江浙滬 (堪富利士道) (已結業)

#小秘書 同班好朋友已經超過一年無見過，幸好最近疫情穩定，我哋終於可以見面喇😉 朋友仔提議呢次去食 #上海菜，我當然要幫手做啲資料搜集啦… 可惜水準高又可以擺到6人枱嘅餐廳唔多，我哋最終揀咗 #江浙滬。#江浙滬 位於 #堪富利士道 一幢舊式大廈，裝飾得 #古色古香🏮 餐牌上嘅選擇都唔少，不過話晒第一次嚟幫襯，我哋梗係要參考吓餐牌上嘅「新鮮推介」啦，#紅燒肉墨魚 睇嚟都幾特別，一於試吓佢。嚟得食滬菜，#小籠包、#紅油抄手、#銀絲卷、#奶油津白… 當然唔少得🤤 講返個 #紅燒肉黑魚，比想像中還要入味，厚厚嘅墨魚，咬落去鬆化得嚟又幾鮮味… 正！最後叫咗 #上海甜點 做結尾，#豆沙窩餅、#薑湯湯丸、#酒糟丸子… 樣樣都咁出色… 不過如果可以撇除啲 #二手煙 味😮‍💨我相信會更完美囉😝

去到坐底即時落單 等左半個幾鐘都未有野食 成場得四枱 連埋我。跟住有個阿姐拎張單黎叫我找數。。。你d野冇上過 我都未食到喎😅咁問個阿叔叫佢催吓啦。聽到佢問頭先點餐阿姐 有落咗單係咪 阿姐話落咗啦落咗啦。之後2:20拎張單黎 上面時間2:15 我問佢我坐咗半個幾鐘而家先落單？佢話煮緊。我夠知你終於落到單梗係開始煮啦！ 然後另一阿姐係咁話 ‘下次落單叫我丫嘛!’ 喂。。。我會唔會知你哋邊個打邊個呀😭大佬呀 唔好玩我啦 趕住去接放學呀。

好耐冇食上海菜喇因為搵唔到一間啱心水今次睇評價就試吓喱間幾香，但唔知咩茶烤麩好淋爛，質感唔好，味道亦麻麻肴肉非常之硬，味道係可以，但質感真係唔得小籠包最正常，皮薄餡多湯汁，冇酥味回鍋肉唔掂，唔係嗰樣嘢上海粗炒唔掂，唔掂呀！究竟香港仲有冇一間上海菜可以食架呢？

星期日是母親節，家人訂了上海菜與母親慶祝。這間館子在一樓，設計極之古典，因我們訂了6:30pm，入座時不多人。它有大餐牌及這張單紙推介，我們叫了4個點心丶4個主菜丶及1個甜品。黑松露燻蛋（$68）樣子不算特別，食落有獨特的木燻香，與黑松露醬亦很夾，加添了蛋的香味。蛋黃亦算OK，若然能夠更流心，味道更佳。😋😋水晶餚肉（$58）先上，味道認真普通。其質地過度結實，咬落沒有肉香，冇平時在上海菜館食果種啫喱感覺，有點失望。👎🏻👎🏻👎🏻小籠包是一籠四個，味道則不過不失，包皮厚薄適中，但內裏的豬肉餡無乜肉味，肉汁亦不豐。食小籠包最重要是皮薄餡靚，它只做到一樣。蒸餃味道一樣，無乜肉味，要靠點醋來提味。👎🏻👎🏻清炒河蝦仁($138)的蝦樣子不太新鮮，咬落彈牙，但同樣冇蝦味。😞魚湯蒜子津白（$56）的菜幾鮮甜，算是較為好味的一道餸菜，但份量略嫌太少。😋😋我們還叫了2個餸：獅子滾球($98)及糖醋松子魚（$188）都忘記影相。獅子滾球做法傳統，用老抽調較深色，汁味濃但獅子球冇肉味，肉質亦不幼滑，可惜！👎🏻👎🏻👎🏻松子魚原條上，賣相OK。魚肉尚算幼滑，皮亦炸得香脆。酸甜汁有菠蘿及類似蒟蒻物體，但獻做得太稠，

本人唔敢講佢哋嘅上海菜有幾正宗不過我夠膽講我佢嘅食物質素10分好先講吓餐廳環境，好傳統嘅中式枱燈及牆壁擺設，環境十分舒服今日人多，叫嘅嘢食都多😊😊小籠包-一定過好食出邊好幾間大品牌連鎖店，皮薄多汁👍🏻👍🏻（所以咪叫咗6籠囉😋😋）生煎包-同小籠包一樣，都好有水準👍🏻👍🏻水晶肴肉-雖然知道呢個係手工菜，不過呢個份量，價錢就高咗少少😅😅擔擔麵-湯底好香，食咗唔口渴，唔會太辣👌🏻👌🏻回鍋肉-極力推介，喺出邊食到好食嘅回鍋肉都唔係一件容易嘅事，佢嘅調味做得非常恰當🤤🤤炸饅頭-👌🏻👌🏻上海炒年糕-同回鍋肉比，味道淡一點，不過都幾好食👌🏻👌🏻香蔥煎餅-佢個style係紙咁薄，好脆口(好好食，所以食完第一碟，要叫第二碟😜😜）鴨血粉絲湯-賣相唔好睇，所以冇影相，不過味道OK上海粗炒-味道龍濃過上海炒年糕，個人認為粗炒食啲👍🏻👍🏻上海醬鴨-我諗呢個係成餐飯最低分嘅一個，味道偏鹹，份量太少，可以唔使試😬😬四起烤麸-👌🏻👌🏻清炒豆苗-👌🏻👌🏻酒釀小丸子及白糖桂花糕-不會太甜的飯後甜品，味道剛剛好👍🏻👍🏻總括而言，值得一試，菜式選擇很多，豐儉由人，小籠包、回鍋肉、香煎蔥餅，有機會要試吓👏🏻👏🏻👏🏻👏🏻

坐廳同訂房我都試過房間也唔差，都舒服食物都keep到水準，我巳經變左定期間中去食下＾＾＃有D食物要提早預訂，想食記得訂定呀片皮鴨，朱手，等等高力豆沙餐牌無，但有次問起原來如想食可以訂定，又機好服務，可以如我所願好好味，我自己食二個唔夠口。。。。

兩個人簡單點了4款，款款都好食。四喜烤麩一般都係凍嘅，但係佢係熱辣辣，味道也好！想推介嘅係佢嘅五香牛展，厚薄適中，入口好香麻油味，好入味。呢個牛展配飯或者配擔擔麵都非常好食！擔擔麵湯底香濃，好多豬肉碎同花生碎，夠香辣食得十分過癮！粢飯係兩條幼幼的，味道中規中矩啦，都夠熱同足料，但始終都係大中碌有口感好多。憑傳單付款有九折，折實一人只是一百蚊鬆啲，有呢個質素相當不俗！見隔離枱叫左大閘蟹，聞到好香，質素應該都有返咁上下，同埋都有好多蟹粉菜式，望一望價錢都唔貴，有下次！

今日係尖沙咀食上海野～店內裝修好別致！古式古鄉咁～好懷念之前係上海食過既中式菜～水煮牛大大碟幾好食😋叫左小辣～有我最鍾意食既生煎包添！入面好多汁～小龍包既口感都好好～👍🏻👍🏻懷念中式菜好去處～

我就叫咗以下最普通嘅餸，但真食一路食一路後悔食呢間嘢1) 鴨血粉絲窩 係成晚最食得落口嘅一個餸。因為係正常味道 ，不難食就係最好囉2) 生煎包 真係難食指數達10級，成個包好似用油浸甘，一食成口油， 個d肉餡係霉 咸到食緊鹽咁3) 小籠包皮厚度係適中嘅，但d肉餡都係霉4) 湯餛飩皮厚度係適中嘅，但d肉餡又係霉㗎，同樣個餡咸到食緊鹽咁所有肉餡都無霉~~~5) 上海肉燥麵呢個個湯又係咸到食緊鹽咁，d麵又過淋真係埋單三百幾蚊，仲衰過食街邊檔仔囉一定唔會再食呀

今日用OpenRice點外賣自取，依照飯店提供的時間到達，可惜飯店內的姐姐話差一樣未齊，要我再等一等。再等10分鐘，姐姐打電話入廚房，兩隻素菜包蒸好未，答案未得。其實飯店內只得姐姐一個服務員，雖然午飯時間人流唔多，當時3枱客，每枱3、4個人，但見佢行出行入，又要到水吧遞飲品，又要入廚房遞食物都好忙，我都未有催佢。好啦，再等多10分鐘，姐姐忍不住走入廚房問兩隻蒸包得未，終於幾分鐘有了，姐姐盡快幫我包好外賣。當我離開飯店時，其實一直在大門口等外賣，等外賣呢段時間二十幾分鐘，已經聽到廚房入面阿叔只不停大聲傾計，唔知有乜咁好傾，傾到店內及外賣的食客都要等咁耐。再講返飯店的食物，當日點咗雞火炒飯、揚州炒飯、上海炒年跟素菜包，炒飯味道係不錯，米飯粒粒分明，不會油膩，而且味道剛好唔會過喊。上海炒年糕，年糕很煙韌，醬汁剛好。

食物質素一般 衞生差 唯員工服務態度不錯叫咗個「招牌」小籠包, $48 得4粒, 仲要唔係即整！上枱嘅時候, 好明顯已經擺咗一陣, 凍凍地, 仲痴住咗啲塵係面🙃 最頂唔住係不停有啲蚊螆仔(or果蠅?) 飛嚟飛去, 一個唔小心隨時食埋落肚... 自問對環境無太大要求, 普通茶記都係完全接受到, 呢間嘅衞生認真麻麻。疫情期間亦無幫客人量體溫。當晚全場爆滿, 亦都好嘈, 同隔離枱好近, 唔係好傾到計。應該唔會再幫襯🙁 明明已經睇咗其他食評先揀, 點知都中伏！

今日朋友約我話想去尖沙咀睇吓手袋, 出到去又唔知有咩好食漫無目的係條街度行點知經過呢一幢大廈樓下有個侍應姐姐派傳單, 非常熱情咁推介我哋入去試吓, 見價錢又幾抵食就一於入去幫襯下我哋叫咗個XO醬炒年糕仲有清炒蝦仁，個清脊竹蝦仁睇價錢好似有少少貴但嚟到我覺得幾值得，分量多之餘，蝦都仲幾彈牙，食落口都唔會有說味都幾有鮮味，睇落簡單嘅餸其實要煮得好味都有難度，整體來講呢一間餐廳都非常之滿意，絕對係可以搵一日再幫襯㗎

今日約咗朋友出嚟去尖沙咀行街睇吓手袋，，經過見到餐廳樓下有姐姐派傳單，非常之熱情，，見價錢有幾老實上海野來講我哋都食啱嘅，既然冇乜頭緒就一於試吓啦，，上到去餐廳都仲係唔係咁多客，不過估唔到唔使半個鐘就已經八成滿座，睇嚟口碑都有返咁上下，，我哋嗌左幾樣小菜我最鍾意嘅就係花雕醉香雞，入味之餘唔使講雞肉嘅本身仲幾滑，，分量來講啱啱號我哋兩個女仔啱啱都食得晒，餐廳嘅環境都幾舒服慢慢食嘢傾吓計都唔錯㗎！！！

不能外遊，唯有留港消費，聽朋友講香港的酒店優惠又多又平  。 於是在網上找找，在尖沙咀住一晚酒店價位只須以往的1/3價錢，超抵住。 附近商埸林立， 十分方便。 而餐廳選擇也五花百門，我們鐘情家鄉 「上海菜」。「江浙滬」是我們的首選， 因為和酒店只有五分鐘路程， 落大雨都唔怕 。銅鑼灣那間 「江浙滬」試過幾次，首次到尖沙咀這間，這裡的裝潢和銅鑼灣那邊差異很大，尖沙咀店走中國風， 雖然裝潢上略帶點點陳舊， 但反而更顯味道。 而且食物選擇更多，有幾款更是經典的上海菜。 今次由男友發板。四喜烤麩 $52用足料包括烤麩、冬菇、毛豆、黑木耳、冬筍、金針等。其出色之處就是其醬汁，色澤深褐，材料等也超入味，盡顯上海菜之特色，將濃油赤醬表露無遺，咸和甜味平衡得唔錯， 很有驚喜！雞絲粉皮 $48芝麻醬夠濃，狠狠地將粉皮和鷄絲包圍著，粉皮爽滑，口味略為厚重，而青瓜爽口有減膩之用。上海式炒飯選擇來來去去都是那幾款，但原來這一味「雞火炒飯」 $76  我從來冇吃過。這碟炒飯好像有點隨意，沒有擺碟， 但其實水凖相當不俗，炒飯光澤油潤；粒粒分明，材料分佈均勻，金華火腿的咸香突出， 入口清爽好吃。 鮮肉小籠包 $46

第一次試呢間上海菜 滿懷期待 結果冇令我失望💕重拾係上海既感覺 餐廳內部光猛乾淨 地方寬敞💁‍♀️必點既係小籠包！熱辣辣 皮薄餡多 啖啖肉汁🤤配埋醋食 風味一流👍仲有正宗擔擔麵 好夠花生味 又唔太辣 份量足😛鐘意酸菜魚既朋友一定要嗌黎試下 足料 有好多薯粉 非常Q彈 不過可以再酸一啲🤭 唔鐘意食辣既朋友可以叫䓤油拌麵👍唔會太油~ 甜品方面 我地叫左豆沙窩餅💕唔太甜 好啱香港人口味 而且煎到金黃香脆 唔會有油淋淋既感覺👍店員服務周到 有禮貌 見我地夾唔到面麵 主動用較剪幫我地剪開啲面麵💁‍♀️順帶一提 知道我地去慶祝生日 餐廳仲送左一籠壽包俾我地