泉記

营业中

休息中

🔍 泉記📍 北角渣華道市政大廈2樓📝 ★★★☆☆ 👍一直都知北角街市樓上有啲大排檔，除左碟頭飯仲有得食粥麵或食點心。終於朝早上黎，第一次係度食點心。點心唔算得上好食，環境都係一般，不過價錢平。重點係服務好仲有笑容。好多高級餐廳都做唔到。要讚！一籠籠點心全部擺哂出黎，任你揀 幾過癮，我手多多每籠都打開睇下，都無鬧我，仲介紹比我知啲點心名。我揀好左，諗住自己拎返枱，叔叔係都要幫我拎，服務一流！除左點心，仲有一盅盅飯，目測都有三款。可能我上得黎晏，朋友話平時仲有煎炸類。下次一定要再黎，試埋煎炸類點心。完！

北角做野幾年， 冇為意街市上面有野食。 突然心血來潮試下。間野有蒸點心， 蒸飯， 同埋午市碟頭飯。今日試菜遠班腩飯，汁夠， 飯夠， 班腩落左D 咖啡先至煎定炸， 好食。 有湯， 凍飲， 埋單$41.有冷氣的熟食中心， 只要你唔介紹冇咩裝修， 咁的價錢邊到搵。

之前食過幾次協成粥品，但好鹹成日行過呢間泉記都想試下，估唔到都幾ok舊式野，但比以前少咗好多阿伯唔鹹，幾好，舊式果種質地，應該係自己整嘅，大點，$16雞絲粉卷，唔鹹，大點壽尾，好味，茶錢都係$5估唔到有驚喜，鍾意食舊時果種味就好好食，好似去咗澳門，廣州咁，唔好同而家啲酒樓比較

好耐無上過黎渣華道熟食中心食嘢，上次爸媽嚟食咗隔離好出名嗰間粥店話啲粥好差🤐🤐見到依間有媽媽感興趣嘅魚翅餃食，特登嚟試試依間啲傳統點心。星期六12:30左右嚟到，已經剩餘不多款點心，魚翅餃沒有，炸物亦只有春卷了，所以今次都係全叫了蒸點🥹🥹一行三人叫了七個點心，5中點、1大點、1特點，連$5茶位，埋單$126。假日來講真係好抵食，其實質素一般般，但勝在大件夾抵食，有驚喜的是冷氣好足夠，周圍人不多環境幾清靜，慢慢坐嘆吓茶都幾好😍牛肉腸粉 (特 $18)（4/5）沒有期望所以有驚喜地覺得好食，外皮粉漿居然一點都吾厚，牛肉餡料好多，我覺得系同牛肉球一樣味😂😂叉燒包  (中 $14)（2.5/5）陷料不多個皮好厚，蒸左好耐所以包皮較軟，但都吾太差既～有昔日情懷既味道😂鮮竹牛肉 (大 $16)（3.8/5）牛肉幾大粒，肉質都吾錯吾會實蠔油鮮竹卷 (大 $16)（4/5）肉質雖然比較實，但系好大舊，而且無西芹系入面！我覺得系咁多樣入面最好食的干蒸燒賣 (大 $16)（2.3/5）比較細粒，因為是純豬肉所以肉質好實，麻麻地豉汁排骨 (大 $16)（2/5）分量多但調味比較鹹，都吾覺得系豉汁，墊底的是薯

【#熟食中心 】#泉記 今日又去 #渣華道街市 ，原本諗住食粥同腸粉，臨上去之前見到依間泉記個午餐都啱食，所以就臨時轉駄去試吓🤣差唔多十二點幾上到，都幾多人，搵個位坐底，拿拿聲就叫個是日午餐 #茄汁豬扒意粉 🐖🐖🐖$36+2先送一碗 #例湯 ，青紅蘿蔔各一件，有少少咸，都可以接受。#凍檸茶 上檯時幾有趣🤣 三片🍋放係杯口，賣相幾特別😄 不過隊返🍋落去要小心，因為都幾滿，要飲幾啖先，茶底都幾香👍意粉唔係我想像中咁樣🤔 我認為既茄汁意粉應該係撈好咗偏橙色果種，但結果係有點家庭式既蕃茄煮意粉🤣 份量好大碟，有好多件連骨豬扒，都幾大件，食落係炸過既，唔會乾晒，都幾好食👍 意粉軟硬適中做得唔錯。整體杯茶同個午餐都幾好，尤其係豬扒👍👍 有好多人叫佢其他炒粉麵，證明依度出品都唔錯♥佢仲有點心食，價錢都好相宜🤣唯一要挑剔就係個位，餐具同餐牌都比較「笠」，唔算好乾淨😐推介指數：7/10泉記北角渣華道市政大廈2樓@foodiehck2022 #港飲港食平靚正 #北角美食 #炒粉麵 #午餐 #抵食 #hkfoodie

上次來過這裡協成吃粥，已見到這家泉記茶居，應該是做街坊生意的，自助沖茶拿点心，來光顧的也是公公婆婆，平均客戶年紀應有 70以上吧。今天和朋友來試一下，一來到，街坊茶客很熱情，教我們拿点心及沖茶，好有人情味。普洱並沒有多大味道，叫有色熱水吧。拿了8個点心，分別是鳳爪排骨反，蝦餃，燒賣，鵪春蛋燒賣，豆沙包，韮菜飯，山竹牛肉及鳳爪。每一個点心的味道都令我穿越到 90年代，令我想起那時的自己，那種力爭上游的掙扎，那種錯過很多事情的遺憾，那種青春熱情的驚醒與錯折，那種一步一腳印的付諸行動，那種漸入佳境的喜悅。這8個点心，在現在的餐飲市場標準來說，並不入流亦不算好吃，對我來說，今天的收獲是回憶了多年前的細節與感覺。記住這刻細節與感覺，直至一百歲。

成日聽朋友講不過市政街市有檔點心又平又抵食～今日過呢頭做嘢，就自己去試吓「傳說中嘅點心」嗌左佢嘅午市點心套餐， $44包嘢飲、一盎蒸飯同一款點心。本身想嗌鴨札，因為唔係度度都有得食，但竟然午市已經賣曬，仲要我已經係偏早食午飯⋯好啦，咁轉雞札我幾享受個環境好有舊區風情，特別係一處有位先生食埋雪茄，嘆住中式點心，好似時光倒六七十年代～哈哈食物質素嘅話⋯個日大廚可能心情好，所有嘢對我嚟都比較濃味，因為太濃味，我唔太食出食物本身嘅味道～結論：杯冰奶茶幾好飲朋友話佢本時去食會嗌蝦餃燒賣，果啲好好味，但我今次無嗌到，唔太清楚⋯

北角碼頭新建左個商場，行完商場，見到旁邊有個街市，上去食中午飯。上去二樓熟食中心，再行前，見到有一檔舊舊地，埋左去望一下。坐低，餐牌有炒飯，炒牛河，星州米同埋好多其他食物。店主話有蒸餸，有點心，行過去望一望，見到有蒸魚，蒸雞，有燒鴨，仲有其他廚房炒餸，有茄子，南瓜，有肉。炒餸左邊仲有點心，望落個牛肉球，雞扎，排骨都唔錯，好似話點心中午有特價，一個盅飯，一個點心，加杯奶茶或其他野飲，咁多野加埋38蚊。店主仲話中午有魚腸蒸蛋，一大碗，送碟菜，送埋飯湯，加埋杯野飲，好似都係46蚊左右。好多選擇，然後我問仲有無其他。店主好有耐心，話仲有廚房即炒，餐牌ABCD餐，大大碟飯，加野飲，34蚊。最後我選三餸，加兩籠點心，檸蜜，屋企人就要炒飯，柚子茶。兩個人加埋唔洗100蚊落樓。好滿意。非常好的一次午飯。下次經過會再去。

好耐沒有黎呢個地方，本來都唔想行，上到去坐低，覺得呢度係閙市中唯一容許客人擺脫連鎖餐廳，靜靜地食野。見到老闆相比以前老了好多，但食物和以前一樣好味。呢個地方俾我感覺舒服，沒有人心複雜的算計，只有年老的老闆在默默地做事。其實我有點自私，希望老闆的兒女能把小店繼續做，但在商業化社會中，後生仔點會肯做。換著我自己，都未必同老闆一樣勤力肯挨。同食客傾開先知道，如果老闆仔女唔接手，可能下次再來就見唔到了。希望多來一日就是一日，影幾張相，寫一段文字，只期望將最美好的留在回憶中。

朝早到泉記食野，食客應該多數係街坊，人客唔算好多，坐得比較舒服。見到點心都是剛剛蒸好，仲見到有個人企嚮度專門包點心，味道似係老式廣東點心，好有懷舊感覺。據我觀察，泉記應該朝早六點幾七點就開門，所以要捕捉泉記剛剛蒸好第一造的點心，朝早七點左右就o岩o岩好。點心唔算勁好味，但有種老式廣東點心味道。泉記成個環境裝修都好舊，沖壺茶，攞盅飯，再要兩籠點心，一個假期的早上就咁樣輕鬆度過。惟一不足就係沖茶同攞野食都要親力親為，對我黎講，都算係一種體驗。整體感覺好好，下次會再黎。

身體早前抱恙，每隔一兩個星期，便要一大清早往北角跑，有時候取了籌號，就可以先行食早餐，因為至少要等兩小時或以上。泉記門面只能用差來形容，客人有七八成以上比在下還要年長，大家都是自助開茶放杯，甚至取食物都是自行去取。老實說，在下從小跟老爸都是去慣這些地方，所以沒什麼大不了，自行沖了壺濃普洱，又逕自拿了盅鳳爪排骨飯。雖然是原盅蒸飯，肉汁都流入飯內，所以飯粒很濕，亦很入味，就算不澆豉油都可以，鳳爪未至於甩頭甩骨，但排骨無乜味。意猶未盡，再取了蝦餃，其實蒸籠有如一個風燭殘年的老人，隨時入土為安，破爛得可以，蝦餃皮搓得尚好，至少沒有一口粉，蝦肉欠彈牙，感覺一般，可以不理。

近月身體不適，基本上每隔一個星期便要過北角覆趁，大清早便已經要出門口，就連早餐也未食，唯有放低報紙當作排隊，自己來個快早餐。畢竟是街坊生意，大家也習慣了開茶洗杯，老實說，從三歲已經在酒樓鑽，當然難不到在下。點心逕自去蒸爐取，鳳爪排骨飯滿滿的一盅，飯粒乾身而粒顆分明，難得的有水準，排骨當然醃至無味，但總算啖啖肉。最討厭雞紮中的竽頭大大件，反而豬皮蘸滿汁最好味，下次再黎改要另一樣。三扒兩撥，怱怱喝了兩壺茶，又要走返去排隊等睇醫生。P.S : 整個早上充斥了煙味，卻又從未見過控煙辦，點好?

今日去北角購物，順便到渣華道市政大廈泉記飲茶，一眾食客大多是伯伯和婆婆(除了本人)，在泉記飲茶，要自已出外拿，要揭開籠子才知是裝甚麼點心，喜歡那籠就取那籠。那裡有少見的懷舊點心-鵪鶉蛋燒賣。鵪鶉蛋燒賣一籠有三粒，賣相都算不錯，豬肉餡上放了鵪鶉蛋，再用薄薄的接近透明的皮包好，入口嫩滑的豬肉餡配上彈牙的鵪鶉蛋，相當好食。那裡的價錢十分便宜，大多是中點和大點，中點是10元，而大點也只是11元，茶錢更加是超抵價，只要3元。

看過食友的食評，也想到香港西廚學院午膳，算是對本地西廚學生的一點支持，可是，只怪自己沒查清楚，要先入會和早一天訂座才可，毫無頭緒下，蕩了入北角街市熟食中心，這裏有一間「東寶小廚」而聞名。這天沒有打算吃「東寶」，而且他們在午間也沒有營業，和太座隨便選一間便算，見「泉記」有點心有小炒，也試試吧！街市地方不太理想是意料中事，但不乏捧場者，大多是單身男退休人仕，用二十多元便可解決一餐，有飯有菜有湯。太座先行到點心蒸爐取些點心，拿了乾蒸燒賣和牛肉燒賣，我則點了碟乾燒伊麵。乾蒸燒賣粉多而實，內裏乾硬，無肉味，牛肉燒賣咬開見粉紅色，但不是不熟，也許是醃製問題，一團粉狀，也無牛肉味，這兩款點心質素比超市買的急凍貨還差。乾燒伊麵的品種不是酒樓常見的一種，較幼身和硬，有些微蠔油茨煮過，加了芽菜和冬菇絲，吃一口，味道尚可，但多吃一口便嚐到苦味，應是來自製麵時的鹼水，而烹調前未能徹底過水去鹼所致。各地區也有街市熟食中心，但當中不乏低廉而有水準的食肆，希望這間只是少數例外而已。

話說平時響北角街邊外賣檔搵食，近日經過北角的街市大廈，有點心思思自問去過上環，炮台山，長沙環，旺角，柴灣的大排檔，印象唔錯，所以想睇下北角的大排檔水平如下我選擇的第一間就是呢間便宜的大排檔，一上去就見到間野係點心檔，而環境同衛生方面是一般大排檔的質素，看了餐牌就決定試下楊州炒飯跟凍華田凍華田好快就來到，可能水太熱，ｄ冰過左一陣就無晒，而且飲上去就好淡．．．．．．而過左一陣就來左個炒飯，看上熱騰騰，心想應該唔太差了但一入口就發現有陣味（係油味），再食多幾口更覺得成個飲太咸，再睇個碟有勁多油．．．結果平時一粒不剩的炒飯，今日餘下三份一評價：炒飯雖然ｏｋ，但調味令人失望，不過，呢到的人情同服務都唔錯，大叔見到我無匙羹，佢就即係去拿一隻過來，而且見到唔少熟客有一二句總體來講，呢次午餐的印象不太好，如有機會再試他們的蒸飯好了．．．