汀汀烤活魚 (已結業)

旺角的晚市黃金時間，原本係想去食雞煲，但係要等好耐位，個人又好攰想食完返屋企。就順住條街睇下有乜唔使等位又似好味既。聞到一陣麻辣味，刺激我胃酸分泌，想試好耐既魚煲竟然有張吉枱👍🏻👍🏻肚餓見到menu心大心細樣樣都好似好好味⋯⋯咁呢朋友知道我鐘意食蟹又想食雞就幫我決定叫麻辣羔蟹雞煲，😂打破左我挑戰招牌菜既定律。佢怕我等個煲太耐餓死，又知我鐘意食皮蛋就叫埋皮蛋做前菜真細心😌。再點啲野打邊爐，竟然俾我見到萵筍😍，又叫多左份莞茜😂開頭侍應伯伯話煲有架唔使叫啦，朋友就話照要因為我勁鐘意食，原本仲叫手拍青瓜既，不過伯伯話好流介紹我地食其他👍🏻👍🏻，呢個伯伯咁樣先至留到客人再光顧，因為佢真係會話你知咩好食，好過我叫左覺得流又貴又細碟下次唔黎，伯伯仲好細心三五七時過黎幫我地攪個煲唔俾佢燶👍🏻講下個煲蟹唔大有羔既，我唔食羔架俾晒朋友食，蟹腳瘦左啲，蟹殼未碎好難攪，半只雞肉唔算多小辣剛剛好😋個煲好多蔥蒜莞茜洋蔥好惹味，萵筍好細碟叫左全份都唔算多，麻辣無想像咁麻🙄小插曲，冷氣機勁漏水正路中心，個呀姐望一望行返入去，後生啲既叔叔急急地叫阿姐攞個筒黎佢仲懶懶閒😂睇黎呀姐先係大晒

呢間係朋友推介下，逢星期二全日半價，又話好好食，又話好抵，就預約左就係星期二去試下半價有幾抵啦，仲諗住個場會好爆啦，因為星期二半價，7點我地上到去，都係2、3枱客，侍應態度係冇問題既，我地就點了烤魚啦2款飲品，烤魚一到，我食過幾間來比較下啦，賣相唔得，又少配料，味道就一般，唔係朋友所講到咁好味，可能人人既味道唔同，我就覺得麻麻啦，條魚又細條，食唔飽囉，係2個人食啫，咁食完諗住再叫個雞煲食啦，點知唔係你想既咁大隻蛤乸囉，原來第一個煲要食夠$300先可再叫另一個煲半價，咁計落都要$4，5百埋單，咁我地就冇再叫就埋單，原來又要加花生費同茶介費，只怪我地冇問清楚啦，唯有係咁諗

百寶利大廈樓下經常有很多人在派宣傳單張，最近去樓上鋪睇波鞋發現有間雞煲魚鍋邊爐店子，當晚與友人即興就打算去吃即烤魚鍋。招牌烤魽魚。$248 標榜少骨，岩曬不識食魚的朋友！先滾10mins後，先食魚腩位～酸菜湯底有不少佐輔料：豬皮、豆卜、芽菜、蘿蔔片、青瓜片等等，但邊吃就留意到酸菜有點腍身，若果是脆身會比較有口感；而且落埋支竹會更惹味和豐富～ 同行友人不是辣妹，所以點了沒有任何辣度的酸菜湯底，想不到店員還貼心地拿了辣椒給我們呢～有需要可自行另加辣！點餐紙的邊爐之選有拼盤、肉類、海產、丸類、蔬菜、粉麵等等，若雞煲或魚鍋不夠喉可另加！一見到特色冷盤和佐酒推介就雙眼發光！鬼馬墨魚膠 8件/$52外脆的油炸鬼包住墨魚肉，食落好特別！伴有甜酸醬，店員建議可以即食或加在鍋內～特色冷盤：口水雞 $42 雞肉挺嫩滑，但不會太肥膩，而有咁多件，價錢吾算貴！喜歡的原因非常簡單，因為四川的麻辣做到麻的效果，好惹味！底下的辣油沾在烤魚會多一份滋味～冰鎮菠蘿 $33 賣相精緻，底下有成盤冰鎮住菠蘿切片，全部都去皮，一咬多汁又甜，隨時夾起一件解辣！皮蛋凍豆腐 $38晶瑩剔透的皮蛋佈擺得十分得體，底下有切成片狀的凍豆

今日約咗三個舊同學見面，佢哋提議去食雞煲，見到佢地send黎既汀汀烤活魚，開頭就諗路邊嗰間啦，一睇地址原來係上樓嘅，差少少就去錯添。呢一間分店0係西洋菜南街，百寶利中心5樓，行到樓下就見到好多人排隊搭𨋢架啦。一出𨋢，發現樓上食店果然有佢地嘅好處，地方好寛闊，一啲都唔迫，我哋四個人坐一張大枱，坐得好舒服，仲有位擺野添。睇吓餐牌，都有唔少選擇架。有個海鮮餐好抵，可惜有兩位朋友都唔多食海鮮，咁我地唯有散叫啦。先叫咗一個麻辣雞煲，大家都唔係太食得辣，只係叫咗微辣，再點左各式各樣嘅火鍋生料，價錢都幾相宜架。有一樣野佢哋做得好貼心嘅，就係火鍋生料好多都可以叫半分，方便細食又想試多啲嘢嘅人呀嘛！雞煲上枱啦！佢哋嘅員工會好貼心咁先幫我地炒個雞煲，然後先放上來我地前面，等佢慢慢滾。好快就食得架啦。呢個雞煲好足料，一隻雞係大大隻嘅，有好多肉，食極都有，唔係迷你雞。雞肉用料好，斬件都好有功架，無碎骨，每一件雞肉都好多肉，唔太肥，肉質好滑。由於佢哋預先幫我地翻炒嘅關係，每一件雞肉都完美咁沾滿左醬汁，入口口感好豐富，令人滿足。至於調味方面，佢哋都用咗好多種唔同嘅香料，令到味覺更加有層次，非常惹味，我哋食到停唔

我9月1日第一次惠顧，覺得食物差，其中魚卜 勁重雪味，粉腸有一半是苦的但重點是我們5個人進餐，但order了一碟炒花甲，品質已經差，而檢查單時發現要$148，當我們找餐牌對單時，侍應景然十分自信地通知我們因份量少知我們不夠食，他未有知會或詢問我們的情況下加大了為2份，因此要收兩份錢，我們即時全O咀。今時今日仲有D咁既屈錢技倆，以後都不會幫襯😡

生活離不開工作....而工作離不開失望....都係去食下野...刺激下自己⋯⋯環境：其實好嘈，完全傾唔到計食物：味道有啲濃，但魚肉不入味⋯⋯價格：200-300一位不太值

今晚同一班朋友黎左呢度, 個鉗魚煲魚質都ok幾實肉, 不過炮椒湯底一d都唔辣, 我冇講錯嫁～大家睇相就會見到個湯係奶白色, 唔多見到有幾足料雞煲半隻7個人食真係唔多, 花甲既肉煮完甩晒而且粒肉好細粒冇咩肉食, 得個樣......雞煲味唔係好入味, 比起一__雞煲個lv仲差好遠難怪呢度冇咩人等位食完魚煲雞煲再打邊爐, 魚煲真係淡到好似清湯咁真心唔係咁好食, 至於火鍋配料味道一般喇～個人認為冇咩大驚喜唯一係個鬼馬油炸鬼幾好食, 油炸鬼配上蝦膠再炸食落好脆身, 但就有d熱氣喇！埋單位位$260, 價錢都ok, 不過可以食得更好

今晚同男朋友仔d friend 一齊食飯誤打唔撞黎左百寶利呢間好味既烤活魚煲之前食過染布房街果間幾好食, 估唔到同區但水準呢度會差d店子細細, 不過人流冇地舖嗰間咁多人入坐只有七成, 後面仲有好幾張吉枱叫左烤活魚同雞煲雖然係叫左泡椒少辣, 不過呢度個湯底一啲都唔辣之餘味道仲有少少淡, 連我唔食得辣嘅人都覺得唔辣.....🙄🙄🙄鉗魚依舊冇咩泥味, 魚既味都ok不過就係個湯底出事開頭係已經味淡, 再加湯打邊爐.....可想而知之後個味道會點😢👎🏻 今次真係令我有d失望

今日收早唔洗返兼職同女友出街食飯見到汀汀例二可以半價食烤魚所以黎試下今日可以黑仔小小個爐有黑煙=0=好彩冇事換一個爐跟住就到個爐唔著冇火=.=又換一次先可以煮到條魚叫左個咸酸菜湯 要皇牌烤魚 (半價)另加一個白飯 一個鬼馬 同竹竺條魚唔算大條 2個人都OK既 唔加配料就一定唔飽 所以一定要加咁制條魚都好滑 去內臟 中間砍開先烤再用湯煮 吸收左湯既魚都甜D2個人連加一 300蚊 其實算抵既係條魚要耐左小小煮得-.-個鬼馬呢 就炸到好脆口 但係魚膠同蝦膠就真係太小....服務就真係一絕 態度同招呼都冇得輸一流 

雞煲同邊爐從來都是香港人摰愛今次試下汀汀烤活魚既雞煲 成日搭車經過都會見到 今次試係百寶利大廈上樓既一間當晚係星期四 7點左右去到 唔算多人先叫左個雞煲 288一煲 正常價雞都幾多 湯唔算濃 雞亦算滑 汁小小辣冇搶左雞味 幾惹味tim 食完雞開始打邊爐 叫左牛同羊 仲叫左海鮮拼盤海鮮拼盤有蠔有蝦 有貴妃蚌 仲有蜆份量不算多 但除左蜆有小小沙之外 其餘都新鮮個牛唔錯 好有牛味 但肥左小小羊反而唔錯 冇咩羶味 個雞煲既味唔算濃 但湯底食食下都油所以叫左侍應加水 唔加湯食左八點幾左右 人開始多 我地都差不多食完食完唔口渴 證明湯底冇咩味精👍🏼雞煲周圍都有 但又要入味又唔口渴既就少d總括黎講 價錢中肯 份量正常但上樓黎講 可以食下雞煲 吹下口 算唔錯既選擇😁

初接觸汀汀烤活魚，是染布房街的分店。每次經過染布房街往旺角火車站，都聞到陣陣的麻辣香，看見站在門外等位的人群。其後百寶利大廈的分店開張，疏導了食客的人流，我都被疏導到百寶利的分店，省卻點排隊的時間。餐廳的主打當然是烤活魚，當中有烤龍躉、桂花魚、魽魚和多寶魚。其他的火鍋選擇有羔蟹雞煲、花甲雞煲、胡椒花蟹雞煲和蟲草花雞煲等。來汀汀當然首選烤活魚，我今次選了烤沙巴龍躉。湯底有七款選擇，可辣可不辣，亦有不同的辣度任君選擇。從麻辣、香辣、泡椒、剁椒、酸菜、雜菌和蕃茄薯仔中，我選了不辣的酸菜湯底。烤活魚採用生猛游水魚，即叫即宰。原條沙巴龍躉先被剖開兩邊，抹上香料，烤至八成熟。外皮焦脆的沙巴龍躉，被放上烤盤，加進魚湯和酸菜芽菜等湯底配料，像火鍋般邊煮邊吃。新鮮的沙巴龍躉，肉質非常嫩滑。被加入酸菜的魚湯，酸味、甜味、加上鮮味，味道豐富很開胃。除了活魚外，餐廳還提供多款生猛海鮮作火鍋配料。海鮮亦可交予餐廳烹調，不另加收費。我點了大元貝，以蒜蓉粉絲蒸。$48 隻的大元貝，大如成人手掌，鮮甜且肉質彈牙，蒜蓉汁美味亦應記一功。海鮮墨魚球預先被炸過，包含粒粒墨魚肉的魚丸很彈牙，味道相當不錯。泡在魚湯中的白蘿蔔，

跟個朋友嚟左呢間食魚鍋,但最後我地都係食蟹鍋 ～ 食落原來同魚鍋一樣出色！坐得都算舒服，唔會枱接枱，而且冷氣夠，唔會食鍋食到熱，岩晒我呢d肥仔。胡椒海鮮蟹煲 $318好大鍋好足料，一嚟已經見到有大隻蟹喺面，撩下鍋底仲有好多海鮮料（蜆、青口、蝦）、粟米同雞肶菇。個胡椒湯好正，胡椒味濃，同海鮮好夾。蟹肉 - 肉肥鮮甜蜆 - 大粒肥美蝦 - 正常唔梅青口 - 大隻肥美之後見到隔離枱d 美國桶蠔好正所以叫左一桶5隻 $138 - 每隻都有手掌甘大，啖啖肉好鮮甜肥美。無食魚鍋所以叫碟照牌魚泡 $58 - 都幾大碟，2個人好似食極唔完甘。爽口彈牙，好有口感，吸左湯底更入味。我每食鍋都每點桂花蚌 $88 - 每舊都肥嘟嘟，爽滑鮮甜。生菜 $24 - 夠新鮮爽。桂花山藥 $28 - 桂花配山藥都係第一次食，兩樣清甜既食物放埋一齊味道好夾。山藥清甜爽口。韓國象拔蚌 $128 - 夏日炎炎總想食刺身。每片晶瑩通透，一睇就知新鮮，食落更覺鮮甜。飲品 $15/樽 原來佢地每憑星期二有半價，如果同班兄弟約埋嚟食真係抵呀！

汀汀炉活魚呢個名我真係聽左好耐都未試過，所以近近地去左旺角店～ 油麻地地鐵出好快就到，上到嚟環境唔迫夾，我地2個人仲可以坐張4人枱tim~哈, 本身想食魚煲，但比個蟹煲吸引左 XD 胡椒海鮮蟹煲 $318好大煲好多料，除左有成大隻蟹之外，仲有好多蜆、青口、蝦、菇、粟米。胡椒味濃，可以僻晒 d 腥味（其實本身都無腥味，仲好新鮮tim!)蟹蓋多膏好正，蟹肉亦唔散好厚實～鮮甜肉嫩～～ 叫左d 料一齊煲：美國桶蠔 $138 - 有5大隻，隻隻都好肥美啖啖肉！魚泡 $58 - 好大條 、爽口，吸埋湯底好入味！桂花蚌 $88 - 好彈牙、爽口、鮮甜、肉厚！生菜 $24 - 新鮮青嫩～ 唔會老～小食：桂花山藥 $28 - 好耐無食，佢地用桂花汁做調味，令山藥清新可口，帶小甜～刺身：韓國象拔蚌 $128 - 大愛！新鮮都不得了！厚薄方面切得岩岩好，入口鮮甜，每口都爽，一條真係唔夠喉！食煲當然要叫野飲：樽裝飲品 x2 =$30茶位 $8/位服務：十分盡責，會主動添湯、添茶、換碟、教火大細，讚！原來佢地每憑星期二有半價！抵呀！

旺角已經成為我約朋友/屋企人去飯局地方之一，旺角的交通十分方便，雞煲最近成日和朋友去吃,旺角有不少雞煲店 ,朋友話上網見到有人介紹汀汀烤活魚雞煲店,就想去試下汀汀,汀汀之前有去過都不錯，地點十分方便，我揀了油麻地MTR行去比起由MK站仲近，汀汀其實有好多人去光顧,我事前BOOK定座位，今次只是2個人，我和朋友不是叫太多，朋友話好耐冇吃雞煲，就叫招牌雞煲，店員問要半隻定1隻，2個人冇可能吃到1隻，只是要半隻雞,因為我不吃辣就要蒜香味,它的雞肉味道好入味,稍為咸咗些小，我們吃完雞之後加湯之後，個湯沖淡咸味道，我覺得湯頭濃郁而又不會過咸,服務就一般 ,地方十分適中，可以下次再來味道招牌雞煲，這裡用新鮮雞，雞肉味道好滑，亦整得十分入味,雞肉調味稍為咸咗些小湯頭，因為吃完雞之後加湯,湯頭濃郁而不又不會太咸芋頭，口感十分爽口，芋頭味道幾好冰豆腐，味道一般鬼馬油炸鬼，熱食較好味,涷之後太淋服務我覺得都OK環境地方十分適中,座位亦都尚算舒適價錢平均200元一個，十分抵食

每次坐完火車落黎，都會俾烤活魚陣味吸引。知道係百寶利商業中心開左，同埋朋友上去試下先。招牌烤魽魚煲。 香辣由於我唔係好識食多骨既魚，所以店員介紹左呢個招牌烤魽魚煲俾我地。上煲果陣，店員叫我地煲多10-15分鐘先食，同埋講解下點食。條魚果然真係無咩骨，啖啖肉，而且仲有魚香味，唔驚好易會食到骨。再加埋陣陣香辣味，無介紹錯！鬼馬雙併 由於已經先整熟左，所以呢個鬼馬隻併可以熱食或浸湯都得，熱食好香口，好得意，配醬好好食。放落魚煲浸一浸再食都試過，不過我唔係咁鐘意個口感，個人喜歡就咁食。墨魚球墨魚球夠彈牙，咬口十足。雖然有微炸，但都要滾一滾先好食。。