沙田一至尊燒鵝·生滾粥品專門店 (已結業)

今日(29-4-2019 Mon)同女同事CY出街食lunch,喺唔知食乜好嘅時候,佢提議好食但會趕客嘅呢間,我哋去到時,攞飛,亞姐話我哋係等第二張2人枱,又指門口嘅枱就快走.等咗唔夠5分鐘就有枱喇,我要咗$55.00嘅全日生滾粥品套餐,要沙田咸雞粥同炸兩.CY要燒味雙拼飯,揀$48.00嘅叉燒燒腩仔飯.等咗9分鐘,我哋嘅食物到嚟,睇見炸兩得兩條,沙田咸雞粥唔算特別大碗.CY一食佢嘅燒腩仔就大叫好脆;而叉燒有啲係切碎;佢最後食唔晒個飯,重話味道都幾鹹.講返我嘅嘢食,炸兩嘅腸粉好薄同滑,油炸鬼都脆,食到最後覺得漏.沙田咸雞粥嘅雞件肉質滑,不過唔鹹,粥就稀咗啲,而且都係食味精.2.67分環境:坐門口一號枱,又曬又熱.不過座位都算舒服嘅.3.5分呢餐所有評分都唔計CY嘅.

今日去左沙田探朋友, 之後就係附近搵食啦~行過石門見到有晚上9點多都坐無虛席, 應該唔會太差既所以就決定坐底醫醫肚啦店家叫得自己做至尊燒鵝, 又點可以唔試試佢呢?所以就點左個燒腩仔燒鵝雙拼飯啦~個燒鵝醬食得出係自家制既,唔似外邊果D咁甜, 至於燒腩仔都好脆不過我最喜歡既係佢地既腸粉!香滑之外, 所有醬料都可以按個人喜好任加, 待應哥哥仲好好人甘比埋芝麻我呢! 太開心啦 最後就係子薑皮蛋啦, 可能係個人口味唔同啦我就覺得D子薑切得太厚, 如果可以薄切一點就好了~

其實本想去旁邊陳根記，奈何要等60多號，惟有立馬去鄰舖此一記試試。以為招牌燒鹅下莊無得輸，但鵝身肥油層太厚，味咸，皮又不脆香，那裡叫阿一呢?其它小菜上檯都甚失望，第一眼已知中伏，因為用6吋膠盛上也剩很多空間，勝價比一則已零分，味道無特别，無熱騰騰感。布拉腸跟街市小檔分别不大。恐怖是碟炒菜比麫檔20元油菜份量為少，但盛惠58元。终極評語：只可一不可再!

平時好少去沙田第一城，咁岩系果邊training，咁就要系果邊搵間野快快食個lunch，去到吾知食咩好，見到呢間沙田一咁多人排隊拎位，價錢又比起其他餐廳平得多咁我地4個人就排埋一份😀反正我都好鐘意食燒味古井燒鵝、燒腩仔飯 $54系我至愛既配搭，燒鵝超香的，火腩仔系瘦瘦的，吾會好多肥膏皮燒得夠香脆🥰另外同隔離果個交換埋佢碗金牌四寶飯既切雞同埋叉燒，雞煮得剛剛好滑滑得不會過熟叉燒就同平時吃的冇咩分別再夾左少少咸蛋過下口癮❤️不錯感覺餐廳最好的地方，系有中湯送🥰飯前飲碗湯，再快食個lunch , 分量黎講都算ok吧不會太少肉,肉的比例也挺多，足料燒味餐廳黎講可以比6分😘

今天中午未食飯，突然又想起沙田一食燒味，本來諗住入去食，但門口又抄牌，無奈下叫外賣回家。下午茶約$40連一杯熱飲，我除了叫了碗燒鵝瀬，仲加了個麻乜佬專食的鵝頭，$15 真是好平。味道方面，可能外賣始終差D，但起碼好過其他快歺店。鵝頭下面有7-8件鵝頸，如果多一杯啤酒就very good

估唔到而家係沙田晚餐仲可以以$50食到燒鵝飯😮 我哋一開始都半信半疑驚中伏🤷‍♀️但見到呢間餐廳入夜人流仲好旺💁‍♂️💁‍♂️ 又話古法秘製好勁咁💁‍♂️💁‍♂️ 我哋就叫黎試下先哦💁‍♂️燒鵝米粉 $50 💁‍♂️💁‍♂️💁‍♂️💁‍♂️仲好好彩 斬到接近脾位俾我哋🙆‍♀️ yeahhh 燒鵝塊皮烤得超香 仲有啲煙un既口感💁‍♀️ 最岩中意食燒鵝皮既男朋友💁‍♂️💁‍♂️肉質都正wo 接近脾位仲幾滑！$50真係食得過！ 我地好驚訝又驚喜🙆‍♀️🙆‍♂️米粉都好食wo 好香米味！💁‍♂️💁‍♂️💁‍♂️ 唔係用勁幼嗰啲米粉 所以煮完都唔會淋！真係一定要試吓米粉！💁‍♂️下午茶仲只係$37 連熱飲 超抵呀💁‍♀️

高水準燒味小菜同屋企人去左位於石門站嘅沙田一食晚飯，餐廳主打嘅燒味同小菜水準同質素不錯。我地點左半隻油雞、半隻燒鵝(下莊)、炸鯪魚球同炸九肚魚。油雞肉質啱啱好，味道都恰到好處，夠入味。不過見到雞骨位仲有啲紅色未熟部分，個人覺得可以再熟啲就perfect。炸鯪魚球外脆內彈牙，而炸九肚魚都好有驚喜，值得一試。半隻燒鵝(下莊)有令人流哂口水嘅燒鵝脾。整體食物質素好好，店舖裝修得好醒神，值得一試呀～😍😍

沙田一，以燒味聞名，再加上位於沙田區，當然要試咸雞粥。粥品套餐是全日供應的，單點一碗粥約$32-$40元，所以我們二人來吃早餐，就點套餐好了。咸雞粥的粥底已經調好了味，煮的時候個粥底加了薑絲、蔥段，而且雞本身已經是咸的，所以不用加鹽，已經好夠味。至於炸兩，上碟時腸粉皮和油條仍是暖身的。豉油和醬油另上，在食前可自行加的，所以入口油條仍保持脆身。最後，套餐加$5-7可配豆漿或茶，兩個人share,就啱啱好😉

午飯時間，人多正常，但員工姐姐加檯加到走廊坐滿，坐走廊既出入必定俾人撞到停低手，要求人調位係直接食緊時拎你碗飯走，俾錢多謝都冇聲，仲要50蚊碗飯愈來愈少。雙拼飯餸既份量同單拼一樣，飯較正常少，叉燒好食，瘦而不鞋，燒腩仔亦香脆但非常小粒，乳豬飯得塊皮，下面塊肉欠奉。除左叉燒飯外，觀其他食客應該燒鵝亦不錯。粥品味道正常，但40蚊一碗實在不值，雖然石門區冇其他粥店選擇。服務差，價錢貴，相同價位附近大量餐廳選擇，完全不會再幫襯。

本人最鍾意食私房菜，香港九龍都試過幾十間，不算是太多，每處都各有特色，今次有朋友食過，勁推薦我試的私房菜就是沙田石門這一間，我和朋友們八個人去食，他每一道菜都看得出廚師是精心炮製，由於要預訂，所以每一道菜周圍的食客都會望一望，有望一望菜牌，何解這間燒臘食粥的地方會有那麼精美嘅小菜，不過叉燒和燒鵝是必食的，唔講太多自己望吓相，你就明白，對我來說，這間私房菜在香港冇第一都會有第二，聽講廚師獲獎無數，不過我只理會食物的品質！

真心覺得好食？呢間燒味店本來都唔會預左有咩特別，諗住一間普通燒味店，但食完發覺絕對唔差，細細間裝修日式，同一般傳統燒味店唔同，感覺不一樣，裝修已經打破傳統，雖然唔係什麼豪裝，但地方舒適，好食過好多間出名燒味店 仲有佢腸粉都唔錯， 好滑通透，真係無諗過腸粉都幾正，燒鵝皮脆，叉燒好林半肥瘦岩岩，粥就未試望落去都唔差，會再去食，食飯時間都好full, 好石門區多左好多食店 又一個沙田好去處.沙田陳根記都會開幕！

諗住求其食個叉燒飯做晚餐，點知有驚喜！唔洗多講！睇圖啦！呢啲先係我地香港嘅叉燒呀！由拖地叉燒執左之後，真係好耐無食過好食嘅叉燒啦。。。。。呢個軟！滑！少焦！少甜！少肥！正呀！兩位老闆好落力好玩得，伙記又講得笑人客來來往往不斷，但係位都算闊，完全唔趕客！最緊要：唔貴！！一定要加入飯堂list 老闆keep住團火呀~~~我地嘅香港精神！BTW,老闆最後問:食我啲叉燒有冇感動先我地話: 你話呢大滿足嘅一餐！

今晚一行四人去了一個叫石門的地方，東鐵馬鞍山線原來有個石門站，從來沒聽過當然也沒到過。這是愛吃燒味的友人的飯堂，常為座上客，大力推薦他們家的燒味特別是燒鵝，我們當然要看看到底有多特別。是日例湯為傳統燒臘店例湯，西洋菜豬骨湯，本人對味精其實有點敏感，這湯清甜，喝完完全沒有口渴的情況出現，平凡的滿足。叉燒飯店家採用黑毛豬製作，肉筋特少，甜度剛好，亦有叉燒香口特質，透出點點入口即化的感覺。沙田咸雞粥火喉剛剛好，粥體綿密，雞肉不會煲得過柴，保有傳統沙田咸雞粥味道。生滾粥套餐有配一個地道小吃，我選了叉燒腸粉。叉燒足料，腸粉皮非常細滑，有別於一般酒家吃到的厚粉皮。出爐燒腩仔切法跟一般正方形切法不同，師傅以長條形切法上桌，燒肉皮極度鬆化脆口，而且咸味適中，跟外面吃到的咸度過重分別很大，且肥瘦適中。特別一題，此店大部分燒味除了一般薑蓉外，所配的醬料例如燒腩仔的芥辣和稍後提到的燒鵝所配的均為自家製，芥辣比坊間的帶有淡淡酸味，配以燒腩仔實在有驚喜。最後的古井燒鵝為全晚最大亮點，燒鵝上桌目測較為乾身，沒有坊間上桌時過濕的情況，大家都急不及待要一試。一咬下去，驚喜萬分，坊間所謂的燒鵝，下至街市燒臘店，上至米其

琴日去食，叫左燒鵝飯、四寶飯、牛肉粥，叉燒腸。本來覺得食物幾好，但等待食物其間，幾隻蒼蠅喺附近，好唔舒服。食到咁上下，員工即埋嚟執枱，我碟腸粉都未食完佢就收…食得好受氣！我以後都唔會再去…

今日起身遲咗 ，11點先食早餐，搞到午餐都遲咗，突然想起石門附近食過一間燒味飯，佢嘅下午茶雖然比較貴，雙拼$40連一杯飲品， 但佢哋喺沙田真係數一數二。叉燒食落鬆化，甜甜地幾好食，可惜今次師傅揀了一件比較瘦的，下次我應該叫半肥瘦，應該會好少少。燒鵝上有一個淡淡的果香， 而且油脂豐富，配合燒鵝專用的酸梅醬，真係一絕。可惜附近泊車比較困難，停車場有冇位，搞到要拍喺大街，食一餐飯啫，搞到要提心吊膽 。