沐白小農 (已結業)

荃灣簡直係台式飲品嘅集中地 一路上掙扎左好耐飲黑糖鮮奶好？定係飲芋頭鮮奶好？ 見老虎堂超級多人排隊就嚟左呢間試下佢嘅芋頭鮮奶 芋頭鮮奶冇另外加糖 店員仲會主動問你要唔要少冰👍🏼芋頭嘅份量有半杯！😍可能係因為加咗冰嘅關係 鮮奶溝淡左😭個人覺得milksha嘅芋頭鮮奶都幾出色 一於比較下😆沐白芋頭蓉嘅甜度岩岩好如果同Milksha比 我會鍾意呢間冇咁甜🙈芋頭蓉入面粒粒芋頭嘅質地沐白係會有少少爽爽地嘅🤔而milksha嘅芋頭口感係會粉啲個人中意milksha嘅口感多啲！🙈沐白嘅芋頭蓉真係好多好多好滿足！！飲完真係好飽😂

朋友排減價豆花，我就去左試$30大甲芋頭鮮奶(熱)，想叫半糖，店員話杯飲品本身係唔會額外加糖。攞上手即刻試下傳聞中嘅芋頭泥先...果然有濃郁芋頭味，咬落仲有沙沙嘅口感。第一兩啖飲落，略帶微甜，因為煮芋泥時點都要加少少糖嚟吊下味嘅，後來與明治奶充份混合後又覺啱啱好喎總結:芋頭控一定要嚟試下，小妹好耐未飲過咁足料嘅芋頭鮮奶香港真係好難揾到，呢杯大甲芋頭鮮奶，真係有台灣味道，用最簡單方法，就可以品嚐到芋頭嘅原始味道。

聖誕節去荃灣路德圍掃街，見到有好多人，來得路德圍當然必要去試台式飲品啦，一條短短小街，已經有5間飲品店，間間都試過，唯獨有間沐白小農新開未試過，原來係元朗超人氣台式飲品，就更加要試下，首先服務員有成5個人，佢哋個個都滿臉笑容，非常友善及親切，值得一讚，我見佢地有人氣黑糖波霸鮮奶珍珠，但我係其他店已經試過，無咩特式，所以我決定選黑糖薑茶鮮奶，而我女友就選左大甲芋頭鮮奶，出邊比較少見嘅款式，這個大甲芋頭鮮奶，非常足料，有好多粒芋頭係入邊，鮮奶都非常正，值得再去多次飲多杯。

靜悄悄地開了分店👀元朗店開幕時飲過已經覺得不錯 今次翻點了兩款 外加一款冬季新出飲品⛄⛄ ..❤黑糖珍珠鮮奶$30 大甲芋頭鮮奶$30💜雖然用電子磅量足芋泥同珍珠但感覺比之前多 而且仲好味😍(可能之前剛開業多人🙈)今次珍珠煮得剛好 內外軟Q不粉😌黑糖暖手♨芋泥份量多到超滿足 顆粒感很夠芋泥控一定要試💃💃.🍠薑汁黑糖鮮奶$28🍠終於到熱飲季節♨♨呢杯超暖胃 但又唔會熱到飲唔到薑汁挺濃 帶微辣 很多小薑粒🙆配上鮮奶 很有薑汁蕃薯糖水的感覺黑糖味不算濃 但其實而家隻味已經好好😙.☕可可黑糖珍珠鮮奶$30☕剛好煮好的珍珠 熱得燙手♨看著可可即場調配 拌得很勻 沒有粉感黑糖與可可 不會很甜 帶微微苦👍但因為係可可鮮奶 所以不要想像有熱可可的濃苦🍼喜歡朱奶的朋友會愛這個😎.🍊西施柚子茶$28🍊係台灣的柚子茶 不像韓國的重茶感其實係冇茶底的 個人覺得像柚子蜜🙊不會很甜 但也不會澀 底有柚子肉手調飲品中輕盈的一款😌Ermmm 還是喜愛沐白的牛奶系列講真 路德圍咁多間台飲中 最推薦沐白😎

荃灣地鐵一出，平價美食店一大堆，一伙人本來想食$3碗豆花，人龍有幾間舗咁長，見旁邊有間茶飲店，有芋頭鮮奶，好吸引咁，一於分頭行事，兩個去排豆花，兩個買茶飲招牌係黑糖波霸鮮奶黑糖香濃，珍珠份量多，現煮，一攞上手暖暖的搖完15下，冰粒化了就變成冷飲，因為天氣寒冷，我要了少冰，大約係比常溫凍少少，店員話如果多D冰珍珠會更Q我最期待嘅大甲芋頭鮮奶，少冰，少甜，好香芋頭仲食到粒粒芋粒，飲完就滿足囇伯爵紅茶拿鐵加珍珠，茶味香熱飲黑糖薑汁鮮奶，有少粒薑粒，少少辣，好溫暖

係荃灣呢條街上起碼有超過5間以上飲品店，仲有兩間永遠大排長龍的豆腐花店，要係呢到要殺出一條血路絕不簡單，之前知道沐白新開左黎呢邊，終於有機會試下唔洗入到元朗咁遠！飲品選擇都幾多，連鮮豆乳都有大甲芋頭奶選用台灣大甲芋頭，入口綿密，奶味又夠濃仲有唔少芋頭粒粒，幾有咬口，不錯濃情可可黑糖波霸鮮奶見新出品，買杯試下濃郁的可可粉配上台灣黑糖，珍珠有咬口建議飲前均勻搖動杯身 15 下，等鮮奶同黑糖波霸珍珠充分融合，相信愛飲朱古力的朋友會很喜歡

今日買咗三杯返屋企, 分別係黑糖薑汁鮮奶,抹茶鮮奶加紅豆,另外一杯係我最鍾意嘅大甲芋頭鮮奶首先講一講黑糖薑汁鮮奶, 店員話呢一杯係冬日限定加埋係市面上少有嘅薑汁鮮奶飲品， 飲落去杯底有薑母粒粒,有淡淡嘅牛奶黑糖香味, 都幾適合飲開黑糖薑母嘅人，而且唔洗飲曬成磚糖水粒粒， 比較適合唔鍾意太甜嘅人第二杯係抹茶鮮奶加紅豆， 呢杯一定係本人最愛， 佢嘅抹茶好香同啲奶味好夾， 其實之前都飲咗一次沐白嘅抹茶鮮奶，不過今次加埋紅豆，一定係絕配囉， 紅豆粒粒好淋，甜甜地而且入口即溶第三杯就係大甲芋頭鮮奶，其實上一次都講過呢隻飲品係我覺得最值得推介嘅， 點解會再提多次其實係因為今日我飲咗杯暖， 感覺上佢用真正芋頭打芋泥係比較突出， 唔同其他台式飲品 只係落啲香芋味道嘅調味料就算， 今次又講下 熱同凍嘅分別,熱嘅飲落去啲芋頭同啲奶有完全融合嘅感覺,而且因為暖嘅關係 芋泥嘅香甜味比較突出， 而凍飲就好似紅豆沙果種感覺

桃園又一過江龍沐白小農來到荃灣啦~住荃灣的我當然要馬上去潮聖一下之前去台灣已經飲過2次黑糖波霸鮮奶唔錯🤤西門町分店都要排架。.同朋友推薦 我地試左4杯我超中意芋頭鮮奶同草莓鮮奶🍓芋頭超級足料 #芋頭控 必備士多啤梨係用新鮮水果打成唔係得啲糖醬🙌🏻 好鮮味‼️.朋友好中意黑糖薑汁鮮奶佢話冬天飲好暖胃而且又有益 岩曬冬天飲呢個係限定品黎架～❤️.至於黑糖波霸鮮奶 同我係台灣飲既一樣味並無黎到香港就唔同做法/味道唔同左👍🏻又令我想起台灣既味道啦🤤好想快啲下年再去呀。💙

又一間過江龍進駐路德圍😂但唔知係熱潮已過定因為咩原因呢間完全唔洗排隊😳飲得太多黑糖珍奶 今次飲返杯非奶類既嘢🔻益力多綠茶💲24呢個價錢大大杯 嗌微糖反而飲到本身益力多自己既甜味 成杯都真係好益力多 足料👍🏻起碼佢唔係落1支之後不停溝水😂綠茶都係咁上下 不過可能益力多既多令到杯嘢反而冇乜綠茶味 整體不過不失🔻大甲芋頭鮮奶💲30唔明點解封咗口都要加個膠蓋係面😂唔係好環保🤷🏻‍♀️🤷🏻‍♀️🤷🏻‍♀️杯嘢都唔算好奶 入口算滑 芋頭肉幾好食不過好難食到 可能冇shake暈關係但都幾濃郁 中意芋頭朋友可以一試☺️

荃灣路德圍呢頭開得太多台飲店 但間間都大排長龍 有時口渴或口痕都等到癲。我尋日就發現左呢間新野 喺亞玉隔離 門面藍白色design幾靚 就貪新鮮試左杯芋頭飲品。芋頭佔成杯嘅一半 份量超多 同埋杯野只係$30 價錢都算合理 奶味唔係好濃 帶甜味 不過啲台灣飲品通常都係甜味多過奶味 慣左😂店員提左我要chok勻、撈勻哂先飲 口感幾滑幾正 但下次要叫少甜先啱我💁🏻‍♀️ 但講真份量唔少 飲完一杯都好鬼飽 飽到我夜晚食唔落野😖😂

📣 又一台式飲品加入戰團荃灣路德圍嘅飲品店越開越多有大家熟悉老虎堂,東喜茶,良辰吉時等而最近過江龍<沐白小農>亦加入戰團!-今日同朋友試左幾杯野飲當中包括佢地招牌嘅🍠大甲芋頭鮮奶($30)芋頭蓉超多超濃郁 撈勻後每啖都食到芋頭蓉 -圖中另一杯係新推嘅🍊西施柚子茶($28)嚴選台灣南投嘅柚子飲落超refreshing又唔會過甜-佢地鋪位喺兩大豆腐花店隔離飲完再戰$3豆腐花都可以啊😙-Taste: 👅👅👅1/2Value for Money: 💰💰💰💰(on a scale of 0-5 emojis)-沐白小農 地址：荃灣荃興徑2-8號昌泰大廈地下6號舖 // 元朗裕景坊27-31號金倫大廈地下4號舖

台灣桃園又一過江龍登陸香港 天然健康茶飲牛牛🐮🐮【沐白小農】‼️‼️ .係元朗飲過之後一直念念不忘，今次係荃灣發現到新開 沐白小農 嘅蹤影，即刻拿拿聲排隊買返幾杯🤩近年台式飲品店多到數吾曬，當中#沐白小農 就係真正嚟自台灣桃園嘅茶飲店💁🏻‍♀️💁🏻‍♀️堅持選用天然新鮮用料，唔加奶精奶霜，絕對係一杯飲得健康嘅飲品😍.沐白黑糖波霸鮮奶($30)招牌飲品，限量發售！店舖每次製作珍珠都需時2小時，絕對用心～以獨特手法將台灣黑糖同珍珠融合，配埋日本明治4.3特濃牛奶真係好好口感！拎上手仲有少少暖，奶味香濃，珍珠口感比較軟糯🤔所以一定要上下均勻搖晃15下左右，珍珠口感就會因遇冷後自然變得Q彈😻黑糖味都好出，必試！大甲芋頭鮮奶($30)呢杯真係堅正！同我一樣中意大甲芋頭嘅一定要去試～芋頭味好重，真係有芋頭粒同芋頭蓉，非常有口感但又吾會搶咗鮮奶嘅味，吾算甜，同鮮奶嘅味好爽，由於我係芋頭迷，所以好中意，口感之最👍🏻👍🏻.蜂蜜檸檬🍋($24)好解渴嘅果汁飲品，飲前先搖晃均勻，清清甜甜嘅蜜糖，來自台灣雲林嘅純天然蜂蜜，好生津解渴又健康！再配埋檸檬更加清新，甜度雖然係固定咗，但都吾覺好甜！😆整體感覺就係好清甜解膩，

新開張，抱住試新野心態去，見沒人排隊，而且是新開張，沒有太大期望。叫了一杯最普通的珍珠紅茶拿鐵，出面間間賣的都很甜，於是叫了微糖。等了一會兒就有了。一試已經覺得值回票價，甜度剛剛好，中杯又不是很大剛剛好，而且珍珠很彈牙，有口感，很多年沒咬過彈牙的珠了。一定會再去！

荃灣沐白今日開張，見之前有人介紹過話用好多＂天然＂，唔算多人排隊，所以就決定試下，佢有茶類丶鮮奶類丶沐果特調、豆乳類同拿鐡類比客人選擇，當然小不了當紅的黑糖波霸鮮奶，佢仲有D特別推薦：草莓鮮奶同大甲芋頭鮮奶，呢間可以叫做芸芸飲品中的小清新，我因為飲厭咗黑糖類同珍奶，所以叫咗杯布丁鮮奶，鮮奶類好多都係固定甜度，五分鐘左右已經調制好到手，奶味相比不算濃，是淡淡奶香，布丁亦不會過甜，不像平時飲開的甜得要命，且不會飲到最後就淡而無味，足以印證它的天然不假。雖然價錢偏貴，但都可一試

今日開張試飲佢既大甲芋頭鮮奶(太心急唔記得影相），雖然甜度係固定，但唔洗擔心，因為唔係好甜，鮮奶又濃又滑，芋頭蓉好香又有細細粒粒芋頭🤩另一杯有影既就係布丁奶茶，一向又愛布丁又愛奶既我，只可以講需然唔太特別，但奶味香濃，即刻贏晒總結嘅就係同台灣沐白一樣標榜係唔加任何一滴水