江戶前日本料理 (已結業)

上次未能嚐到朋友推介的脆皮三文魚腩燒，今天決定再去一嘗心願，由於已過了午飯時間，故此不需等候，長驅直進。我點了三文魚腩壽司，左口魚裙邊壽司和海膽軍艦，另點了一份脆皮三文魚腩燒定食。今次的三文魚腩壽司和海膽軍艦明顯比上一次遜色…三文魚腩不肥美，沒油脂，感覺和普通的三文魚沒分別。上次海膽鋪得滿滿的，今次份量明顯比上次少。左口魚裙邊壽司水準維持，份量足，吃下去滿口魚油，鮮甜美味！整個定食套餐上桌這個跟餐的前菜很有驚喜，滑滑的凍豆腐，配上香濃醒胃的芝麻醬，木魚碎，口味清新~我甚至把白飯混合到這道凍豆腐內一同進食三文魚腩的皮燒得很香脆，但肉質仍是非常嫩滑，皮肉之間的魚油在你口中肆意漫遊。唯一美中不足的是調味重了，味道偏鹹，配著白飯尚可接受，如果單點進食定必過鹹。

江戶前開業已久， 由於質素每況愈下，我也很久沒有光顧過。適逢今晚下著雷雨，不便到路德圍那邊覓食，恰巧經過江戶前門前，見不需排隊，便再上馬一試。左口魚裙邊壽司最為肥美，而且份量足（比元氣至少大三份一），我最喜愛滿口魚油的感覺！鰻魚壽司不是有個特配燒汁的嗎？竟然沒有提供？！鰻魚不肥美，這鯖魚也滿像柴乾…海膽軍艦份量非常足，而已海膽很鮮甜，沒有腥味，很想encore！芥辣八爪魚軍艦向來都在水準之上，份量也比元氣的足。 三文魚腩壽司很肥美，大大片三文魚腩，滿口魚油，吃得十分滿足。茄子值得一讚，是原條燒的，用我們兒時學生恩物《章魚小丸子》的方法去泡製，配上令人懷念的木魚乾，而且芥末汁平衡的剛剛好，有芥末的香味，卻沒有芥末的刺鼻感。厚切本來是一項賣點，但這牛舌不是常人的牙齒能夠撕開，在這裡反變成缺點。建議大家必須嘗試這薄餅！ 比坊間很多薄餅店做得美味很多，餅底香酥脆薄，彷如咬著千層酥一樣，配上芥末醬汁，既有芥末的香味，卻沒有芥末的刺鼻，而且餡料份量十足，醬汁香濃，風味一絕，令人回味！鰻魚份量不少，有雞蛋青蔥和玉米粒，鰻魚汁的味道也調配得宜，沒有過甜，搶了鰻魚肥美的味道，炒飯也粒粒分明，非常香口。由

江戶前係荃灣已經一段時間了, 但一直都未有機會食, 決定今日就食一次啦點了壽司盛和極上刺身拼盤, 真心覺得好正呀！刺身壽司都好新鮮, 特別是三文魚刺身和帶子刺身, 非常飽滿!至於壽司方便, 生蝦亦非常有口感, 飽滿而又夠實! 少不了就是豚肉溫泉蛋配泡菜湯烏冬, 個湯底真係好正, 泡菜湯味好濃, 而烏冬係讚岐烏冬, 韌度適中, 而豚肉亦好爽口, 不過太硬

收工約左朋友去荃灣行街，行過江戶前，便入座試試！不需等候！三文魚炒飯定食： 看上去很普通，但一上碟時真系令人有驚喜！大大碟，份量十足！看價錢我們以為只是細碟而已！飯炒到粒粒分明，飯粒爽口，夾左三文魚粒、蛋粒！好香，不會好油，開胃！炸軟殻蟹： 即叫即炸的！熱辣辣上檯，賣相吸引，看起來蟹比較細，但幸好炸粉不厚，吃起來還是啖啖肉！香脆惹味
蟹籽叉燒冷面定食：流心多好滑！叉燒系冷食，少少胡椒粉調味！魚生冷面加左蟹籽、沙律醬，味道中規中規！特大三文魚壽司： 如圖所見，三文魚極長，不是好厚身那種，但尚算鮮甜！

幾年前試過,環境一流,但食物味道真是一般般.聽說最近店主易手, 有一天路經此店,不彷試一試, 有意外驚喜!味道方面, 不能與米芝蓮食店相提並論, 但某些食物真是非常有水準, 一間無名小店竟有如此水準! 當中豬軟骨拉麵(是他們推的)是必然之選!!!三文魚和帶子刺身/壽司非常大件夾扺食!!飲品方面也有水準, 咖啡香甜滑溜, 不似茶餐廳(求其沖出來的咖啡,淡如水且無味!)在這區以這個價錢,算是正價比非常高!環境方面, 座位寬敞和舒適,也有私隱度高的座位,也有VIP 房,適合二人以至一家大細一齊進餐.地點也方便,距荃灣地鐵站約十分鐘行程,門口也有小巴和巴士站,約朋友茶聚也非常方便.服務態度也算有禮所以這兒也是我荃灣區必選飯堂其中之一,價錢也不太貴!

<江戶前>開左無十年都起碼有八年，由學生時代，差不多日日都去食lunch 既飯堂(因為抵食夾大件)。到出黎工作拍拖，去食晚飯多(有錢可以食好D)，到依家成家立室，變返假日去食lunch 多(lunch 有lunch set 可以選，比較化算 )。 基本上睇住江戶前既變遷，或者可以咁講江戶前見証左我既人生(哈哈,好似誇張左D)。入返正題，自從佢轉左形之後，都無乜點去過，(都有半年以上無去過)，今日中午同家人經過門口，見佢多返D食物選擇，心血來潮，就比多次機會佢。唔使等位，可以即刻上去，一上到去，見到個呀姐，熟口熟面，四萬咁口，好好笑容，抵讚!眼見九成幾入座率，遲一步都可能要等位，唔通佢變返我熟悉既江戶前?叫左個蟹子叉燒冷面餐，叉燒拉面餐，魚生冷面，加多個雙茄PIZZA大阪燒(呀囝死都要叫PIZZA，幾歲人仔條頸硬過鐵)。先黎叉燒冷面，中規中矩。之後個雙茄PIZZA，未食已經嗅到好香，熱辣辣，好香蕃茄味，個PIZZA都好飽肚下。之後既魚生冷面，都係中規中矩，無乜特別，反而個叉燒拉面個湯底幾鮮甜，個幾塊豚肉好好食。最後埋單二百幾蚊，都係抵食。後記:可以陪著成長既餐廳真係唔多，

黎到附近左轉右轉都唔知食咩好，見到呢個紅噹噹的招牌相當醒神，今晚就試試呢間啦！在等位的時候已決定了吃怎麼，點了三樣:-1. 鰻魚炒飯($63) 看上去很普通，不過一上碟我們嘩了一聲，因為份量比我們想像的多。看價錢我們以為只是細細碟點知原來份量幾足！炒飯粒粒分明，飯粒爽口偏硬，不是特別好吃不過不算太差，ok的 2. 一日蔬菜牛肋片拉麵($68) 這碗也比我們想像中的大碗，滿滿的都是菜，果真把一天要吃的蔬菜都吃回來。西蘭花椰菜花紅蘿蔔厚切的瓜材料豐富，麵就比不上在拉麵店吃的，湯底當然也沒法比，不過以這個價格來說有這些材料這些份量絕對是收貨了。3. 芥末醬三文魚大版燒($47) 反倒這個讓我們有驚喜！賣相挺吸引，試了一口之後更是讓人沒法停下來一口接一口的吃。濃郁的芝士配上淡淡wasabi味，不會嗆辣wasabi卻神奇的解了芝士平時的膩，感覺很新鮮，兩者異常合拍！裡面的椰菜花軟綿綿的，一整個很快就讓我們KO了！看到openrice原來這間的食評麻麻，質素好像時好時差，今晚我們大概是挺幸運的因為點的吃的都不差！下次再來碰碰運氣吧！

同朋友想靜靜地食個晚飯，度度都排長龍得位，江戶前唔洗等，所以上左黎食。都唔係食評講得咁差丫特大帶子同特大三文魚壽司做緊特價，就叫黎食下，帶子同三文魚好大件呀，色澤亦光鮮。帶子肉厚鮮甜，三文魚肥美新鮮，好味呀炸軟殼蟹，炸得金黃，脆卜卜，咬落去啖啖肉，仲有膏呀，加啲檸檬汁可以減輕油膩感呢個係炸茄子，上枱時熱烘烘，上面既木魚片好似跳舞咁，茄子上面係蜜糖介茉沙律醬，甜甜地又有介茉香，原來同茄子係好夾既

朋友係要見嘅 更何況係好姐妹😁終於齊人嘅飯局 9點幾 又唔知食乜好上去江戶前啦 好開心唔洗等位 岩晒餓爆嘅我👍🏼 坐低前菜叫左個沙律 炸軟殼蟹 再黎個泡菜大阪燒 特長三文魚加帶子壽司 燒茄子重有炸雞芝麻醬沙律配有鮮甜車尼茄 少許粒粒魚生 有三文魚 吞拿魚 等等 份量其實不少炸軟殻蟹 熱烘烘 即叫即炸 看起來蟹比較細 但幸好炸粉不厚 吃起來還是啖啖肉泡菜大阪燒 芝士鋪滿整個大阪燒 只看已經令人流口水特長三文魚壽司 三文魚紋理清晰 肥瘦平均 吃得出壽司飯是人手弄的 師父自行加上少許芥末燒茄子 超級熱 大量木魚和蛋黃醬 令本來無味的它生息不少還有最後來的炸雞 由於炸粉不多 吃下不會太油講下笑下就食左兩個鐘啦 埋單先知原來佢同沙嗲王有關係 又送返coupon 俾我地咁又造就我地再約下次食飯嘅機會啦

江戶前一向都係平民化嘅日本菜最近本身想去識佢嘅火鍋但係原來佢哋轉左餐牌咁就試吓新野啦Pizza番茄大阪燒餅底係大阪燒但係個人覺得佢做得太博沒有普通大阪燒個種厚厚實嘅層次感，味道好似Pizza材料有蕃茄茄子等等，味道酸甜仲好惹味，但做得太散，個人認為不屬於一個大阪燒叉燒拉麵蟹子沙律汁撈冷麵，冷麵質地爽口彈牙，蟹子沙律汁非常清新而且叉燒係凍嘅整成一粒一粒四方形的感覺新鮮

之前都幾鐘意黎呢度食，夠方便而且食物選擇多，價錢唔貴都幾抵食！琴晚同家人去多次食晚餐。7點左右裡面都有空位。裝修過後感覺似快餐店，而且連餐牌都轉埋。以前係枱面一張過寫曬食物連圖片，依家轉左一本本既menu  頁數極少，仲有好多都重複印一樣既食物。種類少過以前好多，壽司魚生得幾種選擇，無得揀之下只點了最基本的三文魚及帆立貝！！！其他食物都還可以，食物質素同之前差唔多。總括而言真係比較失望，食物種類選擇比以前少好多，又加左價，之前都成日會去食，但今次之後應該唔會再去

心血來潮想食江户前，起初認為同裝修前一樣好食，可惜太失望了，餐牌少左好多野食，點左個蟹籽叉燒冷麵，個麵同個沙津唔多夾，仲寫話咩員工最愛😢另外，仲叫左個雞扒拉麵，呢兩個餐都送左個豆腐同埋細沙津，個沙律都幾好食既，但係豆腐比較難入口，拉麵都係因為個麵而比較難食。

係一間日式料理餐廳，位於荃灣大河道，價錢人均50元, 當中三文魚炒飯好有鑊氣，好足料，同埋滑蛋豬扒飯的豬扒炸得脆，蛋亦不會太老，拉麵的湯底亦很濃郁，飲品方面，果味綠茶紅茶有果肉，增加囗感，亦不會太甜，壽司方面，三文魚比舊飯大兩倍，只售七元件，總括而言，十分可有七分la

去到叫壽司，值得一提再提一定系佢大大條三文魚壽司，應該都有成15cm長，可以包住成舊飯食，兩件都係$18. 另外都有正常三文魚壽司，$9兩舊。推薦天龍捲。其實就係炸蝦系中間，類似加州卷咁樣。隨碟附上沙律醬同wasabi，上面擺wasabi，下面點沙律醬，唔同口感一次過享受，系jeng既。另外叫左螃籽壽司，正正常常，幾好。江戶前好就好在有壽司至於都有拉麵、石鍋飯仲有烏冬，同埋咖喱飯都有，其實想食平小小可以叫一份主食，墊底飽肚先，再order幾個精緻壽司過下口癮，就好滿足啦。

Order 魚柳咖喱飯，玉子壽司、鰻魚壽司，仲有炸蠔！玉子壽司玉子比其他鋪頭大舊，，鰻魚壽司d鰻魚都係，鰻魚壽司系鰻魚上面有淋汁，蟹籽壽司d蟹籽多到滿瀉，而腐皮壽司呢，通常其他壽司店就得上面三角形罩住咁樣，江戶前就算呢d普通壽司，都好有誠意，d腐皮系包底嫁！！至於炸蠔，我覺得應該要叫。佢炸到外面睇好似炸雞翼咁樣，一上來食既時候小心熱，見到系即叫即做。咬落去絕對脆！入面d蠔汁又keep到，無流走變乾蠔。至於魚柳咖喱飯，無影相，但係一樣足料，魚柳都好大舊，咖喱汁都多，系可以確保成個飯都有魚柳同咖喱汁送，唔錯唔錯。魚柳都炸到好香脆，一級棒噢~