波士頓餐廳

营业中

休息中

今日中午，同同事諗住食好啲，所以行咗去灣仔呢間波士頓餐廳食飯。見到佢有啲lunch set,我揀咗個試餐海鮮忌廉意大利粉同埋忌廉湯。個忌廉湯中規中矩up to standard.等咗冇幾耐，個海鮮意粉就上到嚟，一望到已經覺得好滿足，因為嗌嘅時候冇估到佢真係咁足料，有青口有蝦有蟹柳咁樣，更加估唔到既係佢下低仲隱藏着一塊大大塊嘅龍利柳。佢每一樣食材都好好味，冇令到我同同事失望。唯一美中不足嘅係，佢哋啲座位真係好窄，如果可以再闊落啲就完美。

一間背負鐵板扒類老字號之名既波士頓餐廳，係灣仔屹立多年，前幾年有食過一次，發現已經大不如前，但每日都會有好多人排隊，到底係因為質素改善左定係只係食老字號名氣？所以今日就去試一試，點知失望到極點...首先得兩個lunch set可以揀，黎得當然要試出名鐵板餐，雖然寫左迷你兩字，但雜扒餐第一時間應該點都會諗到豬扒同雞扒，但黎到同想像中好大出入🤯餐包不單止唔熱，連暖都稱唔上，跟室溫而變，如果個日天氣凍，個包應該會再凍一點🥶餐湯正常，應該最簡單就煮到主角迷你鐵板出場！鐵板非常之熱，加上醬汁大量煙霧出，的確仍然做到港式扒房既效果大煙過後，發現大部分配菜都痴哂底，要好用力先可以將佢‘連根拔起’，但一睇黑色既？燶哂既，好似陳年鐵板屎🤮燶味離遠都聞到，即使我唔食燶左既部分，其他食都有燶既味道鐵板餐有豬有雞，但雞並不是雞扒，而係兩隻冇味雞翼，冇煎過冇炸過，調味只係靠鐵板上既醬汁，淡而無味，唯一合格既係雞翼係熟既，冇其他豬扒非常薄，刺身應該比它更厚🧐肉質軟腍，但口感真係欠奉，仲有腸仔、煙肉同豆，每樣都有少少燶，就不多說一間懷舊老字號扒房點解會變到茶餐廳水準都不如，箇中原因我唔去探究，只係知我唔會再去呢間餐

波士頓餐廳係長輩們兒時高級扒房，小妹今晚有幸請到二叔帶我去食懷舊。甫進餐廳上二樓燈光暗黃，長長的走廊旁邊是沙化位全境位，在這裡可以悠閑地邊据扒邊看著忙碌的下班一族。🍴餐湯配餐包餐湯我選擇了羅宋湯，正宗濃郁大蕃茄、薯仔西芹湯料十足，餐包暖暖又軟熟好味！🍴大T骨扒$159面積好大件 T骨扒久沒有食了，味道見人見智，我略嫌鬆肉粉多了，沒有牛味加上薄切欠口感。😅🍴美式雜扒$169唔好意思忘記影相😂喜見兒時据扒樂趣，雜扒有雞扒、牛扒、豬扒、白肉腸同煙肉非常豐盛，雞扒入味可口，豬扒都係入味而且軟嫩，整體來說很不錯抵食。👏👍☕️餐茶檸檬茶，茶底太濃有點澀口。😅論價錢係灣仔區算抵食👍

由細到大都會間唔中去波士頓鋸扒價錢越嚟越貴不過都好食嘅星期六6點半到, 等咗半個鐘有位鐵板西冷扒餐 $179有羅宋湯, 餐包, 意粉/飯, 餐飲鐵板一嚟到 侍應會叫你用紙巾擋住 然後林啲汁上塊扒度. 我揀咗黑椒汁西冷扒都幾好食, 又有薯菜成個餐食完好飽

呢間年資夠長，鐵板出名到一個點....去到唔食鐵板餐，好似對唔住自己咁。so....決定叫一個鐵板試下朘下又幾咁出名，可長存咁耐。個餐包都ok嫁。而家羅宋湯真係好味，夠鮮嘅蔬菜味，同蕃茄味配合得好適中，不過可以加少少咁多辣味，可能更“正”。叫左個雜扒，蒜汁。個扒，有腸仔，豬扒，煙肉同一堆薯條，想問，點解唔比個大D鐵版或分上呢，薯條被蒜汁同其他嘢壓住，已經“林”晒，加左最愛薯條救返少少。個豬扒同煙肉都ok，個煙肉又夠脆口，不錯...但條腸，太咸，真係受不了。個意粉都係林左少少，但都嘅，始終有蒜汁加埋，都可接受。整體味道中規中矩啦，就係食佢嘅出名的名版味道。當然仲叫左個飛碟食，係吞拿魚，好平凡，但都尚算夠脆口嘅。無乜特別，可不提。＄83呢個價扒餐，食佢嘅懷舊味，加名聲，都可以一試。個飛碟忘了幾錢，陪襯黎。

呢個朋友A好耐無見啦！足足10年。慶幸大家都冇咩變😆朋友K 知道佢轉左工，喺附近返，所以一行3人約食lunch先。12點15分上到去唔算多人。1點走時都排左10幾個。朋友A點左咖喱牛腩飯。話一般般，仲有啲un。朋友K點左煙三文魚沙律。擺盆都令既。三文魚🌸都係普通，呢個價錢有更好選擇。我點左雜綿海鮮併盆。係跟餐嘅，有餐湯，包同飲品。但就上得好慢。朋友食曬，我都未上。餐包ok， Q軟熱。湯我覺得麻麻。我飲左2啖。到個鐵板到。塊板勁熱。下面配菜燶曬。即問店員拎隻碟搬屋先。炸魚2塊，但唔脆。好有咬感，人地食開啲魚柳應該係滑，而架好似食緊雞肉甘，有啲鞋。味道唔難食。其他，2隻蝦，4粒帶子，薯菜一般。呢個價錢可以食得好啲。

以前曾經去過一次都覺得似普通嘅餐廳，但今次與同事食午飯，發現餐牌有德國鹹豬手，才知道他的午市餐牌是每天不同的，喜歡吃豬手嘅我一定不會錯過！主食可以選擇飯、意粉或薯菜。最後仲有餐飲茶啡。德國鹹豬手配意粉 就算係準備好嘅午餐餐牌，都等了一陣子才上菜，因為係新鮮煮完即刻拎出嚟，豬手還很熱，表面的豬皮十分脆，炸的時間掌握得挺好，裏面的肉不會乾身，而豬皮與肉中間的脂肪比例剛剛好。我和同事食飯期間發現附近的食客全部都點了豬手，可想言之幾受歡迎，推薦大家一試。

已十年八載沒有去過，前幾天和朋友去懷舊一番， 卻發現一個非常優秀的員工 。去到接近 1 時午飯。地下已經企咗好多等候入座的人客， 心中有打退堂鼓的意思， 但當時的接待員禮貌地說……好快就到，請企入嚟等， 好快會叫到你嘅號碼。 等候期間，我發覺這是一個非常優秀的員工基於:1) 她有禮貌，心平氣和對每個人客2) 久不久又會重覆叫等候的號碼去覆查有多少人已經離開3) 他還記得那一個客人冇量體溫，入座前幫他量返4) 當時她相當忙，還兼顧對每位離開的人客說 多謝。我欣賞他的優秀工作表現食物方面，保持水準，特別是鴨胸沙律，鴨胸非常好食， 我鍾意。

提及到老字號鐵板，依間實至名歸小店味道一直保持水準，開業至今鐵板扒餐質素沒下降服務員態度有禮貌主動幫襯必食火焰牛柳、鐵板鑊仔牛柳🍴兩款落單同板5成熟食物上枱比較各有特色，火焰牛柳較熱辣辣帶汁鐵板鑊仔牛柳食鐵板風味兩者味道各有各好食，如果想食塊扒帶汁，推薦叫火焰牛柳🤤扒餐餐包配羅宋湯連飲品平民價錢，吾算太貴餐廳除扒餐外，另推薦餐牌焗飯、鐵板西冷牛扒或T骨扒，賣相好睇好食堂食用餐環境舒適，吾會坐得太迫

Sizzling sirloin steak with chips and cauliflower. Nice steak taste, decent amount of sauce and chips were crispy and good quality. Presentation was literally lit up with fire. Service was ok but to present as a nicer steak restaurant compared to a chain, would say it is the restaurant's weaker point.

很久沒有去波士頓餐廳，大概已經有五六年多。與其到小店舖再試石燒牛扒，不如到波士頓一趟，起碼坐得較舒服，又有多款扒類選擇及有湯包茶附送。約六點前到，食客不多，有向街景的卡位。牛豬羊雞扒鐵板燒可配不同燒蒜醬汁，叫了西冷牛扒及肉眼扒，附送的羅宋湯很足料，味道很是羅宋湯，不稀不稠糊。鐵板燒的牛塊，灑上醬汁，那濃煙嬝縷向上升，若前枱後枱一併上菜，那煙霧彌漫以為是火燒場。七成熟肉眼扒配上長長尖青豆，薯件及椰菜花，切開牛肉小件，鮮紅粉嫰肉質，很多汁，蘸上燒汁放入口，完全控制了口腔的味蕾，嫩滑滋味。試一口七成西冷牛扒，也很柔軟，不會如乾柴般靭。約一個鐘離開，樓下竟然已經有十多人在排隊，確實是一間老字號。

1 年後重臨波士頓餐廳在1 年前，跟前度男朋友慶祝拍拖100日，慶幸！當時拍拖一個月後，我便開始發現對方有問題，情人節前已分手止蝕離場！事隔1 年後，我跟另一位男士來，他是我的知己好友！在情人節前夕，約我食晚餐！我們走到灣仔盧押道的 <波士頓餐廳>食鐵板餐！ 多謝他請我食飯及陪伴我渡過一個愉快的晚上！豬扒鐵板餐 豬扒肉質軟嫩，沒有加入梳打粉作鬆肉作用！份量充足，醬汁夠惹味！ 薯菜墊底！雞扒鐵板餐 他喜歡食雞卻不好牛肉，所以，他的首選是雞扒配香蒜汁，雞扒有兩塊份量之多，既厚身又算入味！忌廉湯加入蔬菜，纖維豐富！

香港疫情日趨嚴重，各行各業亦面臨结業危機，疫情下所有食肆晚上亦禁止堂食，對飲食業造成重大打擊，因疫情下，人心惶惶，市民相對外出以及用膳亦大大減小，我亦不例外，今天约左朋友到灣仔相聚，剛好經過波士頓餐廳，友人亦未曾光顧此店，我便推介他餐廳不錯，可試試看，對上一次光顧，已有半年多，我亦想藉此機會回味一下昔日堂食的回憶，好好享受，一如概往踏入門口第一步，會有接待員招待客人入座，亦為每位客人測量體温及消毒搓手液供客人消毒雙手，門口亦有消毒地氈，防疫功夫做得非常好，而客人及職員均戴上口罩，令客人相當放心，可能時間尚早不用等位，直接取票入座，上到樓上即時有職員歡迎及招待入座並提供包口罩用的紙巾，相當貼心，現場環境非常流通，人流亦没有以前多，連職員亦相對小，目測只有3人，但服務仍保持水準，待客细心有禮，食物出品又快，食物質素亦保持一貫水準，没有令我失望，朋友亦表示相當不錯，可以下一次再光顧，老字號果然有信心保證，現在推出外賣優惠套餐亦相當吸引，整套餐只需80多元便可食牛柳，西冷等食材，套餐包括餐湯，餐包及餐飲，有機會一定要嘗試，希望疫情盡快完结，香港回復昔日的景象。

今天舊地重遊，中午十二時便坐下來，樓面工作人員比顅客多，約十多人！可怕是沒有一quiet place !因為女侍應高音大聲談話、一高廋男侍應更大聲高談濶論！比草根茶餐廳更嘈吵！恐怖至極！希望該老板正視更督促員工！趕客！

波士頓餐廳 (灣仔) 📍灣仔盧押道3號地下呀媽👩🏽話想去懷緬一下同老豆拍拖時成日黎👩🏽‍🤝‍👨🏼的波士頓餐廳🍴💕得知剛裝修好無幾耐，決定今晚即興食鐵板餐🙂必食特色鐵板套餐：美式什扒（牛排🥩、豬排🥩、雞腿🍗、白肉腸、煙肉），套餐包是日餐湯、餐飲、餐包及意粉🍝/飯），另配上黑椒汁/蒜蓉汁/洋蔥🧅汁/燒汁。餐廳🍴保留指定動作就是店員係你面前倒上漿汁於鐵板上，「炸炸聲」，煙霧離漫，客人用優雅嘅動作敏捷地大開餐巾遮掩。牛排🥩牛味非常濃，好出色，即使係鐵板上餘溫令其加熱，但並沒有過熟現象，鎖緊的肉汁，難忘。雞腿🍗肉質嫩滑，大大啖齒肉，蘸上黑椒汁，濃而不辣。T骨牛扒：韌度超強，肉質雖硬，但更有嚼頭。吃起來帶有少許甜甜的血絲，咀嚼時，能夠體驗鮮美肉汁在口中四溢的美妙。嫩中帶腴、香甜多汁，滿口肉感，非常過癮，豪邁又具個性的風味，帶點牛脂香。總結：波士頓餐廳🍴鐵板餐滿滿老香港味道