水門雞飯 (百宜樓) (已結業)

好懷念泰國專程去食既雞飯，真係超級好味，突然好想食就去食呢間水門雞飯，去到下午茶時段，問果到侍應下午茶會唔會細碟啲，佢話係少啲，但又冇得叫午餐要散叫，最後都係叫左個雞飯同炸雞飯下午茶，好似$50包飲品。先黎碗湯，我好鐘意碗湯，好重胡椒味，好辣口，冬天飲一流。再黎碟飯，炸雞果個真係冇特別，係跟個泰式醬。而我最想食嗰個雞飯，飯係雞油飯，雞好滑，不過我記得果汁好似同泰國唔同，冇噤好食，整體而言我最鍾意個湯唔係碟飯😂

見唔洗等位就直入去啦，平時lunch 時間好多人，今次算是super lucky,水門雞緊係要試食啦，好入味，叫埋泰式牛肉湯粉，泰式豬手飯好軟骨呀。泰式奶茶當然要每人一柸啦，小食串燒炒雜菜每人食到飽飽好滿足呀

just now, the woman by the counter had quite a terrible attitude... I used to buy quite often from this shop in Yuen Long, but now... never again... thank you for being rude, last time buying from you guys

水門雞飯晚市做緊外賣自取優惠，當然又要黎食下la。除左水門雞飯之外，其次成日叫既就係豬手飯，打電話去落定單，去到就有得拎，叫左2個都唔洗100蚊。今次既豬手偏瘦，所以無預期咁肥膩，而且瘦既部份有少少鞋，對想食多d肥同皮既我黎講呢餐就冇咁滿足，但肥既位真係好滑好好食。不過隻豬手真係好入味，而且處理得好乾淨，無豬毛，個汁辣辣地撈飯食幾開胃。隨飯附送一碗胡椒湯，但得個辣字，係辣到辣喉果種，我自己就唔係咁鐘意飲。

水門雞翼就而家做緊晚市外賣自取七七折，超級抵！立即叫咗四本菜式拎返屋企食，總數買單都係$176，叫咗水門雞飯，泰式豬手飯，香辣肉碎沙律同埋青木瓜沙律，不過本身以為再平的，因為佢地個餐牌唔update😥1 水門雞飯 - 雞肉好多而且好滑，意粉配左油飯撈埋雞汁一齊食一流👍🏾2 泰式豬手飯 - 同樣地都係好多豬手而且好入味👍🏾呢兩個煮食會配一碗胡椒湯，都幾辣但咁凍嘅天氣飲的確好正！3 香辣肉碎沙律 - 其實折埋都係$54真係好抵，而且兩個人食絕對夠份量係超多山菜亦都俾得好多👍🏾4 青木瓜沙律 - 外賣來講仲擺設得咁靚真係要俾個讚，但的確係好難辣但好好食！下次要叫佢減辣先得😅

@watergate_chickenrice 當然要幫襯下黃店啦～雖然個陣天氣凍，但見到入面既裝修都會諗返起以前去曼谷旅行🧳因為個邊好熱，又冇冷氣😢我地兩個都太肚餓冇乜影到咩相就食食食😙海南雞飯既雞冇骨好正呀！🤪啖啖肉🍗配上佢地既醬汁酸酸地好開胃，食哂成碟飯🍚我地唔夠醬仲叫佢地比多d🤣🤣男朋友飲個杯芒果🥭真係勁芒果🥤泰奶都唔差👍🏼👍🏼唯一同泰國唔似既係價錢🤣因為泰國野食好平📍 水門雞飯 (百宜樓) (元朗)元朗教育路24-36號百宜樓地下A號舖

下午茶時段見人無咁多就立即入去食🥰，一入門口大大個水門雞飯logo好有泰國feel。*水門雞飯 $50*水準以上，每次食一定叫，今次都無令我失望。雞肉起骨啖啖肉而且好滑，配埋泰式醬汁好好送飯，而且油飯滲透淡淡雞味，好開胃。*冬陰公雞湯米粉 $48*酸酸辣辣既冬陰公湯底，值得一讚係佢唔會好辣，唔會食到流晒眼淚，岩唔鐘意食太辣既朋友。而且雞肉都好多，都係無骨且啖啖肉。*蟲草花燉雞腳湯 $42*超值冬天暖胃既選擇，湯好足料，有3隻雞腳同蟲草，飲落入味好暖胃。*菜膽燉瘦肉湯 $42*同樣好足料😍，菜膽同瘦肉煲得好清甜。*雞肉串燒2串 $24*雞肉本身都有用沙嗲醬醃，燒得好香口且唔燶。😋*泰式奶茶 $10*橘紅色既顏色係泰國獨有茶葉既天然顏色，飲落入口香滑，味道微甜，好好味😋

今日同屋企人黎呢到買外賣返屋企食平時食水門雞飯食厭咗所以就轉其他野食試下屋企人就要咗個泰式乾炒辣牛河65蚊黎講份量算少而且牛肉好老同埋無咩味河粉就有味啲不過都係偏淡我自己就要咗個泰式豬手飯有少少辣吊下味啲汁撈飯食係幾好食、幾開胃嘅豬手都幾滑又無毛肥得黎又唔膩咁見佢有個小食半價優惠所以加多咗個胡椒單骨雞翼因為呢個小食等咗好耐先走得點知食落好「鞋」之外仲有一陣豬膻味除咗個豬手飯係好食其他兩個都比想像中差

今次同朋友行完山落咗黎呢一邊食飯，午餐時間都幾多人嚟食，店面就唔算話特別大，而且一入去就有食物嘅香味，令到人覺得好肚餓。-今次就叫咗個水門雞飯同埋一杯泰式奶茶，首先個飯係有些少嘅薑黃同埋有淡淡嘅雞味，同埋啲飯都係粒粒分明，唔會太碎。雞件嘅份量都幾多，而且啲肉質都幾滑唔會鞋，旁邊仲有個酸酸辣辣嘅汁可以攞嚟點，仲有兩片青瓜做裝飾，都幾開胃㗎。奶茶幾有泰式嘅風味，奶滑茶香，而且唔會太甜，亦唔會令人感覺喉嚨好唔舒服，而且啲冰亦都有冰鎮嘅感覺，最後佢附送嗰個胡椒辣湯，配飯食都幾好飲。-總括來講佢嘅價錢都還可以，如果可以坐得再舒服啲咁就更加好啦。

同區有兩間同名的鋪頭，都是做雞飯的，不過這間做有堂食，店面的設計十分泰國，不銹鋼的枱櫈，加上純白色的牆壁簡單的把泰國食肆味道直接搬過來。水門炸雞飯水門炸雞飯的炸雞有點像台式炸雞扒的粉漿，但比一般台式餐廳的更薄和加上麵包糠，雞又切得薄。雞飯可以加$10加雞雜，雞雜比較普通，可加可不加，而且沒有雞潤，差了一點。油飯好食，像小時候食的海南雞的油飯，又有沙薑味。雞醬還有一個湯，湯亦是重點，十分重胡椒味。一開始以為是普通茶記例湯，大大啖飲，差點咳出嚟。十分正，如果再大碗一點就再好。泰式乾炒辣牛河辣牛河有少少辣，河炒得乾身，而且味道又好食，牛肉唔靭唔柴。不過份量少了一點。

自從帶大胃之母去咗尖沙咀食水門雞飯之後，嚟到元朗佢又要食，順便食埋佢上次扭計話要食嘅嘢啦元朗分店唔同在，佢地有二人餐，價錢都幾抵食再加啲錢轉雙拼飯，可以試到兩種海南雞，一白切一油炸，都係咁嫩口點埋兩種特製嘅醬汁，撈油飯真係好快會扒晒大胃愛Phad Thai嘅地步，已經唔介意加錢轉餐，不過啲蝦咁大粒，乜都抵返晒麵又入味又大份，好抵食二人餐仲要包兩款小食，即刻嗌上次食過覺得好正嘅串燒，肉嫩又惹味，沙嗲醬用到盡冇剩大胃之母轉死性主動嗌菜食，嚟碟通菜滿足吓佢，通菜好香蝦醬味，有少少辣，唔係好食菜嘅大胃都會食到半碟食完晒仲會有甜品上，上腐大胃之母好想食嘅班蘭糕，今次佢終於食到，仲覺得好好味好啱食𠻹泰茶飲得多，泰檸茶就唔多飲，估唔到茶味同檸檬味都幾balance大胃之母就飲椰青當食生果，好鮮甜，而且挖到好多肉𠻹

成日係旺角見到排長龍，今次去到元朗見到唔洗排，即刻入左去食😂。裝修真係好有泰國風情，地方都大，完全唔逼，上菜速度極快，5分鐘內全上齊😂😂。-💕 水門雙拼雞飯 $54💕 鳳尾蝦炒金邊粉 $68💕 泰式腩仔 $52💕泰式奶茶 $22-💕 水門雙拼雞飯👅好味指數：8/10基本上水門雞飯都係每枱有嗌，我想試埋炸雞，就叫左雙拼，竟然炸雞好食啲😳，外層炸得好脆口，內裏肉質juicy，脂肪唔多而且唔油膩！而海南雞都好滑又冇骨，配埋醬汁酸酸辣辣，都不錯，油飯亦有雞湯清香👍🏻。-💕 鳳尾蝦炒金邊粉👅好味指數：8.5/10食落比望落份量多😂，蝦有3隻🦐，口感爽口，金邊粉炒得好乾身偏腍，整體味道蕃茄味好重，酸酸甜甜好開胃，個人幾中意依個。-💕 泰式腩仔👅好味指數：9/10依個有驚喜🥰！女人最怕肥🥲所以我甚少會食腩，今次朋友話想食先陪佢食，點知一啲都唔肥唔油膩😳，腩仔係屬於半肥瘦，不過冇乜肥肉😆，所以唔怕一件接一件咁食，腩仔皮炸得好香脆，加上芝麻更加香🤤，咬落有肉汁，正！-💕 泰式奶茶👅好味指數：7/10奶茶真係好正宗。泰式奶茶一向奶味重啲，佢都係奶味重，而且仲會加煉奶，所以真係會偏甜啲，中意飲奶味重啲既人會

入到來元朗有好多嘅選擇，元朗雖然好多鄕黑，但係亦有好多好多良心小店！經過教育路，有啲想食泰國菜！咁就入到黎食呢個水門雞飯！首先呢間餐廳服務態度非常之好，而且選擇都比較多！今次用餐有三個人，可以叫得比較多野！話明食水門雞飯，一定要叫水門雞飯！雞肉夠林，飯又好香，仲有啲黃薑味，真係好有泰國嘅風味！另外叫咗個金邊粉，味道雖然辣，但係真係好好食，又有蝦，而且又唔多油，加少少青檸汁，直頭係另一種感覺！泰式風味返晒嚟！雞翼頗為香口，味道又唔係話太鹹，雖然細隻，但都感覺到用心嘅製作！通菜炒得唔多油，味道濃郁，鑊氣充足！真係好似大排檔嘅風味、值得一試！每次來都會叫，唔叫真係對唔住自己！而且唔辣㗎！味精又唔多講完嘢食啦，係時候講嘢飲，我就叫咗杯奶茶，奶茶香滑、甜度適中，冇乜明顯嘅缺點！飲完都覺得唔夠喉！茶底唔苦澀！Overall: well done. 下次都要再食過

叫咗個雙拼雞飯（水門雞+炸雞）$60都算抵食味道不錯👍🏽啲醬好好味仲包杯青檸梳打酸酸地咁幾好飲唔使篤個青檸已經酸酸地送咗碗湯，不過我唔太鍾意飲ฅ՞•ﻌ•՞ฅ

是日同爸媽黎元朗揾食, 大家都唔想食咁飽但又想有的強烈的既味道, 所以去左水門雞食泰國野😁因為我地三人行, 所以叫左一個二人餐同一碗麵份量就岩岩好喇！總價錢$268 3個人咁多野食的確係低！湯底味道濃👍🏾惹味！雞嫩滑芒果超甜，椰香味重！