法國小屋

营业中

休息中

我知店都開咗一段時間，但係一直都未去食。今次出街食飯就去試下。店舖入邊唔算大可以擺到六張二人枱，所以如果想你食嘅話就要book枱先啦。菠菜三文魚千層麵 $118呢個係餐廳新出嘅菜式，連餐牌都未上，新鮮滾熱辣，所以一於嗌你試吓。千層面每一層都有足料嘅三文魚、菠菜同埋蕃茄醬汁。上面仲要加咗一層芝士，金黃香脆。呢個配搭好好味。石板街窩夫 $78 係餐牌度見到呢間有好多唔同口味嘅窩夫，好吸引，所以都嗌咗一個嚟試吓。窩夫一上嚟嘅時候擺盤都已經好吸引同埋好香。上面加咗好豐富嘅cream同埋上邊淋咗滿滿嘅朱古力同埋焦糖醬。個窩夫好鬆軟，陳穎仲有一球朱古力雪糕加埋一齊食，真係好滿足。提拉米蘇咖啡基本咖啡裝飾望落去都好吸引，所以嗌咗試吓。咖啡上面淋咗一層厚厚嘅cream cheese，食落有滿滿嘅空氣感，上面仲要有一條手指餅，再撒上一層可可粉，好有層次。

今日去開元朗，做完野搵下有冇咩好野食，買份下午茶返屋企醫醫肚。搵到一間cafe裝修好令，叫法國小屋，裝修主調粉紅色，好似去左旅行咁！👍🏻👍🏻入到去叫左個餐牌推介既意粉 - 明太子蟹肉意粉＄88， 同埋一個小食，千層薯片。等左一陣好快就拎得啦，搭埋車返到屋企都仲熱，非常之好！👍🏻👍🏻明太子蟹肉意粉勁多醬汁，入面仲撈左好多一絲絲既蟹肉，伴埋勁多既明太子食，非常之滿足，意粉煮到唔會太淋，外賣返屋企食都仲好好味！👍🏻😋👍🏻之於個小食千層薯片，其實係用左好多片薯仔整成，薯仔切到一片片薄片，再撈埋好多煙肉同白汁一齊焗，做小食又得，主食仍夠飽！！！新鮮既菜式同煮法！👍🏻👍🏻😋😋

一直都好想嚟啦，因為朋友成日都介紹呢度嘅窩夫好出名，好好食，所以今次午餐一定要你試吓，估唔到真係一間非常完美，超級好食的Cafe，真係值得推介俾朋友，呢度嘅明太子蟹肉意粉真係非常推介，分量十足，睇得出廚師好有心思擺盤，賣相吸引，而且明太子意粉非常tai ah，明太子醬配埋蟹肉，真係好配襯，同埋好飽肚，嚟到呢度一定要試吓佢哋嘅甜品，招牌窩夫配雪糕，唔會好肥膩，而且口感香口，仲有佢哋嘅焦糖棉花糖，真係好好食，外脆外院，賣相一流，睇到個甜品咁豐富，都已經舔舔脷，服務質素好高，員工有笑容有親切感，有賓至如歸的感覺，對於服務業嚟講真係好重要，真係額外加分，而且呢度嘅意粉仲有卡邦尼意粉都係值得推介，佢哋嘅卡邦尼汁配埋意粉，真係好好食，仲有我推介朱古力曲奇味雪糕，真係好好食呀🤤🤤🤤🤤

以前讀書果陣最中意同fd去法國小屋慶祝生日🤣因為覺得有氣氛，都好多年冇去食，今日經過就入去食個lunch,點知個㕑師真係法國人（對上去已經好多年前，冇留意🤣）✨法國鴨腿黃金薯蓉 $128真係由法國廚師誠意製作，見IG介紹話將油封鴨腿拆肉鋪底，然後將南瓜薯仔磨成蓉，面頭加埋啲焗到脆卜卜嘅法國芝士，另外個碟都有包埋啲沙律開胃 😍咁大個女第一次食鴨腿黃金薯蓉，啲南瓜好細滑香甜，一啖食落去又有鴨腿又有南瓜再加埋法國芝士，成個口感好豐富！呢道餸一定會encore ✨荔枝梳打$38📍法國小屋 (元朗)元朗合益路9-15號紀業樓地下I號舖

住係元朗附近既朋友或者都見過喱間餐廳，舖仔細細但成日都爆哂棚~今日想試下但又唔想等，就決定拎返屋企慢慢食。明太子蟹肉意粉即使係外賣打開份量都唔細，明太子醬汁應該係cream底，有少少卡邦尼醬汁既香濃味道，加上明太子，啖啖包裹住意粉，口感超豐富。辣肉腸尖通粉辣肉腸尖通粉都有意外驚喜，辣肉腸的味道有少少辣同帶有獨得香味，平日成日都會食辣肉腸PIZZA，但原來用佢黎煮意粉一樣好夾，意粉係蕃茄味道為主，加入辣肉腸之後有陣陣咸香辣味，好開胃!招牌咸牛酒焦糖窩夫我最鐘意就係喱個窩夫，窩夫烤得乾身脆卜卜，充滿牛油香味~加上焦糖既甜味食落超夾!!勁好食~估唔到外表咁平凡既窩夫可以咁好食~難怪係喱到既招牌XD 唯一不足就係係拎返屋企途中凍左，返屋企要自行氣炸佢先可以品嘗到佢本來既好味道~

法國小屋 舖頭係正元朗的一條橫巷入面 唔介紹唔提你真係唔會行到過去 , 今日我叫左個卡邦尼意粉, 個汁好好味, 唔太漏, 絕對會再encore!另外梗係要叫番呢間店最出名嘅窩夫, 好香好好味, 仲配上焦糖汁同埋雪糕球 好味都要上黎寫番個食評同大家介紹下

法國小屋門面好溫馨，就入去試下。佢係一間位於元朗嘅特色小店，佢主要係一間有晚市甜品店。但唔好睇小佢，佢既西餐非常有水準。不過最令人驚喜既都係佢嘅waffles，今次重加左雪糕，食完個心情靚仔晒。田園沙律🥗🥗沙律新鮮清爽，蔬菜組合得恰到好處🥦🍅秘製醉雞翼🍗🍗醉雞醬汁酒味濃郁🍶🍶冷盤而上，做前菜最適合不過。芝士焗薯片🧀🧀芝士濃郁香濃，薯片焗得岩岩好，食落唔會太膩。牛油蒜蓉蕃茜煙肉🍝🍝牛油蒜蓉蕃茜煙肉絕對一讚的菜式。蕃茜同煙肉炒香🥓🥓，配上牛油蒜蓉的香味，絕對會讓你食指大動。咸牛油焦糖䈑夫🧇🧇咸牛油焦糖䈑夫絕對係主角。䈑夫鬆軟香甜，焦糖唔會死甜，牛油的鹹香味增添了層次感，配埋雪糕一齊食🍨🍨，真係好有驚喜。

🔯法式芝士洋蔥批～賣相貌不驚人，但係真係好好味😋～切落索索聲，入口充滿洋蔥味，唔油膩，芝士下邊全部都係洋蔥絲，味道有層次感，個批底焗得好酥脆。🔯即焗蘋果批（半份）～賣相令人垂涎欲滴～蘋果片好靚咁排列喺批面，厚薄切得適中，咬落有果膠質感，唔會因為切得太薄，而令到口感偏乾～哩款蘋果批內係冇蘋果肉餡，而係多層鬆脆酥皮，焗得好酥脆🔯法國皇帝批～酥皮配杏仁餡～除咗批面有杏仁之外，餡裏面都有一粒粒嘅杏仁碎～食落唔會太甜🔯雪山與白雪～上層係蝶戀花，個紫色真係好靚，下層係鮮奶～唔捨得攪拌去飲，先飲下邊嘅鮮奶，好有牛奶味。而上層係好輕微嘅蝶戀花味。室外有兩 set 枱，可以攜帶寵物。pet friendly

一直聽講呢度嘅窩夫好出名，於是午餐過嚟試吓～🦀 明太子蟹肉意粉 份量好足，意粉彈牙，沾滿香辣嘅明太子醬同啖啖鮮甜嘅蟹肉，就算係比較大食嘅人都會飽肚👍🏻🧇 招牌窩夫半份外脆內軟之餘唔會覺得油膩，口感輕盈，非常香口，加埋焦糖醬好正😋🍰 單層原味巴斯克芝士蛋糕 賣相一流📸 外層係焦糖脆片，配有焦糖醬，蛋糕咬落口感軟綿細滑，味道帶有奶香、蛋香同芝士鹹香🙌🏻 另外仲有士多啤梨🍓、藍莓🫐同埋忌廉。🥤 熱柚子蜜免費嘅跟餐飲品，香甜可以食到柚子皮～呢度嘅甜品真係出色，主食嘅份量又足💯

今次嚟到元朗一直想搵一間法國菜食，上網做吓蒐集，估唔到響元朗搵到一間質素咁高嘅餐廳，一間元朗嘅法國小屋，個名都好吸引我，裏面嘅裝修好簡單，好放鬆，好簡潔舒服，坐低之後睇多個餐單，原來有好多日常西餐意粉類，甜品類嘅食物選擇，呢個感覺實在太好啦，呢度食物賣相好正，睇到個樣都好吸引，食慾返晒嚟，而且我呢度係最推介佢哋嘅甜品類，我朋友食過都推介話超級好食，呢度最出名嘅就係窩夫，好睇得出廚師嘅功力，整到超級好食，賣相吸引，真係好開心，而且佢哋嘅甜品都有好多種類，有牛油味，有石板街窩夫，仲有配搭雪糕，真係一流呀，而且窩夫嘅口感好輕盈，咬落嗰邊皮脆口。內裏鬆軟，仲要配搭鮮奶油，忌廉，果醬，仲要有雪糕朱古力曲奇味，再配搭埋糖霜，仲有藍莓果醬，感覺配搭好清新好豐富，賣相真係好吸引，我估唔到一間元朗人世Cafe，竟然有咁高質素的窩夫甜品，仲可以同朋友分享，真係一流呀，而且佢哋嘅明太子蟹肉意粉都好Creamy，食落去意粉好爽而且份量十足，一定要來呀

今日好開心去咗元朗行街，諗住搵嘢食，兜咗個圈，竟然俾我搵到一間人細美食小店，位置好方便，竟然響元朗西鐵站附近，好容易搵，好啱情侶或者一家大細嚟，呢間小店入到去感覺好溫馨好舒服，仲有獨立廁所，真係好體貼，而且佢哋嘅食物質素非常高，我食咗一次就愛上了，呢度出名係意粉，同埋窩夫，呢度嘅窩夫熱烘烘的，外脆內軟，真係好推介，加埋歌朱古力曲奇味雪糕，真係一流，呢個配合好正，我最推介嘅係佢哋嘅石板街窩夫加曲奇味雪糕，廚師仲係好有心思，配合棉花糖，睇落賣相已經好吸引，❤️❤️出面市區都食唔到咁高質素嘅窩夫，而且呢度嘅意粉類都好出色，我哋叫咗一個卡邦尼意粉，仲有明太子意粉，個蟹肉意粉好入味，牛油味好出，而且份量十足，價錢經濟實惠，而且你嘅服務質素都好高，所以我覺得呢一間係完美的小店

餐廳地方細細，有外面同有入面見天氣涼涼地今日就坐出邊，呢間係一間非常貼地用心嘅小店L8 煙三文魚牛油雜菌意粉$98意粉嘅軟硬度適中，醬汁仲非常Creamy，唔會太鹹又唔會太淡，相當有層次感，而煙三文魚份量非常充足，有三大片，食完仲非常飽肚，配菜仲有一些蘑菇 L13 鰻魚滑蛋窩夫半沙律 $118 鰻魚有半條，具有獨特的口感，柔軟、滑嫩且多汁的，肉質細緻，有一定的彈性，當你咀嚼鰻魚時，你會感受到它的鮮美和豐富的風味，在口腔中散發出一種特殊的香氣，外層呈現金黃色並具有一層脆皮，而內部則保持軟嫩窩夫剛剛做起外脆內軟熱辣辣，連埋炒蛋一齊食，令味道更加出眾咁凍嘅天氣梗係嗌返杯熱柚子蜜，甜甜酸酸夠哂開胃，食得出這間餐廳用心制作，好味會經常來。

行左元朗幾個圈都未諗到食咩, 咁岩比我見到呢間係後行既小店先知原來有好野😆裝修好有小清新既感覺, 成個法國小店咁好舒服, 不過今次我就外賣返屋企慢慢食😄 食西餐點可以唔食焗既野, 我就叫左呢的！1/ 法國芝士洋蔥批 $88 + $40(跟餐)芝士洋蔥批主要以芝士同洋蔥再經烘烤整合而成, 酥脆美味, 啖啖都有香濃嘅芝士味道而又食得出片片洋蔥既口感👍🏾我跟餐on top加$40就有田園沙律加熱柚子蜜抵食！2/ 招牌煙肉千層芝士薯片 $46芝士薯片層層疊疊, 煙肉質感嫩, 好邪惡但非常好食！3/ 法國龍蝦湯 $48湯底濃郁香濃, 每啖飲落超有質感, 龍蝦香氣撲鼻, 推薦！**小店有outdoor, 下次我可以帶埋狗狗黎

法國小屋 元朗合益路9-15號紀業樓地下I號舖元朗合益路一間雖然細細間 但食物質素同環境都唔錯面積唔大 不過比到人一種溫馨感覺明太子蟹肉意粉一層濃郁明太子醬汁 蟹肉被混合在意粉中意粉本身有著彈牙口感 濃郁奶油口感 有一定鹹香表面仲加左好多木魚碎份量好大份 明太子見都落左唔少Nutella窩夫棕色窩夫餅 鬆軟內部和酥脆外殼 濃郁巧克力風味和榛果香氣窩夫餅麥香和輕微的甜味與Nutella巧克力味相互融合配合埋一球（＋$10）曲奇雪糕 熱熱地窩夫同凍冰冰嘅雪糕撈埋一齊食龍蝦湯味道濃郁、鮮美 質地光滑且濃稠

法國小屋係一間西式餐廳，住左呢邊甘耐都無食過，今日先黎食！發現到好物🫶🏻啲野食廚師好比心機整，每樣野食都有該有既味道👍🏻有大廚級水準 雪山與白雲 $32呢杯飲品好特別，係漸變藍白色、望落成座富士山甘，用蝶豆花同牛奶製作而成，味道清甜香濃牛奶味👍🏻👍🏻 外觀精緻，味道好天然、唔會甜。·牛油焦糖窩夫 $50呢個甜品真心正，牛油焦糖糖漿勁香，每一細格入面都有忌廉👍🏻窩夫烤得好酥脆，外脆內軟，食落好有口感，係甜品迷嘅必食之選，呢個價錢食個糖水都要，十分抵食！·西梅汁西班牙豚肉飯 $118呢個飯真係好味呀，佢用西班牙豚肉，有兩大塊！再加埋濃郁嘅西梅汁一齊煮，呢個豚肉鮮嫩多汁，個醬酸酸甜甜好開胃。飯粒煮得剛好，粒粒分明、配菜有雜菌、蕃茄、西蘭花，整體份量比多🤰🏻·餐廳雖然係小店，但食物質素出乎意料地好！而家已經開始佈置聖誕裝飾、裝修亦雅緻，又有多款甜品選擇。如果你鐘意食西餐，呢間又係一個唔錯既西餐選擇。法國小屋 (元朗)📍元朗合益路9-15號紀業樓地下I號舖