江浙滬 (堪富利士道) (已結業)

尖沙咀新開咗間中菜館，而家食有九折所以決定同朋友一齊試試。食物好有江南風味，而且選擇好多，我地揀咗松子桂魚（＄168）、蟹粉小籠包（＄58）、杭州東坡肉（＄72）同埋水晶肴肉（＄56）。水晶肴肉共有8件，一上碟就覺得成碟好精緻，而且晶瑩剔透😍好耐冇食松子桂魚，一上碟佢d酸酸甜甜既香氣撲鼻而來，令人食指大動！食落香脆可口又開胃，送飯一流！向來鍾意食小籠包，之前去上海幾乎日日食😆呢籠蟹粉小籠包皮薄餡靚，而且咬落去好多汁，正！最後係東坡肉，肥而不膩，而且好入味，唔錯唔錯！

每隔一段時間就會特別想吃上海菜，醬油濃郁啲味道特別喜愛。今晚跟老公去了一間新開的樓上店試試，不知味道如何！飯店地方都算大，上下兩層，裝修簡潔光猛，有點中國風。餐廳選擇多元化，而且價格不太貴。檸檬薏米水薏米份量非常之多，檸檬味清新而且不太甜。特色煎餃長條形的煎餃外型有點似春卷，外皮香脆可口，饀料有白菜，蝦肉，豬肉等等，味道鮮甜多汁。京醬肉絲 （配薄餅）肉絲醬油味香濃，用薄餅包著肉絲，京蔥，可以減輕油膩感，不錯喔！回鍋肉材料豐富，有豆乾、豬腩肉、椰菜等等，醬油味非常香濃，椰菜香甜，豬腩肉爽嫩，味道正宗。

平時在尖沙咀都會路過堪富利士道，不過好少留意到有上海菜館，但今次經過見到門口好耀眼，之後過去望下餐牌，原來這間店都係開左一個月左右，有攞傳單的話仲有九折添。我同老婆都好耐沒有食過上海菜喇，到最後決定去試下。坐底之後這間店舖好有中國風，環境都不錯。【招牌鮮肉小籠包】$42這個小籠包比想像中出色，皮非常之薄，內餡多汁，滿滿的湯非常鮮甜，令我忍不住好快食完這個小籠湯包。(見意不要放太久)，熱辣辣的湯汁，真係好正。值得推介!!【上海粗炒 】$68好有鑊氣，顏色方面令每條麵條上色得好均勻，又夠彈牙又好煙靭，而且配菜都唔少，份量好多。它的味道令我回想起好久之前的上海菜的味道。再三推介!!【豆沙窩餅】$36蛋味好香，脆脆的表皮，再配埋不會很甜的豆沙反而好得。【凍豆漿】豆味好香，又不會太甜，不錯。

星期六同仔仔去完九龍公園放電，我們就行去對面周圍睇下什麼正野食啦！之後有個派傳單的姨姨話上去試下啦！新開張架，依家仲有下午茶的，就係咁上左去食。睇完餐牌我們叫左以下食品:京葱爆牛肉 ~ 配上醬汁炒好入味上海生煎包 ~ 一咬就咇出肉汁，個底又煎得脆好味豆沙窩餅 ~ 甜甜地加脆口姜茶湯丸 ~ 芝麻湯丸加辣姜茶江南白糖桂花糕 ~我覺得有驚喜，新鮮蒸出來食一件軟綿綿唔太甜岩我。下午茶餐 ~揚州炒飯 + 涼拌青瓜 + 凍薏米水酸菜雙魚泡飯《魚腐+魚片》+四喜烤麩+可樂炒飯炒得夠乾身， 青瓜又係被仔仔食哂冇份食，不過仔仔勁讚好爽脆夠酸。雙魚泡飯個酸辣味夠，但如果個湯再多返d 就仲正。

剛去完旅行, 買了手信帶回來給好姊妹, 便相約一同到尖沙咀吃滬菜, 這裏位於尖沙咀地鐵站出口一出就到, 實在太方便了餐廳共有兩層, 主打中國風的設計, 很高尚大氣的滬菜館, 點菜單上有很多很多選擇, 幾乎我喜歡吃的東西都全部可以點到, 單是看着菜單也已感吸引花雕醉香雞($68)花雕酒味清香撲鼻, 雞肉爽口擔擔面($42)其麵條細滑, 主要佐料有紅辣椒油, 芝麻醬, 肉末, 碎花生等, 油香帶點麻辣回鍋肉($68)是江浙滬菜中的經典, 用上了大量的椰菜, 配上一絲不掛的五花肉片, 令人食指大動小籠包($42)是即點即蒸的, 大量的湯汁包裹着鮮肉, 實在太好吃了咕嚕蝦球($118), 甜甜酸酸的醬汁配上了大蝦, 令人很開胃呢總結而言, 很高興能發掘了一些新派的江浙滬菜, 期待下次再光顧

香港市面稍為平靜Ben爺便急不及待約老友去食好東西, 已經很久沒有去過尖沙咀了,今晚的首選是上海菜,江浙滬是不二之選.這裏的裝修有上海風味食物出品精緻,菜色品評如下;花雕醉香雞68元浸滿了花雕酒的雞件,酒香撲鼻,雞肉嫩滑,花雕酒強化了雞肉的鮮味,真正的令人齒頰留香.回鍋肉68元混合了典型上海醬油的回鍋肉加上豆腐乾,惹味道十足! 很好下飯.咕嚕蝦球118元蝦球很大件整碟菜份量十足小籠包42元上等的小籠包用筷子夾起來不漏底,這裏更加可以用筷子夾起來晃來晃去! 餡料鮮味度十足!吃到二人飽肚才花費372元認真超值!

再次來到尖沙咀，一出港鐵站就見到一間招牌好搶眼嘅食肆，好有特色的外觀，好吸引，結果上咗去試吓😉樓上舖，2-3樓都係佢嘅，一出電梯就係食肆，環境好有特色，好一幅好大的壁畫，牆上面又掛咗啲雕刻畫，都幾靚。由時間尚早，人客不算多，不過食到尾聲時，2樓差不多坐滿，唔怪之得兩層都係佢嘅。講返嘢食，必食當然係小籠包，即叫即整，好juicy，皮不是太薄，不會一夾就爛，剛剛好。除咗小籠包，另一必食嘅就係醉雞🐥，花雕酒味好濃烈，老公食咗幾件之後，佢話都係唔好食咁多，一陣要揸車呢😅再點咗菜肉雲吞，配上紫菜湯，味道不錯👌同亞女去食，必須要點個麵比佢，叫咗個嫩雞㛱麵，湯好濃，，仲有配上白菜🥬清清地唔錯😊最後叫個甜品：豆沙鍋餅，也是即叫即整，熱辣辣，脆卜卜，亞女都食到停唔到口，正呀👍

天氣開始轉涼，今日同朋友搵啲辣野食下！見江浙滬既性價比好高，上黎一試👍🏻地方唔算特別大但乾淨整齊，而且裝修充滿中國風餐單由主食到甜點一應俱全👍🏻同朋友都鍾意辣，點左水煮牛肉，份量都好多牛肉夠大塊，大大啖入口夠香夠辣夠惹味👍🏻而且有豆皮芽菜薯粉，配料份量都好多無少少澱粉落肚仲係差啲野咁，點左擔擔麵超多花生碎，而且湯底夠濃郁，食落啖啖花生香，麵質夠滑👍🏻有小籠包當然唔可以錯過！認真係皮薄餡靚，微微吉穿佢已經流出唔少肉汁😍

除咗日本菜，中菜都係食極都唔厭！上網見到呢一間餐廳食上海菜，選擇又多而且價錢我覺得都幾抵，所以就同朋友一齊上咗嚟食啦！一上到去餐廳係好傳統嘅中菜餐廳裝潢，而且佢啲碗碟都好中國風！我一坐埋位，侍應就已經幫我地斟茶，服務好好！睇返個餐牌幾乎一半以上都有圖文並茂，搞到我款款都好想試，好想食。鍾意食雞嘅我，就梗係要嗌佢嘅花雕醉香雞。食落去個酒味真係好重，而且雞肉都算嫩滑。我都未試過食咁重酒味嘅雞！然後我哋都忍唔住嗌埋呢個金玲鹽水鴨，其實佢份量好多，而且全部肉都好厚身。佢鴨皮同埋肉嘅比例啱啱好。之後其實我哋都嗌咗一個香蔥海蜇頭，佢嘅賣相同餐牌上有啲出入，但係個味道一啲都唔差，佢下面嘅青瓜都伴得好好，青瓜同海蜇真係match得好好食。之後我哋就嗌左個蟹粉小籠包，因為上次我同朋友一齊去上海嘅時候，就對嗰啲小籠包好念念不忘。小籠包嘅皮算好薄，而且入邊嘅湯汁非常之多，朋友夾起嘅時候唔小心跌咗個小籠包落去個籠上面，但係佢個皮都冇穿冇爛！之後我哋仲嗌咗個雞火炒飯，啲炒飯炒得好粒粒分明，而且唔會好油。入邊嘅雞肉亦都好多，而且都唔會好乾身。最後飯後甜品就梗係要嗌返個湯圓，佢一盅得兩粒湯圓，但係每一粒湯圓都好大粒

尖沙咀新開左間兩層既上海菜，今晚就同友人黎試試。餐廳好有中國既特色，牆上畫滿中國特色的畫，而枱櫈也是中式的木枱木椅！點餐紙上有多款上海菜式可以揀！花雕醉香雞，這裡的醉雞好濃花雕酒味，雞肉嫩滑，浸得好夠時間，所以味道非常濃郁！水晶肴肉，肴肉整得晶瑩剔透，軟硬度適中，配上醋一齊食更能帶出鮮味！鴨血粉絲湯，係香港好難食到這個湯咁有上海的味道！湯底味道帶有少少胡椒的味道，好香芫茜味，鴨血份量都幾多，而且還有鴨腸、鴨腎等內臟在湯內！而粉絲和湯的份量都幾多，每人也可分到3小碗！小籠包，這裡的小籠包皮都幾薄，唔會太厚，湯汁好鮮甜，配上醋一齊食味道更突出！魚湯蒜子白菜仔，白菜仔煮得剛剛好，咬落爽脆，魚湯鮮甜，清清地，唔會太濃味！雪菜肉絲炒年糕，年糕煙煙韌韌，有淡淡的雪菜味，唔會好咸，是一個清清地好選擇！豆沙窩餅，外皮煎得脆口，豆沙餡唔會太甜！能夠在尖沙咀區食到唔太貴的上海菜，而且味道賣相也不錯，實在值得再光顧！

響尖沙咀覓食🙈遇到一間味道幾好中菜館🤤而且價錢貼地，仲要份量十足👍XO醬炒年糕😛$72好好食😛年糕唔太硬，仲有咬口😌連同肉碎、菜同XO醬一齊炒😉鑊氣十足，餸飯一流🤤冰梅小排骨😏$76酸酸甜甜😌食落相當開胃😛而且有種外脆內軟嘅感覺😀花雕醉香雞🐔$68酒香味甚濃😳凍食酒浸香雞🐓估唔到肉質鮮嫩細滑😮食完有些少醉意😂擔擔麵🍜$42好大碗😛湯底夠濃郁😚帶微辣😎天氣凍嘅時候真係好正😘杭式蔥油拌麵😌$38簡簡單單嘅蔥油撈麵😏醬油配合蔥油😚絶對係我最鍾意嘅組合🙈上海陽春麵😉$32清清淡淡之選🙈豆沙窩餅😎$36飯後甜品😀外脆內軟，豆沙味道夠香👍江浙滬 (尖沙咀)尖沙咀堪富利士道11號2-3樓

今日係尖沙咀做野放lunch既時候見到呢間新開既上海菜又唔想諗食咩就順勢去試下新餐廳.一出𨋢連𨋢口都裝修到好有中國特色,lunch menu係尖沙咀黎$40-$60講包一個主食,小食同飲品真係好抵食.雞絲粉皮粉皮夠滑又Q彈,粉皮完全掛起晒麻醬.麻醬夠香好重芝麻及花生醬味質感夠杰唔全溝到水汪汪咁.蟹粉小籠包今日終於食到2019第一次亦都可能係最後一次既大閘蟹.先講小籠包皮,師父手工幾好小籠包皮夠晒簿夾起又無穿到.蟹粉好香濃,內裏小籠包湯汁都充滿蟹羔黃既味.蟹粉拌麵,趁住有蟹粉系列食多碗蟹粉拌麵😎餐廳出手好闊綽,基本上蟹粉完全覆蓋左底下既拌麵.拌均勻後食第一啖已經好香份量又夠晒多好滿足.川式擔擔麵+糯米燒賣.擔擔唔算好辣所以啱晒無呢d唔係好食得辣既人.芝麻醬都幾香而且內裏好多花生碎同肉未好夠味得黎又唔全搶走左擔擔麵既辣味.糯米燒賣外皮同小籠包一樣夠簿內裏糯米餡煙煙韌韌,帶少少臘味香味.瑤柱賽螃蟹.$62好抵食,蛋白炒得唔全過老食落好多瑤柱粒同芥蘭粒.炒得唔會好油膩加上少少醋食更香又開胃.

為了慶祝好友脫離苦海轉新工，就請她去吃魚翅及吃頓好的吧～🤣🤣千萬別常轉工呀～🤣🤣濃湯雞翅~這個不得了❗❗翅是能夾起的，份量還要不少😍😍雞湯亦很濃郁，很正啊🙈🙈糖醋魚塊餐~糖醋汁不會很甜，剛剛好，魚塊亦有厚度，不會像只有粉包那種👍回味口水雞套餐~這個是辣辣的，醬汁很惹味，朋友平日不吃辣，今天卻跟我搶起來🤣過份了涼拌青瓜~很解辣，青爽野菌伴金針菇~不錯，好吃的豆沙窩餅~蛋味很濃，豆沙反而不會很甜，吃了沒那麼多罪惡感🤣薑茶湯丸~一開碗蓋已傳來陣陣薑味，甜度亦剛好，不太甜檸檬薏米水~很足料，飲一杯利水，2小時已去了3次洗手間，不知道體重是否真的減了磅😍😍豆漿~豆味不錯，都是剛好不太甜

曾經係銅鑼灣江浙滬同同事食過幾次lunch, 近排發現原來尖沙咀開左分店, 個門面仲要好搶眼, 紅燈籠加上木系裝潢好有中國風味, 就上去食個晚餐。餐廳環境同門面一樣咁有特色, 牆上木雕同字畫都加添幾分古色古香味道, 餐牌附有實物圖。樟茶鴨樟茶鴨做法繁複, 又要煙燻又要脆炸, 唔係度度有得食, 依個樟茶鴨皮脆肉嫩又咸香, 帶有淡淡煙燻香, 配埋蝴蝶包一齊食, 中和番個咸味, 別有一番風味。花雕醉香雞店員擺低時已經聞到好香花雕酒味, 雞好嫩滑亦好入味, 花雕香滲哂入肉同時亦食到雞肉香氣, 好好食既頭盤蟹粉小籠包餐廳有一系列既蟹粉餐牌, 叫左個蟹粉小籠包試試, 皮薄餡靚又多汁, 蟹粉味道令湯汁好鮮甜, 值得一叫!擔擔麵麵既湯頭十分濃郁, 質感偏濃稠, 好濃郁既花生香氣, 有花生粒既口感, 再帶少少辣味。麵條麵質彈牙有口感, 湯夠濃所以好易掛滿麵條, 出色餛飩雞湯因為食完擔擔麵同樟茶鴨比較濃味既菜式, 好想飲個清清地既湯, 於是叫左一位既餛飩雞湯share, 好清甜, 中和番擔擔麵既油膩感薑茶湯圓最尾梗係要叫個甜品, 哩d天氣最岩食個薑茶湯圓暖暖胃, 薑茶唔太辣亦唔會好甜, 熱辣辣飲落好舒服,

香港的年輕人常常都喜歡吃火鍋、日本菜、韓國菜等菜式，卻好像常常都會忽略了傳統的中菜，其實中菜都有分很多種類，譬如是粵菜、京菜、滬菜等等。男朋友是上海人，之前在他的家中吃過他父親親手弄的上海菜，也在外面試過數間上海菜，味道當然都不錯。在銅鑼灣渣甸街有一間我常常經過的「江浙滬」餐廳，一直都沒有機會試，發現尖沙咀也有的，剛巧到尖沙咀便想試試。裡面的環境同樣富有中式色彩和宮廷風格。桌面上裝著調味料的樽也很古典，是我很喜歡的青藍色，令我想起了周杰倫唱的「青花瓷」以尖沙咀的中菜館來說，價錢都不算太昂貴，比較便宜的只需要40多元，較昂貴的也只需要120多元。除了各項主菜，還有各款飯、麵、年糕和點心，款式非常多。最近是大閘蟹「當做」的季節，這裡特別有個餐牌包售了不少有蟹粉的菜式，作為蟹迷的人可不能錯過呢。男朋友是上海人，說擔擔麵在上海是名物，來到上海菜館必定要點的，我自己就不敢吃太多，因為怕辣。擔擔麵來到我也嚐了數口，味道不太辣，湯底有很濃厚的花生味，但男朋友說這不是花生味而是上海豆瓣醬的味道。麵條則很軟稔，但同時帶點爽口，店員還問我要不要用剪刀剪麵條，證明廚房事先是自己弄麵條，麵條不會容易被弄斷。四