江浙滬 (堪富利士道) (已結業)

趁放假去尖沙咀驚安行街買零食後搵野食，有人派傳單係上海菜，咁又想食下小蘢包，就上去試吓啦😋入到餐館覺得裝修好有特色，而且乾淨，即時心情都靚啲🤣因我6點已入座，故人流唔多😂小蘢包 -個皮唔係薄到透，但煙靭多湯，唔油膩，係中上質素，唔會一夾起就穿，包內的肉都好味😋鮮菌炒鱔糊 -個汁點整到咁好味架，不油膩，夾埋入雞湯薈麵一齊食😛😘。好味😋雲吞雞湯 （碗上）-湯🥣很濃厚感，內有一隻雲吞加少許雞肉，加2條小塘菜，感覺滋潤🥰刴椒大魚頭 -餸到時見佢個面鋪左咁多椒， 就以為佢好辣，食落辣度剛合我口味，魚好滑以及新鮮😘☺️好耐無食過令我感到滿足嘅上海菜，而且待應態度又親民，整體服務OK，價錢又相宜，味道真係唔錯。

係尖沙咀發現好抵食既上海菜！呢間江浙滬共有兩層，涼菜、小菜、點心、飯/麵/年糕至甜品定價大多都係幾十蚊起，而且選擇仲幾多下😝。套餐仲可以任配主食同點心，岩哂想試多啲款式既大家😆嫩雞煨麵 $48完全係二人份量既超大碗嫩雞煨麵🤣，我地兩個人分每人都食左幾小碗🤣幼細既上海麵配搭雞粒同小棠菜粒，口感比較軟腍。蟹粉小籠包 $58一蒸好就即刻拎出黎，超級熱辣辣既蟹粉小籠包，一咬開外皮啲肉汁就係咁流出黎😋，加左蟹粉味道更為鮮味。花雕醉香雞 $68將雞件浸係花雕酒中，食落有陣陣酒香。鮮菇炒鱔糊 $108炒鱔糊充份展現上海菜濃油赤醬既特色。一上枱已經香噴噴，係醬油既香味😁中間加左大量既菇片同草菇，鱔肉份量亦毫不吝嗇😚，煮得彈牙鮮美。江南小米糕 $32係白糖桂花糕同江南小米糕之間選擇左後者，暖笠笠既小米糕蛋香十分出，感覺似食緊濕潤版既雞蛋糕咁😁酒釀小丸子 $28(一位) 店員們都好熱情吖🤣，服務好好，仲會送點心比客人試🤣聽到有啲客人都係一訪再訪，人情味滿分😉

星期六七個大人一個小朋友食外省菜，成間餐廳只有兩圍，午餐好少人，可能是新開張吧! 17樣食物才1000多元!!! 仲送咗4個甜品，兩碗湯圓兩碗清心丸。我最欣賞是乾燒大明蝦，很夜魅，啲蝦好大隻，有大約有半隻手掌咁大，蝦肉質感口實，食蝦最緊要係蝦肉厚實，啲汁又可以好送飯！相反清炒河蝦仁就淡味很多，蝦有冇蝦味😟酸菜魚裏面的魚塊不多，最多係粉皮，基本上全本都係粉皮；味道是可以的，鮮美的。鴨血粉絲湯就很普通了，當然鴨血也是彈牙的。上海醬鴨基本上冇乜鴨肉，隻鴨太瘦，食骨多啲。擔擔麵 麵質煙韌，全本凍哂啲面都唔諗，可以的。小籠包好食多湯汁，煎餃樣子不漂亮所以冇食， XO醬炒年糕也很好吃，因為執多所以感覺很良好。送嘅糖水湯圓很大粒，芝麻餡了又多、薑汁糖水又夠辣。不失為一間抵食的好店👍

在尖沙咀A2出口附近有一家新開的江南、滬菜Building 外裝修得很古色古香，很有江南風格又見到午餐set不貴，就是就去試一試。.餐廳內的裝修也很有古代風見到很多外國人來一嘗「中國」滋味.叫了兩個午餐，每個午餐包點心及豆漿，份量超大的！.回味口水雞飯$78: 辣得很過癮，雞的份量也很多揚州炒飯 $68: 炒得很香，有不少蝦仁江南小米糕：質感有點似馬拉糕，清清的上海糯米燒賣： 很有特色的點心呢，是我第一次食豆漿 - 一杯冷一杯熱.朋友是上海菜粉絲，於是不叫午餐set，叫了一些傳統的滬菜。蟹粉小籠包 $58 & 招牌鮮肉小籠包 $42皮薄，湯多，正！蟹粉小籠包有香濃的蟹粉味，足料！.生煎包 $42包底煎得脆脆的肉多，能鎖著肉汁，手工不錯呢！.上海香蔥煎餅 $46香脆可口，香蔥味突出。不會太油膩，餅不會太厚身，好食！.酒釀小圓子 $28一盅份量多，可以夠兩個人食。有淡淡桂花味，是很傳統的酒釀味道！.在尖沙咀這個旺地段，這個午餐的價錢是超值！

一出尖沙咀堪富利士道出口就會見到呢間餐廳嘅燈箱，好搶眼又富有中國風，似做遊客生意🙈。望多兩望，派緊傳單嘅店員就好熱情走埋嚟叫我哋試下，話新開張有9折優惠。見係中式嘢，呀媽啱食，就跟咗佢上樓😂。上到去環境枱櫈都好有中國特色，幾骨子企理，原來一層面積唔算好大，餐廳佔兩層。食物選擇都好多下，種類由凉菜、小菜、湯、飯麵、點心到甜品通通都有，🌸花多眼亂。而且好多菜式都真係江浙上海特色菜，唔係普通酒樓有賣。除咗翅之外，價格都好相宜啊👍。小菜要咗鮮菌炒鱔糊🐟($108)，如果唔係同呀媽嚟食我唔會叫，因為怕鱔好多骨。但呢道菜竟然一改我印象，鱔肉一條骨都無(黃鱔細條啲)，口感幾正，而且配上幾種菇🍄一齊炒好夾，完全無下欄野，成碟都食得。一上碟時望落好深色，仲以為會好重口味咁，但又唔係啵，真心覺得好食😋，啱送飯。點心要咗蟹粉小籠包🥟(4隻)($58)，見而家係大閘蟹季節嘛，一籠熱辣辣送上，皮薄得嚟唔易穿，有肉汁，點埋醋食唔錯。涼菜要咗金陵鹽水鴨🐤($62)，呢到有幾款特色鴨，揀咗其中一款試。份量係例牌size，肉唔算多有骨，而且鹹咗少少，所以相對一般。另外要咗一碗餛飩雞湯🐔(位)($46)，得2個人所以叫唔

今日尖沙咀行街，去到堪富利士道有派傳單姐姐介紹樓上江浙滬有抵食午餐，見佢咁落力推銷就即管試吓。餐廳裝潢好似古代客棧咁，幾有特色。套餐包一款點心或小食，送豆漿。叫咗嫩雞煨麵+白糖桂花糕+豆漿$58。好記得多年前去某上海菜連鎖店食嫩雞煨麵，得四粒雞粒。呢度就好大碗之餘仲超多雞粒，每粒都嫩滑，抵食又好食過連鎖店不知幾多。桂花糕新鮮蒸出嚟，熱辣辣、軟棉棉，甜蜜蜜中散發淡淡桂花味。之後就叫其他嘢食：【蟹粉小籠包$58】上面加咗小小蛋黃，皮薄、湯多餡多，湯嘅蟹粉味重，真材實料。【翡翠魚米羹$38/位】有蛋花、豆腐、魚肉，味道鮮美。【大閘蟹$88】大約四両多啲，都幾多蟹膏。【魚湯豆苗$88】都幾大碟，豆苗鮮爽、魚湯味濃。【薑茶湯丸$28】近排天氣轉涼，薑茶暖吓身就啱晒。湯丸大大粒，芝麻餡足。