波士冰室

营业中

休息中

今早和媽咪路經灣仔的波士冰室，見內裡裝修企理，就順道入去嘆個早餐啦😉 我們叫了早餐E 及F，分別是吉列魚柳，及西冷牛扒，兩個早餐都有拼雞肉腸、火腿奄列、香草蒜蓉多士，及餐飲一杯。另外，媽咪想吃湯通及丹麥多士，我們也加了一個豬扒湯通粉，及加$5 轉做香草蒜蓉丹麥多士。 ～ 吉列魚柳：這個魚柳可說是茶記中的世一，入口熱辣辣之餘，魚肉肉質細嫩，加上外脆內軟，帶來吃早餐的高級享受😎 ～ 西冷牛扒：牛扒大大件，牛味十足，肉質嫩滑，加埋黑椒汁，簡直有据扒feel👍🏻 ～ 雞肉腸：味道不鹹，很有咬口。 ～ 火腿奄列：蛋漿不會煎得太熟，蛋香十足，入口juicy，連埋火腿絲一起吃，美味可口。 ～ 香草蒜蓉丹麥多士：丹麥多士外鬆內軟，味道帶有一點甜，入口有濃烈的蒜香，這個絕對值得加$5 享用。 ～ 豬扒湯通粉：嘩！豬扒有成塊面咁大，煎得很香，厚肉有質感，配通粉吃一流。 ～ 餐飲：我叫了熱檸茶，媽媽加了$5 轉熱鮮奶，健康有益。 整體來說，波士冰室的茶記早晨套餐性價比高，魚柳、香草蒜蓉丹麥多士一試難忘，確是茶記世一，加上招呼親切，下次一定會再來。

放工仍然趕得切下午茶的尾巴，揀左灣仔港鐵站附近的「波士冰室」以懷舊茶餐廳作主題，綠色為主調，面積不大，但下午茶時段人客不多，可以任坐。波士下午茶餐選擇不少，黑椒汁海鮮燴螺絲粉 $50 啱晒有少少餓嘅我，店員送上枱時差啲比佢嚇一跳，份量和午餐有得揮，用上當然是雪藏海鮮，但大廚也出手慷慨，有超多魷魚、蝦仁、蜆肉；並加上三色椒粒，黑椒汁相當惹味，微微地辣，有少少汁，最緊要唔油膩。奶茶紅豆冰$12比例太正吧！紅豆超多不過凍奶茶甜左少少、淡左少少😓

今天週未，約了朋友行一年一度灣仔會展電腦節，選一間近會展位的餐廳，上次去過這間吃，環境不錯，食物價錢便宜有水準，今天再去吃，坐下看了一會餐牌叫了洋蔥豬扒拼火腿飯  豬扒有厚度，肉身好軟霖，一切已切到，濃郁豬扒香味同洋蔥香味，配飯汁好鮮甜，火腿薄薄，滑身，特別香火腿味吉列魚柳旋渦蛋包飯  魚柳炸得金脆，入口特别脆卜卜，好鮮魚香味，少見，旋渦造型蛋舖在飯上，吃一口蛋，蛋身好嫩滑，蛋連同飯一起吃，濃香蛋味同飯香味，有層次口感凍檸檬紅茶  好鮮香檸檬茶味，甜度剛剛好凍檸檬利賓納  少有，見到叫一叫，各有鮮檸檬茶香味同利賓納清香味，味道搭配，適中甜味火腿滑蛋三文治  厚三文治，飽底好軟熟，火腿味好香同滑身，蛋身厚，特别鮮香蛋味，好嫩滑，不同平時口感

今天剛要去港島辦點事，見灣仔電車路這間茶餐廳很多食客，又有卡位，比其他茶餐廳沒有那麼擠迫，使入去試試！裝修也頗特別，有一種懷舊香港的氣息。坐在茶餐廳內看著電車，細味一下香港的味道午市有套餐，見炒牛河賣完有點失望，幸好有豬扒司華力腸飯、吉列魚柳飯、咖喱、常餐等等。我最喜歡吃焗飯，便叫了芝士焗雞扒飯🥰焗雞扒飯賣相中規中矩，真的是熱辣辣，不是將貨就價的午餐。芝士味道濃郁，最欣賞的是那塊雞扒，厚厚的，切開芝士汁滲入了雞扒之中，甚為好味。🎉我雖然平時食很少飯，但那個飯底做得不錯，軟硬適中，雞扒芝士的香味滲在飯中。簡單一道平凡的菜色也做到大餐廳的味道，不錯👍🏻飲品叫了凍檸茶，茶底味濃，夠凍，真消暑。見到有特色多士，下次再試🥰

突然好想食番啲中式家常小菜，見到對面波士餐廳裝修得幾靚，所以就入去試下，坐位都好舒適寬落。我地總供叫左兩個小菜套餐。蒜蓉炒菜心啲油落得多左少少，蒜蓉味唔夠濃，菜心還可以，不過不失。咸蛋蒸肉餅呢款真係經典家常小菜黎，賣相都唔錯，豬肉蒸得剛剛好，吾會好硬，不過咸蛋略為細左少少，如果可以大番啲，咁就更加好味。另外我地跟餐叫左個例湯，例湯用料都算相當豐富，有好多紅蘿蔔及瘦肉。值得一讚係侍應姐姐相當友善，見到佢都忙到踢晒腳，但依然保持住笑容。

食早餐，如果經常選快餐店，就會發現其實沒有太多選擇，整天都是米粉、公仔麵等等。這天趁星期五，下午要外勤工作，所以很早就相約同事，一同到公司附近的「波士冰室」，貪它們有超美味的香草蒜茸多士之餘，最重要是款式多，有唔同搭配，果然是：「多款揀，先至係(波士)老闆！」😋👍🏻由於款式多，我們樣樣都想試，最後決定叫了吉烈魚柳($44)、西冷牛扒($45)兩個餐，打算一人半塊西冷、半塊魚柳。而兩個餐分別都配有雞肉腸、火腿奄列和香草蒜茸多士，超級豐富。而我亦+$4轉了香草蒜蓉丹麥多士，亦+$7點了健康五穀蛋白麥皮兩份分。吉烈魚柳🐠🐠口感緊實、肉質鮮美，烹調時火喉掌控得很好，外皮香脆，內裏依然嫩滑。西冷牛扒🐮🐮煎至外皮焦脆，內部保持鮮嫩多汁，肉質鮮美，調味黑椒汁味道濃郁。至於香草蒜蓉丹麥多士🥪🥪口感鬆軟、外酥內軟，味道香氣四溢。香草和大蒜的組合使得它的風味更加豐富，非常適合搭配咖啡享用。我哋兩個都叫咗葡式咖啡☕️☕️，味道非常濃郁，不會太苦或太甜。它的牛奶部分非常柔軟、順滑，能夠平衡咖啡的濃郁味道，使得整個飲品更加和諧。波士冰室地址：灣仔莊士敦道35-45號利文樓地下A號舖

呢間試過佢地既下午茶，記得除左蒜蓉多士之外，佢地個米粉都令我好深印象🍞所以今日趁住出港島就可以試埋佢地既早餐啦🍳。佢地早餐選擇都有好多，除左有平時茶餐廳食既餐之外，仲有丹麥多士既set🥐如果唔想食咁full食呢啲就岩哂啦👍🏼。🐒鮮雪菜蝦米肉絲超力銀絲米粉💰$38👉🏻 炒滑蛋👉🏻香草蒜茸多士👉🏻葡式咖啡自從上次食完呢個米粉，今日都決定要食🤤因為佢地既米粉除左有口感仲要掛湯💦而且佢地既雪菜係鮮雪菜🥬食落同街外普通食到既唔同。🐒香煎豬扒併雞肉腸💰$42👉🏻火腿奄列👉🏻香草蒜茸多士👉🏻葡式咖啡(凍)+$3另外一款就試左豐富少少既扒餐，普遍既扒餐都係炒蛋，但呢到有奄列食😍真係好surprised，而另外必食既就當然係佢地既香草蒜茸多士🧈佢地既牛油再配埋香草蒜茸真係勁香🥪

食港式茶餐廳最重要是食風味，我很喜愛到這間茶餐廳，覺得它的食物和佈置非常有港式的味道，而且以香港的茶餐廳來說，這間不算擠迫，又有卡位。有時在繁忙一天開始之前來到這裏吃過早餐，也是一件賞心樂事😀這間茶餐廳當然有港式的早餐，例如豬扒、雞扒、腸仔、雪菜肉絲配通粉. 米粉，亦有些比較特別的，例如蕃茄薯仔排骨湯粉做早餐，不過最出名的當然是這間茶餐廳的多士！🥰今天便叫了這裏的名物: 香蒜多士，而且叫了厚多士不愧為姐茶餐廳的招牌。食落非常香脆熱辣辣，而且蒜香非常濃郁。鋪滿蒜蓉的多士一啖一口，簡直食完想再食👍🏻鮑魚火腿通粉也不錯，味道適中。凍檸茶茶味濃，飲完好醒神。食完這個早餐真係覺得义了電😂

早起的鳥兒有蟲吃開工前食返個簡單又豐富早餐之前經過灣仔呢間好多人店內帶點懷舊嘅裝潢．乾淨衛生冰室就最啱．價錢大眾化．又有效率✨招牌沙嗲鮮牛肉 拼 鮮雪菜肉絲 見好多人嚟食沙嗲牛原來仲可以雙拼其他配菜新鮮牛肉口感軟腍雪菜肉絲好惹味兩樣拼埋一齊又夾到喎✨炒滑蛋 圓波波嘅炒蛋口感幼滑，自己成日都炒唔到咁好食✨ 香草蒜蓉多士Menu見到新產品，早餐嘅絕配烘烤過嘅多士暖笠笠好香脆塗上蒜蓉牛油同香草．一定要趁熱食✨招牌奶茶奶茶嘅茶底夠香濃同奶嘅比例恰好．如果熱飲應該更香滑

呢個係常餐B，蛋係完全凍，唔熱，煮定個d😑之後影漏左個豬扒米粉，豬扒超級乾，米粉係完全無味，水煮咁樣，成個餐得個奶油豬係好😑同事食咖哩飯佢話都唔係特別好食，好唔掂

返工開會前當然要餐飽個肚先，今次約同事在公司附近的冰室食早餐😊。時間早上8點半，估不到冰室已經坐滿，好彩剛剛客人離開😆。早餐選擇就好似一般茶餐廳一樣。我地叫了2️⃣個餐再加多1️⃣個沙爹牛麵。仿鮑絲火腿粟米通粉 $37份量正常，要讚個湯底不會過鹹👍，味道適中。跟餐炒滑蛋🥚蛋香味十足，而香草蒜香多士則外脆內軟，蒜味🧄十足。吉列魚柳拼雞肉腸 $44魚柳🐟好長好大塊，炸得香脆，上枱熱辣辣🔥，雞肉腸烤得不錯，我 +$4 跟了香草蒜茸丹麥多士，味道比香草蒜香多士更勝一籌😋，真心要加這4️⃣元，配上火腿奄列一齊食，更加好味😋。招牌沙爹鮮牛肉麵 $36沙爹牛🐂份量不少，全部都軟腍容易咬開，沙爹味道適中，公仔麵煮得剛剛好🥰。總括而言，地點方便，食物質素有水準，早餐又一好去處。

早排過澳門玩兩日，諗住食個早餐先出發。波士冰室位於灣仔莊士敦道。餐廳環境充滿懷舊氣息。早餐款式充滿新意，而且選擇豐富。雙拼公仔麵 拼炒滑蛋、香草蒜蓉多士，分量十足。雪菜肉絲清淡，配上濃味沙嗲牛肉，加入彈牙公仔麵，絕對係經典配搭。炒滑蛋火候控制恰到好處，口感嫩滑。新產品香草蒜蓉多士，香濃牛油配上惹味蒜蓉，帶陣陣香草味，外脆內軟。熱檸水，非常解油膩。西冷牛扒 拼雞肉腸、 太陽蛋、轉香草蒜蓉丹麥多士，太陽蛋香口脆邊包裹流心蛋黃。西冷牛扒肉質細嫩，大大塊非常厚身。香草蒜蓉丹麥多士，比多士多一份香酥感。熱鴛鴦早餐每一杯熱鴛鴦份外醒神。

趁天氣未炎熱，計畫港島南區山行，在灣仔出發，先在「波士冰室」午餐才起程。早點兒入座免排隊！合意午市套餐:吉列蝦胡麻醬撈烏冬拼丹麥多士~胡麻醬撈烏冬香滑兼備，吉列蝦和丹麥多士更添香酥可口。咖哩薯仔粒吉列豬扒飯~吉列豬扒份量大得令我們不禁嘩然起來！目測相信有10吋直徑的碟子都剛好承托，豬扒都很厚身，肉質和味道是滿意，咖哩汁夠香濃，下飯一流！香煎豬扒銀絲米粉炒滑蛋奶油豬仔包~香煎豬扒銀絲湯米粉相對較清淡，很適合我，炒滑蛋奶油豬仔包都是可取之選。餐飲分別是~凍朱古力、凍阿華田、葡式咖啡。我們吸取豐富的蛋白質與碳水化合物，飽飽捧腹離開，開始行山行程！

今朝約左同事去公司附近的波士冰室食個靚早餐。餐廳早餐set選擇都幾多，我地分別叫左兩個餐再加份三文治。雪菜肉絲公仔麵 - 雪菜唔會過咸，公仔麵唔會煮得太淋，口感彈牙。蕃茄薯仔螺絲粉 - 酸酸地夠開胃，味道唔錯。炒滑蛋 - 炒得好滑溜，蛋香十足。香草蒜蓉多士 - 方包夠厚，咬落外脆內軟，陣陣蒜蓉香，酥香惹味。芝士火腿三文治 -軟熟嘅麵包包住厚厚一塊芝士，加上火腿，芝味無限。奶茶 - 口感順滑、濃厚，奶味與茶味平衡，奶香同茶香並重。咖啡 -咖啡香味濃郁，口感豐富。

約左同事返工前叉個電，去左公司附近既波士冰室食早餐。一入冰室門口便是一個懷舊嘅鐵閘裝飾，放眼望去便是一連串的懷舊信箱及菜單。叫咗兩個豐盛早餐，吉列魚柳腸仔奄列配丹麥多士烘底。魚柳炸的香脆，熱辣辣上枱。厚身丹麥多士配奄列一起吃，香脆多士軟熱奄列，好正！同事好胃口叫了西冷牛扒奄列配丹麥多士烘底，也說西冷牛有肉汁很抵食。這個早餐真豐富，食完主角魚柳及牛扒，我們邊飲熱檸賓，邊繼續享受丹麥多士，慢慢享受上班前的寧靜時間再回公司工作🤣