江南

营业中

休息中

前身xxxx小籠包就已經越來越差，宜家改版做“江南”以為會好D，入去幫襯午餐，點知中晒伏首先，lunch set得兩款可以揀，＄168同＄178。個menu唔吸引，我哋就散叫咗一個小籠包，一個拉麵，味道……完全冇味道都算了。一個宮保雞丁，＄128，呢個價錢起碼可以expect正常分量？見圖……可能仲細過出邊lunch set...（講真食完都懷疑究竟轉咗乜，裝修同味道好似都係以前）唯一的優點是服務人員態度都算okay，加茶水加的好快。總結：又貴又唔好食。唔會再俾機會

翡翠拉面小籠包原址，裝修完開左個全新brand。地理位置係好好，機鐵一出閘搭個lift就到，岩晒落地唔想煩，舒舒服服坐d食嘢嘅我。環境：幾闊落，輕輕鬆鬆放喼放袋。菜式：同翡翠拉麵小籠包差唔多，更加精緻，但份量絕對是細左😭一來到會泡一壺花茶，好靚wor！🍜酸菜牛肉拉麵牛肉軟爛入味，大大塊，而且有差唔多十塊，幾有誠意！酸菜份量多，幾有滋味，麵條軟硬程度都好🆗，下次飛應該都會食。🥟蟹黃大湯包第一次見到咁大個湯包，一隻就放左成個碟！出邊就睇到入面勁多汁。好鮮好香好足料，真係蟹黃味！🌶️黃飛鴻乾煸圈子其實是辣椒大腸，大腸香脆，辣椒是湖南個🀄️脆辣椒，好似零食咁可以食，比大腸仲香！都幾意外，係上海餐廳食到咁好味嘅川菜！整體來講，精緻好味，份量大小小就仲好😊

🥔「全新裝修加好正嘅炒飯」ifc嘅翡翠小籠包重新裝修，改咗名叫做江南，入面環境雅緻左，不過lunch時間都好多人好熱鬧。呢度價錢唔平不過野食係好好味嘅，都可以一試🍚🌖 排骨麵lunch set 排骨好大舊，炸到好香，葱麵都好香好彈牙。成個set仲有其他配菜，都好飽好正👌🏻🌕 炒牛仔骨牛肉好大塊好嫩滑，炒到好入味！配埋大葱好香口👍🏻🌕 蝦仁帶子炒飯呢個炒飯份量偏少，不過不得不說真係好鬼好味！！炒飯粒粒分明，入面仲有蝦仁菜粒同帶子粒，每一啖口感都好豐富👍🏻📍 江南中環港景街1號國際金融中心2樓2018-2020號舖🧧人均消費$200#hea4foodhk @hea4_food

昨日去上環幫亞仔攞護照，順便來呢度食午餐，2大1細盛惠600蚊，味道寡淡，份量極小。侍應不停過來加水，不停問係咪食完，然後急急收走碗筷，嗌買單等左好耐先攞張單來。最終過隔離麥記又各自食個餐先飽。呢間唔會再有下次

分量一碟比一碟小，$60四隻紅油抄手，四隻小雲吞又係$60…蔥油拌麵，又係一個笑話. 我碗清湯鹹到非筆墨所能形容，唔講以為飲緊鹽水… 麵底有五款可以揀，我以為係有心思嘅手工麵… 唔食有事可一食把幾火🔥硬到好離譜，真係完全搞唔掂，我自己買出面嘅乾麵都仲好食過佢. 全晚唯一一樣食完冇嬲嘅就係韭菜盒子. 食完完全唔知自己食咗啲乜，三個人加埋食咗成$1000，好似食咗空氣咁…青菜係唯一一次份量似樣嘅嘢食，很肯定以後都唔會來

After paying new year calls to my relatives, I promptly go for lunch with my beloved boyfriend as I have been starving for a morning.We jumped into a taxi and the taxi driver recommended us a nearby Chinese restaurant called Jiang Nan.Before getting out of the taxi, we browsed many websites about Jiang Nan' s menu and food reviews.Then we rushed into Jiang Nan and ordered baked radish pastry and assorted seafood dumplings immediately.Later we uploaded the snapshots of all the dishes ordered incl

今日行過IFC見到有間新嘢(江南),入去試下果然有驚喜，食物水準抵讚。咁啱侍應在推介蘿白糕.黑糖糕，重即場有得試味(好好味呀)即刻買翻幾底比屋企人食先。另見到餐牌套餐都好吸引，下次一定同朋友來試下

以前在這𥚃吃翡翠拉麵很不錯，隔了很久再來，餐廳已經改名為江南。茶是用小燭台暖著，但不燙，用不燙的水來泡茶，茶味不出，跟侍應說水不燙她解釋說是燙的，再跟另一位侍應說，這位侍應小姐很好，要求後馬上換上。侍應們也很有趣，聽到他們大聲說”粗口，企響度都唔執枱”，應該是侍應們平時溝通的方式，大家應該很熟感情很好才能說這些話，這個粗口一個晚上只是聽了兩次，在中環𥚃的餐廳聽到這個都是首次有趣的經驗。食物味道和質素其實也不錯，建議能喝暖茶和不僅聽廣東話的朋友去嘗嘗🤗

今日心思思想食一碗Crystal Jade 出名嘅擔擔麵。殊不知來到才發現間鋪重新裝修後改稱「江南」而且擔擔麵已經由餐牌度剔除。所以就試下外賣一份佢新的貳號酸菜牛腩麵套餐。點不知呢個套餐簡直不知所謂——本來以為加價後（一人套餐由$100左右大幅加到$158）應該食物質素都有所提升，但碗酸菜牛肉麵非常差，牛腩完全冇味得酸菜味道。我認為呢碗麵差過晒翡翠所有既拉麵種類！前菜話有孜然羊肉春卷同水餃，但打開非常漂亮但輕盈既外賣盒後發現 surprise…! 除左春卷可以接受外原來水餃同排骨都只係各有一粒！而且味道勉強合格而已。面對如今IFC既客戶群體如此這般既品牌升級只會趕走晒啲客…!

食物其實唔差OK，👌🏻食物d size真係一碟比一碟speechless……無試過食完成餐飯三個人$1000+ 都未食飽….開係IFC有咁樣既服務態度很令人失望！小籠包自動有醋，但賽螃蟹要提醒先會比醋，3個人share一匙醋….茶無曬水，叫左好多次都無人加熱水.. 應都懶得應就走開走？餐廳當時仲要得一半capacity之後有個姐姐返左工(?)就好勤力咁加水係當晚唯一一個值得表揚的員工！新開見係IFC所以想去試試但係以後唔會再想去…

「江南」前身是翡翠拉麵小籠包。餐牌的出品佔大多數來自翡翠，再加上一些用貴價食材，例如：鮑魚、海參的出品。今天星期日中午餐我點了最簡單，而翡翠亦同樣有的1）葱油伴麵（$63）；2）尖筍烤麩（$68）。味道和出品一樣好味，但明眼人便知價錢提高了。服務仍然是好，侍應自動走來加茶。不過性價比就降低了。如果想食，走遠一點去其他翡翠拉麵小籠包吧！今餐連其他收費$171.6，我請願走去附近的正斗食乾炒牛河雲吞麵。

係中環行行下肚餓我哋就見到餐廳門口都幾多人排隊所以心郁郁想試吓好唔好味😆見到餐牌上既食物都好吸引 最後我哋選擇左佢「參」呢個套餐原本職員安排左我地坐二人枱 當我哋叫左套餐後 同我哋講二人枱放咁多野食會好逼 所以幫我哋將側邊枱泊埋一齊😆因為套餐既關係 所以試到好多唔同既食物整體黎講都覺得唔錯 食完之後真係好飽😂😂食物方面我覺得佢個原盅花膠雲吞雞湯真係好好味！飲完仲好想再飲 飲落去唔會話好似啲味精湯💕我覺得個龍蝦都幾新鮮 食落爽口彈牙不過因為同埋啲年糕一齊炒 所以搞到啲年糕有好多龍蝦殼既碎 雖然啲年糕都好惹味同埋硬度適中但啲龍蝦殼令到食既時候有啲麻煩😮‍💨而京蔥爆安格斯牛柳條 都值得一試💕💕