌶真係超級辣，但其實好好食😋左邊就點炸雞用，有少少似甜酸醬另外叫咗鴨比湯麵🍗🍲，個湯好似冇乜味咁可能因為食咗前面個個醬汁關係。d肉有d老唔係好滑，不過都易咬開。😬本身係跟河粉但係我自己轉左金邊粉，金邊粉係比較細條嘅河粉版本同越南嗰啲好似有啲唔同🤔之前食過水門雞飯嘅外賣專門店嗰間好食好多，大家同樣都係喺元朗都係叫外賣返屋企食好似好食啲。

水門雞飯 水門雞飯個既泰式辣醬真係夠惹味，充滿泰國風味 酸酸甜甜得黎又辣辣地甘，好開胃 雞肉肉質鮮嫩又夠肥味，但雞雜就比較普通，冇乜味 香辣牛肉牛丸撈金邊粉都好正，不過就偏辣 辣既後勁比較強，個嘴都麻痺左甘 香料好足，食落香口 小編鍾意食個牛丸，肉味濃郁，仲有小小爆汁甘

18:00到唔算多人，唔洗等位👏🏻👏🏻🥂🥂🥂🥂🥂🥂🥂🥂🥂🥂🏹水門雞飯🏹好食指數:💡💡💡落完Order後，就好快上左個冬瓜湯🥣個湯落左好多胡椒粉，小編覺得好辣🌶不過係幾開胃下🤗🤗雞肉🐣係冇骨嘅，份量都OK，雞肉有少部分比較結實，味道本身較淡係要靠 🏹秘製辣醬🏹撈飯食👍🏻👍🏻個汁好惹味,，小編唔係好食得辣都好鍾意個汁，不停倒落啲飯到PS: 員工服務態度好禮貌😍😍

見到相都會流口水嘅泰式雞飯但呢間野食咗兩次第一次係朋友推介，第二次係我推介比朋友呢間野好似唔係開咗好耐但入親去都好爆場而我每次都係食飯呢一個泰式雞飯（食開好食嘅就會每次係果間餐廳叫返果樣）雖然係冰鮮雞，但都算好滑唔會鞋👍雞肉分量多，價錢親民係我鍾意佢嘅原因希望佢保持到個水準啦，咁我去開元朗都可以食haha~依間唔係外賣嗰間水門雞飯，而係實體餐廳 個名都係叫水門雞飯