江浙滬 (堪富利士道) (已結業)

尖沙咀某街入面有間裝潢非常中國特式既食店，已經想去試好耐，今日約埋鍾意食上海菜既朋友一齊去試入到店先發覺，唔止外面裝潢有中國風味，內裹既設計同餐具都好有特色。牆身畫上左好有古風既畫作，打卡一流。坐位又闊又舒服，有VIP 房可以比一家人節慶食飯添。今日簡單叫左幾味鍾意食既菜式,有酸菜魚、口水雞同招牌鮮肉小籠包，另外仲叫一碗泡菜牛肉麵。酸菜魚份量非常多，用大盤上，起初仲好擔心兩個人食唔晒，但由於味道出色，兩個人都爭住食。魚肉似係龍脷柳，魚肉大塊又厚身，但肉仲係好軟滑，有啲驚喜。墊底有寬粉，比較爽口，亦好頂肚。湯唔油膩，辣度適合香港人口味，唔會過辣，加上微酸既酸菜，幾開胃。口水雞算係食過味道最好既。醬汁非常辣，滲入雞肉入面，每啖雞肉都食到醬汁既麻辣香味，縱使辣到流晒汗，都忍唔住一口接一口。雞肉係有韌度既，最驚食軟淋淋一浸雪味既雞，但呢個完全冇，惟一可惜係雞肉唔夠滑。招牌鮮肉小籠包值得一試，之前食過幾間小籠包專門店都唔及呢間既小籠包好食。皮薄而肉汁非常多，價錢亦大眾化。泡菜牛肉麵都有驚喜，麵條好彈牙，即使隔左一段時間都唔會淋晒。牛肉亦係好新鮮，中式既泡菜亦起到提鮮作用。最後叫左碗姜茶湯圓。係咁

數星期前路過這𥚃附近，看到樓上開了一間新的上海菜，看到名字有點眼熟，之後在網絡上，看到原來是從銅鑼灣總店開的分店。店舖有兩層，樓處二、三樓，裝修得很古典優雅。花雕醉香雞$68，酒的香氣滲入雞肉內，沒有一點苦味，只有酒香，雞肉爽口彈牙，是正宗的味道。美味酸菜魚$118，酸辣道適中，魚肉份量不少而且嫩滑，湯頭味道鮮甜，還有些薯粉在內，確實不錯。蟹粉小籠包四隻$48 ，小籠包肉汁豐富，蟹粉味道香濃，再加點浙醋，便成為了一道絕佳的小食。　

上周在尖沙咀附近逛街，路經此處看到這一間新開的樓上小菜餐廳在樓下放着菜單，看過菜式後覺得收費合理於是便試一試第一道鮮菌炒鱔糊經已帶有驚喜，調味濃郁，而且鮮菌感覺10分新鮮，每一口也是菌類那種爽爽的口感，另外鱔糊帶有一點魚腥味是我個人十分喜愛這個煎餃同樣值得推介，外皮十級香脆，而且餡料十足，外皮香脆的口感並不是每一間煎餃餐廳能夠做到上海粗炒分量十足，結果我和朋友二人也食不完，而且材料十足有大量椰菜和冬菇，並且調味也調得好，同時間有份亦不會過多，滿足了香港人不喜歡吃上海菜太油膩的願望滿足了香港人不喜歡吃上海菜太油膩的願望

上星期同朋友喺尖沙咀行街行到晚飯時間路經呢間樓下，店員落力推介加上差不多到晚飯時間，於是乎便上去一試花雕醉香雞$68 - 酒味濃郁，而且雞肉處理好Q彈，連雞皮都做到爽口嘅感覺雞絲粉皮$46 - 呢個又係我每次食上海菜都一定會食嘅菜式，呢間佢採用嘅粉皮比起其他餐廳較為厚身，令到口感更加有質感，而且佢嘅麻醬味道非常濃郁，完全對得住上海菜濃味嘅宗旨煎餃🥟$48 - 煎餃同樣10分驚喜，外皮煎得非常香脆，配上豆瓣醬食一流！呢間上海菜喺尖沙咀來講收費都唔算貴，而且味道都有保證，我同朋友都異口同聲話有機會會再過嚟

最特別就係呢度完全俾我投入到上海杭州環境去食飯, 而且同朋友去, 就係享受緊價錢商宜fine dining 一樣. 職員態度親切同埋SERVE 食品效率都好好擔擔麵真係好大碗, 兩個女仔食一碗都好夠飽, 但上海菜, 點都要點小籠包, 肴肉同醉雞先得既!我同朋友一致覺得小籠包最正就係皮既厚/薄度適中 - D 汁唔好要咁易漏出來, 同埋唔可以厚到太難咬. 而另外肴肉都係我既至愛, 因為整得好精緻!

我一向都好愛食上海野, 江浙滬係尖沙咀開左分店, 當然要去食啦, 因為佢地D小龍包真係做得好好食, 皮薄餡靚, 我地見而家係大閘蟹季節, 就緊係叫蟹粉小龍包($58)來食下啦, 好鮮味肉又好香, 每人兩粒真心想再加多龍, 但又叫左太多野食, 所以留返下次再食啦, 另外, 我地都必食嫩雞煨麵($48), 因為我覺得嫩雞煨麵真係可以食得出餐廳有冇心去做食物架, LEE到個嫩雞煨麵就做得好好啦, 麵唔會難哂, 但又吸到雞湯既味, 正!!!! 有一個令我驚喜位係鴨血粉絲湯($38),湯底好正, 鴨血滑溜仲有一點鴨內臟一齊, 一碗$38但其實夠兩個人飲了, 將會成為我們的必叫之一。另外, 我地都叫左以下食物, 特色栥飯(咸點)$32、魚湯蒜子菜心$52、香蔥海蜇頭$68、金陵鹽水鴨$62, 全部都好正!!!!

中式菜當中個人偏好上海菜，尤其是擔擔麵，今天待意帶媽媽到尖沙咀一間新開的上海菜餐廳試試。先點了招牌上海小籠包（$42）和擔擔麵（$42）。擔擔麵份量非常充足，當然湯底是最重要，花生不算是我吃過最香濃的，但與花生、碎肉等其他配料配合得很好，挺不錯。香蔥海哲頭（$68）非常開胃的涼菜，海哲底還有清瓜，令味道更清新。來到最期待的小籠包，熱辣辣地上菜，皮薄又juicy, 吃兩隻是絕對不滿足的還點了樟茶鴨（$78）試試，鴨外皮烤得很香脆，很有驚喜呢！

尖沙咀呢間上海菜館地點好方便喺堪富利士道 上去2樓樓上舖就係啦環境有兩層 裝修比較古色古香藝復古裝修 位置舒服☺️兩個人食或者一家人呢食一圍都可以包房嘢食方面非常大眾化 分量同味道都相當唔錯👍💟小籠包皮非常薄咬落去好多汁非常juicy 啲肉仲好新鮮湯唔算多油好鮮味🔰生煎包做到上海生煎包嘅效果多汁 入面啲肉調味調得好好美中不足係煎得唔夠脆💟上海酸辣湯麵大大碗 分量足 入面有筍絲豆腐乾 雲耳木耳配酸辣湯 兩個人食絕對食唔曬🔰松子黃魚極推薦 本身份量多魚係完全起曬骨一條骨都冇炸到非常香脆啖啖肉芡汁做得好好 唔會太杰酸酸甜甜 我唔太食魚都食得曬如果多啲松子就好💟杭州東坡肉配蝴蝶包東坡肉覺得好入味 林得後唔會散曬味道好好 唔會感覺好肥膩夾埋蝴蝶包食 勁好味 亦都好飽肚價錢唔貴💟豆沙鍋餅係師傅diy 非常之薄嘅皮炸到脆卜卜配紅豆 非常滿足.餐廳價錢唔貴食咗咁多嘢摸住個肚覺四百蚊 侍應服務好會幫手斟茶換碗碟 上菜上得快性價比高 價錢平味道好雖然係樓上鋪 味道同服務質素非常良好.🎀江浙滬( 尖沙咀)🎀尖沙咀堪富利士道11號2-3樓

今天路過尖沙咀的江淅滬，樓下有位女侍應在派傳單，看到午餐價錢相宜，便入𥚃試試。午餐由上午11:00至下午5:30，套餐可享九折優惠。飯麵款式總共有11點，有雞，豬肉，蔬菜，魚類， 套餐可選擇一款點心或小食。送豆漿或薏米水一杯。川式擔擔麵$58，表面鋪上了花生粒和肉粒，湯內的麻醬和花生醬的香味濃郁，麵條煙煙靭靭，份量亦不少。白糖桂花糕兩件，沒有酸味和過甜，口感煙煙靭靭。薏米水，清甜而不會過甜， 薏米味道十足，很有自家製的風味。以份量和質素，都算中上，值得一試。

今日黎到佈置好有中國特色嘅江浙滬入面仲有唔少美酒佳釀供客人選購，例如陳年既紅葡萄酒、白酒、茅台酒、花雕、五糧液等等鴨血粉絲湯鴨血細細粒，好嫩滑，啲湯底方面就同台灣嗰種有少少唔同，因為呢款係會加咗啲胡椒粉，除咗有鴨血同粉絲，餐廳仲加咗啲雞雜添，所以食落成個口感會豐富左炒年糕就用咗雜菜同菇一齊炒，食落就煙煙銀銀朋友就好鍾意呢個賽螃蟹啦，白色嘅蛋白再加左啲青豆蟹肉瑤柱一齊煮，食落清清地，感覺好健康煎餃嘅形狀就同平時有少少唔同，佢係將金黃色呈長方形狀嘅餃子一分為二熏魚大概有五件，醬汁就會係甜甜地，食落就一絲絲嘅，魚肉煮嘅時間就啱啱好最後仲叫咗個清清地嘅雲吞仲有新鮮即煎嘅豆沙鍋餅

我們來得很早，朋友想食完就可以逛尖沙咀，所以早起的鳥兒有蟲食我們叫了套餐，再叫其他野食就已經好飽足。花雕醉香雞 $68不過不失，酒香有但未夠重，可以再浸，雞肉有淡淡的酒香，肉質不錯，凍盤算不差松子桂花魚 $168朋友愛吃魚，我一般，不過上枱就好吸引我，起左部份的魚骨，熱烘烘上枱真係好正。魚肉好香軟，外層脆卜卜，配上甜酸醬真係好惹味，基本上我們都清曬。嫩雞煨麵$ 58 湯很白，雞粒都美味，有白菜粒，非常健康，湯如果多少少就好了，整體不差，麵條分明。杯薏米水都好正，薏米當飯食，很軟身，非常足料，無糖很健康

位於尖沙咀堪富利士道的「江浙滬」，係一間主打江南美食的餐廳，裝修充滿中國韻味及古色古香風情，恍如置身於古代餐牌上嘅選擇好多元化，有涼菜、小菜、點心、飯麵、甜品等等，任君選擇，仲有價值$58起嘅抵食套餐陳醋木耳黑木耳小巧迷你，充分吸收左陳醋，酸酸甜甜好開胃，口感好爽脆濃湯雞翅呢盅濃湯雞翅湯都幾清甜，帶陣陣鮮雞湯香，仲有兩大舊魚翅花膠，充滿骨膠原感覺，真材實料，物有所值，正啊！招牌鮮肉小籠包小籠包熱辣辣，外皮薄，內裡鮮肉餡湯汁豐富，味濃鮮而不膩，真係皮薄餡靚！菜肉大雲吞雲吞果然好大粒，皮好滑溜，包住大量菜肉餡料，好足料！湯裏面仲有蔥花同紫菜，夠哂健康川式擔擔麵擔擔麵可以選擇走辣，湯底係滿滿的花生醬及肉醬，好濃香嘅花生🥜味！仲有新鮮蔥花及花生碎，好香口惹味！麵條粗幼適中，好Q彈有嚼勁，仲有麵粉香添呢上海糯米燒賣套餐可選配一款點心或小食，我就揀左糯米燒賣。外皮頗有嚼勁，內裡嘅糯米加入左香菇，都幾好味，糯米飯口感就腍左少少薏米水用新鮮薏米煲制而成，有大量薏米喺杯底，飲落唔會太甜，好暖身，可去濕江南小米糕一客有四件小米糕，金黃色嘅外表好吸引，有啲似蒸蛋糕。入口鬆軟得來帶點黏牙，口感好特別！味道則帶

今日約咗朋友去上海餐廳江浙滬食lunch，餐廳位置方便，離地鐵站不遠容易搵。上到去見到店內外裝飾古色古香，好有feel。價錢幾抵食，新開張做緊九折優惠，全日免茶芥，午市套餐50至60蚊，就包主食，一個點心或甜品，及一杯餐飲。我哋今餐大魚大肉，有烤麩，松子魚，花雕醉雞，嫩雞煨麵及上湯浸菜心。最喜歡吃松子魚，好耐冇食過啦，松子魚起曬骨啖啖肉，配上酸酸甜甜嘅醬汁，好開胃。飲品選咗熱檸檬薏米水，唔太甜，薏米味濃郁，有清熱美白嘅功效，健康又美味。

庭台樓閣般的《江浙滬》，甚是吸引。樓下有9折傳單派發，又想不到有什麼更好的，即管接受建議，進去一試。陳設古色古香，餐椅餐桌也配合得宜。四人座位亦相當濶落。另一吸睛點是放滿各式酒品的酒櫃，知己共聚，大可淺嚐幾杯，不失雅興。點了幾款傳統的川滬菜式，擔擔麵 $42，湯底似有還無的微微辣，麵條彈牙，份量加底似的，超值之選。鮮菌炒鱔糊 $108，換了鐵腳韮黃，有點創意。剛炒起，夠鑊氣👍。鱔糊鮮味有咬口，是濃油赤醬的代表作。樟茶鴨 $78，價錢很吸引，唯煙燻味略淡，不似預期。習慣片皮鴨的去骨食法，今次有骨落地，又幾有趣。杭州東坡肉 $72，一客四件，另配蝴蝶包。上枱肉汁保持熱辣燙口，抵讚加分👍東坡肉肥瘦相間，肥肉亦已煨至鬆化，入口全沒有肥膩感。那窩汁好味到一個點 💖💖，極級邪惡……，慶幸沒有點白飯，不然撈汁應該可以清兩碗 😍😍立方體的東坡肉，要擠進蝴蝶包，似乎要點技巧 🤣🤣🤣🤣點心揀了上海糯米燒賣 $42，燒賣的賣相，饀料換成糯米飯，口感有點像荷葉飯，有點新鮮感。不論環境、食物質素、價格也有驚喜，從此開飯好地方又添一員了。🥰🥰

尖沙咀一個充滿神秘嘅地方, 大商場林立， 行到邊食到邊仲有一間合你心意。 然而真係識得食嘅話， 梗係要捐窿捐罅， 尋幽探秘 。 今次去的江浙滬 餐廳， 雖然位處尖沙咀， 地鐵站也就在咫尺， 但是因為它隱藏在一棟商業大廈的二樓， 所以畀人一種隱秘的感覺。 然而正因為大廈門前有姨姨派傳單， 才知道 這裏隱藏大師。 餐廳佔商業大廈 整整兩層， 有散座也有包房， 人多也不怕冇位坐。 有各種中式擺設， 然而最顯眼的是一幅秋景， 與人閒靜的感覺。小籠包 摺紋清晰， 外皮搓得薄， 豬肉餡鬆化而且有滿滿的肉汁。上海醬鴨 醬鴨 一上枱就知道非常對版 ， 以農油赤醬 ， 醇厚鮮美為其特色 。 吃一口鴨肉味道濃郁， 肉質嫩而不會柴，軟而不爛，好吃。 醃篤鮮 也是另一款不能錯過的經典上海菜。 雖然只係叫了一人份的醃篤仙， 但是材料也充足， 完全沒有欺場。 鮮肉、百葉結、鹹肉、小棠菜， 無一缺乏。 熱水火慢煮的醃篤鮮， 湯頭鮮美濃郁。 有鹹肉的鹹鮮味，也有鮮肉的甘甜味。 湯頭呈奶白色，喝起來濃厚而不膩，不錯。 松子桂花 呢一度經典名菜 ，非常考師傅的功力。 條魚一上檯， 第一個感覺 就係賣相勁靚，