永騰潮州鹵水鵝店

营业中

休息中

尋日放工經過斬料加餸叫咗四隻小鵝翼三隻鵝掌同埋一舊豬肚滷水汁，夠晒濃郁行過都比佢哋香味吸引住排晒長龍比完錢仲要攞張牌仔等叫號碼配埋啲酸醋同埋豉油更加正最緊要梗係要有啲辣椒油啦

12-11-2023 (Sun)朝,老公去完教會,由於我忙同冇心機去買餸,於是叫老公喺喥買1/4或1/2隻卥水鵝,佢買咗1/4後驚唔夠餸,就買多隻卥豬腳.返到嚟睇,卥水鵝好大盒,其實都夠,不過算啦,都買咗咯,我試吓卥豬腳先,佢好夠味但唔會太鹹同夠腍,而且冇腳毛嘅根,好舒服.到晚飯時間,就食卥水鵝喇,睇返以前嘅食評,今次斬得咁肉酸嘅? (上次食評係2023年6月15日刊登嘅呢篇:https://www.openrice.com/zh/hongkong/review/%E8%B6%95%E5%BE%97%E5%88%87%E8%B2%B7%E7%BE%8E%E9%A3%9F-e4858815),食落,同時係夠味唔太鹹,但今次蘸汁食就鹹.而夾到底下嗰啲,好多舊都連刀,攪咩?價錢:老公唔係好記得幾錢,不過唔平.2.5分

29-5-2023 (Mon)放工返到屋企冇主意煮咩餸,天氣又熱,一下子好亂,就諗起叫放工返𡁵嚟嘅老公買燒鴨返嚟.講講吓我又諗境起呢間嘅滷水鵝,於是又轉呔,我知 呢間收得早,就叫我老公嚟到時如果見佢已經閂咗門,就轉個彎去聯發(https://www.openrice.com/zh/hongkong/r-%E8%81%AF%E7%99%BC%E7%87%92%E8%87%98%E9%A3%AF%E9%BA%B5%E5%AE%B6-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E7%87%92%E8%87%98-r8156)買燒鴨或半肥瘦叉燒.最後佢嚟到係未閂門,我叫佢買半隻,咁就盛惠$80.00.拎到返嚟睇,依舊切得工整,開飯喇,我都係咩嘢都唔蘸,佢唔太鹹,口惑亦正常,好好味;而蘸醋食就好鹹; 蘸汁亦都唔鹹,好正.老公話佢係間店呢日最後一個顧客,佢後面有人想買都已經唔賣俾佢喇.上次食評係2021年9月14日刊登嘅呢篇:https://www.openrice.com/zh/hongkong/review/%E6%94%

大前日 (11-9-2021 Sat)晏晝同老公喺旺角攞完月餅後,由於天氣太熱,都係即刻返屋企穩陣,但又要諗晚飯食乜,諗起呢間重有好多滷水內臟,於是咗買,見到好多人買完等攞嘢,我就睇餐牌揀食咩嘢,見到有$14.00嘅扎肉,就想要呢樣.排到我時,我就決定要扎肉,但收銀話冇,咁就要$80.00嘅鵝腸(4兩),$10.00一件嘅豆腐要兩件同$22.00嘅豬肚.買完等咗一陣就切好晒攞得,同樣都跟咗滷水汁同醋各一,返到屋企打開睇,份量幾多,我就分返開3樣嘢啦,原來滷豆腐都唔少,豬肚唔多.我偷食先,鵝腸同豬肚都爽口夠味,甚至係鹹,完全唔使再蘸滷水汁食;豆腐就清淡啲,口感係實.其他:繼上次滷水鴨有連刀後,今次鵝腸都有.

大前日(3-9-2021 Fri)攞疫苗假,原本想去買餸,但因為手臂痛,用唔到力,就要爸爸去買.我提議喺呢喥買滷水鴨,要例牌嘅.爸爸買到返嚟係大大盒,我問佢點解咁大盒?佢答呢喥係半隻,$70.00,因為間嘢話冇例牌.而佢哋俾咗滷水汁同醋各一,我偷食啲先,呢個味道比上次滷水鵝鹹(上次食評係201年7月18日刊登嘅呢篇: https://www.openrice.com/zh/hongkong/review/%E5%A5%BD%E9%A3%9F%E5%88%B0%E5%81%9C%E5%94%94%E5%88%B0%E5%8F%A3-e4093959),鴨胸都唔嚡,ok嘅.不過佢有啲係連刀,滷水鵝就冇喎.

今日(18-7-2021 Sun)買餸,我記起好耐冇食鹵水鵝,於是嚟買半隻,睇吓價錢牌,原來除咗鹵水鵝外,重有鹵水鴨同雞,亦有豬唔多同部位嘅鹵味,由於都係怕膽固醇,所以唔買內臟喇.而鹵水鵝係以斤計.又唔見話有例牌,咁我就要半隻鹵水鵝,兩隻鹵水蛋($5.00一隻)同$45.00大鵝翼一隻,半隻鹵水鵝盛惠$362.00(落單時師傅聽完即稱即講出價錢),共$417.00.等咗3分鐘就有齊,返到屋企打開睇,鹵水鵝汁同醋俾咗各兩包,半隻鹵水鵝切得好整齊,大鵝翼都幫我斬開,只有鹵水蛋係完整.我偷偷食一片鹵水鵝,皮嘅厚度正常,冇乜脂肪,味道唔過鹹,啱啱好,鹵水同鵝味都食得到,就算係胸肉都唔會太乾;食埋件髀位重正,多汁肉嫩,食完停唔到口,要同自己講,留返晚飯時蘸再試.味道: 5分到晚飯時間喇,我就蘸醋食,醋唔太酸,解咗啲膩.而蘸鹵水鵝汁呢?唔鹹,真係唔覺鹹,只係味道濃咗啲,連老公都大讚正.大鵝翼呢,皮多就一定,又滑又爽,不過略嫌唔夠腍.味道: 3分鹵水蛋外貌雖然淺色,但已經好入味,好適中.味道: 5分價錢:我返到屋企好奇磅吓呢半隻鹵水鵝有幾重,係重2斤3兩,咁應該係$310.00,何來$362.00?

早陣子細妹同一啲細細個喺西環大嘅朋友傾開計，原來二十幾年前喺堅尼地城北街果間滷水鵝店因為舊樓清拆重建結業後，靜悄悄山長水遠搬到去荃灣重新開業，而且漸漸在荃灣川龍街打出名堂。到了今天，已經成為荃灣街坊的人氣斬料加餸潮州鹵水鵝店。唔清楚底蘊嘅人只會以為小店於荃灣創業20年左右；事實上，小店歷史超過40年，只不過前20年一直在堅尼地城舊區開舖。講起上來有啲慚愧，小店扎根於堅尼地城的那些年，一直沒有留意舖頭名字；直至小店因為拆樓而結業，也不知道其名字！到了由第二代經營的荃灣店，終於見到大大個招牌「永騰」；心底不禁起了問號，到底堅尼地城老店的年代，名字是否一樣？今日係第一次幫襯，碰巧又是母親節，斬料加餸嘅人龍更加長，冇機會同老闆吹水。聽細妹講，上次去開荃灣第一次幫襯時，趁唔係太多人同老闆傾了一陣計，證實了真係那些年的堅尼地城北街滷水鵝店！今次可以再度回味消失了超過20年的味道。街坊小店當然唔會有裝修，不過門口就䀡了三張明星合照。其中一張係同老闆同小儀及金剛幾年前主持某飲食節目時的合照；另一張就是發哥。好難想像發哥會山長水遠走去荃灣買滷水鵝，唔知道係唔係專程入去？滷水鵝價錢一向唔便宜（$146/斤

近幾年發現屋企附近有間幾好味嘅潮州菜餐廳，一食就俾佢嘅滷水香同自製醋汁深深吸引住。上個月經過荃灣，咪幫襯下呢間老字號，話晒由細食到大。都係買大鵝翼，鵝腸，豆腐果D啦！點知一食落口。。。。嘩！完全無滷水味，咩花椒八角基本野無晒，得個咸字！個醋汁，就係一個白醋汁。成個滷水併盤加埋一齊，就得咸味同醋酸味。再者，佢個鵝翼同豆腐完全唔入味，好似係咁煮熟咗加D有咸味嘅色水上去，豆腐又乾。算，諗住一時失手啦，今日再去買多次鵝翼，腸，肝同豆腐。真心火，又係咁，得個咸字，又乾又老。食食下都無胃口，真心唔明點解質素差咗咁多。對唔住喇，以後唯有blacklist 你

今日頭頭踫着黑，原本預約了的事做不成，搞到要流浪街頭幾小時，仲得閒到寫埋食評😂呢度附近有多間鹵水店，見呢間門口最陳舊，又有幾個老人家在幫襯，相信可以透過老店享受「懷舊」的味道。成盒鵝我懶得拎，冇訂坐就唔想「鄰骨」...看見原隻鵝肝仔細細，易拎又易吃，但25大元有點不捨，回想平時西式的，一片都同佢一個差唔多大，不過細....係咪即係「人道啲」？冇專登去谷肥谷死隻鵝呢？比咗錢之後，鵝肝切件了，看起來比原隻時大份咗，又覺得25唔貴，吃得飽喎。第一次吃中式的，第一啖覺得好咸（可能我冇餸飯就咁食）。中式肝質比較西式「結實」，細細啖當零食都係幾好食，鹵水夠老，下次想試吓隻鵝。

我今日約在17：15喺呢間店買咗一份下庄鹵水鵝同埋一個頭頸，因為呢間店係做外賣嘅關係，當食晚飯時，發現我原先買嘅下庄變咗上庄，因為上庄係比下庄平好多，喺價錢上已經呃咗，而且份量亦都比原先嘅上庄少好多，即係雙重呃，呃錢又呃秤，我想話畀大家知呢間店，個師傅如果斬嘅話就會有機會呃。

每次經過呢間滷水店都會出現一條人龍，所以都買番盒返屋企試吓！嗰日買咗半隻滷水鴨，超瘦...仲大大盒，賣相相當靚仔，肉質鮮嫩多汁，入口啖啖滷水香味。真係值得一試。

又到左一個星期一次返奶奶屋企食飯嘅日子🤣今日老公話要出荃灣買滷水鵝我都有少少𢱑頭乜嘢滷水鵝咁巴閉呢原來呢間舖頭平時都有機會經過不過真係冇乜留意佢😂我哋去到嘅時候大概有八至十個人排緊隊不過條隊都郁得好快因為大家都係落完單就企喺門口另外一邊等老公本來想買滷水鵝片但係發現好似斬隻上庄仲抵食啲因為滷水鵝片例牌要$200但係滷水鵝每斤都只不過係$146我哋買咗隻上庄斷秤都只不過係$167另外仲加咗一份鵝紅$23落完單就會有個牌仔俾你然後你就可以企埋一邊等啦醬汁係另外有個袋仔綁住好舊式嗰種風味打開盒 望落滷水鵝都幾靚仔皮肉都好易咬開唔會過韌而且又唔會有騷味亦都唔算太肥所以我都有連皮食個滷水汁都幾香用嚟撈飯都幾送飯至於個鵝紅都滷得非常之入味又唔會過老或者煮到泡咗未稱得上算好滑但係都幾好食咁樣加兩款餸總共$190四個人食仲剩咗少少可以第二日再食😂都算抵食嘅

我們剛剛吃了鹵水豬腳仔、潮州札肉及潮州鹵水豆腐。不論即食或者翻叮，毫無損壞味道，若即日吃則味道更佳。雖然當天排隊輪候稍長，但是值得一試。過往吃鹵水鵝，不論上半部或是下半部，味道一流。

哩間食店，之前行過，見門口都好多人、一直以為係等位食嘢，今日先發覺，原來多數人係等外賣店舖面積唔大，一邊係全鹵水食物，另一邊放咗三張，好細的圓枱，大約只可容納9個食客坐低，見餐紙寫有最低消費$50，其實大部食物過$50，只有少量單點鹵水，價錢低過$50哩度鹵水有雞，鴨，鵝，豬等等，我就叫咗個鵝腸拼鵝肉飯，落餐就即刻畀錢碟飯嚟到，賣相唔太吸引，但入口，真係好好味，鵝腸唔會好多肥油，但咬落係脆口同好香鹵水味，鵝片，好有鵝肉味，肉質鮮嫩

之前食完間豉油味鹵水，網友話附近有間發哥食開，仲要每日收七點，賣哂可能再早，行完山都想食梗大件事，貴貴地都試返次。鹵水鵝，聞說每日得八隻，仲好搶手，中午飯盒一點去都未必有，所以紅日都早咗去，望到仲有幾隻，都要排吓隊。牆上貼哂價錢無單位，全部用件計，唯獨鵝係用斤，不過門口有寫。隻鵝超大，最低消費1/4隻都要半個大盒，二百大元！切完都好大件，皮下脂肪好厚，但唔會油到反胃，食到。口感亦可以，肉質滑，但鹵水味偏淡，調味醋都較一般清，每樣都只作輔助，無搶到肉味，同一般強烈鹵水味嘅做法明顯有分別，但肯定到無變味。好處係唔洗下飯，壞處係下酒唔夠味，以現代嘅角度，無梗鹹係好事，排隊嘅都有一定年紀，証明味覺較弱嘅一輩都接受到。整體是可以，尤其肉質確是出色，但再考慮價錢，未去到我短期想再食嘅程度。