法國飯店

营业中

休息中

每位服務員都好好禮貎好體貼，我叫左個套餐再另叫簡左幾款生蠔，侍應都好有心每隻介紹反，送到枱都會建議邊隻食先會比較好，值得推介生蠔好新鮮肥美👍🏻其他食物都唔差

除夕晚只有special menu 然後我地點了rib eye 同無骨豬手麵包，攤凍左，硬硬地是日餐湯係南瓜湯，好香南瓜味，但略嫌唔夠柔滑前菜係帶子磨菇同黑毛豬個磨菇超香，好味而黑毛豬配蜜瓜都係無得輸既配搭而我地再點多3隻生蠔由清甜到濃味都有講下主菜，5成熟既肉眼朳，味道岩岩好，唔需要特別加鹽點吊味。肉質都鬆軟無骨豬手...豬手略嫌太醎，唔太岩口味整體黎講，食物一般，但環境搭夠，算係有情調但原來400幾蚊一個餐唔包甜品，作為女顧客黎講有d失望

記得以前有慶祝活動，都會同老公黎呢度浪漫一下，貪佢有即開生蠔，環境有情調不過後來聽朋友講呢度質素差左好多，已經有一段時間無黎。。。今日同朋友黎開黃金海岸，就去食個lunch我揀左lunch set 三文魚柳餐湯係意大利菜湯。。。味道偏酸左少少唔太合我口味三文魚柳都煎得幾香，魚肉幼嫩仲有點魚油溢出不過個薯蓉就咸左d, 同埋唔夠滑配菜亦油左少少甜品係紅豆糕。。。無咩特別，只有甜味，無咩紅豆味

我們一行4人大約下午3點到達此店。在門外看到還有下午茶餐，所以進去了。當點餐時，一名穿黑色西裝、高瘦、沒有帶眼鏡擬似經理的人説今天沒有下午茶餐。我們再了解，他說沒有做下午茶。我們只好點了午餐。過了10分鐘，另外兩枱人客叫餐，知道他們點了下午茶餐，我們立即問另一個經理，他說今天有下午茶餐！居然前後十分鐘，有兩種不同餐牌，我們向那個不知所謂的經理表示不滿，他沒有理會，也沒想過解釋，只是說現在有了，不過既然你們已點餐，費事同我地講！！我們說可否更換，主菜也未到。那個不知所謂的經理說要我們俾前菜錢才可以換。好離譜！這間餐廳不只溝通混亂，服務人員態度差，做錯野不補救，要水、要餐具也要問，任意轉餐牌。收高級餐廳價錢，俾大牌檔的服務，難怪一上 Openrice 就看到這麼多劣評！

今日係星期六15:00，我地一家4口諗住黎嘆個tea，坐底問侍應有冇tea set，佢話冇，咁好啦，諗住都食左lunch都食唔到太多野，坐底叫2個lunch set ($160 + 10% charge)，落左單10分鐘之後有個中年男侍應 (疑似資深侍應/餐廳經理) 行出黎叫我地我地其餘2位冇叫lunch set既，都要一人order一樣野，我同佢講我地唔肚餓，中年男侍應話：咁你地都要一人ORDER一杯野飲，唔知係我見識少定好少遇到呢種情況？我有種無力感，我覺得好無奈好委屈，我係消費者但我居然冇得SAY NO，我地一家人都覺得有種被人歧視同唔尊重既感覺，後來睇返食評先知原來唔止我一個中左伏。再者，我地ORDER左一個燒春雞，雞冇雞味，有一陣腐爛既肉臭味，同埋d侍應黑口黑面，叫佢地落單都會扮聽唔到，懶懶閒既工作態度。我埋單大概500蚊，食物唔新鮮之餘仲要食到成肚氣，係我咁大個人最不愉快既一次食野經驗。老板既心態係咩我理解唔到，請一班咁好既員工幫公司倒米。

服務員的態度極差. The service is extremely poor. The waitress only serve gweilo. 根本不放本地人在眼內，除了態度差，仲唔認知自己錯，當道歉時又心有不甘，一啲誠意都冇。個經理又冇用，不公。

圖中女侍應態度惡劣，侮罵客人，大聲呼喝客人坐邊，唔俾餐牌，舉手示意叫佢幾分鐘，扮睇唔到，來到後，好無禮話「你同我大聲d，要杯酒有幾巴閉」，歧視本地人，以為人地冇錢，唔識講英文，就睇人唔起，真是無禮又無知，客人叫佢找其他侍應，佢話呢度得佢一個話事，轉用英文同佢講，問佢係咪老闆，佢話唔係，要求見佢上司，佢仲當人白痴話冇經理，全程冇道歉，大聲夾惡，不停侮罵客人，直至用手機拍下，仲話點解，當時身處餐廳外，路邊，那裡是公眾地方，你可以甘侮罵客人，如果覺得自己岩，怕咩人知，鏡頭對著佢，才肯收聲，但一停機，立即返轉頭繼續駡客人，轉全英文同佢講野，繼續拍先肯行開終於找到個經理，態度一樣咁差，不去了解事件，反而仲話可能是客人問題，強烈要求女侍應道歉，佢仲大聲夾惡，"sorry lor得未」，態度差到極點，強烈建議大家不要光顧，否則一樣貼錢買難受，稍後或公開片段，等大家不要中服，其他食店老闆請人時，請小心，否則只會造成損失

去到order, 一個中年帶眼鏡男人似captain嘅人過嚟，我三個人包括一個小朋友，叫咗兩個set, 佢話有 minimum charge, 話要叫多樣嘢，雖然好耐未試過有咁嘅規定，但都算，叫佢留低餐牌再諗點多様嘢，跟住佢話一定要收番所有餐牌，我話要繼續點莱，叫佢留番一個比我望望，佢話唔可以因為餐廳唔夠餐牌 (但當時只有兩枱客），其實咁嘅無謂對答，我已經冇再理佢，繼續睇餐牌，但佢就好似好唔順氣咁，企咗陣先行開，真係唔知咩嘢餐廳嚟，仲有D嘢食好都算幾差下,後嚟睇番食評，先知已經有人中過招，早知唔去。

話說我到呢間餐廳食午餐，可能我著衫比較普通d / 街坊look啦，入到餐廳感覺到d 待應眼神係睇唔起我會食百幾蚊一個餐咁。好啦，點完餐之後都好快有得食，但係食唔到一半既時候，d 待應好似想收起我d野趕我快d走咁。最後我終於都食完啦，都未講埋單個待應已經收晒我d野，仲要倒瀉水係我條褲都當無事急急腳咁走左去。OK，你地當無事既，我都無謂同你地嘈，埋單走人。我未試過食野會有咁差既服務，未試過食野食得咁唔開心，以後絕不會去呢間劣質餐廳食野。

假日入黃金海岸雖然多人但係有市集行下都幾寫意丫😁呢間餐廳食過幾次，質素都幾穩定不過不失咁啦如果天氣唔係咁熱就會選擇坐外面不過今日太熱喇店員帶位都無問我地想坐邊就安排左入面比我lu入到去坐靠窗位置，個位有條邊會吹外面d熱氣入黎。。。要自動移動張枱先好d😂😂😂我地都下午茶時間黎 4點左右有lunch set都幾意外老公因為未食野叫左lunch set我就食tea set☺️叫完野食店員就上左3塊法包不過有d怪。。。點解係3塊？明明2個人不過係加熱左少少。。都幾好食老公嘅lunch set會有埋沙律火腿沙律👍🏻👍🏻👍🏻好味道！又有我地最愛嘅火箭菜😚👏🏻👏🏻👏🏻用料都好新鮮 不錯！我就點左呢個下午茶炸雞脾仔配薯角個雞有d辣 不過炸得剛剛好不過有d似m字頭快餐店嘅。。。。😂😂😂不過價錢貴好多 成80幾個薯角炸得好差，好似未熟咁又唔脆。。。☹️老公個lunch set 仲有個主菜點左個雜菇蕃茄天使麵味道就一般啦熱度就好高喇。。。好熱而且湯比較多同希，如果個汁收乾d會更好餐飲一人包一杯正常貨仔😁

好鍾意食生蠔和hea,所以久不久就來到Le Bristol French restaurant, 餐廰每天都各鮮生蠔供應,除了食物質數,環境也很好，生蠔勁新鮮,由淡味至重海水味,款款不同,最重要非常新鮮,我們由黃昏食到晚上,再吃個煎羊架,味到一流,沒有太多香草,原味有肉汁,再配個鵝肝沙律,再叫一香檳和白酒,很完美的一餐生蠔叫了兩次，fresh~

隔左好多年再嚟黃金海岸，星期日假期打算舒舒服服豪少少飲杯啤酒、食個lunch，點知呢間所謂法國餐廳不論食物質素、服務同員工質素都咁差。我地叫左一個價值hkd$120嘅Lunch set, 包括一個焗田螺 + 一個香草意粉 + 一杯凍檸茶。由叫waitress 落order等左10分鐘都不停叫你等陣，到落完order後等左一個鐘後先逐樣嚟，咁好啦，間餐廳都算係法國餐廳，我地知法國嘢係慢啲，當佢慢工出細貨。點知....啲嘢食竟然質素咁差，個田螺用焗pudding嘅器皿，意粉無味加上唔夠熱，仲要食左5分鐘就想收....之後坐多陣飲埋支啤酒，入面啲員工就走哂出嚟，坐喺我地隔離嘅枱度食煙。Conclusion, 我唔會再幫襯。

香港人生活忙碌 適當時候應該輕鬆一下今晚 又搵到籍口食餐好了😁悠閒地逛完黃金海岸 順道吃個法國大餐先環境係非常舒適又浪漫的 重點唔會太多人叫左二人套餐 頭盤來個海鮮拼盤有生蠔 田螺同大蝦 不過份量偏少蜆肉忌廉湯 味道偏淡 蜆肉三兩隻😅當然少不了配湯嘅餐包啦 法包仔黑毛豬沙律 羅馬菜夠爽甜 配上黑毛豬口感唔錯 😙主菜㨂左黑松露蝦肉意大利飯黑松露嘅香味同忌廉包圍住軟硬度適中嘅意大利飯 口感一流重夾雜住蝦肉 層次感立即豐富左👍🏼重有炭燒肉眼扒 7成熟岩岩好 分量亦不少入口牛味香濃而且好juicy 表示滿意👍🏼很可惜呢個套餐並沒有包括甜品 美中不足不過整晚被浪漫氣氛包圍住 算唔錯😁

sunday afternoon 2h30pm. no need to wait(rainy day). ordered 2 set lunchs and oysters. oyster was very fresh and all alive. quite a lot option. we ordered american and french. one creamy and one mineral. they will give advise to you. Roasted chicken and clam spaghetti.1st dish, mushroom soup was great. good texture of onion and mushroom, very aromatic. main dish. roasted chicken was crispy and not fat. delicious. clam spaghetti was creamy and some muchroom. well balance.bread here was great. fus

我指的安靜係間餐廳無咩客人果種靜，星期五晚上靜到嚇親，同一時間的屯門市中心，任何一間餐廳都排晒隊，我覺得如果有揸車的朋友就好適合，又有免費泊車又唔使等位。 講返正題，這間裝潢好有品味的餐廳，食物質素就唔多配合，價錢唔算貴，我覺得算平，可能因為無咩客人，所以起唔到價啦。講真，如果食物唔掂，咁又點會有客呢? 咁落去唔係辦法喎。 前菜揀左焗田螺，點左兩款主菜，一款美國特級西冷，一款寶雲酥羊架。先講牛，質素算不錯，燒得夠香口，特別係脂肪部份，不過略嫌調味不夠，要自己加鹽先得。再講羊，這個就唔得喇，味道ok, 但肉質太粗糙，好多渣，食到一半唔想食喇。 飲品方面，點左款英國手工啤，出面少有，幾好飲。