水門雞飯 (豉油街)

营业中

休息中

收銀個位紋身cap帽成個張致恆嘅員工 態度勁差當客人狗咁。。。一定無下次！連基本禮貌都無 。當日同朋友收工興致勃勃入店，呢位男職員冇講任何說話，只係黑面加手勢示意唔好入座，我哋唔知道發生咩事？？？只知道佢嘅行為當你狗咁😅馴獸師嗎？幫襯過其他分店員工都很良好🥲

上星期才從泰國回來，特別想念泰國的美食，今天來到旺角逛街，朋友建議吃這間叫水門雞飯的泰國餐廳。水門雞飯來「水門雞飯」，當然要點一客招牌水門雞飯，還附送了雞湯。雞湯略咸，但水門雞很出色，味道好，有雞味，而且雞皮是脆的，沾上特製醬汁，旅行回憶全都回來。喜歡吃雞什的必加雞什！新鮮又爽脆！芒果冰 飲品方面，我點了芒果冰，芒果味道濃郁，沙冰很幼細，很滑，在這個熱辣辣的天氣嘆杯凍冰冰的沙冰，實在涼透心。朋友點了凍泰式鴛鴦，他說奶茶和咖啡的比例剛好，甜度適中，口感香滑。香辣肉碎沙律肉碎很多，夠辣又夠惹味，味道很正宗，吃到香茅和檸檬香，用新鮮生菜包著吃，非常開胃！泰式乾炒辣牛河牛肉也算多，入味，肉質鮮嫩不會鞋，河粉的部份非常有鑊氣，值得一試。

平日8pm仍然有人龍大約等15分鐘就可以入座門口貼有餐牌 等候期間已經諗好食咩餐廳冷氣強大座位少許迫挾QR code落單 清晰方便快捷快餐路線 上菜速度快水門雞飯 ข้าวมันไก่ $64可以轉雞脾肉 +$10連雞醬汁及雞骨湯雞肉嫰滑 起左骨 啖啖肉 加埋雞醬汁 絕配不過飯偏乾2片青瓜為配菜 清爽雞骨湯加入左胡椒同冬瓜 解暑感覺鳳尾蝦金邊粉 ผัดไทยกุ้ง ห่อไข่ $75可以走芽菜 走辣4隻鳳尾蝦 爽口炒金邊粉唔油膩配料有少量豆腐乾同雞蛋絲泰式腩仔 $52切成條狀 一口腩肉 方便食用腩仔肥瘦分明 偏油豬皮位有咬口醬汁小辣 有芫荽碎 開胃惹味泰式炒通菜 $54可以少鹽 少油 走辣通菜嫰口翠綠 調味適中健康腸必叫好似短暫去左泰國咁有興趣下次試埋湯面類 船面 冬陰功

水門雞飯🍽️和朋友到旺角吃晚餐，發現好耐冇食水門雞飯，即刻衝入去坐定定等開飯🥢週末九點幾到達都唔使等很久。水門雞飯🍚跟湯🫕 $54💰油飯煮得軟硬適中，而且粒粒充滿光澤，配上啖啖肉的雞十分美味😋雞肉沒有太多骨，而且很嫩滑，附送的泰式辣椒豉油簡直是點睛之筆，個人喜歡將豉油淋上去撈一起吃，雞飯瞬間變得酸酸辣辣，十分惹味🔥洛神花冰🧊🍹$20💰味道酸酸甜甜，十分開胃🤤味道 : 🤎🤎🤎🤎🤍環境 : 🤎🤎🤎🤎🤍服務 : 🤎🤎🤎🤎🤍CP值: 🤎🤎🤎🤎🤍🍽️ 水門雞飯 📍 旺角豉油街21C號地舖

一向都知「水門雞飯」有多間分店，今天來到旺角豉油街分店下午茶，好味又抵食！決定再買外賣回家與家人分享！下午茶套餐$38，餐牌上AB各選一款，並附上杯裝飲品！我點了牛肉泰式船粉+泰式鳳爪+泰式奶茶！呢個價錢有咁高質嘅食物及份量充足，超抵食！另外我外賣了三寶飯、水門撈麵、燒原隻魷魚、蝦頭膏炒雜菜及豬肉串燒（3串），家人食到舔舔脷！尤其是三寶飯$66，一盒飯有齊三款餸，雞肉肉質鮮嫩，呢個價錢非常超值！難怪多間分店常常都座無虛席。

好耐冇食水門雞飯， 我叫左兩碟， 一碟係三寶飯，有白切雞，內臟，雞腎，好好味，仲有冬瓜湯，同埋雞飯汁，辣椒汁，好好食。我再叫左炒金邊粉，好有獲氣！ 好正！ 炒得又熱又香，價錢比較貴，一碟7至80 蚊， 不過對比其他餐廳已經叫平。由於我係夜晚食，人多，要等15分鐘，近日天氣好熱，要等都幾辛苦，夜晚冇凍飲送的，要加20蚊買，唔抵飲。小食方面我叫左兩串雞一串豬，仲有沙嗲汁，仲有啲酸酸甜甜的瓜粒，泰國人口味，酸酸地。

他們做的雞飯以雞脾為主料,雞脾的質地非常細滑柔嫩,在口感上堪稱完美。烹調過程中,雞脾會被慢火煮至剛好,散發出陣陣香氣。咬下去,雞脾內裡綿密多汁,入口即化,回甘悠長。另外,海南雞飯中的雞皮特別薄脆,完全沒有多餘的油脂。在上色和烹煮過程中,雞皮會變得恰到好處的酥脆,總的來說,水門雞飯的精髓就在於雞脾的完美烹製,呈現出極致的口感,加上剛好的分量,絕對是一道讓人難忘的美食。

通常出到旺角諗唔到食咩，我就會去水門雞飯。假期都好滿座，證明食物質素高!水門雙拼雞飯每次黎到都必叫既雙拼飯，首先會有個湯，好重胡椒味，我自己幾鐘意。雙拼雞係有白切雞同埋炸雞扒，唔同既雞配唔同既醬汁。雞件好滑，又冇雪藏味。炸雞配埋泰式甜辣醬，好好食。切雞件配酸酸甜甜既汁又好開胃。豬肉丸肉碎扎肉金邊粉第一次係到叫船河，原來都幾唔錯。呢款湯底係清湯，食落清清地，但又唔會無味，入面有D肉碎調味，仲有炸豬皮。豬肉丸仲好彈牙。生菜包肉碎單食幾辣，好惹味，紫洋蔥仲好香。肉碎包埋生菜就岩岩好，中和左個辣味。如果唔想食殿粉，叫一個生菜包都幾唔錯。泰式檸茶用泰茶做底，幾有趣，感覺更fresh。

喺旺角街頭諗緊食咩，行過見到呢間水門雞店，舖頭入面幾旺，食物望落好似幾吸引，就行咗入去試吓😛🐓水門雙拼雞飯雙拼飯有齊兩種招牌嘅雞，分別係水門雞同炸雞，水門雞好嫩滑😍 比起普通食開嘅海南雞會冇咁油膩，而調味本身有啲鹹鹹地，點埋配咗酸酸地嘅醬好惹味😚 炸雞個皮就好脆，而且唔會好厚👍🏻🐖 泰式生菜包生菜包好足料，肉碎有一大碟，可以自己揀辣度，肥豬肉嘅份量偏多🤣 值得一提嘅呢度好貼心🥹 生菜嘅份量啱啱好，成日喺其他餐廳食嘅生菜包都食淨啲肉碎唔夠生菜🥹🥬泰式炒通菜呢度嘅通菜可以揀少油同埋少鹽，適合冇咁重口味嘅人士😛 仲可以自己揀辣度，嗌咗辣但冇話好辣！食落好惹味好有鑊氣🤣🐂和牛串燒一啖咬落去啲油咇喺口入面😝 雖然唔係好大串，但係表面燒得焦香，點埋甜甜鹹鹹嘅醬食好快食晒兩串😇呢間泰式嘢好抵食，埋單每人都係100頭🥹 絕對係平靚正之選🤩

想食正宗泰菜都唔洗去泰國,旺角「水門雞飯✨」絕對係我嘅不二之選啊! 🤩餐廳以招牌「水門雞飯」聞名,雞肉鮮嫩多汁,咬落好滑順,加埋泰式醬汁,真係超級好味!🤤除咗水門雞飯,佢哋仲有其他泰式美食,好似「鳳尾蝦炒金邊粉」🍝,蝦肉彈牙多汁,配合微辣嘅金邊粉簡直是絕配!另外湯河方面,清湯魚蛋魚片河🍜,湯底清甜鮮美,配搭上彈牙嘅魚片同魚丸,豐富鮮味。而小食方面,有「沙爹串燒」🍢,肉質鮮嫩,燒得香噴噴,配上花生味濃嘅沙爹醬汁,超級美味!另外仲有親品推介,「脆炸香茅雞翼」🍗,又香又脆,簡直令人欲罷不能!呢間餐廳價格親民又好味,性價比超高!對於喜愛泰菜嘅我嚟講,絕對係必食之選。👍

水門雞飯可算是香港最具規模的海南雞專門店，分店遍及尖沙咀、銅鑼灣、觀塘等地，事實上它並非任何大名鼎鼎的過江龍，而是由香港人開設的本地薑。水門雞飯一直以來口碑載道，這次經過終於有機會外賣一試，事實上除了海南雞之外亦有泰式無骨豬手、泰式腩仔、泰式燒豬頸肉、香葉辣肉碎煎蛋飯、木瓜沙律等泰國料理，另外午餐及下午茶餐價格亦算相宜。水門全雞 ($198)從網上得知店家所用的香料及調味料均由泰國直送，並選用約2.5斤重的白身走地雞，看起來雖不及普通海南雞般金黃油亮，但另一方面脂肪較少更為清爽。雞皮透薄爽滑而肉質緊緻細嫩，即使雞胸部位亦不至過於乾瘦。海南雞飯通常伴有薑蔥蓉、黑醬油及酸辣汁三款醬料，但這裡只配有一款秘製水門雞飯醬，以傳統泰國風味豉油調配而成，鹹中帶辣份外惹味。另外更附送雞紅，處理得宜毫無腥臊。雞湯主要以雞殼及豬骨熬煮，湯頭清澈並帶陣陣胡椒香。原隻燒魷魚 ($45/兩串)魷魚充滿燒烤香氣之餘肉質爽彈，值得一提的是兩款食物外賣分別均需另加$2，但水門全雞會以紙盒包裝而原隻燒魷魚則用上膠盒，個人認為兩者對調應更為合適，因水門雞畢竟會有肉汁等水份，外賣回家後紙盒底部已經濕透並近乎破爛，相反燒魷魚

水門雞飯轉雞脾，雞脾好滑口而且份量都比得好足，雞皮好薄無肥油，仲有小小脆。重點似黎到起曬骨，食落夠方便唔會麻煩，雞飯夠晒乾身，我就同送既胡椒冬瓜湯一齊食，口感濕潤之餘仲帶有胡椒既香辣。熱蘋果雪梨水，入面有雪梨，蘋果，同紅棗。仲有好香既雪梨味出曬味，但又唔會太甜。雪梨同蘋果肉都沖到軟硬適中，我最後連果肉都清曬。加左各兩串既雞肉串燒同豬肉串燒。食落勁香口熱辣辣應該係即叫即燒。外層香脆燒到金黃色。肉質都幾嫩滑火喉燒到剛剛好。泰式豬手飯，煮到好淋滑，外層豬手皮好淋食落有滿滿骨膠原，肉夠嫩滑同夠淋外，仲覺得好好味。凍泰式奶茶加珍珠，泰式奶茶茶底夠香夠滑唔會太甜，加入左珍珠係入面夠晒彈。

至愛呢間泰國過江龍餐廳呀❤️‍🔥無論食物定飲品，都一樣好味而且價錢唔貴CP值夠晒高呀❣️🥟脆炸雲吞（$28）新鮮熱辣炸起非常香脆內餡足料💯🥢泰式腩仔（$52）幾乎每次都會嚟食泰式腩仔😋外層香脆兼且加咗芝麻超級香口呢！腩仔肥瘦均勻入口有肉香又有油脂香點埋泰式醬汁先食酸辣惹味之餘仲減低左入油膩感呀👍🏻🥣午餐-水門雞飯（$62）雞肉好滑好嫩而且真係雞有雞味呀😆飯量可以揀多飯/少飯超讚呀👍🏻油飯香而不油膩跟飯仲附送有胡椒湯胡椒味濃烈甚具泰式風味呢！🍹芒果冰（+$8）沙冰入口即溶香甜可口夏日消暑一流❄️🍜泰北青冬陰魚片湯（$58）望落去湯底好似好清但原來辣勁十足味道辣中帶微酸，非常開胃🤤而配料就有鮮魚片、蜆肉同草菇麵底有唔同嘅選擇👍🏻個人覺得金邊粉都唔錯呀🥤泰式奶茶（$22）泰式奶茶係我至愛💘茶味香濃，餘韻悠長雖然甜度係固定但唔會太甜好啱我口味

水門雞飯📍旺角豉油街21C號地舖網上睇呢間水門雞成日都要排隊，今次嚟到好彩都唔係排好耐，好快就有得入。水門雞飯$54好多年前喺泰國食過水門雞之後都好耐無食，呢度嘅份量比泰國食嘅多啲。雞一樣咁滑👍🏻水門雙拼炸雞飯$56炸雞蘸甜甜酸酸嘅醬汁味道好夾😋飯量如果唔夠落單時記得撳多飯😏豬肉串$14/串串燒3串起叫，沙嗲醬好惹味😋泰式炒通菜$54炒得好夠味，份量唔少，爽口凍泰式鴛鴦$22好滑好濃郁😋奶茶咖啡比例幾balance凍泰式奶茶$22香香哋嘅茶味，叫咗多奶，又甜又滑唔會太濃

岩岩旺角水門食完飯， 坐中間果行，頭頂滴左幾滴水整濕件衫， 埋單果陣見到收銀有包抹手紙，就會可唔可以比一張紙巾，條女收銀話紙巾3 蚊包，我話一張抹手紙得唔得， 佢話lee d 係比員工用，我就走，但心諗，做生意一用紙巾都咁孤寒，難怪服務比人話差