沾仔記麵食 (已搬遷) 新店位置

馳名的餛飩魚滑牛肉麵，始終未有機會1試，是晚終于有此機會，心情又大好~沾仔記在多倫多也有1間，初中年代已經好中意食~ 記得是多倫多最無敵的餛飩麵不時放學娘親會帶住去食返碗，記得係又貴又細碗，食完會被娘親碎碎念1整天，但真的好味~今次自己走入黎食，感受良多，已多年未食，不知能否找到當年的情懷~ 坐低見成間鋪就係得魚滑、牛肉、餛飩三樣野食，同埋幾種油菜，是晚對魚滑沒有感覺就來個牛肉餛飩麵~ 可能阻住阿姐收鋪，態度不是很好，不過沒差，我心情好得很也期待得很不久麵便送上~ 牛肉齋往住個樣已經知道係夠曬嫩滑~ 餛飩大大粒其實用蝦餃去形容則更爲恰當例牌先飲擔湯，濃濃的肉味帶著清甜的感覺，阿姐絕對沒有因趕收鋪而馬虎地煮呢碗麵湯是非常的好，牛肉是非常的嫩滑，麵與餛飩是非常的新鮮彈牙~ 說是最好的餛飩麵也必入3甲好得無話可説~ 是最爲滿足的1碗餛飩麵，也找回了當年的感覺~

記得自己以前得閒就嚟呢度食吓大粒雲吞、鯪魚球及牛肉...依家嘅三寶河跟以前已經大大唔同，size已細咗一個碼(記得以前係永遠都好似食唔完咁)...雖然係咁，雲吞及鯪魚球嘅份量仍比坊間嘅大一倍，味道當然唔算突出la，勝在夠抵食lor..叫咗一碟韭菜花，老得很，邊食邊吐渣，失笑...志在嚟懷舊je..

一個過期食評...果日,我身上只得$15,但又要食lunch,唔夠錢食牛奶公司,麥文記,想唔到去邊度食好,忽然想起沾仔記...呢度的當然唔係正宗雲吞麵,雲吞大到成個乒乓波,雲吞唔係在底,麵唔係在面...先講麵,因個麵浸左落d湯度,所以浸淋左小小,但仍算爽口...雲吞內裡有幾隻蝦,再加一d豬肉,但蝦的成分較多,蝦同豬肉配合得幾好...湯都算清甜...雖然都係麥文記的細蓉好食d,但以平價雲吞麵黎講,佢都算唔錯...

行去佐敦諗住搵車仔麵食,點知搵唔倒,行行見到間沾仔記,聽見佢好似都幾出名,咪試囉,見到門面,真係有D卻步架,但我又趕時間,見佢咁夜都重有咁多人食,心諗應該唔差掛,我叫了一碗雲吞河,個麵底真係唔錯喎,D河粉唔會好厚,重有D透明潻,GOOD! 之後食隻雲吞,唔....好好味呀,一隻雲吞有成3隻蝦,又無肉(D蝦重好新鮮架,我最鍾意就係食蝦架啦) 呢碗咁好味雲吞河先至賣$10,真係有D驚喜呀,我以後一定會多D去食,因為太好味啦,

雲吞大過兵兵波,真材實料,入面全部都係蝦肉,$10一碗第二是零魚球,好好味!!!