江戶前日本料理 (已結業)

最近已經完全裝修完，環境幾好，每次去都會食佢個三文魚刺身，貪佢夠厚又吾貴又好食好食果時食死你，但吾好食果時…都係食死你啲三文魚愈來愈吾穩定，今次去食，好失望，脂肪太多，一咬好想嘔叫左三份十二塊，先食左兩塊半，仲切得好樣衰，吾知切嘅係咩部位一忽忽甘，啲肉好散，邊緣仲有黑線，仲有怪味，吾知係咪因為五一手勢好啲師傅休息定來貨差左平時同朋友去食兩丁友可以食五份，今次真係…三文魚籽壽司都係，一時擺好多魚籽一時勁hea，完全露白見到飯(但幾好食不過好就係已經有進步，之前啲飯都好吾穩定有時搓得好好有時一夾就散，花之卷同加州卷好大份量好足饅魚飯都好好食順帶一提，個人認為啲飲品真係伏，千其咪叫，真係好麻麻至於服務，個人認為幾好，有禮貌，有笑容，不足之處係有時人手太少，今次去食傳菜係勁多，有成六七個係岀面，但侍應就得兩個……等埋單都等左好耐，最尾原來佢忙到遺忘左我要埋單……

今日心血來潮想食江戶前個燒茄子, 所以過左黎依邊食, 同之前一樣, 都係等一陣就入得去, 仲有卡位坐~點左關冬煮, 金菇牛肉卷, 咖哩豬扒飯同燒茄子, 關冬煮同金菇牛肉卷冇之前咁熱, 好似係上菜前放左一陣先拎出黎咁, 跟住咖哩豬扒飯普普通通, 豬扒炸得比較乾, 至於我最期待的茄子...唔知點解變左紫色, 變左個面好un, 唔可以同啲肉一齊食, 而且食到滴晒汁, 同啲醬又唔夾, 之前明明好嫩, 冇左紫色個塊好un的皮,真係期望越高, 失望越大....每次想落order同埋單都要等好耐, 明明員工好多, 但成日唔知去左邊.

尋日(25-1-2015 Sun)中午,同男友落荃灣食個晏,諗食咩o野.突然記得呢間,睇睇menu,價錢差唔多啦,於是上去.我o地坐低後,我要$42.00o既天婦羅拉麵定食,飲荔枝綠茶.男友要$50.00o既咖哩雞肉飯定食,有麵豉湯,漬物,佢飲熱檸茶.等o左好耐,我o地o既食物都到o黎,男友o既咖哩雞肉飯其實得半碟,我o既拉麵都唔多, 天婦羅有四件,不過冇連天婦羅汁.於是我o地問問,侍應話係冇,要o既可以俾我.我話要,咁佢就叫人俾,但一路都冇俾到.拉麵口感OK,唔係特別彈牙,豚骨濃湯味道同質地都濃,唔錯.半隻溏心蛋有煙燻過;天婦羅唔油膩,有蝦,青椒,茄子同魚,但冇俾天婦羅汁蘸,味道有啲淡之餘,感覺都幾乾.而男友o既咖哩雞肉飯,咖哩甜甜辣辣又夠杰,雞肉有煎過,令雞皮幾香口.之後我o既飲品都好耐至到,我杯荔枝綠茶味道好淡,荔枝味淡都唔夠綠茶淡,近乎飲白開水,而同樣地,底係有一舊啫喱o係o度.而男友o既麵豉湯同熱檸茶我都冇問.o衣o家睇返上次食評比較,拉麵o既配料明顯少好多.http://www.openrice.com/zh/hongkong/review/%E8%8D%83%E7%81%

七月六日，星期日。食評我好少寫，一係好得深刻，一係就。。同男朋友開開心心甘慶祝下紀念日 點知。。惡夢就黎喇去到江戶前門口時六點半左右，有少數人等，由於我係1-2位嘅第一張台等左五至十分鐘左右就可以上去喇。上到去，水都五斟俾我地 好喇，野食真係呢…我地嗌左一份刺身(四片)，火灸帶子壽司，加洲卷，花之戀各一客，安格斯牛肉石頭飯，兩客三文魚及一客特大三文魚三文魚 好"un"..咬五到嘅。同埋五夠凍花之戀 最食得過應該係個少少嘅沙律醬加洲卷 擺得都幾求其，不過五求好食，但求擺得入口順利吞到，好彩都做到 到石頭飯喇。。侍應拎到黎嘅時候竟然冇"炸炸聲"又冇煙出都真係第一次見飯中間有隻生雞蛋，通常我會將蛋汁放係鍋側邊熱熟佢，因為本人對於生雞蛋冇乜好感同覺得好核凸haha 平時嘅鍋會令到雞蛋由蛋汁變蛋白今次冇。。變左生雞蛋撈飯。。。口感同感覺都五係幾接受到 呢個所謂嘅石頭飯，或者只係將煲好嘅飯放系鍋到，再鋪的牛，菜，蛋。冇左石頭飯嘅特色，味道，飯蕉都不用說是沒有的。食完，我地慣常埋左單先，好拉，一俾左錢收完野食，收埋杯茶，仲有大半都未飲，問都五問就收左，收埋餐紙個d野，牙籤都收埋==正唸

是晚和媽媽二人撐枱腳，收工後來到荃灣和媽媽會合，媽媽說好耐無黎食食江戶前，所以便黎食啦！等位好快，唔使10分鐘就有位。我叫了份燒魷魚定食，媽媽則叫了寄世鍋唔辣的。燒魷魚定食魷魚很大條，已切好，配上甜甜的醬汁，味道不錯，但魷魚就有點“un”。另有附上前菜，胡麻醬木魚豆腐。豆腐不夠滑，但配上胡麻醬ok。另有海鮮蒸蛋，蛋味很香，而且很滑，正！寄世鍋外表不吸引，但才料有很多，有蝦兩隻，扇貝仔，仲有很多菜，媽媽說很好味，送飯一流！另外叫了一隻糖心蛋，係無切開既，我一人獨享整隻。糖心蛋中間蛋黃很糖心蛋，食落好cream，蛋味香濃。

開頭以為係食江户前壽司，原來只係用個名咋，都係食一般壽司同麵類、小食，佢同沙嗲王係同一集團，感覺有點相似！未試過呢間所以想試，食完覺得……如果貪平，就可以試佢推介嘅特大三文魚壽司，只需$15.8就有一客。是次點咗：1.特大三文魚壽司~真係好長，夠新鮮，抵食！2.海鮮蒸旦~d旦入面唔知落咗咩，味道好重，麻麻地好食！3.海胆&粟米手卷~飯好多，海胆味道還可以，$28真係幾抵，粟米都要$9，紫菜就一d都唔脆，裡面冇其他配料如青瓜，感覺上有點兒寡！純飽肚之作。4.赤蝦刺身~原隻上枱一件$15,賣相得但唔夠凍，可能唔新鮮啦！！5.雜錦天婦羅~有蝦、南瓜、茄子、青椒、蓮藕，竟然有魚好奇怪！脆䊢粉落得太少，唔多似天婦羅，味道就可以嘅，佢用咗薑蓉伴蘿蔔蓉反而over咗，唔係好夾！所以個汁都唔多掂！6.牛肉拉麵~聲稱係辛辣血池湯，但其實只係豬骨湯上面加咗d辣椒就算，咁佢應該說明係加辣，而唔係用兩種湯底(豬骨湯或辛辣血池湯)嚟混淆客人！湯底又唔熱！7.蟹籽沙律冷麵~沙律醬好少，以為清成咁，原來仲有d冷麵汁喺麵底，唔知就變咗係開頭冇味但食到底先有味囉！如果個汁係另上會好好多！雖然預咗兩個人會坐得迫，但真係好

其實江戶前食過無數次了始終都係同沙嗲王同一公司平平地的日本野 真係不過不失啦不過今次叫左試左新野 當然要分享分享一家四口去每次必叫 特價三文魚$8 一客三文魚品質一向不錯 都真係無乜太大特別至少係新鮮加抵食燒鯖魚係新叫的 因為我鍾意食鯖魚行到面前就用火槍燒感覺上好似高貴左哈哈 而且真係好香噴噴魚入口即溶 唔洗咬已經好快係口唔見左個皮有點脆脆 我比較鍾意食埋皮的另外係個日式牛肉鍋媽媽以為係好肥好油點知菜多過牛 當然我地都覺得正常啦牛肉唔「鞋」，都尚算不錯湯底好好 夠清甜 我地都飲左好多 少少豬骨湯味其餘的都沒太大特別始終大公司都叫做保持到水準服務態度都幾好 一按鐘好快到其實江戶前慢慢變左家人食飯的首選哈哈哈

朋友突然想食拉麵，但我對拉麵興趣是非常一般，左行行右行行，終於找到間除了拉麵還有其他的食店。內有很不少卡座，應該坐得幾舒服。不過食物就真的麻麻﹕豬軟骨拉麵，湯底咸了一點，豬軟骨口感很一般，有少少黏牙。餃子外表好似好脆，但有少少凍左，內裡無乜肉汁，有點乾身感覺。碎三文魚魚生飯，魚生不是太鮮味。整體感覺是很一般，不算難食，但有選擇下一定不會番食。

同朋友係荃灣行街 行到去大河道見到江戶前行到去見睇到佢個特大三文魚 好吸引所以就決定食呢一間啦去到d服務員態度幾好 可能因為吾係太多客既係所以叫佢地點單佢地都會即刻到我地點左特大三文魚真係幾大下 但好厚好肥 幾好味 食完未會太濟😆😆之後叫左個甜蝦刺身同三文魚刺身三文魚佢比左腩位我地 真係好好味 而甜蝦就係較大隻既 幾鮮甜 👍👍👍之後我地叫左個冷麵 睇落好似好小配料咁 但係佢個醬汁整得幾好呢個泡菜只係12蚊 開頭以為無咩特別點不知食左之後 就覺得同平時出面果d比係吾同鐘意食泡菜既真係可以試下埋單加埋都係二百幾蚊😚😚

又是日本餐, 是日晚餐毫冇頭緒, 在等老公期間, 先去萬寧行吓, 經過江戶前, 記得之前食過都ok, 款式幾多又唔太貴決定上去食. 7點到已經有7-8成坐滿! 叫左 1) 超大三文魚壽司 及 油甘魚壽司: 落單後一分鐘內上菜, 超快! 三文魚無論賣相同新鮮度都唔錯! 反而油甘魚麻麻地, 乾乾地咁!2) 燒三文魚腩 – 香口熱辣辣非常肥美3) 蟹膏海鮮石頭燒飯, 這個賣相麻麻地, 但是之前有食這, 都鍾意食, 尤其是蟹膏撈飯加飯焦一流, 海鮮是一般貨式, 可接受, 以60幾蚊黎計算係咁!4) 串燒 – 雞軟骨及蕃茄煙肉串, 蕃茄煙肉串基本是我每次吃串燒都會吃的, 喜歡蕃茄的酸去中和煙肉的油!兩人埋單唔洗$200蚊!

今日要去髮型屋整下個頭, 所以就決定黎荃灣大河道"江戶前"食個午餐~午市有飯餐, 拉麵餐, 選擇多!12:00左右黎到, 唔洗等位.. 兩個人可以安排坐卡位~ 唔錯, 呢D卡位, 食完傾下計, 不錯!我要左個 豬軟骨湯拉麵 (豚骨湯底) $38 配飲品一杯豬軟骨稔, 不過就唔夠入味 & 半熟蛋, 有半流心效果, 味道尚算OK.豚骨湯底, 不夠熱之外, 飲一口就知道不是真材實料煲出來的~拉麵方面, 麵質原本已經唔係彈牙, 加埋烹調時間掌握得不好, 拉麵變得林身了~ 拉麵餐, 可以用半價享壽司1客.戒口中, 所以只是點了一客玉子壽司 原價$9-玉子非常乾身, 加埋又硬, 普通的玉子也做得不好, 很失望呢!男友就點了一客雜錦魚生飯 $58 刺身整體普通, 欠缺鮮味, 期望不要太高! 刺身只屬普通質素~ 魚生飯附送一客麵豉湯, 麵豉味不夠~跟餐附送, 蘋果綠茶 蘋果味道不會過甜, 底層有蒟蒻, 飲茶之外仲可以食到好滑既蒟蒻, 兩種享受!明明這是一間以日式食物為主的店子, 結果食物質素係"東不成, 西不就".食物方面, 真的需要多加改善了!

大前日(3-11-2013 Sun),男友瞓到好晏至起身,咁我o地食個晏啦,去邊o度食呢?冬蔭公公,沙爹王同江戶前,前者可以儲印花,後兩間有我上月同女友人WK o係沙爹王食晏後,得到o既$16.00coupon可以用,最後男友揀o左江戶前.我o地o黎到好彩未到1:00pm,雖然多人但都仍有好舒服,大張o既卡位坐.男友要$43.00o既咖哩牛肉飯餐,有麵豉湯,漬物同餐飲,男友要芒果綠茶o既,但冇,佢就改要凍奶茶,我要$36.00o既叉燒豬骨湯麵餐,飲青蘋果紅茶.另外叫餐可以半價要一個手握壽司,我o地就不要原價$32.00o既海膽軍艦同原價$18.00o既象拔蚌壽司.好快,男友o既咖哩牛肉飯同麵豉湯,到o黎,驟眼睇,牛肉好似牛肉粒,但男友攪起後睇,唔係,係打邊爐o既肥牛.我試食吓,飯o既軟硬適中,咖哩唔辣,都幾香甜,肥牛唔老,成個幾好食.漬物原來就只係o個三件蘿蔔,酸酸甜甜咁,幾好食,但真係太少喇.麵豉湯男友飲晒.然後我o既叉燒豬骨湯麵到o黎,賣相OK,食吓先.叉燒原來有啲肥肉o係中間,口感鬆軟,有別於其他o既.溏心蛋好靚,而蛋黃味道好濃郁,好味.麵食到有蛋味,豬骨湯亦的確飲到豬骨味.食完

自從搬離荃灣之後, 已經好耐冇幫襯過, 今日嚟開呢頭, 其實又唔係專登嚟食, 係周圍都開始人多, 要等位, 就諗起呢度應該會有位, 於是就返嚟呢度食~果然仲有大把位, 仲比我地2個人坐卡位tim~食物都係果d, 冇新選擇, 不過見咁耐冇食, 可以食返以前成日食果d, 睇下佢有冇進步到先? 鱆紅魚壽司要跟餐+$3先有, 見佢原價都要大幾蚊, 而我地又鍾意食, 所以兩個餐都加呢款~鱆紅魚比平時食開的更紅, 唔知係佢呢度燈光唔夠, 定真係咁紅噹噹? 但食落又冇乜問題, 都算幾新鮮, 而且d飯又細細舊, 可以一啖放哂入口~ 雞扒烏冬雞扒依然係浸林哂, 又冇乜味, 但烏冬的配菜唔同咗, 由鳴門卷變咗做冬菇仔, 半只熟蛋變咗做温泉蛋, 味道都叫OK啦~ 豬軟骨烏冬同上面一樣, 只係換咗做豬軟骨, 一樣係林到唔駛咬, 不過D肉就老咗少少~ 凍奶茶又甜又冇味 熱檸水檸檬冇味雖然佢呢度D食物麻麻地, 但响荃灣區要搵食, 呢間都可以係一個選擇, 因為荃灣實在太多人, 但求有位坐, 又唔食到你有事就算~

江戶前我絕對係常客江戶前全香港只此一家 同沙爹王係子母公司首先講下啲服務先 佢同沙爹王一樣係按鐘叫職員 職員好有耐性地讀單 態度友善 而且會有介紹食物地方唔算大..但係坐得都幾舒服,同朋友傾下計,慢慢食都冇問題...食物方面:佢個石頭燒做得幾出色架 三文魚頭石頭燒 吊筒石頭燒 鋪滿蒜同椒絲 味香 而且上枱時仲好熱 真係要試下啦 三文魚刺身 廿零蚊已經有四片 好厚肉 好抵食壽司唔係話好多選擇 佢餐紙上面都有幾款係特價優惠但係餐紙上嘅優惠食物每人限叫兩客架咋 唔係好夠喉啦個特長三文魚壽司 都幾抵食 中意食面嘅朋友 不防可以叫佢啲拉面我會將個拉面轉烏冬 同樣入味 有豬骨湯 有地獄湯一個面可以同朋友share咁可以食多啲其他野丫嘛佢仲有啲炸物同熟食架 我比較中意食佢個燒茄子 因為配埋個醬汁 一流呀！

My dad loves to come to this Jap restaurant because it's very near his place, hence I come here quite often (it's in the heart of Tsuen Wan right above from the mini van station) It's quite a large place with lots of customers going in and out, and the atmosphere is quite dynamic and upbeat. But first of, I must mention that their service isn't the greatest in the world. It takes forever for their servers to get you anything, from a glass of water, extra wasabi, to the bill, they always forget o