江戶前日本料理 (已結業)

沙嗲王集團其下的江戶前於荃灣開業了幾年亦未曾惠顧,所以今天特意前來。午市時間要等3張飛,但上到一樓才知道原來只是不夠人手set 枱,難怪店鋪長期張貼招聘告示。午市定食款式頗多:午市麵定食可選豬骨濃湯或辛辣味血池配拉麵/烏冬;午市飯定食附麵豉湯和漬物,有咖喱飯/炒飯/丼/魚生蓋飯供選擇;每款定食均包跟餐飲料及享半價優惠配手握壽司一客。雜錦魚生飯定食$58是我今天的心水。麵豉湯和潰物:跟餐飲料:芒果凍綠茶,內有—塊啫喱,芒果味淡。雜錦魚生飯:微暖的飯加上海苔絲和芝麻,再蓋上玉子,三文魚,魷魚,蟹柳,牡丹蝦,吞拿魚等,用料新鮮。太飽了,享用不到半價手握壽司優惠和$13.8的特長三文魚壽司。

今日十一點半就黎到江戶前，好少人@@唔使等位^_^專程黎到食拉麵蔥粒三文魚壽司紫菜入口仲脆，而且三文魚仲係凍既，好新鮮，蔥粒配住三文魚，鮮味更突出，同埋跟麵餐+$3就配一客，抵食^_^血池海鮮拉麵之前食過血池魚柳，但唔夠辣，所以今次叫大辣，麵既份量好多，炸蝦另上，溏心蛋每次黎都覺得做得好出色，湯底今次辣得好正@@用料唔吝嗇，有冬菇，魷魚，蟹肉，帆立貝，海帶，粟米，全部都好新鮮。拉麵好彈牙，而且索性湯底既味，正！可惜炸蝦啲粉太厚，雖然唔焦，但好硬=(青蘋果紅茶杯底有啲好似愛玉咁既啫哩，甜甜地，好味^_^

又喺老婆教會嘅弟兄小組一月一聚嘅日子，原本安排參觀歷史博物館，因為好幾個弟兄當日有事未能出席，淨得番4個人，咁就無謂再逛博物館，改食番餐飯，深入交流吓，分享吓就算喇，晚飯地點揀咗晌番教會附近嘅江戶前。荃灣本身都有幾多日式食肆，數埋都有成6、70間，雖然依間日式理料食物水準一般，晌OR仲喺喊面多過笑面，但依然有好多人幫襯，無他嘅，佢哋勝在款式多，就如小弟之前對佢所寫嘅食評，主題就叫「乜都有日式茶餐廳」，好似茶記咁，真喺乜都有；兼且佢定個價位確喺平，幾十蚊個定食已經有交易，直頭平過去連鎖快餐店，仲要有番現金券回贈（每食滿$20，即送$2現金代用券，喺當現錢使，夠直接），誘你返兜再返兜。荃灣貧苦大眾居多，平平哋又試到日本嘢，所以，小弟覺得江戶前個定位對得幾啱。依一晚喺星期六，樓下企咗一大堆人等位，我哋無訂位，結果就罰企20分鐘先有得入座喇。三文魚壽司 $7/兩件煙三文魚壽司 $7/兩件壽司特賣，其實當大家想叫嘅時候，我都有啲擔心，$7仲要兩件喎，可以去到咩水平心裡有數啦。三文魚壽司，果然唔多夠新鮮；而煙三文魚壽司就仲差，瘀瘀哋色，外觀唔得，食落竟然暖暖哋，如果合埋眼食心裡會好過啲，咪當佢火灸

今日帶埋仔仔陪家姐食lunch, 阿仔話想食薯仔, 所以去左江戶前~皆因之前係度食過一味炸薯仔, 拌奇妙醬, 覺得幾得意, 所以帶阿仔去食!!佢其實係薯蓉, 外面沾上一層粉炸的, 外面卜卜脆, 小朋友最鍾意!而且佢叫一口薯仔, 換言之每舊都係細細粒, 易入口~~幾好架另外叫左個 日式滑蛋吉烈豬排飯又係阿仔叫的, 因為佢最鍾意食炸野OK的! 不過個人認為d洋蔥多左少少... 但個味唔錯!

霧霧細雨又加嚴重的潮濕 , 這種天氣確實回家好 , 奈何約了友人 , 又不想改期 , 只好出席吧 ! 本想去嵐居酒屋 , 奇怪去到福來村附近也找不到 , 最後折返鐵路站 . 記得之前和另一友人去過附近的日本食店 , 原來是江戶前 . 首次吃晚飯 , 不用等位 , 看看 menu , 有幾個套餐 , 可是款式不是我們想吃的 , 最後也只叫了一個套餐加一個飯 , 另外 , 再加多兩客三文魚 . 三文魚的價錢非常便宜 , $6 一客還有兩件 , 但是有好多根 , 完全咬不爛 , 而且也又太新鮮 , 寧願付多少少或吃其他吧 ! 咖喱豬排飯 , 咖喱汁甜甜的 , 不會太辣 , 配飯吃也不錯 , 豬排煮得好稔 , 雖則有少少根 , 但也可以接受到 !!海鮮鍋套餐 , 湯底好甜 , 料又不少 , 有青口 , 三文魚 , 蝦等等海鮮 . 另送的燉蛋必須快吃 , 涼了之後腥味勁濃 , 最後我們也是放棄了它. 這裡的食物沒大驚喜 ,　服務就好好 , 如果沒有太高的要求 , 也可以來試一試 .

古語有云:三人行必有我師.但我們三人卻次次遇上麻煩事.星期六,某人提議利用COUPON的優惠價,三人往荃灣鳴門大吃一頓,誰知到齊了人到達目的地後,物主細看COUPON的使用條款才留意到星期六日不能使用=.=二人除了以拳頭侍候外,一整晚對他明串暗踩,相信此等糗事,足夠我們作為話題討論一整年了!去不成嗚門,輾轉走到了大河道傍的江戶前以消不能豪食的怨念.稍作等候十數分鐘就可以入內了,三人點了兩個定食一碗拉麵,再搭數款小食分吃,一貫的作風!先到特價$6兩件的三文魚壽司,每人限點兩碟.以這個價錢真的不能要求又肥又甘香的質素吧!以量取勝算是合格.拉麵隨後送上.吉烈豬扒表現是眾葷食中最好的了,炸面香脆,豬扒至少還嚐到肉味.拉麵配料附送多半隻溫泉玉子,湯底是現成開粉煮成的師父湯,雖說食味未算出眾,但勝在有板有眼!(因為隨後的唔打得更加吾睇得)褔神卷($20)外表甚有西九明將紅豆軍艦之風,但入口之際又不太難下嚥,內裡僅餘的幾絲青瓜頗清爽,面層色水混濁的是千島醬吞那魚.雖表面不討好,不過清楚吃到魚味及醬味,可放心吃吧!燒鯖魚($55)一般做法都是去頭開半煎封上碟的,這處的大方連頭去骨,視覺上,份量上表現極

早陣了，日本海嘯，很多日本食肆也捱得很辛苦，現在，看似回復了很多。在江戶前，大大個餐牌，圖文並茂，午餐定食很便宜，三、四十元就有交易了，還包湯包飲品。一個要了咖喱牛肉撈拉麵定食，另一個要了雞肉蛋飯定食。前者，還送2件壽司，質素可以。咖喱牛肉撈拉麵，圓形鐵板盛載，半邊是咖喱牛肉半邊是拉麵，拉麵普普通通，咖喱是一貫日式咖喱，帶甜味，牛肉唔韌，都不錯呢！雞肉蛋飯又如何？飯量超十足，珍珠米飽滿軟熟，雞扒肉汁豐盈，伴上半生熟蛋漿，味道更提升呢！

賣相奇差，味道亦難以下嚥，想像不到食品實物跟餐牌上相片差九丈遠，相信有生之年都唔會再食。花之戀有瘀血，又腥，三文魚腩係冇腩既！魚生切口唔齊，食完口入面充滿醒味。

星期六加上中午食飯時間, 周圍都係人, 係呢度叫做唔駛點等位, 所以選擇呢度..............之前都試過幫襯, 覺得佢d烏冬幾彈牙, 所以每次想食烏冬時都會嚟呢間, 但可惜的食品質越來越差, 今次都唔例外, 而且又加哂價, 相信都會有一排唔會再幫襯................唔知係咪太多人幫襯的關係, 坐都十分逼, 完全唔舒服, 4人枱分都唔分開就比分別2pair唔識的人坐埋一齊, 感覺唔太好..............叫完嘢食等咗耐先有杯飲品上, 再隔多5-10分鐘先有烏冬上, 但d烏冬係唔熱, 只係暖lor~~~ 唔知係咪一早整定, 定係分响廚房好耐先有人拎出嚟.............. 到食完碗烏冬, 個跟餐送的壽司先上, 又會慢成咁............... 凍檸茶茶味唔濃, 檸檬冇乜味 雞扒烏冬烏冬好彩仲叫彈牙雞扒仲有d雪味, 雞皮又煎得唔夠香又唔夠脆, 再浸埋响湯入面, 非常難食.............湯底凍咗, 又唔夠濃味, 只係比水好少少 豬軟骨烏冬烏冬好彩仲叫彈牙豬軟骨太林, 林到唔駛咬都已經爛哂 湯底凍咗, 又唔夠濃味, 只係比水好少少 壽

今日去完旅行去左KF行街買下衫行到6點幾去TW吃飯之前舊鋪成日去,新鋪開左咁耐反而第一次自家製可樂餅有點兒貴(33元)我覺得炸得ok入面d薯蓉幾好味不過隻蝦鞋左只是普通的那種佢個menu既註釋係:{蟹肉+ 瀨屎蝦}會瀨屎既蝦我第一次食炸豬扒蛋飯我覺得以前個名好d{滑蛋豬扒飯}以前用普通碗而家就係石窩d蛋好多,{多過x味..食烏冬個間}有d未打散既蛋黃仲要係溏心豬扒薄左d,個炸粉索左汁之後會甩{好!}有鬆肉粉是一定的味道搭夠如果只舀d飯食既話反而冇乜味所以加左七味粉d飯焦夠多既都不過飯底有d俾汁浸到好林呢我依然差不多食哂~~~勁多飯呀牛肉拉麵朋友不吃蛋俾左我;D很軟的溏心連蛋白都好軟個蛋黃入口即融讚

大約兩個禮拜之前，有個朋友搵我食飯。二話不說就黎呢度食，其實我都想黎食。只係搵唔到機會而已。聽佢講，呢度野食都幾抵，三、四十蚊就有一個lunch。應該都幾抵既，不過點幾鐘餐廳都係坐唔滿既。三文魚壽司跟餐加5蚊有兩件既，三文魚都算幾新鮮，好有鮮味。但最敗筆既係，個壽司飯係暖既，而且一食就散左。唔算太好食，但5蚊2件仲可以有乜要求呀。咖喱吉列豬扒飯一見到個飯，就覺得汁唔夠撈飯。結果就真係出現左呢個情況。個飯都算幾煙韌，而且個份量真係幾多。而個咖喱汁就唔算太辛口，似番日式咖喱既味道。就係個飯既份量太多，而顯得豬扒既份量好少。而豬扒都幾好食，肉質唔太韌。而個炸粉唔太多，都算係幾好食既豬扒。芒果紅茶係個朋友介紹我飲既，都幾重芒果味。雖然有小小人造芒果味，但又唔會無哂茶味。重要既係，呢個飲品係跟餐，都算係咁啦。整體上都普通啦，不過服務唔太積極。唔知有無下次啦，始終都係覺得野食唔係特別好食。又唔算話太平。

原本想食泰國菜,但內子喜歡日本菜,見到餐廳前有數人在等位,好奇之下便心動,試試這餐廳的水準如何.我很愛吃烏冬,基本上這是日本菜的必選食品.其實餐牌上的選擇合謂口的不多,最後只選了很大路的吉列豬扒湯烏冬套餐.侍應一放下我的烏冬,我心情已大打折扣,豬扒炸得很差,一般吉列豬扒都是金黃色或橙黃色的,但面前的那塊豬扒是略帶紅啡色的,底部還有炸燶了的黑點,豬扒淡而無味,面層的炸漿很硬,完全沒有脆的感覺.烏冬?外形有點怪,麵條邊呈少許波紋狀,它不是傳統的烏冬,反而有點似自己搓粉做麵,但發酵時間不足,與其說麵條煙靱,不如說口感像是在吃未發酵完的麵條,美味程道可想而知!!整碗烏冬,一言以蔽之,失敗之作.套餐另附一碗麵豉湯,味道一般,算是可以接受.兩件壽司及一杯飲品,一件不知是甚麼魚的壽司,但魚呈暗瓦色,新鮮極有限;另一件是熟蝦壽司,看一看,已覺蝦身很乾,當然甜味欠奉啦.奶茶是我的至愛,經驗告訴我,如果要在大家樂或茶餐廳以外的陌生地方喝奶茶,最安全的做法是多奶,難飲極都有限,這家日本餐廳的奶茶反而不賴,算有點安慰!內子叫了一客雜錦魚生飯,一般魚生飯都是餸少飯多,他說味道還可以.我們另外叫了三種串燒,一款是

時下好多新開嘅食肆都做得好專門，尤其和食，好似燒鳥店、爐端燒、燒肉店…，總會一眼望埋去就知係打正旗號嘅專門店，俾人覺得夠精、夠專業。相反，另一類就好似江戶前咁，乜鬼都有，套餐又得，散叫又得，打開餐牌圖文並茂差唔多過百款嘢俾你揀，好似午餐定食咁都成三十幾款，平均三、四十蚊，包湯（或壽司）包嘢飲，如果唔係有啲和風裝修，搭啲日文歡迎詞，同去咗茶餐廳無分別。唯一好啲係佢個場比較闊落，卡位都好寬闊，不過唔知點解佢啲凳面係軟墊面，而凳背係木架，唔係咁好「俟」。揀定食就最實惠，一行4人商量後就決定要3個定食，再加2個小食，因為見佢推介小食人氣5強，都好似幾吸引，就俾俾面，揀其中2個試試，睇吓係咪咁人氣先，還是得個吹字。鐵板帶子 $36係小食人氣第2強，而第１強係七味炸雞軟骨，因為太熱氣兼且雞軟骨大多數人唔好，所以踢佢出局。一客有4粒帶子，係原粒連埋裙邊唔係假嘢，粒粒都大大隻，鐵板煎香，唔算好彈牙，但味道唔錯，咬落果然厚肉。自家制可樂餅 $33小食人氣第3強，一客只有2件，不過一樣好大件，圖片說明就話係蟹肉加瀨尿蝦肉做，但唔係好食得出有蝦肉味，蟹肉就倒有少許。面頭淋上自家制醬汁，要好細心細心咁嗒，先叫

放工同老婆去到荃灣，唔知食乜好，見到有間好似係新開的日本野，是但吧，入去試試，反正我地食野都唔係好高要求！ORDER了以下幾樣野﹕特大帶子壽司特大三文魚壽司網燒雞扒手打烏東寄世鍋荔枝紅茶一個一個數吧！特大帶子壽司﹕帶子冇味，唔知食緊乜咁！特大三文魚壽司﹕未食過三文魚壽司有骨的！講真句，元6都好食過佢！網燒雞扒手打烏東﹕一心諗住這個冇死吧！頂... 雞扒"霉"的，手打烏東可能打得多過頭，一條條斷的，應該用碎黎形容，要好似飯咁扒。街市買的烏東一定好食過佢！仲有，D海帶好似食緊廁紙咁，成碗野比較好D係粟米....寄世鍋﹕這鍋真係極品！D蠔細粒過蠔屎，唔緊要，好食都冇所謂！但... SORRY，食落去有D臭的，FUXK！唯有食菜吧，但D菜冇乜味的，D湯先大鑊，菜水黎的... 雖然係收5X蚊左右，但唔好俾D咁既野人食啦..... 荔枝紅茶﹕這杯野食成晚最得的！正正常常。OVERALL黎講，這間野垃圾都不如，唔會再有第二次！埋單2舊，我諗一定大把好既選擇！埋單時，老婆都頂唔住要問個服務員﹕點解你地D野可以咁難食的！個員工係咁講唔好意思。但我聽到後面有個經理細細聲咁講左句﹕車，咁既價錢係咁架啦！

今日(9-7-2010 Fri)爸爸返大陸,我同男友決定出街食晚飯,未有頭緒時就約男友放工o係荃灣等,我o地去到路德圍附近見冇咩好食,就諗住去華都中心森美餐廳,行到街市街諗起呢間,帶男友行o黎,佢就決定呢間.上到o黎都只係7:00pm左右,但已經幾多人,我o地坐低後就係咁睇menu,男友極速決定o左要:5.$33.00o既可樂餅男友發現有呢樣o野就兩眼發光地話要叫,menu話係餡係蟹肉同瀨尿蝦.呢個係第一個到,一睇落去,顏色好深,係咪炸過龍呢?食落,熱辣辣,外層炸到有啲硬,而餡係壓成蓉,我唔係咁食到兩種海鮮味.1.$9.00o既京蔥串燒原本男友叫2個,女侍應落單後返o黎話剩返一串,就改一串啦.一串有四件,佢夠大件,我食o左一件就唔食喇,因我覺得有啲生,唔係太接受,男友鍾意食就由佢啦.2.$10.00o既雞腎串.呢個比較乾身,但味道夠濃.3.$10.00o既豚肉串唔….男友啣o左檸檬汁落去,豚肉嗦晒啲味,攪到我只食到檸檬味.4.$68.00o既寄世鍋(海鮮)定食(唔辣)呢個有前菜,,白飯,麵豉湯同燉蛋.今日前菜係煎三文魚,寄世鍋裡面有好多料,有金菇,小棠菜,多春魚,蝦,蟹柳,青口,冬菇,