波記燒臘粉麵店

营业中

休息中

終於來朝聖屹立西環數十年的波記~ 聽説它的燒鵝脾很不錯！然後初次到訪超可憐的，平日四點多來到甚麼燒鵝鴨脾燒肉都賣光了。第二次就趕在十二點前到達，有燒鵝脾之餘 又剛好不用等位。想品嚐燒鵝的大家 記得早一點到喔~▪️燒鵝全脾瀨 $100初初看到這個價錢 真的有點驚訝，但是米芝蓮推介 一定要嚐一嚐。鵝脾色澤超美！但鵝脾都沾到湯，未能嚐到其外皮香脆的口感。鵝脾皮下的油脂豐盈，油香十足！高湯夠熱，再滲入鵝油挺不錯。鵝肉軟腍，瀨粉爽滑 不會碎濕濕，唯獨索價百元，驚喜沒有想像中大。▪️燒鴨瀨 $37鴨肉油香雖沒鵝脾重，但肉味更濃。不過鴨皮同樣沾到湯，不太香脆。▪️燒肉燒鴨飯 $45▪️叉雞飯 $45燒肉皮脆卜卜，但稍稍偏硬。肉質香嫩有嚼勁，有一層軟腍的肥膏。叉燒偏實，麻麻地。雞肉幾滑幾入味，還不錯。整體而言，兩次吃鴨鵝瀨 都未能嚐到其外皮香脆的口感，但鵝脾油香確實豐盈，驚喜沒有想像中大。若糧尾到訪 應該會一嚐燒鴨全脾瀨 (便宜五十塊喔)。

波記燒臘粉麵店 (西環)🇭🇰薄扶林大學學生飯堂，經常看到同學的社交平台出現波記的蹤影😍每次見到都很誘人！三年前吃過叉燒飯，當時覺得普通🤔三年後終於試到鴨髀和燒肉，開始明白友人對波記的愛慕！！！💓😍😍［叉燒鴨髀瀨粉 $60 🐖 🐥］鴨髀不得了！！😍鴨肉juicy，外皮香脆！！相對之下，叉燒較普通☺️正常發揮瀨粉索滿燒味油份的湯😈超滿足！［燒肉雞飯 $45 🐷 🐓 ］超脆燒肉皮！！！超高質，不會乾😍切雞正常發揮🥰一大堆蔥油😍送飯一流！！回頭率：✅✅✅✅✅（記得預留時間排隊）推介：鴨髀、燒肉！！！📍波記燒臘粉麵店 (西環)西環石塘咀皇后大道西425號P舖地舖

路經西環，所以就買嚟試下之前都聽講話好出名好好彩嗰日買時啱啱出爐我哋冇堂食所以買左上車即刻偷食食落口熱辣辣，肉味濃～好juicy，價錢有少少貴希望下次可以堂食試下

呢間波記係西環都幾出名㗎，傳說佢整既燒鵝脾係好正，所以今日我就同我朋友去朝聖啦～店鋪的確比較細，而且都好有傳統茶餐廳咁油笠笠，凳都係好簡陋嗰d，不過茶餐廳都明既。Lunch Hour師傅不停切燒味，真係好有老香港味道。我地叫左：💟燒鵝飯 $55💟燒肉豉油雞雙拼飯 $45一上黎，我就急不及待食啦。但係一食，冇樣嘢係熱既？雖然皮真係脆，但係啲飯同肉真係凍…冇個種好驚喜既感覺。而且鵝脾都淨係覺得油，內裡冇肉，真係有d失望😞依家加左價，感覺都唔抵了。

—幾次太早經過未開趕及喺午餐放飯時間前去食就直入唔洗等位 場內都係街坊熟客同老闆老闆娘談笑風生 🍗燒鴨全髀瀨($52)嗌完唔洗5分鐘就有得食嘩嘩嘩 全髀佔滿碗面皮薄焦香 鴨肉軟腍且味濃高湯清澈唔油膩 欣賞加入韮黃瀨粉唔會碎濕濕 好易就夾到箸果然係良心小店又有品質保證👍🏻👍🏻下次會試下大家都推介嘅燒鵝 叉燒———————————————————波記燒臘粉麵店 Po Kee西環石塘咀皇后大道西425號P舖地舖

𝙞 𝙩𝙝𝙞𝙣𝙠 𝙤𝙣𝙚 𝙤𝙛 𝙩𝙝𝙚 𝙢𝙪𝙨𝙩 𝙩𝙧𝙮 𝙩𝙧𝙖𝙙𝙞𝙩𝙞𝙤𝙣𝙖𝙡 𝙝𝙤𝙣𝙜 𝙠𝙤𝙣𝙜 𝙛𝙤𝙤𝙙 𝙞𝙨 𝙧𝙤𝙖𝙨𝙩𝙚𝙙 𝙢𝙚𝙖𝙩 𝙖𝙠𝙖 𝙨𝙞𝙪 𝙢𝙚𝙞. 𝙥𝙤 𝙠𝙚𝙚'𝙨 𝙧𝙤𝙖𝙨𝙩𝙚𝙙 𝙜𝙤𝙤𝙨𝙚 𝙞𝙨 𝙧𝙚𝙖𝙡𝙡𝙮 𝙟𝙪𝙞𝙘𝙮 𝙖𝙣𝙙 𝙩𝙚𝙣𝙙𝙚𝙧! 𝙛𝙤𝙤𝙙 𝙖𝙧𝙚 𝙤𝙫𝙚𝙧𝙖𝙡𝙡 𝙘𝙝𝙚𝙖𝙥 𝙖𝙣𝙙 𝙩𝙖𝙨𝙩𝙮 & 𝙞𝙩'𝙨 𝙖𝙡𝙨𝙤 𝙤𝙣 𝙩𝙝𝙚 𝙢𝙞𝙘𝙝𝙚𝙡𝙞𝙣 𝙧𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣 𝙡𝙞𝙨𝙩🔥.終於有機會一試米芝蓮推介燒臘店，一場嚟到叫咗碗燒鵝髀瀨同叉燒油雞瀨諗住咩都試下，燒鵝髀果然名不虛傳，鵝皮燒得酥脆食落卜卜聲，色澤又靚又均勻，部分鵝件中間仲有層厚厚嘅肥膏，咬落去先係濃郁嘅油香再慢慢溶喺口入面，肥美嘅鵝肉切件後鵝油滲入湯底更甘香，雖然一百蚊一碗但絕絕物超所值，未食過一定要嚟試🤤 另外叉燒同油雞都唔錯，肉質嫩滑，配埋爽滑嘅瀨粉一流！食完發現原來酸梅醬要問先有即刻sad咗，不過又多個藉口再去食多次👅

山道天橋附近波記的燒鵝/鴨脾瀬是大學時其中一個美食回憶, 免切脾夠霸氣, 一手拿脾, 一手用筷子夾瀬粉, 來來回回, 滋味無窮. 從山道搬入大街, 店面面積大了, 裝修依然保持簡樸的市井氣息, 不同之處除了是原主理人的逝世改由其親戚接手外, 有自家工房處理其燒味也令品質管理更為統一.不再年輕的我, 鵝脾撈粗麵也不再是免切, 除了方便我使用筷子外, 切開的鵝脾鵝油更能慘入粗麵之中, 除了令粗麵更香, 也能中和其鹼水味. 年紀大了, 吃東西也想保持一點儀態. 女友點了燒鴨瀬, 瀬粉渴底清甜而口感也夠爽. 燒鴨和鵝就算不是直接出爐, 也能保持興趣肉爽, 油香和烤香也不錯, 在沒有旅客的情況下, 人流依然絡繹不絕, 對我而言味道沒有變差, 找回讀書時期的回憶, 已經足夠.

呢間係西營盤既波記燒臘長時間排長龍！無論係weekdays既lunch time，定係weekend全日😲 都會見到店外既人龍。難得見到無咩人就入去問下仲有無燒鵝。 竟 然 仲 有 ❗️❗️❗️我同老公一人一碗燒鵝瀨同埋燒鵝麵。好正啊 😍😍 ！ 鵝皮好脆，鵝肉香，而且夠肥美🤤🤤 。不過我個碗比老公個碗少d鵝肉🥲 。五十幾蚊食到一碗好味既燒鵝粉麵都算抵食，唔怪得日日咁多人排隊啦！性價比高！通常六點已經賣曬收檔，所以要食就要趁早去啦 😉😉！

：「唯一憾事，是已放涼，其餘完勝。」《製》#波記燒臘粉麵店《品》【#燒鵝髀】$87♦️色澤紅潤，外皮通透，油光熠彩，肥腴鮮美；♦️千叮萬囑——莫要斬件，果得肉汁鵝油盡鎖其中！♦️原隻撕咬，入口是脆皮，薄脂，嫩肉，三種味蕾盛宴；♦️滴滴鵝油潤澤喉嚨；雖不喜油脂，但不得不折腰。————————————————————————【#燒鴨髀】～$58（雙拼飯）🔸色澤金黃，油光靚麗，鴨肉嫩滑，肉多骨少！🔸雖油香不及燒鵝，但具鴨羶香，肉味更濃，皮亦微脆。🔸鴨肉比鵝肉更甘口，且肉汁不少，是再訪之選。————————————————————————【#叉燒】▪️本以鴨鵝為目標，順試叉燒，竟是驚喜之作。▪️半肥瘦比例佳，肉質鬆酥乃基本，更有脆口燶邊。▪️蜜汁微甜，友人認為整體滋味更勝「海安」、「再興」。————————————————————————【飯與配料】🔹點多薑蔥，闆娘毫不留手，一大坟極度慷慨。🔹不得不讚，薑蔥極優秀，兩者比例平衡，相輔相成；🔹蔥鹹薑辛，香氣四溢，且不油膩，佐飯一流！————————————————————————🗺️西環石塘咀皇后大道西425號P舖地舖

今日去開呢頭返工，有同事就介紹咗間燒味比我。聽佢哋讚到間鋪上天花板，一向對燒味冇咩興趣嘅我都忍唔住要試下！😆地點係正地鐵站出口附近，非常方便。Lunch時間嚟都有成7至8人喺門口等位。等咗大約15分鐘後，終於輪到我哋了。🚶‍♀️🚶‍♂️🚶我叫咗一碗 燒鵝瀨粉 $55。估唔到師傅竟然比咗隻脾我！😭 啲肉嘅份量比我想像中多好多，佈滿哂成隻碗，而且仲送多咗舊叉燒同燒肉比我哋試下添！💛味道方面只能說很高質。✨ 同出面得排骨嘅唔同，呢個食落去啖啖肉！份量都很足，一個女仔可能會食剩。順帶一提，叉燒都好好味，半肥瘦唔會鞋口。🤤總結嚟講值得推介！

叉燒燒肉飯（緊係要多薑蓉）$40 （學生仲要減$5）💛 /喺附近返學一落堂最鍾意衝去波記食個快嘅～雖然食完真係成身都係嗰陣燒味味但係佢啲叉燒燒肉都非常好食肥瘦適中 夠多汁撈飯平時好似無菜lol唔知點解嗰日會有一條✌︎('ω'✌︎ )anw佢傳說中的燒鵝脾我到今時今日都係未食過嘅大家經過可以碰下運氣kekek

好耐冇食燒味啦，所以今晚決定買d燒味加餸😋今日經過西環，之前睇到呢度有間燒味店出名，一於去買返黎試吓！🐔白切雞👉🏻 d肉好滑，但係又唔會肥，佢又唔會多骨，所以真係啖啖肉，好好味👍🏻🐷👉🏻同白切雞一樣，一樣都唔會肥，肥瘦適中，d肉好淋，一d都唔會乾，d汁又好好味！🥢👉🏻燒鴨瀨粉，見到其他食客食緊燒鴨瀨粉，見到好吸引，跟著叫埋😂，燒鴨既份量好多，d肉一d都唔硬，好淋，配埋個酸梅醬好好味😋(呢個唔記得咗影相😂)

唸起燒鵝瀨粉第一選擇一定係波記不過平時星期日冇開就難啲有機會食今次weekday 黎到西環就當然要試下多年黎都保持水準+服務都好好👍🏻燒鵝切嘅大細岩岩好 而且唔係味精湯食完唔會口乾

細個時互聯網未興起，對燒鵝既認知絕對係深井無誤。大個左基於資訊既發達，搵食既版圖亦隨之而擴大，加上鐵路既魔爪，以前少去既西環、堅尼地城亦開始涉足。55蚊一碗鵝瀨算交足功課（至起碼反映在燒鵝既件數上），皮脆肉嫩基本上係做到既，瀨粉係爽口粗身果種，起碼係本人愛既一種。食既環境都係典型既地區小店，而幫襯既亦以本區街坊為主，令我當下顯得格格不入。不過通常哩類小店都係食完就走，點會仲想坐響度吹水？有時諗，有碗不瀨既鵝瀨食其實都係種小確幸。每個人都會有自己心目中既comfort good, 想當年過花旗國讀書冇耐第一次去滿地可既唐人街就係掃麥精就顯得comfort food 既重要（仲食左個人生中數一數二難食既菠蘿包）。偉論發表完，十件鵝加瀨粉又食完，俾完錢，踏出店外，又食左一餐令自己開心既。快樂，其實可以好簡單。

在西環屹立多年既老字號燒味店，連續多年獲米芝蓮推介，西環街坊絕對對它不陌生，連居於荃灣的友人亦會在週末遠道而來，只為一碗燒味瀨粉，可見其魔力。每次經過都坐滿大學生，老闆娘友善之餘，亦很快手快腳，充滿人情味！燒鴨瀨粉 $35鴨皮鮮艷有光澤，鴨油香撲鼻，即使只Order基本的燒鴨瀨粉而不是燒鴨脾瀨粉，但鴨肉份量也不少，而且嫩滑Juicy，肥瘦適中，大概是因為有自己工場，每日新鮮處理才能有這樣的高質。外賣自取也主動提供酸梅醬，值得一讚。平民價錢，可媲美高檔燒味的質素，CP值很高，怪不得成為西環美食景點！