河內越式料理 (西洋菜南街)

营业中

休息中

✨順化蕃茄蟹肉扎肉湯檬 $68越式河粉食得多🤔但今次專登過黎試蕃茄湯底既蟹肉扎肉湯檬，湯底以蕃茄的酸甜為主，加上有少少蟹肉同肉碎，味道鮮甜👍🏻湯檬的米粉質感滑溜，吸收湯汁精華，配合扎肉既味道都幾夾，最後都飲哂成碗湯咁滯🤪✨越式牛柳粒紅飯 $112越式牛柳粒紅飯色香味俱全，牛柳粒嫩滑多汁，醃製入味，份量都多😁洋蔥、三色椒都炒到好軟腍多汁，紅飯有蕃茄味，而且糯而不黏😎整體口感豐富，牛柳粒既嫩滑同紅飯口感配合得恰到好處👍🏻✨法式牛油雞翼 $54法式牛油雞翼香氣撲鼻，外皮金黃酥脆，內裡嫩滑多汁😋牛油香味充分滲入雞翼中，帶出濃郁的奶香，每一啖都好滿足💯✨牛油果沙冰🥑 $36牛油果沙冰綿密滑溜，面頭都有牛油果粒🤤兩者都有牛油果濃郁奶滑既味道，帶微微甜，質感幼滑好快融化，唔係粗粒果種冰，夏天飲真係一流，消暑解渴🍹✨鮮芒果西米露🥭 +$10芒果味道好甜，幾新鮮，西米幾Q彈帶點椰汁味🤓而且芒果份量都幾多下，加10蚊就得超抵！

行過幾次都見到呢一間平時都好多人食今日都係咁多人 好彩啱啱有兩個位😎-食越南嘢一定會叫生牛肉河生牛肉河個湯底唔算濃郁比較清淡 可以食得出牛嘅鮮味 河粉份量好多一個女仔食唔晒 另外叫咗個小食拼盤咩都都有唔使煩我最鍾意梗係食入面嘅蝦餅啦 夠彈牙 另外春卷亦都係我嘅至愛 炸得非常之香脆點埋撈檬汁就啱啱好啦😍😍😍如果怕油膩可以包埋生菜食嘅朋友本身食得比較清淡所以鍾意米子卷多啲鍾意食豬頸肉 所以另外再加追加一碟小食豬頸肉份量足夠 燒得香脆 唔算肥膩咖喱牛腩飯見隔籬叫我哋都叫咗一份香料味嘅咖喱好香 牛腩好軟腍 而牛腩每一嚿都大嚿 正 食越南嘢梗係要叫龍眼冰啦一杯龍眼冰入面有起碼六粒以上嘅龍眼好足料♥️

係旺角想食下越南嘢 ，朋友推介左呢間河內越式料理，話唔係太貴好抵食又好味🤤因為唔係太肚餓，所以就同朋友叫咗啲嘢食share食🤩🌟 河內特色綜合河粉呢個真係好抵食，$95包晒以下幾種嘢食，有生牛肉，牛腩片，扎肉，雞絲，香葉卷，而且份量唔會得好少。湯底鮮甜，飲得出冇味精，係好濃嘅牛肉味呀🤩最特別就係個香葉卷，係第一次食，入面啲肉好紮實🤩🌟香茅沙嗲雞肉串燒一上枱就熱辣辣，沙嗲醬真係有花生碎，唔會好稀，沙嗲味濃郁，點埋個雞肉食真係Perfect match 😍另外仲叫咗個🌟河內小食拼盤一個拼盤有齊五種小食，啱晒有選擇困難症嘅我😍雞翼炸到好香口，春卷入面好足料，炸到脆卜卜。蝦餅炸到外脆內軟🦐最後仲叫杯椰汁三色冰，唔會太甜，幾好飲😍仲有其他嘢都好想食，不過真係太飽啦，唯有下次再嚟食多一次啦

旺角向來美食多羅羅，今次黎左呢間越南餐廳，門口亦都排晒隊，睇嚟好受歡迎，當然要入嚟試吓！越式香茅豬扒撈檬豬扒醃製得剛剛好，口感紮實，餐廳亦不會放太多肉鬆粉，這樣只會影響豬扒肉質檬粉彈牙，再把酸汁和檬粉撈在一起，讓每條檬粉都掛上酸汁，鮮味十足！極品牛三寶湯河粉（生牛肉、牛展、牛丸）牛肉鮮嫩juicy，牛丸爽口彈牙，牛展不會有太大筋，口感嫩滑河粉🍜彈牙，吸收晒湯底精華，雖然有啲邪惡，但的確好味～越式手打炸蝦餅（細）蝦餅彈牙，蝦味挺突出，雖然是有點熱氣，但偶爾吃吃，也不是很過分呢～

今次去咗間超人氣嘅越南餐廳，真係食到停唔落口！😍**濱海伴香茅豬排** ($74) 令人驚喜！濱海（Bánh hỏi）米粉餅，上面鋪住香蔥同炸蒜，配上外焦內嫩嘅香茅豬排，香氣四溢，食得我一口接一口！💖再來就係**河內小食拼盤** ($135)，裡面有春捲同炸蝦餅，特製醬汁超正，真係好想同朋友分享！😋最後，**越式手打蝦餅蛋飯** ($62) 令我印象深刻！蝦餅外脆內嫩，加埋滑蛋，口感豐富，食完仲想再來多碗！🥢餐廳氣氛輕鬆又愉快，四周笑聲不斷，令人心情大好！飲品方面，我試咗**龍眼冰**同**青檸梳打**，清爽又好飲，為呢頓美食增添咗不少風味！🥤

收工唔知食咩好🧐去左旺角河內越式料理買外賣叫左兩個主食！人均$80左右價錢合理！份量足～食物款式選擇多我叫左個飯、同撈檬加小食～越式咖喱牛腩飯用上牛坑腩！炆到好腍又入味配埋個越式咖喱汁好下飯👏🏻香茅豬扒撈檬豬扒係即叫即炸拎過返屋企食都仲熱！跟有青瓜、甘筍、蘿蔔、青檸、辣椒仔配上酸甜撈檬汁非常清新開胃！香茅炸雞翼仲加配咗雞翼👏🏻一人一隻👍🏻個調味真係唔錯😍河內越式料理 (西洋菜南街) (旺角)📍旺角西洋菜南街204號地舖

同朋友約係旺角，想食越南野，我地就亂入左呢間試試🙋🏻‍♀️雖然餐廳唔大，但坐得都ok舒服🍽️河內小食拼盒對於有選擇困難症既我地，小食拼盒係最好既選擇😀 有蝦餅，春卷，雞翼，扎肉，米卷....樣樣都好唔錯，尤其春卷，個餡既味道好好，皮夠脆，非常好！ 如果唔叫拼盤請叫春卷~蝦餅都好唔錯，真材實料的感覺🍽️河內豬頸肉沙律同木瓜沙律好似，但加左豬頸肉，佢有盅d辣椒,唔食得辣既朋友小心食到辣椒籽，幾辣下不過又幾過癮😂 無食到既話就唔係點辣。豬頸肉醃得幾好味既，值得就甘單點豬頸肉🍽️招牌越式三文治唔太想食飯叫左個包，同平時食開既相比係比較清新，蔬菜分量比較多，個包係外脆內軟🍽️芒果冰沙係OP睇到人地冰沙既相好唔錯，所以叫左被冰沙試下。🥹好好味！ 唔係假既芒果汁加冰，係幾creamy既冰沙，亮點！必試！整體而言，味道好，價錢合理，服務態度友善，絕對會回頭既餐廳💁🏻‍♀️

就快到聖誕梗係去做facial整靚靚⋯⋯做完Facial就相約老公一齊去附近開餐⋯⋯順便去買聖誕禮物⋯⋯因為做完Facial都好晏啦，所以要搵一間餐廳適合要快嘅用餐⋯⋯唔使嘥時間，跟住就去買嘢啦⋯⋯金不換豬扒炒檬粉豬扒非常大件⋯⋯炒檬粉非常入味，而且加咗金不換增添不少香氣⋯⋯份量超多⋯⋯加咗炸嘅乾蔥頭非常香口⋯⋯自己再加埋檬汁酸酸甜甜好開胃⋯⋯越式炸蝦餅外層炸到金黃色⋯⋯又彈牙，又有咬口⋯⋯濱海伴雞肉串燒濱海煙煙韌韌！加埋酸甜醬汁好惹味⋯⋯雞肉串燒三大串！加埋惹味嘅沙嗲醬汁！充滿花生嘅香氣！提供大量生菜和酸菜！軟殼蟹體型超大！香脆嘅外層，內裏有保持肉汁！非常飽滿嘅蟹身！Yummy！越式炸春卷外皮又薄又酥脆！餡料飽滿豐富！加埋酸甜汁和生菜🥬⋯⋯增添不少口感！冰鎮凍奶茶🥤奶茶非常香濃！用冰鎮嘅方法又唔會令到茶味轉淡！椰汁珍多冰椰奶非常香濃！

今天在旺角買東西，不知不覺就很晚了，急急忙忙的在這家越式餐廳點了外賣自取帶回家和家人一起共享晚餐。這家店主打越式特色菜，價格相當便宜貼地！### 濱海伴香茅豬扒濱海波浪式的細粉好滑順，豬扒香脆，搭配香茅清新的香氣與豬肉的濃郁味道相輔相成，加點甜辣醬就增添了酸甜的口感，使整道菜更加豐富！### 濱海伴香茅牛肉咬下去時，肉汁在口中爆發，與香茅的清香交織在一起，讓人驚喜不已。旁邊的生菜，使整道菜更加清新，讓人不會感覺油膩！### 越式炸春卷是一道香脆可口的小吃，咬下去時，酥脆的外皮，裡面的餡料隨之釋放出來，鮮香四溢！### 越式香茅雞翼雞翼經過香茅和其他香料的醃製，肉質鮮嫩，味道十分豐富！### 越式豬頸肉入口能吃到肉汁的豐富，搭配香料的獨特風味，散發著誘人的香氣！### 法式牛油雞翅牛油的濃郁與雞肉的鮮香交融，口感滑順，令人享受到法式美食的獨特魅力！

大約八時去吃,生意太好, 店細細的, 我和家人只可編到一張四人榙之一半我們點了很多美食, 先來是一碟灼菜, 大大碟的唐生菜, 舖滿了香蒜粒, 惹味一再來是地道的椰汁三色冰, 不太甜, 內有珍多, 綠豆蓉, 紅豆, 非常好味之後旁邊客人走了, 好好的職員把另一半榙位置給埋我們, 細心, 他們是中年店員, 很有心服務客人跟住來的是香茂豬扒湯河, 我們本來沒點此食物, 以為很普通, 但見有推介便點了, 果然是值得推薦,因為豬扒很淋, 湯底清但好味, 現在已不流行 不太濃味的食物, 這店完全做到跟餐點了二件春卷,吃了一口便知不是來貨, 因為料很多, 而且味道新鮮, 外皮輕薄脆脆再來是第一次吃的蝦餅濱海, 問店員白色的其實是不是米粉或檬, 她說不是,是一種叫濱海食物,有沒人知其實是不是當地食物? 我相信是脆脆的蝦餅和濱海夾住一起吃, 減少油膩味, 而結果這菜式不油,廚房做得很好招牌越式三文治也是第一次吃, 麵包不硬, 改變了我對法包的想法, 包內有扎肉, 越南肉, 青瓜, 紅蘿蔔,生菜包住, 應該塗了牛油, 這組合好新鮮,和家人一人人件,那可以試多些其他菜式這是我近幾年吃過最可口,地道的小店祝福

食越南嘢一定係叫蕃茄蟹肉扎肉湯檬蕃茄味濃鬱 ，蟹膏蟹肉份量都多上湯灼田園蔬將啲菜加埋落去個檬粉度食， 我覺得唔使再加其他醬汁越式春卷撈檬春捲大大條餡料多加多咗一個炸蝦餅蝦餅有彈牙感招牌越式三文治 始終都想叫多個越式法包， 包身夠脆，裏面扎肉香口， 配咗啲生菜，令唔會太乾飲品方面朋友叫咗椰果椰汁西米露椰汁味濃鬱唔算好甜我就一定係叫牛油果沙冰算好大杯上面仲有啲牛油果飲落好似牛油果奶昔，夠滑身餐廳實在太多人食， 食完就有少少趕住要交返枱， 太好生意了

今日行街經過見到有間越南粉麵 越式小菜 又見店內都幾多客人 就試下先👍🏻金不換豬扒炒檬粉，平時食湯檬粉今次食炒檬粉好特別又好味 豬扒大大件檬粉份量都好多加埋金不換落去炒好惹味越式咖喱牛腩飯，足料有牛腩、牛筋、薯仔辣辣地撈埋飯食勁開胃。酥香軟殼蟹，原隻食啖啖肉好滿足。可以加$ 33追加小食我哋叫咗越式手打炸蝦餅好香鮮蝦味炸都好香脆。另外只需加$10就可以叫杯特飲，我哋叫咗鮮芒果西米露，好多西米和芒果好似食緊糖水。📍河內越式料理 (旺角)旺角西洋菜南街204號地舖

旺角河內越南餐廳，佈置充滿越南風味。極品牛三寶湯河粉：三寶食材包括鮮嫩生牛肉、爽彈牛丸、甘香入味牛展，湯底每日用新鮮牛骨和香料熬製而成，好香牛骨湯味，非常好飲，河粉好滑好爽口，煮得出色，招牌必點。越式河內三寶飯：雞翼煎得夠香、豬扒香茅味濃厚、扎肉香口，撈埋秘製醬汁，滋味無窮。西貢牙車快：越式沙律，配料有雞絲、花生、椰菜絲、青瓜、紅蘿白、菠蘿等，味道清甜，十分適合作飯前既開胃菜。越式炸春卷：炸到金黃色，點埋個酸辣越式醬汁，非常惹味。越式炸蝦餅：炸蝦餅爽口彈牙，配埋個越式醬，好食到唔停得口。椰汁三色冰：用椰漿調製，加入紅豆、綠豆、馬蹄，帶來煙韌口感，椰汁味道香濃。熱情果梳打：酸酸甜甜既滋味，令人著迷。總結，餐廳位置就腳，食物好味，抵食之選。

旺角鬧市搵嘢食真係好挑戰我呢個人有選擇困難症，今日心血來潮想食越南嘢。河內越式料理位於西洋菜南街，主打越南菜有好多款式選擇，小食，米紙卷，粉，麵，飯等等。順化蕃茄蟹肉扎肉湯檬先講湯底，味道十分之融合，蟹味嘅鮮，係新鮮蕃茄湯底下係十分夾，唔會有一邊過份突出，所以飲落好鮮甜。配檬粉個人較為鐘意，扎肉蟹肉份量都多，食落唔會淨係食粉咁單調。越式炸蝦餅跟餐加22蚊已經有咁大咁厚嘅蝦餅真係極抵食，唔夠飽的話一定要加點，食落香口不油膩，蝦膠爽口彈牙重蝦味。魚露雞扒蛋飯勁大塊雞扒咁上檯，蔥油雞扒外多咗一陣魚露嘅咸鮮，味道提升好多。加隻煎蛋，加倍滿足。上湯灼田園菜都係跟餐就可以叫，淨食肉太膩，不妨叫個菜平衡一下。軟殼蟹米紙卷份量有啲難以置信，每嚿卷都包到滿晒材料又大件，軟殼蟹夠香脆，味道口感都夠新鮮。越式香茅雞翼經典香茅雞翼夠哂香口，香茅味恰到好處。

今日系旺角經過呢間越南餐廳，見到入面坐滿人咁濟，好旺場，就諗住入去試下。- 安南鮮蝦米紙卷米紙外皮煙韌，包住蔬菜好爽口，蝦肉新鮮彈牙，層次極豐富。- 生牛肉湯河粉好大碗，份量都幾多。湯底清甜，額外比青檸檬同埋辣椒加落去，味道會更加豐富。生牛肉浸落湯之後食真係岩岩好，口感好嫩滑。- 濱海伴豬頸肉串燒濱海唔系間間越南餐廳都有，今次系第一次食，就咁睇個名真系唔知咩黎嘅。食落質感似米粉，但比較彈力，加上少許香蔥炸蒜，幾特別。豬頸肉串燒有3串，燒得很香口，爽口彈牙。- 街頭香葉卷撈檬香葉卷由香葉包裹牛肉碎去燒，味道非常獨特，肉質柔軟，多肉汁，香葉的香氣和味道非常濃郁，香葉的香脆程肉碎嘅柔軟增添口感層次。檬粉份量都唔少，加上魚露甜酸汁，酸酸甜甜而不失魚露鹹鮮味，非常開胃。- 上湯灼田園蔬加配$20,非常抵，好大碟！- 熱蜜糖柑桔飲品就加$5, 非常清新，好潤喉。