沙田一至尊燒鵝·生滾粥品專門店 (已結業)

Lunch time時間沙田一都會排長龍，雖然唔鐘意排隊，尤其要係室外等位但食過附近其他燒味店，差唔多價錢比較，沙田一質素確實係更勝一籌✅✅✅.所以有時想食燒味飯，都會揀沙田一今次排左一陣就有位，店內係港式茶餐廳格局坐得比較迫，但都算燈光明亮同乾淨企理既.落單無耐先黎例湯個湯都幾足料，有好多舊肉，而且幾軟腍唔同煲到柴晒菜乾煲爛晒每個湯更加香甜雖然飲得出係味精湯，但味道確實唔差我叫左叉油雞飯燒味飯好重要既甜鼓油我嫌太少不過燒味份量唔錯叉燒半肥瘦，肉質又嫩又腍，加少少肥膏俾口又香肉味又香油脂味加埋佢微焦，少少甜既叉燒醬😋👍🏻油雞相比起就較為失色偏瘦，肉質雖然唔會鞋，但味道偏淡再咬大大舊白雞肉會覺得唔夠味好彩薑蔥偏咸，加埋黎食就唔錯友人叫既叉燒燒腩仔飯睇相都知佢個碗既叉燒好瘦所以呢到既質素參次，可能落單要講明半肥瘦燒腩仔就唔錯，油脂分布平均而且唔會太多肉質香甜軟嫩，配埋芥末就更加正啦🤗埋單每人先$48食個lunch都算抵講緊太興一個燒味飯都要$80不過呢到食完係會幾口渴，耐唔耐一次係唔錯既👌

今天要到石門，就在石門站外的京瑞廣場有很多食肆, 走過門外看到也有些吸引 。有些店比較少客人，但見這間燒味店是相對多客人的，那就當然選這間一試吧！時下午5:30，剛過了下午茶時段！我個人愛吃瀬粉，所以就點了碗燒鵝义燒瀬粉首先端來的一碗湯, 原來是送的不知是什麼湯，有點菜乾味！登登登！來了！原來瀨粉在下面！來個近攝先看賣相和份量相當好啊！食後感：义燒肉質有香味,又夠稔！燒鵝一般！兩樣味道稍嫌略鹹！但整體來說都不錯。

位於石門嘅沙田一係我同老公經常去嘅飯堂，因為佢哋嘅燒味飯都幾有水準。推介燶邊肥叉燒，我哋每次都會叫， 10次入面有八次都係高水準，試過兩次麻麻哋。今日我哋帶咗兩碗燒味飯，今日係屬中上水準。我嗰碗係肥差燒配切雞，叉燒比平時燒燶咗少少，不過依然好夠肥，入口超香口，而且一啲都唔韌；切雞不錯，俾咗雞胸位置我但都算滑。老公嗰碗係肥叉配燒腩，燒腩肥瘦適中入口唔鞋。兩碗飯跟兩碗例湯，我哋再加左兩杯凍檸茶，埋單$103，以呢個質素來講算好抵食，性價比高。

經過呢間店幾次，見門面裝潢幾靚，就一直都想試一試。今次食個early dinner，人唔算多，不用等位。我地兩人叫左：燒鵝燒腩仔飯 + 叉燒燒鵝(胸)飯燒腩仔皮脆但肉係冇味燒鵝係背部，得皮同骨，個皮仲要唔鬆化呢碗燒鵝要胸，係要加$8架！但得3件！！鵝肉冇味，又硬叉燒先離譜！勁燶！仲要件件都柴咁，又乾又硬！咬到牙軟架！ D飯又係勁乾，仲要粉粉地唔係勁貴，但食物咁難入口，俾呢個價錢都唔值lor！講真，我都係第一次見燒味店薑蓉要加錢，鵝胸又要加錢，仲要份量得勁少。。。總之我就一定唔會再返兜。

#中意嘅請分享請點讚🍻----------😋叉燒燒鵝飯 $54叉燒係半肥瘦，肥瘦均勻，唔洗驚肥膩到好難入口。燒鵝就比較普通，反而自家製嘅酸梅汁比較特別，食食下有d似利賓納味。午餐同晚餐時段都會送例湯，我個日係西洋菜湯，好好味呀。-😋燒鵝五寶飯 $80五寶包括燒鵝、叉燒、燒腩仔、紅腸、鹹蛋半隻。全部燒味份量都幾多，食哂d飯都未食哂d餸。燒腩仔幾脆口，肉質唔會太乾。整體燒味都幾好，不過價錢就比較貴。----------🚩沙田一至尊燒鵝·生滾粥品專門店🔎沙田石門安群街1號京瑞廣場二期地下G10舖

中午十二點半左右，偕朋友到沙田一食晏。店外若市，店內亦然。大概等了幾分鐘，便有位置了。地方淺窄，坐得不太舒服。環境舒服與否固然重要，但最緊要係食物的味道。還有，若只為匆匆吃個快餐醫五臟腑，忍耐一下也沒問題。　　　　送餐速度頗快。剛下單，不旋踵店員就奉上例水。今日例水係白菜雞腳湯。湯清甜，不油膩，應該無味精。　　　叉燒入味，不會太甜，鬆化甘香，不油膩。如果叉燒邊皮帶點焦脆的燶邊更佳！還有我有一個問題，為何食吃燒味飯沒薑蓉？我建議鋪頭可以自己做薑蓉，以提升味道。不過，百物騰貴，能省得省。　　雞上鋪了冬菇及蟲草花。冬菇夠軟、夠入味，亦是上好的冬菇，有菇味。雞軟滑，味道恰好，份量足夠。不過可能預先蒸好，放在蒸爐保溫，所以雞肉可能蒸散，而且碟內可見結成塊的豆粉。另外，白粥綿密，水米融洽，夠大碗！

之前經過見到有好多人排，今日有機會試下首先，待應不知所謂遊魂咁L樣，無啦啦幫我落半隻鵝，燒鵝腩仔飯就變左油雞腩仔飯，其實見佢遊魂咁同我落單，我已經特登再用個no.去提佢，點知都係落錯，仲想試下隻鵝，諗住好食下次買一隻番屋企加料叉燒柴咁樣，食渣咁，一d焦香味都無我碗切雞切到勁碎，一路食一路lu骨，比雞脾都無癮啦米飯濕立立，無米香，唔知咩舊米，薑蓉得嗰少少餵雀咁食到勁嬲，完唔夠字數比公仔，加多幾隻字:另外$20叫咗碟菜，白烚菜心，又老又鞋，仲有浸藥味

來到石門搵嘢食，遠處已經見到呢間燒味飯人頭湧湧，就俾佢吸引左過嚟。餐廳光猛，坐位都幾多，不過同隔離枱嘅距離就比較近，出入唔多方便。見佢標榜自己嘅燒鵝係第一，所以就叫咗個叉燒燒鵝飯飯未到先來換例湯，無咩味精味，飲得過。等飯期間見到服務員都好忙，無停手，又不停嗌入黎有幾多位等緊咁，如果想午餐可以靜靜地食個飯就唔好黎哩度了。見到咁多人等亦不其然地會食快啲叉燒燒鵝飯份量好大，叉燒望落去色澤好靚，面頭有陣蜜糖立立令反而燒鵝望落無咩肉到味道方面就有啲失望，燒鵝皮咬落去唔脆，肉質無咩特別，又無咩鵝味，係點汁先好味啲，好似同至尊哩個名唔係好夾...而叉燒可能部位問題，啲肉好實好鞋，味道就正常。雖然價錢合理，肉嘅份量都多，不過如果係主打燒鵝就有啲名過其實喇。

星期日同屋企人食飯，阿媽話想食燒鵝，上Openrice見到石門有呢間餐廳。.早兩日嘗試打電話Book位，聽電話嘅姐姐話即管試下幫我留位，但唔擔保留唔留到！其實唔緊要的，知道餐廳人流多，所以都係試下！.用膳當日我地18:30已到等位。好快就可以安排入座，但職員講話喺坐住先，等人期間見到有唔少客人坐低後，不停俾職員安排調位，更有人因未齊人就被職員叫番出去等！.而我地就係後者，入座後因未齊人，被職員叫番出餐廳外等候，但其實入座前我地已經同職員講咗未齊人，佢地仍然話坐住先。然後職員再話叫我地出去嘅原因係，有客人講明話要坐呢張枱，所以要我地讓！呢個情況令我地非常無奈！.入座後點食物，種類都算多，份量正常，但就算有送飯都覺得咸！上菜速度都算快，諗主要都係要快快餵飽你，接下一枱客。燒鵝下莊半隻豉椒炒蜆叉燒例牌

家人食過呢間嘅燒味，話好好食 。今次就特登買左一斤叉燒（$130）同半隻乳豬（$258）返嚟加餸 。叉燒係半肥瘦嗰種、燶邊、食落夠淋又有肉汁，係好食嘅，不過價錢就比較貴囉。睇下你覺得心目中，肯比幾多錢去食嚿叉燒先叫合理。而半隻乳豬分咗兩盒放， 一盒主要係放豬身嘅肉，另一盒係放豬頭。 雖然係外賣，但隻豬凍咗啲皮都係脆嘅，比叉燒抵食。

大熱天時🥵只求冷氣夠涼😀食物只系其次！晚上七點入座已經馬上落單、食物及飲品好快上齊，之後就趕客快D走嘅開始！我三個人叫了三個餸，2支啤酒及1杯飲品！D服務員見你碟餸夾凈一舊兩舊時、就即問你仲要不要！每碟都系咁問！！我即本満足你，我話全部都吾要喇！野又未食曬！酒又未飲夠！我只系夾曬D餸去我個碗度咋！總結：食物只系一般、價錢絕對不是一般！比同區同樣種類貴三成！服務態度極差！因為這樣趕客走建議該店老闆只做外賣吧！有這間食店用沙田一個名👎🏻作招徠！簡直影衰沙田！付圖已經乜都收曬也只系七點四十五分！得返兩杯啤酒

沙田石門越黎越多野食😋平時都會同屋企人去食下飯❤️呢間沙田一食過好幾次但一直無分享過，除咗主打港式燒味，其實仲有小炒、生滾粥✨環境舒適乾淨、伙記親切、食物選擇多又好味👅今次就分享下先😍👇🏻燒鵝五寶飯 $80 （10/10）呢碗飯真係不得了😋有燒鵝、叉燒、燒肉、紅腸、鹹蛋，勁足料‼️每樣都好好味！肥都要食呀😍🤤燒鵝燒得色澤光鮮✨燒鵝皮勁香脆😆咬落油香不得了而且又唔會太大肥膩感鵝肉味突出又夠嫩帶肉汁🤤點埋自家制酸梅醬 話梅味更突出 酸酸甜甜又香真係好幸福🥰叉燒肥瘦均勻 肉質軟淋鬆化帶焦香燶邊😳甜甜地 好好味😋燒腩仔皮脆肉嫩 皮勁脆卜卜肥瘦層層相間分明 肉質軟嫩✨連平時嘛嘛地燒腩仔既我都覺得好好味呀👅鹹蛋、紅腸更係令成碗飯增添不少風味更加分！整體滿足又豐富💯薑蔥爆魚 $88 （9/10）本身見佢唔係用煲仔上 冇炸炸聲有點失望🙍🏻但怪錯佢 魚腩炸得外面香脆 魚肉嫩滑 無乜骨食得出好新鮮 薑蔥香味突出🤤個汁調味得啱啱好 夠味得黎又唔會蓋過魚肉本身鮮味比唔少茶記/大排檔更有質素呢😍👍🏻飯餐跟無味精中湯 今次係西洋菜豬骨湯💚味道鮮甜 飲完唔會口渴 有住家老火湯既感覺💞

其實食飯最主要最食得開心真心覺得 佢地樓面係一team 人去做野老細好玩得..貼地Service 野食唔差.. 叉燒好好味 好tender ... 肥位係入口即溶。上菜速度非常合理 好想你地繼續keep 呢個team spirit 繼續做落去：）

石門潮食燒味🏅—京瑞廣場最近越來越多新餐廳，帶日式嘅裝修，但入面就食港式食物，食飯時間會比較多人。—🏅金牌四寶飯（💲50）每個飯都跟一個中湯，飲完冇特別口渴。金牌四寶飯入面有叉燒、切雞、玫瑰紅腸和鹹蛋半隻。叉燒果然名不虛傳，肥瘦均勻，肉筋較少，甜度剛好，食落又淋又juicy, 切雞啖啖肉，雞肉幾滑。—

「一種味道，半世紀的堅持」見到呢間沙田一句slogan好似好有heart咁，隨即被吸引入去試下有幾西利！大概六點未放工時段唔需要等位，店內環境算是寬敞，裝修有格調！叉燒燒鵝飯 $52果然名不虛傳，識食一定要叫肥燶叉，肥瘦均勻，食落又林又juicy，讚！油雞燒鵝飯 $52油雞雞胸啖啖肉，另外燒鵝係都係店鋪主打一定要點佢地嘅自家制甜酸醬，酸酸甜甜有啲話梅味，說不出的特別！仲有餐湯送食完7點零門外已要排隊嚕⋯