水飯鏜 (已結業)

有次經過呢間餐廳比佢既門面吸引左，一睇就知係間超良心小店，雖然地方窄左啲，但係都好多人幫襯！朋友之前食過，介紹我食呢個胡椒豬肚雞米線，食物一送到黎已經聞到好香，即刻忍唔住試咗啖，湯底相當濃郁，唔似得有啲餐廳無咩胡椒味，再試左啖雞，相當嫩口！絕對可以無限encore呢間良心小店呀！大家一齊支持啦💛💛

雖然價錢唔算貴但我覺得食物質素一般唔可以話係超抵食係普通飯堂嘅感覺不過 服務態度就認真麻麻我食過三次想話支持下屯門小店我諗呢間鋪嘅立場都好鮮明但侍應啲態度就真係唔係幾好令人唔想再幫襯希望以後會有改善啦！

小編係水飯鏜忠實支持者，佢哋幾個月前告急之後小編就愛上咗。有時覺得告急係畀個機會多啲人認識間餐廳，告一次急之後就要用實力告急！水飯鏜每日都有5個午餐揀，日日都幾乎唔同，佢哋嘅招牌湯飯就日日都會有！ 由於佢哋嘅午餐日日都唔同，所以逐個飯寫食評都無乜意義。因為小編拎得比較遠，所以就無叫過湯飯😢 啲飯餐類似大排檔啲小菜，有時仲有北菇雞呀肉餅呀呢啲飯，lunch menu以外嘅雞飯系列都唔錯㗎！ 以下推介幾樣小編一試難忘嘅飯餐，大家如果有緣遇見可以試吓呀😝 推介💯 梅菜蒸鯇魚、小炒皇、齊上齊落東坡肉飯、泡菜肉餅飯、滑蛋蝦仁飯、海南雞飯價錢💰 $45-$53 有埋嘢飲 

🌸 #girlsfoodies港式#girlsfoodies屯門 🌸​【💛 黃店 #GF_List 】​🉑：外賣自取​⭐評分: 7/10​——————————————————​華都有間良心茶記～食物選擇唔算多，好抵食又未至於，不過係屯市附近都算係咁。平時個餐牌好抵死、餐廳幅畫又好鬼靚，值得支持下～​——————————————————​▪️ 印尼炒飯／五香肉丁炒飯 ($50) 送餐飲​▪️ 蛋白海鮮炒飯 ($50) 送餐飲​​話說一開始朋友叫咗印尼炒飯，無諗過入面會有海鮮（佢唔食得），店員好好人肯幫我哋換過第二款～​​蛋白海鮮炒飯好大碟、炒得好乾身，碟底唔會成浸油，魷魚同蝦份量好多，不過就唔係新鮮個種，食落無乜味。成個飯唔係行重口味路線、要濃味先滿足未必啱你！​​五香肉丁炒飯都係有鑊氣又乾身，食落有鹹香，正常茶記出品，無話特別驚艷。​​✨ 水飯鏜✨​📍 屯門華都商場1樓65號舖​⏰ 1100－2030 | 星期一休息​​​

今日嚟到呢間黃店外賣米線見到水飯系列，覺得款款都好吸引重點係有本部長最愛既胡椒豬肚於是就決定點呢款胡椒豬肚雞湯米線 $50外賣碗分兩層，上米線下湯，方便胡椒味道好濃好香，所以都有啲辣的但冬天食應該會好暖胃豬肚處理得好好，唔會有腥味雞湯飲得出係無味精既老火湯湯香得嚟唔會好油膩，再加上有少少酸菜食落微微酸又唔會搶咗胡椒或者雞湯既味真係幾好飲最緊要係飲完唔會好口渴豬肚同雞既份量都唔少，足料的係米線發得太漲，呢到有少少失色，扣少少分但$50有個老火湯米線真係幾抵食

難得來到屯門，記得有一間主打雞湯飯，於是馬上來試。水飯系列超多款式。由於太餓，所以叫左一個蟲草雞湯配飯，川芎當歸雞湯配米粉，炸芋圓和口水雞。雞湯配料蠻多，飯量也足，對於晚餐既價錢來說也蠻算合理。當歸雞湯超多配料，有紅棗，黑木耳，杞子等配料。配上米粉同吃，每一口盡是雞湯的味道。炸芋圓炸得鬆脆，唔會太燙口。口水雞偏濕，味道唔算太辣，對於不太能吃辣的人來說，這個辣度絕對可以。兩個湯飯，一個甜品，一個小食，叫埋飲品埋單都只是187，作為晚餐來說，價格可以接受。

是日午餐:椰子雞湯飯餐廳唔係大, 所以有D位係坐商場走廊; 但餐廳內好多人幫襯, 唔知係咪因為撐黃店; 我都係望到個手寫"香港反抗"的餐牌, 默默咁坐低左-椰子雞湯飯好多椰子片好多杞子, 好重椰子香!仲有少少藥材味 湯面好多雞油保溫, 如果一次過倒晒落飯應該都幾油, 不過因為有雞油飲到最尾個湯都係暖!雞件都多, 真心食雞都飽!不過一齊煲湯都唔期待雞件有幾滑成碗湯真係唔算大碗總結:$47一個湯飯, 抵又唔係話抵, 質素同價錢夾埋都叫合理!

人之所以為人，異於動物禽獸，因人有腦袋，能獨立思辨，懂分事情是與非對與錯。香港人大多認同西方普世民主自由價值，相信多元思想發展，求同存異互相尊重。對於倒行逆施之暴政，甘願走上街頭發出哮聲，逐漸餐館也紛紛表態自己是黃是藍。同路並肩，深黃者願走上街頭抗爭，淺黃者也願投入金錢到餐館消費支持理想公義，也深化肯定大家大家「無做錯到」。將餐館包含思想形態，每國也有，如美國DC左翼團體餐廳、中國玩票性質之文化大革命餐館，但都只是獨立經營，歷史上少有如此大規模之政治思想形態餐館，值得探討。香港市場統計，初期黃者餐館只佔少數不足半成，但稍後經營者見表態並非壞事，數量已上漲現今三成左右。相反地，極藍者不敢再多言了。當主流思想形成，人人選擇從之，消費者也只願光顧同一價值光譜之商戶，自是黃色經濟圈形成也。五一黃金周，支持經濟，選擇來了水飯鏜。餐館取名古怪，感覺如監獄飯堂又或黑社會堂口般。鏜，意思古代兵器，三叉㦸，是張飛那支。想必經營者要用餐館收入刺向政權之意吧。很想了解一下改此名意思。餐牌放在電梯口，手寫快餐選擇。是十年前那種茶餐廳玩法，做幾款萬用醬汁：黑椒汁蒜蓉汁蕃茄汁放在熱盆座熱，然後加肉加飯即成。只為飽

外賣叫咗乾炒牛河同花雕醉雞返屋企慢慢嘆牛河有鑊氣，份量十足，顏色平均，超高質😋而家d茶記好多連牛河都炒到一舊舊，估唔到小店都做到咁嘅質素👍🏻good呀❗️❗️❗️再試下花雕醉雞小食，酒好香，好入味，熟度剛好，無血水都無實的的，仲要係雞脾位，美味😋今餐食得好開心，小店要繼續加油💪🏼✋🏻👆🏻期待下次試更多美食，湯飯好似好好味，公司飯都有興趣，各位屯門牛~原來呢度都有好嘢食㗎❗️❗️❗️❗️❗️

黃店之選❤️一直都好鍾意食雞😍不論係花雕雞藥膳雞霸王雞蔥油雞口水雞都好鍾意食😍佢既飯餐可以轉米線，米粉，河粉或者公仔面，正👍🏻今次就點左蔥油雞米線，好多蔥好正👍🏻送米線食好味，雞都好滑👍🏻👍🏻下次會試下藥膳湯

水飯鏜嘅員工又nice又叻😍店裏面嘅畫係員工畫嫁！真心超靚❣️好可惜食兩次都撞正個員工off/未返工🤦🏻‍♀️胡椒豬肚雞湯 配飯🍲🍚 $50送熱飲❄️凍嘅天氣最岩飲胡椒豬肚湯🍲好味又暖胃😋佢胡椒味超夠 有辣味豬肚大大嚿 又唔會難咬 好正🤩但雞就食到唔係新鮮雞 比起主角胡椒豬肚就遜色好多中意/想飲胡椒豬肚湯嘅 推薦試下呢間👍🏻口水雞飯🌶🍗🍚 $49送熱飲雞都係嗰句啦 冰鮮雞係唔夠新鮮好食嘅🧐不過係雞脾位😆佢個口水雞汁對我黎講都幾辣😂食第一嚿覺得辣辣地 唔錯咁諗住平時食嘅口水雞辣極都接受到點個食多兩嚿就喪扒飯入口😀食完仲比人笑變左孖潤腸🤦🏻‍♀️

早午餐時間，點了早午餐各一👯早餐一到😳嘩，傳說中的過橋米線🚶一碗慘白的米線完全浸沒在黃油中, 豬扒另上，完全重現當年人妻的雞油保溫法👉湯、麵分開盛載，送到秀才書廬才用熱湯燙熟麵條和食材，啖啖滾💆如這刻我能感覺如五內放空🐷豬扒剪開展示廚師的體貼細心，雖然結油但一塊塊足斤両，至於同碟的早餐配角牛油方包、午餐肉和半熟剪蛋不過不失👈午餐是乾炒叉燒河，河粉條條分明，主角叉燒🐽同配料大蔥、洋蔥🌿同樣乾身，碟身無半滴油，大廚像一位忠於感覺的信徒，油量無從推敲😂洋蔥上色但未到半熟，超爽脆但辛辣嗆鼻，好一位性格大廚🐒轉手後記：餐廳前身「雞豬寶」轉手後依然走茶記路線🐣油量大增，有點兒置身大陸的感覺, 時間這刻已經變做泡影

今日搵地方食lunch，本來想搵另一間黃店但唔知點解搵唔到，跟住見到呢度，收銀處貼左連豬，餐牌都未睇就入去坐低。好細嘅店但唔算好逼，餐牌比較似台灣野，我哋叫左胡椒豬肚雞湯麵同蟲草花雞湯麵加熱奶茶。熱奶茶香滑，朋友好鍾意，我就鍾意茶味再濃啲。兩個雞湯都好香但放麵就偏淡，不過宜家就飲埋啲湯都唔怕；餸好足夠，有食極都有嘅感覺；雞好淋滑，好好味。整體來講係會推介俾人同會再黎食嘅。支持黃店，更支持用心做出好味道嘅黃店。

冬天一到，最想吃暖入心的湯飯，屯門新開了<水飯鏜>，以足料湯飯做招徠。首選是藥膳川芎當歸雞湯($68)，熱湯和米飯分開上，免得米飯過早浸軟，安排貼心。湯內有大量紅棗、川芎、當歸等藥材，毫不吝嗇，還有滑溜雞肉，滋補養生。慢慢享受濃郁雞湯，充滿雞汁精華。蟲草雞湯飯 ($48) 火候充足，蟲草花入口爽脆，令湯底更滋𥙷。雞湯盡是甘甜，吃完有暖笠笠的感覺，軟綿的雞肉，更是滋味。醉雞小食($35) 醉雞份量不少，酒味非常濃郁，還有酒的苦澀味。雞皮非常嫩滑，雞皮下有透明啫喱狀的膏，沁出陣陣酒香，吃完一件又一件。

食左個沙爹牛麵...我覺得小店就唔好講賣相，你想要求沙灣牛肉麵有花？但食物質素嚟講，牛肉無雪味，好柔軟，有牛肉味，沙爹香但唔辣好食咁佢伴荷包蛋，而麵嘅軟硬度相當適中，火喉控制到👍 而個湯又唔會太咸太淡，濃度適中好味。老實講，朝朝都食嘅沙爹牛麵，其實真係可以hea 煮...但佢無！好認真得嚟，又抵食，下午茶餐$30 蚊飽晒👏👏👏#最緊要佢係黃色小店好有心 #周圍都有加油字句 ❗️要支持呀香港人❗️#香港人反抗