沙嗲王 (已結業)

第一次去這舖頭食品不錯有好多選擇真心❤️平到笑衛生也可以地方又夠大朋友約埋一齊三五知己慢慢坐慢慢食員工又有禮貌下次約埋屋企人一齊黎食先得飲品選擇多到不得了冼手間又乾淨

在旺角，地方好找，有大大的招牌，一抬头就看见。来香港的第一天去吃的下午茶，套餐比较优惠，味道、卖相都不错，服务态度也不错，不知道是不是因为饿了有机会再来香港会再去的

我係沙嗲王既粉絲，今日諗唔到食乜，決定又係佢😉去到餐廳見到同遊戲第五人格合作緊，Menu都變咗第5人格，幾特別既有主題性。不過照舊我揀咗必食既沙嗲湯粉絲，今次揀咗豬軟骨。如無意外湯底極濃，同粉絲超Match，粉絲份量亦都好多，豬軟骨好林好入味😋嗌咗個石鍋奶油娃娃菜，好好味，d菜好夠林好入味🤗不過石鍋既關係，d邊邊同個底既菜都燶哂食唔到，有d浪費🤷🏽‍♀️一個椒鹽雞軟骨，份量好足，亦都好香口好脆😋沙嗲王食野好抵！因為滿20蚊就有2蚊優惠留反下次用👍🏽👍🏽

今日公司食lunch，去到邊都咁多人，旺角lunch時間去到邊都咁多人，見到沙嗲王竟然有位，一於入去試下佢地既招牌白咖喱豬扒飯套餐，加埋小食，特飲都係80蚊左右，十分滿足。

我幫襯左好多年，白咖喱豬扒飯，非常好食！今日照舊啦，講起沙嗲王，之前兩次嚟我都見到初次約會嘅情侶。當然女一見到沙嗲王，就炸撚晒形啦！因為食沙嗲王係好過麥當勞少少。但講真嘅，沙嗲王品質我覺得都幾好。咁多年不停咁進步，好着重落單流程，服務點到即止。和平衡價格上，我感受到個老闆係好有心機做！但講堅的，如果第一次約會，真係唔好黎，啲女人都係貪慕虛榮嘅比較多，各位兄弟識做啦！我另外想講，杯野飲都幾好飲，廿零蚊值得一試！

放工同朋友搵嘢食，諗起好耐冇食沙嗲王，所以就決定嚟旺角呢間試下。呢間沙嗲王個場超級大，而且裝修好新淨，坐得好舒服。我哋嗌咗碗清湯香茅豬扒米線，賣相都唔錯，一共有三塊香茅豬扒。香茅豬扒一如以往咁好食，又林又香口。另外叫咗白咖喱厚切吉列豬扒米線，白咖喱湯底好香，一啲都唔辣。豬排一共切成四件，啲肉厚得黎唔會好鞋，雖然係吉列豬扒，但係感覺唔會好熱氣，好好食。脆蝦棒外脆內熱，點埋他他醬一齊食，真係好正。熱紫薯鮮奶唔係好大杯，不過都幾香，飲落唔會過甜。抹茶鮮奶珍珠個樣睇落幾好飲，但係飲落冇乜抹茶味又冇乜鮮奶味，啲珍珠黐埋晒咁，完全啜唔到上嚟。沙嗲王嘅嘢食真係好出色，不過飲品就真係有待改善啦。

也不知道是心理影響還是環境因素🤔，感覺上，再來旺角這一間舊式的沙嗲王，食品好吃得多。環境仍然保留以前的裝修，相當之有味道，🥳內進時，員工強迫我們坐兩人旁邊的搭枱，但其實旁邊都有不少空位，我當然不會理會，自行坐到空位那邊。這次當然沒有再叫二人餐，寧願散叫更好。想不到，有一次吃沙嗲牛肉拉麵，感覺麵條相當之軟林，完全沒有彈力，這次，拉麵具彈性，煮得還有少許嚼勁；牛肉普普通通，好像母親買回來那種雪藏豚肉日本的質地。湯底都沒有上次那麼杰，有點兒沙嗲味道的湯底，味道當然不錯，而且夠熱。避風塘軟殼蟹，有一個是鮮魷，但既然難得再來沙嗲王，就應該吃以前最膾炙人口、耳熟能詳、令人垂涎三尺的避風塘軟殼蟹。標準份量，不算太多，軟殼蟹大約有兩隻左右，切開四件，亦都有些蟹爪，味道小辣得來香，底下的粒粒有點辣椒、有點蒜粒，味道夠香夠濃。印象中以往用來混入炒飯當中，味道就更加出色。還有蒜蓉牛油雞翼，可說是近來在街上吃過最出色的雞翼。因為即使以往我很喜歡營盤街的米線的雞翼，但是現在也覺得它的外皮厚得誇張，甚至毛，外皮與雞翼差不多厚身，雖然夠熱的時候，味道也不錯，但是外皮太厚，也難免會令人覺得油膩。而且熱的蒜蓉牛油雞翼，

喺旺角唔知食咩好又唔想排隊同人撞驚就去咗有好多分店嘅沙嗲王啦，沙嗲王入面我最鍾意就係食佢個軟殼蟹，有大份同細份，仲有佢個泡菜湯都好好味又夠辣又入味，同埋佢成日送優惠券下次食又平幾蚊啦～

今日食呢間又係久遺左好耐嘅沙嗲王以前中學成日都食，但近年愈來愈多新野試，新野食，慢慢就遺忘左喇，今日再去，仲係當年嘅味道吖，而最特別嘅是今日陪我食嘅係當年陪我食嘅中學同學吖！真係咩回憶都反哂黎！都係講反野食先，沙嗲肥牛粉絲食就都一定要嗌沙嗲湯依然濃郁，予其話係湯不如話係醬喇😍撈埋粉絲，然後一齊放入口😍😍😍😍沙嗲味係個口度爆出黎！！肥牛完全唔重要😂再黎蟹粉豆腐煲香濃的蟹膏加埋滑嘟嘟嘅豆腐，又係一個無得頂嘅組合另外仲叫左個娃娃菜，好岩身為咸蟲嘅我，如果你唔係咸蟲就千萬唔好嗌喇！

叫左1個龍蝦湯，1個雞脾薯條，1碟白咖喱豬扒飯，1個脆蝦棒，個湯同蝦棒正常水準，兩樣加埋唔駛50元，ok啦，個薯條唔掂，雞脾係起肉變左雞扒，調味好淡味，不過肉質好嫩滑，維1賣點，豬扒飯D豬扒口感同味道我個人覺得唔似豬扒，撇除這問題，豬扒飯是ok的

 It is worthy of praise for the Shabu fat beef noodle and white curry pork ribs rice and fresh shrimp sticks. The shabu noodles would like to order ramen noodles, but the store can only choose rice noodles, but the taste is super good. Three people have a bowl of dried light without a drop. Followed by white curry pork ribs, not spicy curry, bibimbap and fried pork chops are delicious. Shrimp sticks are actually casual, but unexpectedly delicious, the coloring sauce is delicious~

大家都知旺角好多間沙嗲王，成日同朋友都覺得佢既野幾好食，不過硬係唔約食呢間。今次終於搵到機會啦。😂－日式蟹粉豆腐鍋配飯食過沙嗲王既朋友們都會不約而同大讚呢個蟹粉豆腐鍋！😳佢真係好好食，石鍋熱辣辣，裡面既蟹粉豆腐份量好多，蟹粉味相當濃郁！😱食落去會有沙沙地既口感，好似而家好興既咸蛋黃炸物咁。因為佢好濃味，所以唔洗驚撈唔到飯食，你反而會擔心唔夠飯去撈。😆－芝士紅酒汁薯條鐘意食小食既藍妹，真係好鐘意食薯條。😍薯條中等粗幼，炸得香口適中。芝士淨係面頭先沾到，有啲少呢。紅酒汁怪怪的，藍妹認為冇左會好啲。😯－椒鹽脆豆腐椒鹽既炸豆腐真係冇得輸，個皮夠香脆夠薄身，豆腐又夠滑！－仲叫左個雞翼嫁，可惜大家太餓，到藍妹記得要影既時候，已經冇哂。🤦‍♀️叫左一炸一燒，個雞翼合格既，炸既會好食啲，燒既不過不失。－總括黎講，沙嗲王依然保持住水準，唔好期待會驚為天人，但係至少冇退步。晚飯黎講，價錢尚算合理，亦可以坐好耐，聚會既不失為好選擇。

今晚happy friday 滿心期待去旺角食沙爹王。七點九左右去到，等左陣先有位。坐位都舒服，但兩位就要搭枱。我地叫左兩個菜單上推薦嘅必食之選。不過，客人比較多，上菜時間比較長。白咖哩香茅豬排飯件豬扒很酥脆，香茅和䓤非常香。白咖喱汁甜甜地，有奶香，淡淡辣味。白汁咖喱撈飯好正。沙爹汁嬌嫩巨髀飯塊脾切開條骨上，好細心，因為自己好難切。皮好脆，肉又爽又嫩滑多汁，完全可以單食，唔需要點任何汁。白飯裝得幾細心，撈沙爹汁好好食。不過冷氣大好快吹凍個飯。紫薯鮮奶、抹茶鮮奶紫薯味比抹茶淡，所以飲落奶味濃啲。兩隻都好飲，有鮮奶味道。整體來說，兩個必食推薦嘅飯果然無介紹錯，好好食。不過，店內衛生就一般，食野時見到有隻蚊仔飛過黎幾次，隔離直頭杯水有隻野。如果加以改善呢方面，就更加好。

今日同朋友去沙嗲王食飯，而旺角好似有成三間沙嗲王，係第一次來呢間。 比我想像中，環境唔錯，坐得好舒服。叫左個黑椒牛柳粒焗飯 同 白咖哩炸魚飯，沙嗲王既白咖啡汁一向唔錯，炸魚係香脆可口，但易食到骨就要小心啲。而黑椒牛柳粒焗飯就好軟林林，好野味。整體味道唔差，性價比都高，有機會會再來。

蟹粉豆腐鍋跟飯$68 可以簡跟薄飯平少少送黎果時仲滾緊個底有咸蛋黃,個面有蟹肉,豆腐好足好多,好滑既一個人食一鍋會太多同太漏我同朋友share埋個白咖哩豬排 佢個白咖哩好食, 好甜 唔辣次次黎沙嗲王基本一定要食白咖哩跟餐可以半價野飲