汀汀烤活魚 (已結業)

屋企附近都是日式餐廳比較多，所以依排出去食野都係食日本菜多啲，食到最近超悶，有朋友約我去旺角食飯，我就提議話，不如食烤魚，佢都話好，咁就順理成章地黎左。點左一條桂花魚。有啲小遺憾，因為本來想食辣，無奈某條友竟然喉嚨痛，所以唯有食唔辣。等左一陣，終於等到烤魚，烤得唔錯，表面仲脆脆地，入面則係好嫩滑。煮左一陣之後，仍然keep 到個嫩滑，依一點係幾抵讚。湯底係魚湯底，幾鮮，要提嘅係，湯入面已經有唔少嘅配料，包括左豬皮，青瓜，芽菜等等，份量都唔少，淨係食配料都有少少飽肚嘅感覺.食完個烤魚，都算過左今日個癮，之後都叫左兩樣火鍋料，首先係一份元貝，大大粒，ok 唔錯。又叫左個皇帝菜，依個就十分之新鮮。食完兩個都好飽肚，就完左今晚嘅晚餐。

今日同朋友去旺角食汀汀之前係荃灣食過都覺得吾錯今日book 左枱，上到去比想像中大冇諗過係百寶利會有間餐廳 通常都係買野多今日去到都係例牌叫左烤魚 呢條魚好滑好好食 佢d湯都好入味 好鐘意食佢地嘅配菜我地吾係好食得辣所以叫左好小辣 豬皮同豆卜索哂d汁 正啊其實一條魚都好夠兩個人食我地額外仲叫左兩隻大元貝食好新鮮鮮甜 又真係幾大隻 總括來說 佢嘅食材都新鮮嘅 值得食嘅

粉腸是苦的。牛肚切絲，碌完縮水唔見影。一碟6只小蝦收78，油炸鬼釀蝦肉及墨魚肉雙拼收78，釀蝦肉及墨魚肉少得可憐。只可以講1條油炸鬼收78!3個人埋單要860。隔離2個女仔食埋單710。只可以講呢個價錢出面大把好選擇。blacklist!

是日慕名而來到這間位於旺角的汀汀烤活魚，但這次來卻沒有吃到烤活魚，原因是其中一個很欠打的朋友竟然說他不吃魚，那沒有辦法，只能夠一起吃雞煲啦。雞煲也算是很常見的食物了，也吃過不少麻辣雞煲，但加上花甲的做法還是第一次見到。感覺加了花甲並沒有對雞煲的味道有太大影響，還是很重的麻香味，令人很爽，辣度不是很高，很多人都應該能接受。雞件嫩滑是基本的，也很惹味。花甲可以看成是一個bonus 吧，因為在雞煲裡面吃到海鮮，鮮甜味道令人感覺很好。食完雞煲自然就是打邊爐的環節了，除左必點的肥牛等等之外，因為可能食完花甲癮起，所以都叫左兩款海鮮，分別係美國桶蠔，同埋桂花蚌，兩樣野都ok 嘅，新鮮，尤其鍾意桂花蚌，鮮甜得黎，口感都很爽，抵叫。

過左中秋天氣開始轉涼又係時間打下邊爐， 係菜街行過有個呀姐俾左張傅單我地原來之前係火車橋附近果間汀汀烤活魚係樓上開左分店，主店之前食過都唔錯，今日就試下分店分店位置方便左不過就要等lift 上樓, 好彩好快就食lift之前食過魚煲，今日就試下雞煲雞煲除左傅統o既麻辣雞煲之外，仲有配埋海鮮，蟹，花甲，蟲蟲花，茶樹菇o既變種雞煲今次我地就要左個花甲雞煲，辣度要香辣o既微辣，原本在猶豫要小辣定微辣好? 職員話可以先要微辣，唔夠辣可以再加雞煲黎到後，職員係係你面前先炒炒，花甲都好大隻，雞煲味道幾好，好惹味我地都算食得辣，不過呢度o既微辣已經夠曬辣，仲要預計埋雞煲係會越食越辣添食完曬d雞煲，就可以加水打邊爐，食材都有好多選擇海鮮墨魚球，咬落好彈，仲有粒粒墨魚肉響鈴就比較大路，但打邊煲一定要有仲有Albert yip, 好爽口自家鮮蝦雲吞拼韮菜餃，雖然比較細粒，但韮菜餃好香，多韮菜另外叫多個小食，鬼馬墨魚膠，油炸鬼夠脆最後追加左個冰鎮菠蘿，係新鮮菠蘿，夠曬凍食落幾爽，不過唔太甜

繼半年前食過烤魚之後，母親大人食過返尋味，叫我帶佢再試下其他款既烤魚，我又上全能既Openrice大神睇到旺角西洋菜街有間上想既汀汀活烤魚，book定位去食。去到餐廳所在既大廈，排晒長龍搭lift，上面都幾多食肆，排左10分鐘左右先入到lift。一出lift口已經聞到超濃烈既麻辣香味，入左去都未算滿，我地揀左個梳化位坐底，因為遲幾日就要去全家燒野食，我地就叫左個唔辣既烤魚，無咁熱氣，再叫d麻辣小食過下口癮。烤魽魚(全條) $248烤魚方面有3款揀，多寶魚，桂花魚同魽魚，因為我唔係好識食魚骨，所以揀左比較少骨既魽魚。湯底無論辣定唔辣都有好多選擇，之前係上海食過酸菜都幾正，所以今次推介媽媽試下。上台時見到魚身已經大致上分開左肉同骨，仲搽滿胡椒籽然等等既調味料，上面仲有好多我最愛既清熱芫茜😍煲10分鐘就可以食啦，魚肉好滑好入味，而且真係無骨，我最中意就係連湯一齊食，酸湯令魚肉顯得更加甜，壓一壓就一絲絲咁分開，非常滑溜，酸菜亦夠份量，咬落爽脆，酸得黎開胃又帶d甜味。涼拌萵荀 $32萵荀好清甜，個汁似炸醬既味道，酸酸甜甜，睇落似辣但其實一d都唔辣，但就比較油左d，減左小小分。口水雞 $4242蚊

每次食雞煲必選既一間😋 今次三個人叫魽魚同麻辣雞煲麻辣小辣再加其他野食🙆🏻 招牌張雞煲：好入味， 洋蔥煮耐左軟軟地加埋個雞煲汁無得輸😋魽魚：佢有好款湯底比人揀，我地就揀左蕃茄湯底，整體食好味， 仲有好多魚肉可能個人鍾意蕃茄薯仔， 所以覺得掂丫👍🏻其他食物都吾錯，但其中一樣韭菜餃個皮厚左d , 希望可以做返薄皮d，應該會仲好味🙏🏻侍應都有禮貌同nice

朋友相聚硬係要坐耐d啦！ 雞煲真係不二之選！我地叫左d小食先！等齊人再食煲！小食有鳳爪，蒜泥白肉同麻辣豬耳豬耳好食爽脆！唔會太辣！鳳爪入味！但蒜泥白肉好似差d!叫左桂花同花甲雞！ 兩個d味都好正好濃！桂花好多肉！雞煲d雞好似太少！但味唔錯！另外再叫左牛，丸，響鈐等等！超飽！仲傾得好開心Tim!

由於住得近一品雞鍋,毎次食雞鍋也會立即想到那裏~可惜漸漸越來越多人排隊之餘雞鍋質素也變了,所以我也少食了雞鍋,但對雞鍋也是十分鐘情的。汀汀烤活魚是朋友带我來的~樓上鋪比較難發現,原來逢星期二有優惠,有些烤魚、雞鍋更半價!好扺食牙~早知道星期二先來食。 我們叫了半份花甲雞鍋,安格斯牛肉,響玲、韮菜餃和生菜,其實2人食已經夠飽~花甲雞鍋真要讚下~麻香味濃大量,莞莤令味道更惹味。花甲份量也不少,粒粒無沙飽滿爽甜,十分不算!而雞肉較細件,但肉質好嫩滑,連雞胸肉也不粗造比一品好多了,麻香加小小辣令花甲雞鍋更添風味,不一會兒就把花甲雞鍋清得乾乾凈凈,下次叫一隻都應該食得落~將花甲殼夾走就可以加湯了。這時口腔依然留戀在陣陣麻辣香中。等湯滾起就可以落火鍋料,先試試安格斯牛肉,肥肪分佈均匀,沒有雪水滲出~牛味頗濃食下去带嫩嫩的感覺同带有淡淡麻香的湯底十分配合!原以為韮菜餃樣子一般般,味道也不會太好,誰知韮菜餃好香韮菜味,沒有苦澀味和雪味,真的很不錯~但響玲就不好食,首先不是即炸的而且皮太厚也沒有豆香,外面淋晒時裏面還是硬的,好難搞~埋單太約600$ ,都幾抵食。而且汀汀烤活魚的餐具一點也不油,感覺良

本身我都好鍾意食辣野，無辣不歡，之前去過依間荃灣店食過雞煲，剛好同朋友出旺角又想再食，真係食過翻尋味<<招牌烤魽魚>>上次叫左雞煲，今次試下烤魚，叫左剁椒湯底，上面鋪滿左剁椒，旁邊放左酸菜、芫茜、蔥，可以去除魚本身既腥味之餘，魽魚肉質鮮甜同好滑，再煲耐多陣，剁椒同酸菜配菜開始浸入魚肉裡面，酸酸辣辣幾惹味，正<<鬼馬雙拼>>新鮮熱辣既油炸鬼，上面釀左墨魚滑，脆口得黎又彈牙，再點沾泰式辣醬，好味。依款菜式除左可以齋食之外，又可以浸湯食，油炸鬼索滿左湯既精華<<極黑豚肉>>豚肉肥瘦分明，豚肉爽口，放入去本身有酸辣既湯底去煮，好入味<<蘿白、萵芛、粟米>>蔬菜三寶，食咁多肉，緊係要食菜平衡下啦<<稻亭烏冬>>烏冬好滑同淋身，吸入湯底精華，辣辣地好醒胃。個人認為，每餐飯都要食下麵同飯先叫圓滿依度亦有火鍋配料，食魚之餘又可以比人更多選擇，仲做埋優惠推廣，真係好抵食，下次再黎過

如何解決 Monday Blue？當然是吃好東西。即使將步入十月，秋分亦已過，香港尚無半點秋意，卻阻止不了我想吃火煱煲物的意慾。煲物雖不外乎魚、雞、蟹，款式亦花多眼亂。以前在其他分店已經嚐過雞煲，這次要吃「汀汀烤活魚」的招牌活魚。唔該！麻煩來一客烤桂花魚煲。女友不吃辣，魚煲的湯底只好選擇清甜的蕃茄薯仔湯底吧。店員亦貼心地提供了辣椒油，滿足嗜辣的人如我。桂花魚的件頭不小，來個 Close up，外皮烤得略脆呢。魚煲內另有菌類、粟米、薯仔等配菜，兩人吃完老實說已半飽了。店員著我們先吃魚腩部分，其他部位要再稍稍加熱。整體來說，魚身肉質嫩滑且爽，魚骨不多不會使大意的人如我插傷口腔（說來慚愧，我不太精於吃魚因為怕了魚骨）。期待下次與吃辣朋友來試辣湯底，且看能否有更好的化學作用。吃完整個煲尚有點意猶未盡，叫了些邊爐例牌的蘿白、油麥菜、紅薯粉飽飽肚，份量不少，幾乎吃不下。結帳時店員給我一張宣傳單張，令我哭笑不得，早知道就忍一天，等待星期二半價日來光顧了。

麻辣招牌雞煲(半隻).汀汀主打烤魚和雞煲😌 麻辣雞煲雞件嫩滑不乾 沒有雪味👍🏼 不過就略嫌不夠麻不夠辣😂 如果辣度可以加強點會更好 加湯後開始烚下烚下😏 特級安格斯肥牛(小).雪花分佈都算平均 肉質淋滑 牛肉味重 小的份量都不少啊😋 最後點個紅薯粉 煙煙韌韌 吸了麻辣湯底 好味😈看到店內宣傳 星期二吃雞煲/烤魽魚鍋/烤多寶魚鍋/蟲草花茶樹菇豬肚雞煲 全日都有半價 抵食！

作為忠實嘅「魚」粉 我又點會無聽過汀汀烤活魚啊 不過要搵到個同我志同道合 都鍾意食魚嘅friend 真喺唔多🤔 今次就好彩撞正promotion 先搵到friend 同我食😂-今次就叫咗烤沙巴龍躉 ($278) 嚟食 一上枱個陣原條龍躉一開二喺面前 真喺未食都流哂口水👅嚟到都喺要等10分鐘先食得 我呢個問題少女緊喺十萬個為甚麼啦 原來是要等佢滾咗 條魚真正熟咗先食👍🏼 一路滾 一路等嘅時候 陣陣麻辣香氣傳嚟我個鼻 一嚟緊喺要食魚先 話哂我都等咗咁耐 嘩 一入口魚肉勁滑 而且又好鮮味 最初驚驚地麻辣湯會唔會話遮蓋哂魚本身嘅味道 點知食落有驚喜👍🏼 魚唔會有腥味 又唔會太多骨 連我個friend 都食到lam 哂脷👅-之後食完魚可以用個湯底嚟打邊爐 識食一定喺食響鈴 ($24) 響鈴炸得脆身 放落湯一浸再拎上黎 嗦哂個湯嘅精華 少少辣多多脆 嗦盡精華同魚嘅就鮮味❤️再放埋野菌拼盤 ($48) 淆下湯底先 份量多令我食得非滿足 其他嘅黑豚肉同醉雞件 同湯底都非常夾 今次食到魚又打埋邊爐 飲埋咸檸七 最尾仲食埋嗰冰鎮菠蘿 ($33) 做甜品結尾 真喺令我食到唔知脂肪喺咩嚟🙆🏻

一星期又走到中段，為了讓時間過得充實點，都一定要放工出下街，行下買下野。咁啱旺角開左Forever21，所以目標明確，放工就去。食完野先有力行街，所以就係隔離百寶利商業中心揾食。見樓下有姐姐派街招食烤魚，咁就直接上去試下，反正想食返啲熱野。汀汀唔算大，但幾闊落，木枱木凳幾有feel。8點入到去，人唔算好多，餐廳都係半滿，我地坐低，原來除左魚都仲有好多鍋選擇。不過因為大家都鍾意食魚，所以最後點左個桂花魚鍋。伙記話可以一魚兩食，可以試下。因為我地都唔好辣，所以揀左野菌湯底。再點左幾款火鍋料。上菜速度好有效率，原本話要等成3個字，但轉頭個魚鍋就送到，抵讚!而且忽然之間，好多人入黎，成間店滿左人，好熱鬧。啲火鍋料都好快上枱。大大一盤烤魚，見到都開心，桂花魚成條預先煎好，所以等啲湯滾起，其實就食得。條魚都幾足秤，而且新鮮。個鍋好足料。有金菇，雞脾菇、秀珍姑、冬菇、粟米、豆卜係入面。我地慶幸無點菇，如果唔係就食唔晒啦。桂花魚的魚片另上，魚片起得幾好，避開晒啲骨，所以食咁多塊，連小小骨都食唔到。條魚好滑，骨唔算多，而且無腥味同泥味，好食。啲粟米好都清甜。我地點嘅油麥菜好嫩，差不多我成盤食晒。海鮮墨魚

旺角的汀汀烤活魚我覺得很不俗，今次說了西洋菜南街的汀汀魚去品嘗! Maggie 是我第一間公司的同事，没想到我們變成好閏蜜，還打算明年一起去東京!今次要的烤活魚選了經理介紹的桂花魚煲，一魚兩味! 用爐把一尾厚厚的桂花魚煲香，另一方面把鮮桂花魚片大概有十多片放到爐中焯熟才吃，概鮮甜，加上自家製的辣煱，真的可以比美台式火煱，我和maggie 也吃到停不了口!我們另叫了枝竹，蟹子丸和自家製的水餃，放入煱子裏慢慢滾，真的停不了口!最後煲裏的桂花魚可以吃了，辣辣的把魚的鮮味都帶出來，一整條魚份量很足也很夠量，今晚我們2人吃得心花怒放了!