永年士多 (兆安廣場)

营业中

休息中

好耐無出銅鑼灣，剪頭髮前去咗大名鼎鼎嘅永年食車仔麵。我諗我人生入面食車仔麵嘅次數真係10隻手指數得晒。一來因為屋企或公司附近唔多車仔麵舖，二來我唔太鍾意食黃色嘅麵。希望永年會令我對車仔麵改觀。山長水遠一場嚟到梗係要食豪啲！一口氣叫咗豬腸、冬菇、雞翼尖同雞腳四個餸配油麵，盛惠$68。雖然價錢唔便宜，但賣相很不錯，見到真係流晒口水！試吓湯底先，咦！唔錯喎，腩汁味好香濃，仲帶有淡淡的甜味！再試吓啲餸，鹵水豬腸同雞翼尖都醃得好入味，甜甜的，好好食！豬腸好香仲一啲都唔靭，吸晒啲湯汁好正。雞腳都係必食之選，醃得好入味，估唔到雞腳都可以配車仔麵。香菇好滑好軟淋，又係吸收晒湯汁嘅精華！麵都好食，軟硬適中，煮得啱啱好！（下面係朋友叫嘅，好補身！不過有點貴）食完永年，的確令我對車仔麵有點改觀，會繼續幫襯！

It’s best because each ingredient is with quality and none would disappoint, ‘car noodles’ has huge variety of toppings to choose so it’s not that easy to do well in each topping. Picked the personal favourites like turnip that is rich in curry flavour, sweet and soft, the sweet and sour dough that’s rich enough even soaked in soup, chicken wings also immersed with soy sauce. Not to miss out the special curry sauce that creates a spicy kick and enriching magical flavour to the whole bowl.Drinks

未試過食到一肚火，員工服務態度差到無論。話說本人同朋友來這間鋪食麵，想要杯熱水食中藥，問個員工可否畀杯熱水，但服務員話呢度冇熱水，態度仲好差回答。之後我問經理，佢話公司規條唔畀得熱水客人，仲話同事冇錯，佢地只跟公司規矩，仲話佢哋18歲剛出來做嘢態度會係咁，如果經理接受到員工咁樣態度同處理手法，同人情味不懂變通，真係沒話可說，叫了碟生菜爛到變哂黑色，經理話正常！永年士多永久不再來！想食到一肚火就來感受下啦各位

話說，我同同事中午11點幾落單，咁跟住預計佢12:15會到啦。點知個送達時間一拖再拖，由12:15-> 12:45->13:15，已經轉左去13:45，咁我地眼見中途有車手去到，等左一陣又轉左第二個車手，已經覺得奇怪，同埋lunch已經完，所以我就打去餐廳問啦。咁有個員工聽，就話「餐廳收到order就會出餐，係rider未到。」係度賴啦。我就話「連第2個rider已經到左，等緊wo。」員工就話「我要check check。」咁我就留左單no.俾佢睇。跟住就精彩啦，個員工打返黎話：「個rider拎左餐啦wo。」我見到個app未轉status既，咁我諗住都可能係rider未轉姐，我咪同個員工講返個status未轉啦，永年個員工竟然用老闆對員工既語氣鬧我：「都話左係車手問題，你明唔明姐？」咩事？我由11點幾等到2點，要嬲都應該係我啦，點解我重要無啦啦受哩位員工既氣？咩唔明？我就真係唔明點解佢地可以咁樣鬧返個客轉頭啦。一直都知佢地員工態度唔係好，不過見野食真係好味，所以成日都撐。但而家一位受害者竟然俾人咁對待，可以接受咩？人微言輕，佢100幾個好評，我1隻負評，做唔到啲乜，但我

.📍永年士多 📍香港銅鑼灣謝斐道482號兆安廣場地下7-9號舖每次去這我都必點咖喱辣醬中辣，如果夏天完全不想流汗就選小辣😂它的辣醬超級提味，必點的還有豬大腸和魷魚，大腸是有點脂肪但不會有怪怪的臭味，也不會燉到太軟沒口感，個人覺得很難得，魷魚就是爽脆不難咬❣️#foodiblum港式

今次黎到銅鑼灣既永年士多食早餐😋😋原來呢個老字號品牌喺20年前已經有出早餐，而家就再次推出多款港式經典早餐！！見放假得閒一於就黎試下啦😍😍🍢爺爺腸粉餐 $36✨除左有4條腸粉之外，仲可以揀2款小食：燒賣、魚蛋、豬皮、蘿蔔、腸仔同芝士腸～～我就揀左燒賣同芝士腸🤤🤤腸粉滑捋捋，配豉油、甜醬同花生醬一齊食最正！！燒賣都好彈牙，幾好食～～整體份量都好多，食完好飽肚🤣🤣個餐仲會配一杯熱飲，我就揀左飲熱奶茶～～奶茶入口順滑，茶味濃郁十分不錯呢❤️❤️

係元朗起家嘅永年士多食車仔麵就出晒名，係尖沙咀、沙田、銅鑼灣等地方開咗分店之後，想食佢嘅車仔麵都方便得多。原來佢朝早仲有港式經典早餐，20年前已經開始有，而家再次推出，今次我就趁住返工之前係銅鑼灣分店嘆返個早餐，等我有個good morning先☀️老爺爺腸粉餐4條腸粉之外可以自選燒賣、魚蛋、蘿蔔、腸仔等2款配料，另加一杯熱飲。我就揀咗燒賣同芝士腸，腸粉加上甜醬麻醬豉油芝麻，醬汁味道濃郁，腸粉香滑，燒賣都算彈牙。奶茶有茶嘅香醇，夠滑，幾好飲😗人均消費：$40推介指數（10分為滿分）：7.5分

已經食過好多次永年，由以前喺元朗食到而家喺銅鑼灣，老實講味道都真係keep到水準，不過近年又加咗價，而且每次排隊買嘢食都要有心理準備，要預先諗好食乜餸，要諗好晒落單嘅次序，如果唔係落單職員就會黑面。店內有個優惠，只要喺大眾點評度出一篇100字嘅分享就可以玩一支茶。今次我換咗支烏龍茶，但係當我第俾職員睇要求換茶嘅時候，店員嘅態度好差，全程黑面。可能呢一啲老店都鍾意比態度人哋瘦啦，我嘅經歷就真係麻麻，再好食都冇用。

元朗馳名車仔麵係銅鑼灣都食到啦🤤 今日到咗下午時間就肚餓啦，永年車仔麵係元朗好出名😜，今日一條友岩哂入去試食吓先自選咗3餸：牛肚蘿蔔韮菜餃油麪 💰4️⃣9️⃣ 湯底好正😍，腩汁味重牛肚有趙口，索曬啲湯汁🤤蘿蔔唔會老帶清甜，切到細細件容易入口👍韮菜餃不過不失，有特別驚喜，皮唔會太厚油麪煮得岩岩好，唔會太淋身🍜再加配仲樽仔奶茶 💰1️⃣7️⃣奶茶好香滑，幾抵飲👍咁嘅價錢係物有所值，不唔唔知係咪食物太香店內烏蠅都有幫襯㗎🤭

不得了，永年上星期做優惠，推廣佢哋嘅早餐，堂食腸粉再加兩個餸，都只係$8😆😆😆😆$8就有四條腸粉，我揀咗豬皮同埋魚蛋，都食到幾飽。喺落單嘅時候店員會問埋你要啲乜嘢醬汁同埋芝麻，不過拎到碟野發現，說好的芝麻不見了🤷🏻‍♂️🤷🏻‍♂️豉油超級多，啲腸粉好似喺度游水咁😅😅不過正價要三十幾，好似貴咗啲魚蛋幾結實，豬皮夠林，而且冇毛👍🏼👍🏼堂食要注意嘅係，要自己收返啲碗碟，整體店內環境都算幾舒適乾淨嘅。

這是我第二次食永年士多。由於時間尚早，平日約12:10，故輕易揾了一個面向街的二人位。今次叫了其招牌的四寶麵。分別是豬大腸、蘿蔔、豬皮和豬紅。豬大腸洗得乾淨，又入味、豬皮又爽、蘿蔔有咖喱味，好腍又入味，性價比高。另外亦推介菠蘿冰，不太甜，加$15便可。基本上是值得回頭的食店。

以往數年已經光顧了很多次午市堂食，今天第一次外賣，發現份量竟比堂食少三份一，韮菜也只有數條🤔大家也可看一下與其他用户的堂食照片🤔建議如想吃足夠份量的麵和餸，請選擇堂食

年初二嘅時候，經1010訂咗一個6人嘅龍蝦鮑魚花膠大龍鳳盆菜，預約左當日11點至3點收貨，差唔多兩點就收到司機電話落樓下自取。司機哥哥都好有禮貌，個包裝得好好，有紙箱之餘，外面仲加多個保溫袋。夜晚等齊人就開飯啦，隻龍蝦好大隻。盆菜嘅味還可以啦，唔算太入味，可能我個人比較鍾意濃味嘅嘢。隻龍蝦唔算太新鮮，啲肉好實，唔夠爽。分量我覺得唔夠多，有小小失望，我哋五個大人都唔夠食，要另外自己加嘢食落去煮。佢另外送咗一樽辣椒醬，由於全家人得阿嫂一個食辣，所以冇機會試到。總括來講，我覺得性價比唔夠高，嘢食可以多番少少就好喇！不過佢哋仲送咗$200嘅coupon俾我哋，搵日去試吓佢哋嘅車仔麵先。

今晚我地又食車仔麵, 原因係前排幫襯永年買左個盆菜, 佢地送左10張$20既現金劵, 永年規定每次只可以用一張現金劵。我嗌左🍜蘿蔔, 牛柏葉同雞翼尖粗麵。老公嗌左紅腸, 酸齋同貢丸粗麵少辣。我覺得咁多個餸當中蘿蔔最好味, 佢地應該用左咖哩汁煮D蘿蔔, 最鍾意呢種入口即溶既白蘿蔔。雞翼尖有輕微既雪藏味不過都醃得好入味。老公就話佢嗌既嗰3樣餸都好味, 我試左少少酸齋, 係我鍾意既軟淋口感, 不過就覺得酸味唔夠。好彩我今次醒目無嗌辣, 試左老公嗰碗少辣都係非常之咁辣。永年士多裝修比其他一般車仔麵店新潮光鮮, 但有一件事我想建議店家, ‼️就係佢地中間既嗰張BAR枱既隔板應該做返高D, 因為正對住坐既基本上都係陌生人, 張bar枱有6個位, 除非我有5個朋友連埋我6個人一齊去食永年, 而最大既問題係張bar枱好窄, 直頭會有種同對面嗰位客人頭貼頭食麵既感覺。

今日放工黎銅鑼灣行街，行到有啲肚餓想快快手食啲嘢，就黎左永年食車仔麵其實之前都食過永年好多次我覺得佢哋嘅車仔麵真係我食過當中最好食無論湯底、麵底、配料定搭嗰兩條菜，都好好味！三餸麵($43)幼麵：軟硬度適中豬紅：味道香甜、口感細膩嫩滑每次黎食都一定會點！誠意推介✓ ✓ ✓豬皮：脆嫩牛柏葉：爽口伴碗菜芯：腍度適中，吸左啲湯好清甜麻辣豬耳($24)味道正常，不過不失菠蘿冰($15)出奇地好飲，我仲以為會好重糖水味，點知又唔係，幾清甜解渴總結：永年喺車仔麵店中嘅水準算高，特別推介大家試下佢哋嘅豬紅