汀汀烤活魚 (已結業)

我好鍾意食魚，所以今次同朋友聚會就相約來呢間烤魚店試吓。之前已經聽朋友講過話呢間烤魚唔錯，夠新鮮。一坐低就當然要叫條鱸魚試吓，烤魚係會先將魚用明火先燒一燒，烤一烤先再放落鐵盤到，用湯底浸煮，當火鍋食。魚經過烤程序，味道會更香，更嫩，保持肉汁。湯底我哋選擇麻辣湯底，超級惹味！魚仍然保持肉質鮮嫩，好滑。另外配菜都有唔少，有一啲葱，腐皮，芽菜等等。另可以叫火鍋配料，例如娃娃菜，腸仔，魚腐等。當然少不了蘿蔔，蘿蔔索晒啲湯底，超入味，超級惹味。

又是每月一餐的時候，友人推介去汀汀烤活魚，呢間火鍋餐廳，之前都聽過下，有興趣但遲遲冇去試，今次可以試下了。 平日的晚上，都不少人呢，book左位都要等一下，呢個時候最好就係睇餐牌諗定食咩，發現火鍋有好多選擇呢。 入到去，雖然我們是4人，但都不吝嗇的比張大枱，感覺闊絡，食火鍋一定好多食物擺放枱子大擺得晒，不過唔好之處係大家坐得太有距離難傾計。 食火鍋，當然要啤啤佢。 鬼馬雙拼(12件)，$78，名字好特別，究竟有幾鬼馬?!油炸鬼釀了墨魚膠及蝦膠，口感硬脆，味道不俗。 皮蛋凍豆腐，$38，豆腐口感軟滑，開胃的涼拌。 椒鹽一口豆腐，$42，我們叫了不少豆腐，味道香口。 烤桂花魚鍋，$338，睇個賣相都知唔惹少，魚肉夠滑，濃香又惹味，幾好味呀。 椰子雞煲(半隻雞)，$178。 先試下個湯底，椰子雞湯味道濃郁，清甜可口，好味呀，半隻雞的份量，但4人都夠食，雞肉口感正常水準，味道帶甜不俗，魚煲內的豆卜及豬皮好入味。 極黑豚肉，$58，掙扎要牛肉定豚肉，最後豚肉勝出，豚肉尚算大片，口感少許鞋，正常好準。 炸魚皮，$24，正常水準。 鮮淮山，$16，好爽口呀。

透過open rice訂位店家在當天中午打來確認booking晚上和一大群朋友進餐老實話 味道普通 不是差 也絕談不上好食十個人去 沒喝酒 每人平均消費$223椰子雞煲的肉質有點粗糙魚比較好吃其他打邊爐料就像一般家裏食的一樣不過這裏最大的賣點是坐得久從六點多食到十點店員也沒趕或俾説話人聽（也可能我們不停加單）總體來説 大群人聚會來也不錯

由地舖開張幫襯到而家 呢間烤活魚大大話話我都食咗七年八年 由以前唔太好食嘅烤鯇魚 道後尾轉左招牌魽魚 在到而家烤魚雞煲加埋十幾款又做埋串燒有小菜一直都覺得呢間食店食物質素好 而且個氣氛夠熱鬧 其實曾經都有一排 因為可能廚房換咗班底 嘢食冇咁好味而冇去過幾個月 到依家 見到佢今年喺openrice又攞獎 又喺內地擴展業務嘅我 祝呢間有水準嘅食店可以越做越大 只要keep到個水準我一定繼續幫襯落去當我係打手睇完笑下i don't care 我只係一個幫襯咗好耐嘅熟客 希望用自己openrice第一個食評 泥同大家分享一間我鍾意嘅食店

第一次幫襯呢間 烤魚雞煲 食物質素同性價比 都幾滿意 有下次幫襯嘅 😂不過等位真係感到有啲燥 話說早兩日已經喺電話訂咗位 淋上去之前再打電話問多一次確定咗 結果準時上到去竟然都要等十分鐘 臨埋單前向經理投訴 都算佢識做 同埋 幾好 態度 向我哋解釋番因為當日突然嚟咗二十幾個 台灣人嘅旅行團 所以分位嘅時候出現咗啲問題 之後仲送返兩個小食同埋一支啤酒畀我哋 抵讚！講真雖然今次唔太滿意佢犯嘅錯誤 但係呢間叮叮嘅員工事後都令我得到好滿意嘅答覆 所以特登打呢篇嘢上嚟讚一讚佢哋嘅服務質素 不過當然 幾好態度都好 最緊要下次黎唔好再犯同樣錯誤啦 哈哈哈

因為有朋友嘅介紹，所以訂咗位黎打邊爐⋯原來係兆萬旁邊，十分易搵，按照預約時間上到去，可能時間尚早，人客唔算多⋯雖然地方唔算大，不過每張枱都分得比較開，所以坐得算舒服既本來打算你食粥底火鍋，不過菜單冇粥底火鍋，所以就決定食烤魚，經過店員推介（加上指定烤魚/雞煲有半價），所以選擇左「鉗魚」⋯因為我唔係太食得辣，所以揀咗微辣，魚一上枱，香味十足魚個皮煎得好香，配菜十分入味，魚好少骨，啖啖肉最後要讚讚，店員嘅服務態度好好，經常留意我們嘅需要

香港人一年四季都好鐘意打邊爐，所以即使係夏天，亦會見到火鍋店坐滿晒人話說今晚去呢間烤魚店，佢位於金百利商業中心樓上，收工時間，排電梯都需要點時間，上到來，舖面唔算太大，但總算幾舒服。望一望份menu，價錢相對比地舖便宜一點。最後揀左酸菜沙巴龍躉，原因話會多人少骨，但係等呢盤魚就足足等左40分鐘有多先上桌，最後都要經追單情況之下先上到，強烈懷疑是否溜左單因為一上到桌，仲需要煲多10分鐘先可以食，因為今次母親大人都在場，所以完全沒有辣，伴菜有酸菜，芫荽，芽菜，豆腐卜。雞件一份，三人份量剛好，有配料味道，個底啲汁好似都有炒少少酒味，難道是醉雞件成餐飯既highlight就係呢碟，超級彈牙好味，簡直係想食完再食，一定要試一份，食得出係手打，唔係機器！最尾仲order左一份薯粉，佢係比較幻身果隻，落晒配菜，湯底好濃味，薯粉都會吸晒味

朋友約左話之前汀汀好味，仲話百寶利店坐得好。一坐底叫左皮旦豆腐同雞煲。皮旦豆腐得啲紅油，但又唔辣又無味雞煲勁多油都唔係問題，醃完就咁汁煮熟，煎炒過既感覺都無，仲衰過酒樓的雞煲小菜落左單等左廿分鐘都無野黎，幾十蚊一碟材料，但啲貨有啲唔對路。半份生根得4粒，一碟冬瓜得8塊，淮山得10粒，花甲仲細過啲蜆仔，仲勁多沙泥，碟雪花肥牛睇個樣同食落口唔覺得係囉，牛骨髓、魚卜好腥，油炸鬼硬過石頭，響鈴有油益味。食完勁口渴，真係未食過咁難食但呢個價錢既火鍋。之上加埋一，承受$1000真心任食雞煲都好過佢呢間咁既野！評論實屬個人意見，大家可按喜好自行選擇及體驗，如令大家不安敬請見諒。

今晚同個fd響百寶利中心買完野，事前都傾過想食酸菜魚，咁岩又見到依間鋪頭響同一幢大廈，都幾岩唔洗專登走去第二度。又好想食wor，跟住買完野就落左樓下，中間都等左起碼15分鐘，之後就入左去啦，初時都擔心無酸菜魚食，因為淨係睇出邊貼果d介紹又唔覺有ge，但睇open rice食評係有ge，所以都無咁驚一坐底二話不語就決定酸菜魽魚，之後再叫左幾樣打邊爐食材，分別有雙併菜（通菜、生菜）本身叫油麥菜但無灑就叫生菜，仲叫左三併丸（芝心丸、海鮮墨魚丸、海膽丸）同紅薯粉，再加多個小食（皮蛋凍豆腐）😋皮蛋凍豆腐比想像中好食，不再加多d蒜蓉同皮蛋同豆腐按比例就更加好，因為食到最後兩件會得返一粒皮蛋🤣但淨係食豆腐都好香ge，食店可以注意下到主角酸菜魚啦，中間都等左一段時間條魚熟ge，其間有將d湯淋上魚等其快熟，食得出條魚真係先烤過再放落湯煮，不過覺得個酸菜味唔夠突出，魚吸收唔到個湯ge精華，魚方面就還可以啦，可能魚方面都唔太新鮮，唔太食得出個鮮味，所以會覺得一般，但配料方面都足夠ge，有青瓜片、豆卜、大量莞茜等另外，打邊爐ge配料方面就覺得不過不失啦，有一下想讚下貴店係有個服務生都幾體貼，因為係碌卡俾錢關係

睇完波鞋餓到爆左 直接係番百寶利入面試下啲樓上食店 去左五樓 有間好吸引嘅貓cafe omg 不過西餐真心唔啱食 去左隔離呢間汀汀食雞煲 一陣先過番去食甜品玩貓🐱雖然知呢間出名食魚 但係雞煲先係賣非佛 一坐埋台立即叫個海鮮雞煲先 300左右有鮑魚蝦蜆 都食得過嘅 不過叫左小辣完全唔夠辣 好彩可以無限加辣汁 加左大半碗 辣到出哂汗 不過幾好食😁仲叫左兩個小食 麻辣雞腎同泡椒鳳爪 味道合格多少少喇 唔算特別好食 不過三四十蚊都算抵食 整體成餐幾滿意

樓上舖一向唔多試 一來地方通常細啲 二來又要等立又盛怕煩 今次中同升職請食飯 無計喇😂 去喇去喇唔駛諗喇食盡佢上到去8點左右 排緊十個左右 好彩提早定左位 五分鐘入得 係門口就餓鬼上身 立即點定送先埋位就上魚上雞煲先 正呀 結果小菜都未黎.... 十幾二十分鐘就清哂 個待應都o哂😂😂😂請客嘅幸運兒就好開心地幫手再叫多個雙雞煲同大量啤酒魽魚幾正 唔覺有淡水魚嘅泥味 個酸菜湯底幾鮮甜 雞煲一辣一唔辣 一開始中辣個羔蟹雞煲其實幾正... 不過真系辣到要一啖雞一啖啤酒😴 之後唔辣嘅蒜香雙雞煲就fit嘅

最鐘意食辣嘢 特登上黎搵有咩川菜好食 見到出左今年嘅OpenRice熱店大賞 係川菜三間揀左呢間係旺角嘅近近地試下兩個人食左條多寶魚 半隻雞煲 幾樣小食 整體都滿意 係地方細小小 樓上鋪嘅通病😩多寶魚揀左個新出嘅海鮮冬陰公湯底 夠酸不過唔夠辣 要自己加多幾勺辣油先夠我們食 湯底幾大方 蝦 墨魚仔 青口咩都有啲 同條魚都算幾鮮味 好食👍雞煲夠香夠辣 半隻雞都算多肉 不過食到最後就飽哂 無再叫嘢食埋火鍋 飲多兩支大啤就埋單😀

聽老友介紹過幾次呢間烤魚 不過我一唔好食魚 二唔好食辣所以一直都無去試 老友琴晚又約我 話呢間樓上舖攞左OpenRice嘅獎無理由唔試下 焗去咁話😂一坐底見到日日送咩送咩嘅優惠有啲意外估唔到呢間有啲名嘅食店都做到送百零二百蚊嘢咁大方 加分lol先上免費嘅椰子雞煲隻雞幾新鮮 椰汁香 不過唔夠甜 滾到一半時味道最好 魽魚鍋好多肉 因為唔識食骨而唔鐘意魚嘅我都接受到 呢種淡水魚本身肉質一段 但係非常吸湯味 個酸菜湯底都幾甜 唔錯再食左燒菠蘿同一個老水雞腎就飽哂 雞腎正常水平啦 菠蘿就幾surprise 燒得好好 夠香夠爽甜 今餐亮點👍我地兩條友食左三百幾 食到一雞煲一魚鍋兩個小食 味道唔錯 真心抵食 有下次😊

初嘗汀汀烤活魚位於樓上舖，店鋪面積不算大，我是從openrice網上訂枱，當日準時8點去到，可能閒日關係不是太多人，所以坐得比較舒服，服務比我想像好，值得一讚，一行六人點了1個雞煲，1個烤魽魚，2個冷盤，1個佐酒小食，由於雞煲同烤魽魚可當火煱打，所以還點了些打火煱食物整體食物質素中上，值得回頭，性價比一般，但星期二有某些食物半價優惠就另作別論。

服務態度唔掂，提早一星期預約，首先已經要被安排遲半小時入坐，去到食客唔交檯又唔理，仲要繼續同佢落單，一邊就同我地講等多一陣就得，完全浪費時間，網上預約服務完全名存實亡，完。